سوالف يدتي الله يرحمها......

[واحد فاضي]

حياش الله خيتي الأمل البعيد
وااااااااو عدل وربي ماني ماني ابي انام في حضن جدتي

مشتاقه ليها
الله يسلمها اليكم وتنيم ولادكم في حضنها ان شاء الله
والأناشيد الحلوة مرة
صباحك صباحي
بالورد واللقاحي
صباحك صباحين
صباح الكحل في العين
صباح يطرد الفقر
صباح يوفي الدين
صباح قال يا يمه
قريت اليوم جزئين
هالأنشودة اقولها لأخوي حمود يستانس عليها ههههه
خلاص بعد شوي با أحط بعد بعض الاناشيد غيرها وهي حلوه بعد ويستااااهل حموووودي
مرة حلوة السوالف عجبتني
يسلمووو ابو زين
الله لايحرمنا من جديدك
والله يرحم جدتك ويسكنها فسيح جناته
تحياتي
الله يسلمش خيتي ويرحم والديش خيتي
تقبلي خالص التحيات

[سيناريو]

أنا:- أماه اليوم أنا جاهز بأوراقي

صحفي من يوم كنت صغير ماشاء الله ويش حصلت أوراقك الضايعه؟؟
زين الحمد لله حتى لوماحصلتها مالينا شغل تعصر مخك وتطلع لينا سوالف يدتك غصب

لا دختور ولا سبيتار

لحظة بالراء ولا باللام يعني من هوسبيتل الكلمة الإنجليزيه
فالمفروض تصير سبيتال>>> اتسوي روحها تفهم

له الرزق مقسوم والغبن زام

خخخ مافهمتها

الله حلو اللي قلتين يمه اليوم وبس اييب الى ولد با أنومه زي كده

أعتررررررف نيمت زين كده لو كدااااك خخخخخ
سوالف يدتك حلووووه مررررره اخوي أبو زين
الله يعطيك العافيه
وتر اني أنتظر هاليهال هذولين اللي مايناموا ومفققين عواينهم للفجر واااااااااااااااء وااااااااااااء
وشو الحل وياهم؟؟؟

[واحد فاضي]

هلا بيش خيتي سيناريو
صحفي من يوم كنت صغير ماشاء الله ويش حصلت أوراقك الضايعه؟؟
لا والله الى الحين بعد ما حصلتهم
إدعوا لي أن شاء الله أشوفهم
زين الحمد لله حتى لوماحصلتها مالينا شغل تعصر مخك وتطلع لينا سوالف يدتك غصب
ما يهمش خيتي نعصر المخ عصار
ونجيب اليكم سوالفها الحلوه ان شاء الله

لحظة بالراء ولا باللام يعني من هوسبيتل الكلمة الإنجليزيه
فالمفروض تصير سبيتال>>> اتسوي روحها تفهم
ههههههههههه
خلاص عربوها قبلش الشياب
وصارت سبيتاااااررررر
(له الرزق مقسوم والغبن زام )
خخخ مافهمتها
يعني ان شاء الله رزقه مكتوب ومقسوم والغبن يعني الحسد والكره والبغض يروح عنه
ان شاء الله عرفتي المعنى الحين خيه

أعتررررررف نيمت زين كده لو كدااااك خخخخخ
نيمته بالطريقتين
والحين من أوديه الى الوالده تنيمه
زي يدتي الله يرحمها

سوالف يدتك حلووووه مررررره اخوي أبو زين
الله يعطيك العافيه
تواجدكم هو الحلو خيتي
الله يسلمش ويعافيش
وتر اني أنتظر هاليهال هذولين اللي مايناموا ومفققين عواينهم للفجر واااااااااااااااء وااااااااااااء
وشو الحل وياهم؟؟؟

بعد شوي بتشوفي ويش الحل ؟؟؟؟
بس مو تسوي كده هههههه

تقبلي تحياتي

[واحد فاضي]

السلام عليكم ورحمة الله وبركاته

اليوم بنييب اليكم سالفة اليهال اللي ما ينامو وويش يسوو اليهم

من أولها بالصلاة على النبي وآل النبي صلى الله عليه وآله

وأنا في يوم من أيام الله الكفيره دخلت على المرحومه يدتي في حجرتها في بيت أبويي بعد فلافة أيام من علمتني كيفه ينيموا اليهال
وأول ما دخلت عليها .......
يدتي :- عليكم السلام
أنا :- السلام عليكم

