حبيبي lovelorn شكرا جزيلا...

قصيدة جمعت في طياتها قوة العبارات وجمال الكلمات...


بينما كنت أتصفح بعض المنتديات رأيت هذه الابيات فأحببت أن أنقلها للاخوة والاخوات:

شــاأاافــت الدبـــلة فــيـدي وزعــلت !!



شافـت الدبلـه فيـدّي وازعلـت
والملامح فـي محيّاهـا غضوبـه

وسكتت لحظه.. وجتنـي وسألـت
يا غلا..ليكون ملكـه..او خطوبـه

ما قدرت اتكلـم وعينـي اخجلـت
قمت اطالع خاتمي..وانظاري صوبه

حلّفتنـي حيـل.. حيـل اتوسلّـت
قلت آسف..وادري ما همّتها توبـه

قلت كلمه..الدنيا فيهـا اتزلزلـت
قلت روحي ابروح غيرك امغصوبه

شفت دمعه اتحجرت ..بس انزلـت
من عيونٍ ناعسـه كلهـا عذوبـه

طالعتنـي وطالـعـت واتأمـلـت
كنّها تلعن زمانـي وكـل عيوبـه

وابصعوبه حروف من فاها اوصلت
والسكون اصبح كما الريح وهبوبه

اكرهك قالتهـا ..بـس مااتحملـت
والله مسكينه من قليبـي وذنوبـه

قالت الدنيـا مـن افراحـي خلـت
انحكم ابكي من ظـروف امكتوبـه

قمت انا اتبسم وضحكاتـي علـت
وقلت اسف قصتي كلهـا اكذوبـه

كنت اجرب دبله ..يدي ابها ابتلـت
واعلقت ما تطلع الا بكلْ صعوبـه



تحياتي:

علي البحراني