أَدْري وَالله يَـا حبيبي مِـن وَرى عيـني تخون

[عماد علي]

أَدْري وَالله يَـا حبيبي مِـن وَرى عيـني تخون
لا تِظِـن إنِّك مِكَـذِّبْ .. لا تِصَدِّقهَـا ظِنونك

ومِن يُقول آنا أحِبـك وقلبي عايش لِك يصون
آنـا مثلك يا حَبيبـي مِن وَرى عِينك أَخونك

هَـان قلبـي في عُيونِك و هَم بَعَد قلبِك يُهون
عِشت أيَّامِـك بِدُونِـي و عِشت أيَّامِي بدونك

دامِك تِسَمِّــي الخِيَانَــه في مَلفاتِك جنون
فِينــي لِك مَليُون جِنِّــي كِلّهُم والله يَبونك

لاتِسَوِّي لِـي حِكايَـة نُون ومَـا لا يَعلمون
يَعنِي فاهِم يَعنِي عَارف وإنتَ ضايع وسط كونك


كيف أحبك ؟ ليه أحبك ؟ وإنتَ أصلاً مِن تكون
شخص خايِن والله باين حِط عيـني في عيونك


لا تِمَثِّـل دُور عَاشِـق .. ولا تِقول إنِّك حنون
إنتَ قاسِـي إنتَ ناسِـي إسأل اللِّـي يعرفونك

أو ترى يمكِـن يكـونوا مِثلِك إنتَ يكذبون
يذكرُونِك.. يفقدُونِـك.. بالكِـذِب هُم يعشقونك

لا تِصَدِّقهُم وتَبكِي وفـي غِيابِـك يضحكون
لا تأمِّنهُـم وأحـذَر قبـل لا تبـدي طعونك

والله باكِر ما يفيدِك لا بـدَى وقت الطعون
يطعنُونِك وإنتَ شايف وإنتَ عَـايش يذبحونك

والمصيبه بَعَد مُوتِك بالكِذِب هُـم يحزنون
يدفنُونِـك .. يكرمُونِـك .. و إلاَّ يمكِن يتركونك

هِي حَياتِك وإنت كِيفِك خُون لو وِدِّك تِخون
بَس إفهَم شَي واحِـد .. والله مِن خِنته يخُون
.
.

[دنيا الأحلام]

كلمات في غاية الروعة اخوي عماد
لاعدمنا هذه الخواطر الرائعة
يسلمووووووووووووووو

[نور الولاية]

كم اعجبـــني محــتوى هذا الصفــحات
كم اعــجز عن تعبـــير جمــــــــالهـــــا
ابداعك ماله حدود...
ولك مني التحية الخالصة على الخاطرة الرائعه
سلمت يمناك اخي الفاضل"عماد"

[عماد علي]

دنيا الاحلام

نور الولاية


كل الشكر لكرم التواجد الغالي...

[farooo7a]

قصيدة في غاية الروعة

سلمت الانامل اخوي " عماد "

لك مستقبل باهر

تحياتي لك

فروحه

[عماد علي]

فروحة


كل الشكر لكرم التواجد الغالي...

[خانقة العبرة]

الله ياعماد على كلامك كبيربالمره ابقولك ع شغله في زمنا الحين الي يحب كذاب ماعاد احد يحب مثل قبل ياعماد وانت اكبر من الخيانه من خانك اتركه ومايسوى نص ريال يالغالي
مع تحياتي
خانقه العبرة

[عماد علي]

خانقة العبرة
الله يبعد عنا الخيانة ... وفعلا من خان يخون نفسه بالدرجة الاولى... ولا تعممين خيتو لو خليت لخربت.


كل الشكر لكرم التواجد الغالي...