يعطيش العافيه خيتي عفاف الهدى
على هذا الموضوع .....الحساس

بالنسبة لهذا الوضع هو يسمى بوضع العقل الغائب
أو في اللاوعي

بصراحه أنا حصلت لي قصة غريبة عجيبه
لكن نهايتها زينه والحمد لله
واحد من هالمراهقين راح ويانا زياره المدينة المنوره وبعدين في العمره وصار على طول في الحمله اللي نشتغل فيها وأنا بطبعي وحكم شغلي في الحمله أكون أكثر الأوقات خارج السكن بس للأكل والنوم أكون متواجد وتكون عندي مفاتيح الإداره لأني أنام في النهار وفي الليل أخلص المقاضي ومره في الحج وبعد صلاة الفجر وجاي السكن هلكان وكنت اتمشى شوي شوي حتى لا أزعج الحجاج وجيت جنب باب الإداره وفتحت الباب بشويش
الا وأشوف ذاك المنظر المقزز جداً جداً وهذا الشخص ربي كما خلقتني وفيه واحد يفعل فيه ومن شافوني وقفوا عن كل شي
وأنا بردة الفعل طلعت من الإدارة ونمت ويا الطباخين والصبح كل ما شافني هذا الشخص ينزل راسه وقام ما يروح الحرم نهائياً
ويوم والحجاج بعد ما طلعوا في عرفات مسكته وطلبته الى الإداره وما كان أحد موجود في السكن ومن سوء تفكيره قعد يقول لي اذا تبغى انت بعد بس لا تقول لأحد ، وجلست ساكت قدامه
وبعد فتره كلمته ونصحته بأنه في أشرف البقاع وانه في مهبط الوحي وهذا الكلام وانه اذا إحتاج مساعدة في أي شي أنا ما با أقصر وياه
والحمد لله الحين صار رجال ويعتمد عليه عند أهله

وتبين لاحقاً انه يتيم وما عنده من يدافع عنه وان اللي مسوي فيه هالشي هو ضعفه
بس الحمد لله فتخيلوا لو أن مثل هالإنسان طاح بأيد واحد من هالذياب البشريه وخلاه يسوي اللي ما يستوي
بيصير مصيره ومصير عائلته ويش ؟؟؟

أكيد وميه الميه مخدرات -جنس- وغير هذا الكثير .

تقبلوا خالص التحيات