7 حلقات... " الحلــــــــــــــــــقـــــــــــــة .... 3 "

[Princess]

هلا والله بالمتابعين.. واللي ينتظرو حلقات اميروه..
كيف الحال جميع.. ويش اخباركم ويا النصايح الأولى والثانيه..

ان شالله اوكيه ..
بسم الله

ابتدي معاكم

الحلقــــــة الثــــــالثـة

حوا تنتظر فارس احلامها ادم اللي يحن عليها ويعطف وياخذها بالأحضان قبل لا يطفي حزنها بكلام اللسان..
بس صدمه لما تجي له شاكيه باكيه وتسمع هالرد..
( ويش فيش.. مافي شي يسوى هالقلق وهالدموع.. ترى الموضوع تافه والله )..

عاااد اغلب الأحيان تفتكر هالرد منه هروب من شكواها..
تفتكر هالحركه عدم مبالاه..
واللي ما تعرفه حواء ان ادم يعطيها الحل اللي يتبعه هو ويريحه هو كطبيعته يا جبل ما يهزك ريح..
مفتكر ان هالحل بيريحها هي بعد..
ادم يحتاج من اللي حوله الثقه بقدراته وامكانياته وان مافي مشكله تقدر تكسره وقادر على حل الصعاب .. ما شالله عليه ..

وعند الأوادم.. فنون متبعه وهي..
التطنيش و استصغار المصائب والمصاعب...<< يعني حزة المصيبه يا كافي الشر .. تشوف حوا تولول وتنيح.. وادم صمت سااائد...

فيعتبروا هالفنون هي الحلول المثلى اذا طاحو في اي مشكله .. فمثل هذا الرد في نظرهم رد منطقي بالمره ومطلوب ..

بما معناه: أنت قوي بما فيه الكفاية .. وقادر انك تتجاوز اي محنه بسهوله..
بس المسكينه تسكت ساعتها و تغرق في حزنها وتتهمه باللامبالاة وتحرم انها تشتكي له مره ثانيه ...

نصيحة اميروه..
يا اوادم.. افتحو المجال لشكوى حواء.. وان كان الموضوع بنظركم بسيط وتافه.. لكن لا توسعو المجال ليها.. لا تقلب حياتكم جحيم
ونكد × نكد. .
وكل يوم تطلع بشكوى جديده.. بس اهم شي اسمعوها للأخر مو من تبدي تشكي قلتو .. لااا عااد السالفه ما تسوووى.. .
حوا تحتاج وقت ضعفها لسند وظل ولا بتلاقي اروع من ادم ليحسسها بالأمان. . وان كان حولها شعب كامل من بنات جنسها يسمعها ويشاطرها همومها وحزنها,, ,

عاد هاااا,, يا حوا مو تقولي اميروه قالت للأوادم يسمعونا ..كل يوم والثاني طالعه لش ببلوى ومصيبه ورحتي طوارئ لأدام وصياح ونياح وتعال اسمعني تراني بشكي..
ترى الزايد ناقص فديتش


اتمنى ليكم دوام السعاده.. وابعد الله عنا وعنكم كل مصيبه .. ونساكم معنى الشكوى

دمتم بحفظ الرحمن
....

[دنيا الأحلام]

ههههههههههههه
نصيحة وحلقة حلوة منك اميرة
بصراحة اني احس الرجال مايقدر يسمع المرا تشتكي ابدا"
ياكافي الشر ياالله ويقول ويش دخلني وويش اسوي ليش يعني
ومن هذا الكلام
تسلمي حبوبة حلقة حلوة وننتظر باقي الحلقات
يسلمووووووووووووووووووووووووووو

[ملاك الورد ..~]

معاج حق خيوه
في العادة حواء تهول وتكبر كل شيء
وآدم الكبير يصغره
لكن من واجبه يسمعها
لان حواء محتاجة لآدم يشاطرها أحزانها
واذا آدمها ما شاركها
لمنو تشتكي ؟؟
ولا ننسى ان اكو أوادم من ضعاف النفوس الي يصطادون في الماء العكر
يتقرب لحواء من باب انه يسمعها ويشاركها همومها
بس لنيل مآربه منها
فياريت اوادمنا الآوادم عن جد يقربوا مننا اكثر
ولا يخلون حوائهم صيدة سهلة بس لانها مو لاقية احد يسمعها
مشكورة برنسيس

[أميرة باحساسي]

مشكورة اميرة على الموضوع والنصاائح الحلوة
يعطيج العافية .. وبانتظار القادم

[ملكة سبأ]

هلا والله بالمتابعين.. واللي ينتظرو حلقات اميروه..

ياواثق انته ياعارف غلاتك

ننظرك في حلقاتك القادمة والف تحية

[Princess]

دنيا الأحلام.. الحلى خيتو في تواجدش لا تحرميني اياه منوره حبابه... والله يسلمش.. ومو كل الرجال ما يتحملو يسمعو الشكوى
بس كلهم ما يتحملو الحنه الزايده... يعطيش الف عافيه وياهلا...
======================================

خيتوو نواره...

ولا ننسى ان اكو أوادم من ضعاف النفوس الي يصطادون في الماء العكريتقرب لحواء من باب انه يسمعها ويشاركها همومها بس لنيل مآربه منها

عليش نوور ,,, نور ربي عليش دنيا واخره... واتمنى الأوادم يسمعو كلامش .. ومن حوا لا تكثر الحنه على الفاضي والمليان..

تسلمي من كل شر وياهلا...
===============
اميرة بإحساسي ..
العفو حبابه والله يعافيش .. وياهلا...
=====================

ملووكه...

تسلمي حبابه منوره وياهلا...

دمتم بحفظ الرحمن