السلام عليكم ورحمة الله وبركاته





المقادير
ربيان
بصل
طماطم
فلفل اخضر بارد
رز
قليل زيت و قليل زبدة
بهارات و ملح


الطريقة
ينظف الربيان و يوضع في قليل ماء مغلي مع قليل كركم و بهار اذا خذ اللون ارفعيه من النار و تخلصي من الماي
فرمي البصل ( بالنسبة لي اطبخ كمية صغيرة احتجت بصل وحدة )
ابشري الطماطم (وحدة صغيرة )
قطعي الفلفل
قلي البصل لين يصير بني و ضيفي له الفلفل اذا حبيتي ثوم حسب رغبتش و حطي الربيان عليه و كل البهارات الي تحبيها ( انا حطيت قليل هيل و فلفل اسود وابيض و شوي قرفة و شوي كمون و بهار مشكل نوعين و كاري و لومي عمان مطحون ماكان عندي صحيح استدلته بالناعم )و خليه على نار هادية عشر دقيق او اقل شوي و ضيفي بعدين الطماطم اخر شي و خليه شوي على النار
الرز تكونين ناقعتنه على الاقل ربع ساعة و تنشفيه من الماي و تضيفيه مع الملح المناسب
و كمية الماي لكل كوب رز كوبين ماي و اذا عندش فلفل دراز حار حطي واحد صغير للنكهة على نار عالية و غطيه لما يغلي تخفضين النار عليه و اذا قرب يستوي تنقليه الى اصغر راس على الفرن و النار اقل شي هادية وايد و تخليه يتنشف



و ان شاء الله تجربوه و يعجبكم
منقوول..