يدتي :- ويش هالخواهر اليوم
أنا :- أي والله اليوم خواهر ، ويش تنامي الليلة على الصدح
يدتي :- يالله روح وخم شوي من الصدح اليي وافرش منامي هناك ...بس شوف من غبشة الغباش تقعدني
أنا :- ان شاء الله يمه ، الحين باروح
يدتي :- قبل لا تروح روح ييبي الي تبلة ماي بابل حلقي
ورحت يبت اليها تبلة ماي وعطيتها وياه
وقعدت
يدتي :- ويش ما بروح تسوي اللي قلت الك وياه
أن :- ان شاء الله أماه بعد شوي
يدتي :- والله شكلنا زي داك
أنا :- منهوه
يدتي :- مفلاة ذاك ...اتكل عويس على مويس وضاعت البقره
أنا :- لا أماه باروح والش ما تنامي الليله الا فوق الصدح
يدتي :- بنشوف
أنا :- زين الحين أماه
يدتي :- ( حست اني با أسئلها ) قول لا تستحي قول
أنا :- قبل فلافة أيام قلتي لي كيفه ينيموا اليهال ، أبغى الحين اليهال اللي ما ينامو ويش تسووا اليهم
يدتي :- ايه ، يعني تبغى تكتب ، بس شوف اذا ما نمت الليلة فوق الصدح ما با أقول لك شي
أنا :- ان شاء الله أماه ، تامري أمر
يدتي :- هذا يا ....يا ولد......
بالصلاة على النبي وآل النبي عليه الصلاة وعليه السلام
أنا :- اللهم صل على محمد وآل محمد
يدتي :- اليهال اذا أمهاتهم تعبوا وياهم ولا ناموا يقوموا يصكوا الدرايش والباب علشان ما يدخل ضوا أبداً ، وبعدين يقولوا اليهم
أول شي يقولوا اليهم
نيووووووو نيوووووووووو
روح تت ( الى السنور يعني )
وتالي يقولوا له
يا سنور تت يا سنور تت .....ما عندنا بت ...
ما عندنا الا (فطوووم ) تصيح وتسكت ....
يا سنور تت يا سنور تت .....ما عندنا بت ...
وتقولها كم مره وتخفف من صوتها شوي شوي

أنا :- زين اذا ما نام ؟؟؟
يدتي :- يعني اا صار لوتي ، اذا قامت أمه عنه يقعد ويصيح
تفور مرارة أمه وتقول اله
عوووووووو عووووووو
بيي اليني وياخذك

لا لا يني لا تيي وتاخذه بينام

روح روح داهوه بينام

خلاص روح
وتقوم تهز منزه أول شي بقوه وبعدين شوي شوي
لحد ما ينام
أنا :- واذا ما نام ؟؟؟
يدتي :- نايبه تصقعه ، ماليها الا أم الخضر والليف
وتقوم تحرك الشرشف اللي على الدريشه وهي
تقول اله أم الخضر والليف لا تاخذيك داهوه بينام
نام نام لا تييك أم الخضر والليف
وتالي بعد تييب ويا أم الخضر والليف
الدعيدع ( خصوصاً اذا الياهل تبغاه أمه ينام في الليل )

تقول اله دعيدع عووووووووووو نيو
نيوووووووو
الدعيدع خلاص اني با أروح عنك وبا خلي الدعيدع ياخذك الحين ولا با أخليه ياخذني وياك روح اله لحالك
واذا ما نام تقوم وتحمله أمه على أيدها
وتعود تقول اله كلام حليو

وتهوده على أيدها

أنا:- واذا مانام

يدتي :- ( وقد ضحكت ):- صاقعه تصقعه هذا يطلع يني
ولازم يشببوه هههههههههه

أنا :- كل هذا يسووه في الياهل
يدتي :- وهوه قليل اللي يسويه في أمه

وكنت با أكمل ويا يدتي الا أنه ..........

