كيف الحااال ياالنواصر .. عساكم بخير...
قرقري في حلقة اليوم يختلف عن القرقر السابق شويات..
يمكن الحريمات هالمره بيجهزو النعول بالكعب العالي وبيصفقوني على راسي . . بس لااازم اطرحها.. و العذر والسموحه ان كانت هالحلقه تخرب مصالحكم الشخصيه ...

بتقولو ويش فيها اميروه تلت وتعجن ولا ندري على ويه.. شوي شوي علي .. صبرا صبرا صبــــراا...

الحلقه هالمره .. عن حبيب قلوب اغلب الحريمات وهو الشووبينق
ققق قق ق << احلى يالصدى.. اخاف مخاويه ضفادع << هذي اللي بتتكفخ

قالت شوبينق قالت . . كح احم.. السوق << عدال .. جارش الله ..

الحلــــــــــقـــــــــة الرابـــــــعه


اكثر شي يعصب حوا ويخليها تطلع عن طورها وتمد بوزها شبر ,, والرايح والجاي يتعرقل " يتعثر" به .. اذا راحت السوق واستعجلها ادم هناك..

هي تبغى تنتقي على رواقه ومن محل لمحل .. وحضرته محمق وحده موصل تقولو شارب غرشة صاص قبل لا يبتدي الرحله,, اللي عند مغلب الأزواج مسيرة عذاب .. ويللا عاد.. هو يصير من القهر غااز و حوا تعصب من عصبيته وتولع وبووم انفجار وحريقه وتنتهي الرحله بشبقه في اغلب الأحيان....

حواا باقول لش سر خطير .. المشكله في الرجال مهي التسوق .. ولا المداور ولا المخبى اللي بيفضى يا عيني << رفقا بالمخابي والجيوب والمحافظ وبقلب الرجل يا حوا..

المشكله هي في طبيعة الرجال وهالشي اثبتته الدراسات..
مثل ما ذكرت من قبل انه يميل للتركيز الشديد في تفكيره .. كلماته .. على شان كذا يتعبه التشويش الموجود في السوق .. كثرة البضايع ... والمحلات .. ودوشة البياعين و ملاقتهم على قولة اخواننا الكويتين..
في الوقت اللي حوا وعلى قلبي تستمتع في السوق والمداور


( للمعلومية .. )

حوا تقدر تكلم تلفون وهي حاملة ولدها .. وبنفس الوقت تراقب الطبخه على النار .. بكل بساطه .. في حين ادم يعتبر هذا كله في وقت موحد قمة التعذيب .<< دراسة علميه صحيحه وتطرقت لذكرها مشرفتنا نور الهدى في احد حلقاتي سابقا,,

همســــــة ...

يا ادم حاول قد ما تقدر تكون مرن في السوق ..
ويا حواا حاولي قد ما تقدري ما تهلكي ادم بالمداور من وادي لوادي...

طبعا.. في رجال نادرين وحالات استثنائيه اللي يحبو التسوق على اي وقت وبأي قدر من الوقت..

اتمنى لكم قضاء اجمل وامتع الأوقات .. في السوق..
وكل تفليسه وانتون سالمين

والى الملتقى

دمتم بحفظ الرحمن