قصيدة بنت يوم زواج حبيبها

[@همس المشاعر@]

بـــســــم الله الــرحـــمـــن الــرحـــيـــم
طبعا هذي قصيدة لوحدة الظاهر اسمها منيرة بعد ماتزوج عليها حبيبها
لـكـن القصـيـدة حـلـوة وعجبتـنـي وحبـيـت تقـرونـهـا
بــتـــركـــم مـــــــــع الــقــصــيـــدة

جاني الخبر يا صاحبي وأظلم الكون = قدام عـيني ثم نطقت الشهاده

عـلى العـموم أقولها ألفين مليون = مبروك من قلب شكالك ابعـاده

مبروك ولا يهمك سواليف وظنون = من عـاشق يهديك فرحة فؤاده

سو الفرح اليوم واٍبليس ملعـون = واٍللي يشب النار يجني رماده

أنا أول العـالم عـلى الصاله يلفون = وأول معـازيم الفرح والحداده

أبشر أبرقص عـلى العـرس بالهون = وكلن يعـبر فرحته بجتهاده

لو البلا برقصي يقولون مزيون = المشكله بلقبن راح يفضح وداده

يوم العـذارى في دخولك يغـنون = وعـروستك بأحلى ثواني السعـاده

كنت أتمنى بدالها والله أكون = وأحط أنا كفي تحت راسك وساده

وشلون أبكتم صرختي يوم تمشون = تكفى خذني للعـروسه قلاده

حتى معـازيم الفرح قاموا يمشون = وأصبحت أنا وحدي بدون استفاده

وطفوا علي النور من غـير يدرون = قصر الفرح يا قبر ( منيره ) ومهاده

وصيتي لو جاك بنت وأنا عـليك أمون = تكفي سمها ( منيره ) قبل الولاده

__________________
لا ضـــاق صـــدري مــن أجيــله ؛
لا صـــرت تعبان
وبحيرتي غرقان ؛

[نور الولاية]

ما اجمل هذا البوح الرائع

كعادتك تريم لنا أجمل اللوحات

فمرحبا بليالي العشق

و لك باقه من أجمل الزهور

[farooo7a]

ياربي كسرت خااااااااااااااااطري

ماني قادره شوي وابكي

الله يعينها ويعين كل عاشق مفارق احبابه

تحياتي لك

.:.:"فروحه":.:.

[أسرار الليل]

آآآآآآه
ما ادري وش تغبي لي الأيام ...
بس الله يعينهااا
يسلمووو ع القصيده المؤلمة والحزينه

[جوري20]

باين على القصيدة مولعة نار وشابه ضو الله يعين قلبها المجروح والمكسور والله يصبرها على البلاء

نعم بلاء يمكن يكون الحب أحيانا بلاء أو مشكلة لا أدري ان كان الشخص يستحق منها أن تبكي وتحرق قلبها عليه

لا أدري ان كان خانها أم لا ؟؟ ويتزوج من غيرها ... لأني لا أعرف مدى ظروف هذا الزواج حتى أحكم علية الآن ؟؟!!


شكرا ً لك

[اوشين]

يعنى الله يكون فى عونها

[@همس المشاعر@]

اشكر مروركم الكريم واشكرك اختي نور
على باقه الورد العطره من نسيم الصباح البارد

وتقبلو تحياتي

[غصن الوفا]

يسلمووووووووو






يارب ساعدني على حرقه الضيم
يارب واحلل عقده من لساني
في الصدر ضيقه والسما كلها غيم
هم حداني واشهد انه حداني


**********************والأيام كفيله تنسيها*******************