امممممم



احلامي صراحة وايد

مرة اذكر وهاذي ما انساها اني حلمت اني في المدينة المنورة ودخلت الفندق اول ما وصلنا ركبت المصعد وكنت مع الي معاي

المهم المصعد ضغطت على الطابق الي المفروض اكون فيه
بس ظل المصعد يصعد ويصعد ويصعد وما رضى يوقف


واخر شي وصل الى الطابق الاخير وفتح

والي معاي اختفو شلون ما ادري

ورجعت ضغطت على الطابق الارضي عشان ارجع للبقيه في الحمله

وكنت خايفة مكان ظلام وبروحي في المصعد

وظل ينزل وينزل وينزل


وبعدها فتح الا اشوف نفسي وسط صحراء ويش صاير وشلون جذيه الحين انا في مصعد وفندق وفتح الا في صحراء

طلعت وقمت امشي وامشي ليما وصلت الى منطقة سكنية وصرت اسأل عن الفندق بس ما في فايدة لاني ما اعرف اسم الفندق اساسا والكل يطالعني

وانا في الحلمة واردد واقول ويش هالحاله وينهم

واشوف بنات واروح اسألهم لاني خفت اوقف رجال واسأله لاني كنت بروحي حتى في الحلمه جبانه

المهم البنات اخذوني وودوني الى مدرسة فيها شيوخ وقالو لي شوفي اهلش معاهم ودخلت ما شفت احد منهم اعرفه

وبعدها قلت بعتمد على روحي وعلى الاقل اذا بضيع خل اروح اول ازور النبي عليه وعلى اهل بيته افضل الصلاة واتم التسليم

وظليت اطالع في المنارتين للمسجد النبوي وانا امشي ومتجه صوبه

كل هذا وتقول الي 6 ثواني بس الحلمة

وظليت امشي واطالع في المنارتين ليما وصلت

وبعدها شفت الفندق الي كنت فيه


يصلح حلقة في مسلسل طاش ما طاش هالحلمة