بسم الله الرحمن الرحيم
اللهم صل على محمد وآل محمد الطيبين الطاهرين

بنبتدي من يوم وقفنا آخر مرّه مع فك التشفير

v

أنا:- أيه أماه ، اليوم با أروح سوق الخميس تمبي شي من هناك
يدتي:- أمبى من عندك اذا ما عليك كلافه ، قلادة ريحان
أنا:- غاليه والطلب رخيص ، ما طلبتي شي أماه
يدتي:- الله يسلمك ويعافيك
.....وطلعت رحت سوق الخميس وقعدت أفتر .....أفترّ
وبعدين أخذت قلادتين ريحان مشكوكين بالرازقي وأنا راجع مريت على سوق اللحم واشتريت لحم و.........
ورجعت البيت
أنا:- السلام عليكم
يدتي:- عليكم السلام والرحمه
أنا:- هاش أماه ، هذي قلادة ريحان تفضلي
يدتي:- الله ، محلى ريحتها ويا الرازقي اللي مشكوك فيها
أنا :- دقيقه أماه باروح لأمي أعطيها قلادتها بعد
ورحت الى حلوة اللبن وعلى طول حطيت لقلاده عليها
وعطينها اللي اشتريته (.........) ووصيتها تسويه الينا في المغرب ومن شمت قلادة الريحان
حلوة اللبن :- الله محلا ريحتها وياها الرازقي
وجاء صوت يدتي :- بت........ ويش رايش حليوه له
حلوة اللبن:- أيه الله يرحم ذاك الزمان
أنا:- ويش عودنا ذاكرتكم شويه ورى ، يالله تعالوا
با أسئلكم شوي
حلوة اللبن :- خلاص با أحط اللي يبته على القز وبا أيي
أنا:- يالله
يدتي:- شا ويش عنكم مغبيينه عني
أنا:- ما فيه شي أماه بس هيه تقول بتحط الغداء على القز
يدتي:- زين زين ويش تبغى تسأل عنّه
أنا:- كيفه تسووا القلايد حق الريحان والرازقي
يدتي:- هذا يا ......يا ولد....... نيمع ورق الريحان في حضوننا وناس تيمع الرازقي ونقعد تحت ذاك العريش وناس تصف الورق وناس بأبرها وهيه قاعده تشك في الورق وبين كل شوي وشوي يحطوا رازقي في القلاده وتالي يقايسوها على صدورهم ويشوفوا طول لقلاده ومن قلاده لقلاده لامن يخلصوا من الورق اللي عندهم كله
حلوة اللبن :- أماه ونسيتي قلايد الورد المحمدي
أنا:- الورد المحمدي بعد يسووا له قلايد
حلوة اللبن :- أيه يووا ليهم قلايد من الورد المحمدي ويحطوا فيه رازقي بس عاد الورد المحمدي لازم يسووه من الغبشة
يعني يروحوا النخيل من الفير وايمعوا الورد ويبتدوا يشكوا الورد ومن تطلع الشمس يودوه السوق وتعال شوف الناس
بالحجز وخاصةً اللي عندهم عرس ولا اللي يايبين ليهم ولد
ويسووا بعد طوق عشان البنات يحطوهم فوق راسهم وفي أياديهم
يدتي:- ونسيتي اللي يسووا خرز حق لولاد عشان لا يحسدوهم
حلوة اللبن :- الحين ما أحد يسوي حق اليهال
أنا:- لا الحين اييبوهم من سوريا ، واحد من الشباب اييبهم
يدتي:- ايه راحت ذيك الأيام
حلوة اللبن :- قوم شوف المطبخ وحط شوية ماي في الصفريه لا يحترق
وقمت وطليت على اللي في المطبخ وحطيت ماي زياده
وطلعت الريحه الحلوة حق #$%^&*)*&^%
وقلت للوالده :- أماه با أحط بهارات زياده
حلوة اللبن :- خله الحين بعدين أعدل بهاراته

وعندها دخل أخويي بالخبز العربي
وكملت الأكله

وسكتنا عن الكلام المباح
علشان نكمل أكلنا

سلام