يدتي :- خلاص اليوم قوم افرش لي مرقدي فوق الصدح يالله
أنا :- انشاء الله أماه
وخرجت وسويت اللي أمرتني به

وسكتت يدتي عن الكلام المباح
عندما طلع الصباح

وغداً لنا لقاء جديد إن شاء الله

تحياتي

[الأمل البعيد]

ههههههههههههههه
يا سنور تت يا سنور تت .....ما عندنا بت ...
ما عندنا الا (فطوووم ) تصيح وتسكت ....
اي والله هاذلين الأناشيد يسكتوا الجهال اختي فاطمة كنا نسكتها بدي الأنشودة لين حفظتها >> مستانسة الأنسة الأخت فيها اسمها

وايضا هناك اناشيد تنقال للأطفال اذا صاحوا ولاسكتواا
مثل : جفاخة
جفاخة للبابا ثم تصفق بيدها والطفل يقلدها وهو يقول بابا
ثم تقول جفاخة للماما ثم تصفق بيدها والطفل يقلدها وهو يقول ماما
جفاخة لولدي الزين
جفاخة لنور العين
وهو يردد : جفاخة جفاخة
ولجدو الزين جفاخة
جفاخة .. جفاخة
وللحبابة الحبوبة
جفاخة جفاخة
وهكذا مع انتهاء كل مقطع تصفق الام والطفل كذلك وهو يردد جفاخة جفاخة

مو كأني هالأيام زايد عندي انفلونزا القرقر
هههه
يسلمو خي ابو زين على الجزء >> قصة هي خخخ
ماقصرت
والله يرحم جدتك ويسكنها فسيح جناته
تحياتي

[واحد فاضي]

خيتي الأمل البعيد حيااااش الله
ههههههههههههههه

يا سنور تت يا سنور تت .....ما عندنا بت ...
ما عندنا الا (فطوووم ) تصيح وتسكت ....
اي والله هاذلين الأناشيد يسكتوا الجهال اختي فاطمة كنا نسكتها بدي الأنشودة لين حفظتها >> مستانسة الأنسة الأخت فيها اسمها
هههههههههه حلوه يعني يبنا إسم الأخت
الله يحفظها ان شاء الله وتتربى في عزكم
بس لا تقولوا اليها عووووووووو هههههههه

وايضا هناك اناشيد تنقال للأطفال اذا صاحوا ولاسكتواا
فيه واااااااااايد خيتي وان شاء الله بين فترة وفترة نييب غيرهم ان شاء الله

مثل : جفاخة
جفاخة للبابا ثم تصفق بيدها والطفل يقلدها وهو يقول بابا
ثم تقول جفاخة للماما ثم تصفق بيدها والطفل يقلدها وهو يقول ماما
جفاخة لولدي الزين
جفاخة لنور العين
وهو يردد : جفاخة جفاخة
ولجدو الزين جفاخة
جفاخة .. جفاخة
وللحبابة الحبوبة
جفاخة جفاخة
وهكذا مع انتهاء كل مقطع تصفق الام والطفل كذلك وهو يردد جفاخة جفاخة
أي والله حلوووووووووه هالجفاخه
الله يرحم بالحال
الحين يعلموا اليهال جفخه بس
عنقريزي هههههههه
يعني فاااااااااااايف يالله يالحلو
كل شي طوروه هههههههه

مو كأني هالأيام زايد عندي انفلونزا القرقر
هههه
قرقر وااااااااايد حلو خيتي

يسلمو خي ابو زين على الجزء >> قصة هي خخخ
ماقصرت
إن شاء الله نييب مقاطع (أجزاء) حلوه في الايام اليايه
ما يهمش خيتي ، والله دار راسي على الأوراق
واللاب توب توني مفرمتنه وضاعت من عندي حاجاااات
وااااااايد وان شاء الله أعيد كتابتهم
إدعوا الينا
والله يرحم جدتك ويسكنها فسيح جناته

تحياتي
الله يسلمش ويعافيش خيتي

تحياتي للتواجد الرائع منش خيتي

[أمير العاشقين]

أوووه ابو زين الله يذكرك بالخير

لول تحول حبيبي ايام حلووة والله

تدري حبيبي وانا عمري يمكن 9 او عشر او حتى ثمان كنت العبها

والله ان شي بس نسيت شي يالغالي

اللعبه كنا نلعبها ونسوي روحنا عميان يعني ما نشوف يعني مغمضين والي يفتح يرد يعيد من جديد

ذكريات

(( ذكرتني بسالفة ابي لقمه ماكنت اسمعها كذا وانا اخوك شوف كيف سمعتها ))

