مجبور احبك موت

[امير الضلام]

مجبور أحبك موت

كل كلمه تسولف عنك وعني
وكل همسه التصل منك تذوبني
يبستان الورد ومحمر الخدين
على بابك غصب رجليه جابني
أكتبلك قوافي وأجمل الأوزان
أصحه وألگه شعري بيك يكتبني
نثر ليلي نجومه بدربك متناني
يهل حسنك بدر يجمعها ويغني
يغار الفجر منك من ضوه خدودك
حتى ألجوري عنك دوم يسألني
أخاف تروح عني ويبقه عمري عليك
بس أسنين تغفه بحســـــــــــرتي أوني
وأخاف تروح عني وگلبي طگ بركان
يذوبني ودمعــــــــــــــــي ينگلب حني
رهني حسنك ومجبور احبك موت
ومدري ليش حسنك دوم يجبرني ؟؟؟
ما مليت حبك حتى بأصعب حال
وأخاف تدور بيه الدنيا وتملني
يلي بعيد عني وبس صدى صوتك
على جنح الهوى مرات يوصلني
انه المكسور خاطر ما تحن يفلان
يا هلبت حنانك مـــــــره جَبرني
أنه المحروگ گلبي وأحسب الساعات
ولهيبك ماطفه لســــــــــــاع حارگني
بعد شط العرب ما غادر جروفه
وبعدهي الذكرى يمه بيك تجمعني
تســـــــــايلني أحبك ليش يا عمري
إذا تعرف جوابه ليش تســــــــألني
أنت النفس بالريه ونبض شريان
وحبيبي وخاطري وأحساسي وظني
يا أجمل قصيده عيونك الحلوات
وشفافك الميمر بالوفه تغني
يظل طول العمر رمضان صايم بيه
چايمته تهل يوم وتفطـــــــــــــرني
وفاي وياك شط وحاضن الجرفين
وحبك طيف ما ليله يفارگني
أباريلك وأخاف عليك من روحي
يطگ بيها الصبر والغيره تاخذني
وتدري من الهوى يا روحي أغار عليك
لو لاعب گـــذلتك أنگلب جـــــني
الگاك بوريدي لو ادورك يوم
وبدرب الصبر والحيره شاتلني
تعبت هواي يالمزيون ما ترحم
چا يوم ألقيامه هواك يرحمني

[ساريه]

يسلمو اخي امير على الكلمات الرائعه والمشاعر الصادقه

تقبلو تحياتي

[اريام الدلوعة]

مشكور على الكلام الصادق من قلب حنون
ومحب رمنسيه
انشاء الله دائما في تقدم

[دنيا الأحلام]

كلام روعة
امير الظلام يعطيك الف عافية خيو
يسلمووووووووووووووووووو

[رونق الزهر]

اسلوب انيق وكلام بارع واحساس عبق
اتمنى ان ارى جديدك دوما
تحياتي رونق الزهر

[خانقة العبرة]

يوقلون الحب قطع قلوب البعارين
ويوقلون ومن الحب ماقتل
مع تحياتي
خانقه العبرة