يا كيف بنسى ؟

[عماد علي]

يا كيف بنسى ؟


روّحت عنّي يالغضي قصدك انساك..؟!..
...لا لا ورب البيــــــت مـــــاني بناســــــــيك
..
لين الممــــات اوعدك باعيش ذكراك...
...وتـــــروح روحـــي بــــس ما راح طاريك
..
يا كيف بنسى فرحــــــــتي يوم لقياك..
...جيــــــــتك وانا قلـــــــبي بشـــوقه يناديك
..
اتخيل اعـــــيونك وبســـــمة ثناياك...
...وتســــــبقني اشــــــــواقي بلهفه وتاتيك
..
ويا كيف بنــسى ضحكنا والحكي ذاك...
...وازعل عليك اشــــــوي وارجع اراضيك
..
وتزعل علي واقول يا زين وش ياك..
...ثم اعتــــــذر واقول بالــــــــروح بفديك
..
ويا كيف بنــــسى دمعتك يوم فاجاك...
...ذاك الخــــــــبر وانا دمــــــوعي تواسيك
..
وعايشت انا حـــزنك وعايشت بلواك...
...وعين/ن بكت حـــــــزنك وعين/ن تباكيك
..
ويا كيف بنـــــسى يوم حققت منواك...
...وبشــــــــرتني ثم جـــــــــاك قلبي يهنّيك
..
وكتــــــــــــبت لجلك نبض قلبي وهنّاك..
...في فرحــــــــتك لحـــــــــروف كنها تغنّيك
..
ويا كيف بنــــسى وقفتك جنب مضناك..
...في ضيــــــــق دنيايه بجـــــــــنبي الاقيك
..
واسمــــــــــع خفوقك كنّه يقول ماباك..
...ماباك تضــــــــــــــعف والعواذل حواليك
..
عهد/ن علي منــساك منساك منساك...
...وتروح روحـــــــــي بس ما راح طاريك

[نور الولاية]

تكتب ونقف حيارى بماذا نرد!!

تبدع وما نملك إلا التصفيق لك

هاأنت رسمة لوحة جديده زينتها بحروفك الذهبيه

وكلماتك الشجيه وأحاسيسك العذبه

لاعدمناك عذباً رائعاً

[farooo7a]

رووووووووووووووووووووووووووووووعه بمعنى الكلمه

سلمت الانامل

تحياااااااااااااااااتي لك

فروووحه

[عماد علي]

نور الولاية

يكفي أنها نالت الاستحسان فهذا أفضل رد

فروحة

الله يسلمك خيتو



كل الشكر لكرم التواجد الغالي...

[سيد الكلام]

جميله تلك الحروف والأجمل نقلها


يعطيك ألف عـ ـافيه

[عماد علي]

سيد الكلام
والاجمل من هذا وذاك تواجدك الكريم هنا



كل الشكر لكرم التواجد الغالي...