البنات..والله..مشكلتهم مشكله.سمعوني ويش أقول..,,

[ماهر علي]

[grade="000000 DC143C 000000 FF4500 000000"]أولا هلا ومسهلا بهالطله..,,
تراني متحمس حيل اتكلم..,,
ايه بتكلم عن البنات..,,
اللي ما يلقون اهتمام..,,
وريهم مالها اي اعتبار..,,
والله جد شي يقهر..
الحين البنت عندنا..,,
ونشوفهم بالمدارس ..,,
تلاقونها دايم حزينه..,,
فيها كآبه شوي..,,
تحسونها شايله هموم الدنيا ومافيها..,,
ولما تتحاور معها..,,
اتدور على أي السبب..,,
تلاقيها بتقول كلام مو منطقي..,,
اول شي بتقوله..انا مااحد يحبني..,,
امي وابوي دايم يحسسوني اني مو مهمه..
واخواني كل شوي هواش على اقل كلمه..,,
اقل حركه حتى لو جات عـفويه..,,
يعني البنت عايشه بخنقة..,,
ما تأخذ راحتها ابدا..بينهم..,,
الكل محسسها انها مو شي
وان رايها مو مهم..,,
وحتى لو اخذوا رايها يهمشون فيه..,,
رغم انهم هم السبب الاول والأخير بعدم منطقها..,,
البنت عندنا عالمها كله في بيت أبوها..,,
ما تشوف غير أهلها..,,
لما يجون الاهل مو كويسين..,,
ولا عندهم ذوق في التعامل معها..,,
او منشغلين الاب في عمله ..,,
والام من فلم إلى سوق إلى ..,,
وش تنطرون منها..؟؟
تلومونها لما تنحرف..
او تدور لها على صاحبات وطول وقتها على التلفون..,,
طيب من السبب في كل هالشي..؟
مو انتم يالاهل..؟
مو انت يالاب؟
يالام والاخو..؟؟
مو انتم اللي ما اعطيتوها الحنان..,,
وحرمتوها الحب اللي هي تبيه..,,
لا تقولون لي مافيه احد مايحب اولاده..,,
عارف انا هالشي وهم بعد عارفين...,
بس المشكلة هالحب ما ترجموه بأرض الواقع..,,
هالحب صار مخفي ندور عليه ومانلقاه..,,
تجيكم الحين البنت وهي صغيره بعمر الورد..,,
تشوف هالافلام والاغاني..,,
وناس ماتتكلم الا كلام حلو..,,
وبالمجلات والنيوز ما تقرا الا القصيد..,,
وبالمدارس ما تسمع إلا سوالف البنات المراهقات ..,,
وكل سوالفهم عن الحب..,,
العلاقات..,,
طبعا للاسف اللي تطغى على مجتمعنا..,,
العلاقات الغير مباحه..,,
علاقات التلفون والنت وغيره..,,
وتلاقي نفسها بينهم وحيده..,,
والاهل مشغولين وماهمهم غير الصراخ والأوامر..,,
وكل شي حولها متوفر..,,
والاسواق مليانه شباب..,,
وعلى قفى من يشيل اللي يرقمون..,,
يجيها يوم الرقم الين عندها..,,
بتاخذه..,,
>>على بالها بتجرب الحب اللي يقولون عليه..,,
يجيك الولد يحسسها انها هي الأهم..,,
ويضحك عليها بكلمتين...

ايه يحسسها أنها هي المهمة..,,
هي الحب كله..,,
الكون كله..,,
ما عمره حب قبلها..,,
البنت مسكينة..,,
ما صدقة تسمع كم كلمه حلوه..,,
تتجاوب معه..,
طبعا البنت بكل برائتها..,,
وعفويتها..,,
ومراهقتها...
وماحد جنبها يرشدها..,,
ولاهي متربيه على انها تستخدم منطقها واجد..,,
>>>فقط تسمع وتنفذ
اكيد بتصدقه..,,
وبتحسسه انه اهو الكل بالكل..,,
لاتستغربون ترى اتكلم بكل صراحه..,,
هذا واقعنا اللي ننكره
المهم..,,
انحرفت البنت..,,
لقتلها القلب اللي تشكيله..,,
يسمعها ..,,
ويعطيها اللي تبيه..,,
كلام غزل ولا عنتره بن شداد..
وبعد كمن شهر..,,
تقابله..,,
تتواعد معه..,,
بس بعضهم من الخجل ما تطلع معه..,,
تتوقف على مسألة انها يشوفها وبس..,,
هذي المحترمه فيهم طبعا
اللي مو قادره تغلط غلطه عوده..,,
خايفه من اهلها والشرف..
>>>طبعا بس خايفه مااستخدمت برضه المنطق
وبعدها بمده بتجيها الصدمه..,,
راح تكتشف انها مو هي الوحيده..,,
بيروح حلمها سراب
وحبها برضه كدب*كذب
يعني بتعيش ازمه جديده..,,
برايكم ياجماعه الخير..,,
وش هو الحل..؟؟
ترى اشكيكم واشتكيلكم من مجتمعنا اللي هذا حاله..,,
ولا ابي اكذب وازين شكلنا قدامكم..,,
لانه هذا الواقع المر اللي نعيشه بكل مكان..,,
اقلها بالمدارس اشوفهمه هالنوعيه..,,
و السواق مو بس سوق الأحد حتى سوق..,,
الحل لو تكرمتم..؟؟[/grade]