فكرة حلوة وراح اشارك بالموضوع واتمنى تفهموا على شرحي
والي ما يفهم يرفع اصبعه وراح اطرده من الفصل
لا تقولون اعيد الشرح
مافيه

اليوم بشرح لكم طريقة عمل الشاشات العادية مثل شاشة الكمبيوتر والتلفزيون

في الاول لازم نعرف شنو يعني البيكسل
البيكسل : هو اصغر وحدة في الصورة وكلما زاد عدد البيكسلات زاد وضوح الصورة

ها فهمتوا
يعني أكمل
اوك يالله نكمل
في البداية يقومون ويقسمون الشاشة الى بيكسلات وكل بيكسل ب3 ألوان رئيسية
احد يعرفها والا أقولها لكم
طيب راح اقولها
ادري مو نايمين البارح والنوم نزل عليكم الحين
الألوان الرئيسية هي :( الاصفر ، الأزرق ، الأحمر )

في كل شاشة يوجد مدفع <<<<اي مدفع لا تتخرعون
بس هذا مدفع الكترونات
يعني مو قنابل وقذائف
لا هذا مدفع الكتروني
وصلت المعلومة
اوك نكمل

هذا المدفع الالكتروني محفوظ داخل انبوبة مفرغة ولما تنطلق الالكترونات من المدافع راح تواجه مجالين كهربيين متعامدين
طيب الحين انطلقت الالكترونات
نسأل روحنا وين تروح؟؟؟؟
طبعا الالكترونات رايحة باتجاه شاشة فسفورية
وباستخدام المجالين الكهربيين المتعامدين راح نقدر نمسح الشاشة الفسفورية بالالكترونات 25 مرة في الثانية الواحدة

طبعا الالكترونات لما تنزل على ذرات الفسفور شتسوي ؟؟؟
تعمل على اثارتها وتحريكها
هذي الفسفورات تقوم تعطي ضوء عشان تتخلص من هذي الاثارة الي سوتها لها الالكترونات
هذا الضور المنبعث من ذرات الفسفور ينعكس على البيكسلات
وبالتالي
تطلع لنا الصورة الملونة

ها فهمتوا والا لسه
اوف تعبت
نكمل شرح شاشات البلازما في الحصة الجاية