حمامه نودي نودي
سلمي على سيودي
سيودي راح المكه
يجيب ثوب العكه
ويحطه في صندوقي
صندوقي ماله مفتاح
والمفتاح عند الحداد
والحداد يبفى فلووس
والفلوس من عند العروس
والعروس تبغى رجل
والرجل يبغى عيال
والعيال يبون حليب
والحليب عند البقر
والبقر يبون حشيش
والحشيش فوق الجبل
والجبل يبغى مطر
والمطر من عند الله
سلمك الله ياعبدالله

كذا سمعتها والله اخوك

اسف على المذاخله انشالله تكون مشاركه خفيفه عليك

عساك على القوة يارب

تحياتي
أمير العاشقين

[واحد فاضي]

يا هلاااااااا ويا غلااااا بأخونا أمير العاشقين
أوووه ابو زين الله يذكرك بالخير

لول تحول حبيبي ايام حلووة والله
الله يييب الخير فيك ومنك أخوي أمير العاشقين

تدري حبيبي وانا عمري يمكن 9 او عشر او حتى ثمان كنت العبها
أيام حلوه والله يا خوي

والله ان شي بس نسيت شي يالغالي

اللعبه كنا نلعبها ونسوي روحنا عميان يعني ما نشوف يعني مغمضين والي يفتح يرد يعيد من جديد

ذكريات
ذكريات وما أحلاها والله
ان شاء الله نحافظ على بعض من هالذكريات علشان الزمن على الأقل

(( ذكرتني بسالفة ابي لقمه ماكنت اسمعها كذا وانا اخوك شوف كيف سمعتها ))

حمامه نودي نودي
سلمي على سيودي
سيودي راح المكه
يجيب ثوب العكه
ويحطه في صندوقي
صندوقي ماله مفتاح
والمفتاح عند الحداد
والحداد يبفى فلووس
والفلوس من عند العروس
والعروس تبغى رجل
والرجل يبغى عيال
والعيال يبون حليب
والحليب عند البقر
والبقر يبون حشيش
والحشيش فوق الجبل
والجبل يبغى مطر
والمطر من عند الله
سلمك الله ياعبدالله

كذا سمعتها والله اخوك
صحيح مزبوووووووط هالشي يالخوي
وفي ناس يقولوها بعد بالطريقه الثانيه
وكله يوصل للمعنى
أهم شي ان هالأناشيد مخلوطه بالطيبه والبساطه

اسف على المذاخله انشالله تكون مشاركه خفيفه عليك
نتشرف أخوي بتواجدك الكريم
خفيفه وزي القشطه

عساك على القوة يارب

تحياتي

أمير العاشقين
اله يقويك ويسلمك أخوي
تواجدك أخوي على العين والراس

[مــلاك صــفوى]

(بسم الله الرحمن الرحيم ** الحمدلله رب العالمين **الرحمن الرحيم **مالك يوم الدين **

إياك نعبد وإياك نستعين **إهدنا الصراط المستقيم **صراط الذين أنعمت عليهم **غير المغضوب عليهم **

ولا الضـالين **)

الله يرحمها


اااااااااااااااااااااااااااي ذكرتوني بيدي الله يرحمة ديمن يقول لينا هدي النشيده الله يرحمة

تسلم اخوي

ياحليل سوالف يداتنا

[واحد فاضي]

(بسم الله الرحمن الرحيم ** الحمدلله رب العالمين **الرحمن الرحيم **مالك يوم الدين **

إياك نعبد وإياك نستعين **إهدنا الصراط المستقيم **صراط الذين أنعمت عليهم **غير المغضوب عليهم **

ولا الضـالين **)

الله يرحمها


اااااااااااااااااااااااااااي ذكرتوني بيدي الله يرحمة ديمن يقول لينا هدي النشيده الله يرحمة

تسلم اخوي

ياحليل سوالف يداتنا

خيتي ملاك صفوى رحم الله والديش

الله يرحمه ويرحم أموات المؤمنين

سوالف اليدات ما ميش أحلى منها أبد

تحياتي

[عفاف الهدى]

والله هالنشيدة ليما الحين انقولها كل جهالنا الحين حافظينها

بس نشيدة امي مألفتها على رؤى بنت اخويي

وكل الجهال حافظينها

رؤى رؤى رؤايا
يا شيخة الفتايا

زي يسنور تت

حلوين

والله يرحم الجدة

[واحد فاضي]

