هلا والله بالمتابعين.. واللي ينتظرو حلقات اميروه..
كيف الحال جميع.. ويش اخباركم ويا النصايح الأولى والثانيه..

ان شالله اوكيه ..
بسم الله

ابتدي معاكم

الحلقــــــة الثــــــالثـة

حوا تنتظر فارس احلامها ادم اللي يحن عليها ويعطف وياخذها بالأحضان قبل لا يطفي حزنها بكلام اللسان..
بس صدمه لما تجي له شاكيه باكيه وتسمع هالرد..
( ويش فيش.. مافي شي يسوى هالقلق وهالدموع.. ترى الموضوع تافه والله )..

عاااد اغلب الأحيان تفتكر هالرد منه هروب من شكواها..
تفتكر هالحركه عدم مبالاه..
واللي ما تعرفه حواء ان ادم يعطيها الحل اللي يتبعه هو ويريحه هو كطبيعته يا جبل ما يهزك ريح..
مفتكر ان هالحل بيريحها هي بعد..
ادم يحتاج من اللي حوله الثقه بقدراته وامكانياته وان مافي مشكله تقدر تكسره وقادر على حل الصعاب .. ما شالله عليه ..

وعند الأوادم.. فنون متبعه وهي..
التطنيش و استصغار المصائب والمصاعب...<< يعني حزة المصيبه يا كافي الشر .. تشوف حوا تولول وتنيح.. وادم صمت سااائد...

فيعتبروا هالفنون هي الحلول المثلى اذا طاحو في اي مشكله .. فمثل هذا الرد في نظرهم رد منطقي بالمره ومطلوب ..

بما معناه: أنت قوي بما فيه الكفاية .. وقادر انك تتجاوز اي محنه بسهوله..
بس المسكينه تسكت ساعتها و تغرق في حزنها وتتهمه باللامبالاة وتحرم انها تشتكي له مره ثانيه ...

نصيحة اميروه..
يا اوادم.. افتحو المجال لشكوى حواء.. وان كان الموضوع بنظركم بسيط وتافه.. لكن لا توسعو المجال ليها.. لا تقلب حياتكم جحيم
ونكد × نكد. .
وكل يوم تطلع بشكوى جديده.. بس اهم شي اسمعوها للأخر مو من تبدي تشكي قلتو .. لااا عااد السالفه ما تسوووى.. .
حوا تحتاج وقت ضعفها لسند وظل ولا بتلاقي اروع من ادم ليحسسها بالأمان. . وان كان حولها شعب كامل من بنات جنسها يسمعها ويشاطرها همومها وحزنها,, ,

عاد هاااا,, يا حوا مو تقولي اميروه قالت للأوادم يسمعونا ..كل يوم والثاني طالعه لش ببلوى ومصيبه ورحتي طوارئ لأدام وصياح ونياح وتعال اسمعني تراني بشكي..
ترى الزايد ناقص فديتش


اتمنى ليكم دوام السعاده.. وابعد الله عنا وعنكم كل مصيبه .. ونساكم معنى الشكوى

دمتم بحفظ الرحمن
....