والله هالنشيدة ليما الحين انقولها كل جهالنا الحين حافظينها

بس نشيدة امي مألفتها على رؤى بنت اخويي

وكل الجهال حافظينها

رؤى رؤى رؤايا
يا شيخة الفتايا

زي يسنور تت

حلوين

والله يرحم الجدة

خيتي عفاف الهدى مرحبتين
والله حركتات من عند أمش خيتي

يالله نبغى منها كم حاجه وعارفين ما تقصر

حليت دنياش خيتي

تقبلي خالص التحيات

[واحد فاضي]

السلام عليكم ورحمة الله وبركاته
مساكم الله بالخير
وصبحكم الله بالخير بعد

هذا يا محفوظين السلامه
دخلت على يدتي وهي قاعده تردد حاجه ماعرفتها
بس من قعدت وياها وحست بي سكتت
أنا :- أماه ويش تسوي
يدتي :- عليكم السلام ، عفر ويش يايبنك الحين
مو انته في المدرسه الحين
أنا :- أي مدرسه اليوم الخميس
يدتي:- الخميس ، ما دريت يالله قوم روح ييب الينا خبز خباز
أنا :- الحين ويش خبز خباز قريب الظهر
با أشوف الش اذا فيه
يدتي:- شوف بعد اذا فيه تبلة شاي
أنا :- انزين
وخرجت وأحضرت لها بعض الشاي وخبزتين
وبدأت في الأكل وهي تغمس الخبز وتأكله
وجاء في بالي أسئلها سؤال لكني سكتت تأدباً حتى تنهي أكلها
وبدأت ادندن ببعض الأشعار بصوت منخفض
ولم الحظ انها توقفت عن الأكل وبدأت في الإستماع الي الا بعد فترة من الزمن
وتفاجأت بها وهي تقول لي .......
يدتي :- أيه حافظ الاشعار وتسوي نفسك ما تعرف هااااه
أنا :- أي حافظ أماه ، كم كلمه وتخب علينا
يدتي :- كم كلمه ...تلعب عليي هااااه
أنا :- لا والله أماه بس كم كلمه
يدتي :- والحين ويش تمبى اليوم
أنا :- كملي أكلش وبعدين با أسئلش
يدتي:- على الله
ورجعت تأكل وخرجت أنا وعندما رجعت اليها
كانت قد انهت أكلها
يدتي :- تعال هاك
أنا :- خير أماه
يدتي :- خذ هذا بوش ولا روبيه
أنا :- هذي روبيه ويش تبغي أبها
يدتي:-حارس شوي با أعطيك خمسة أريل وييب اليي عرانص وسكولا
أنا:- خلا أماه خلي بيزاتش عندش با أييب الش بعد شوي
يدتي :- جزاك الله خير
أنا:- أماه ويش هو اللي كنتي تقوليه قبل ما أيي دارش
يدتي :- كنت قاعده اتذكر بتي ....... ويوم العبها
أنا :- ويش كنتي تقولي ليها
يدتي :- العبها العاب واااايد بس با أقول لك ويش كنت أقول اليها والي سمعتني أقوله اليوم
أنا :- يا لله
يدتي :- أكفر شي العبها في المغرب يعني عقب ما يي أبوها ويقعد وياها شوي كنت أخذها وأخلي أبوها يتعشى وأني العب وياها
الأول يموها كوعي كوعي
والحين يسموها زانه زانه
أنا :- ويش يقولوا فيها
يدتي :- هذا يا ......يا ولد .......
كانوا يناموا على الظهر وييبوا الياهل ويحطوه على أرايلهم ويقولوا اله
زانه زانه زانه
واللقمه في اللقانه
حسن يا أبو عطيه
عطاني محيمديه
ورحت أساقي بالما
حلت علي يراده
يرادة البديعه
خنافرها وسيعه
وكليبها وراها
ويلحس من (......)وراها
(.......)وراها حبيب رمان
من رمان البديعه
وترفع الياهل الى فوق وتقول اله
تبغى بوش ولا روبيه
وفيه ناس تقول اله كوعي كوعي
وفيه ناس تقول اله كررررش كررررش
وتدلدغه بعدين
وكل شوي تسوي اله زي هالشكل
أنا:- ايه ، وانا سمعتها غير
يدتي :- ايه كل ناس وطريقتهم
أنا :- يعني ما سمعتيها بشكل فاني
يدتي :- هذا بعد فيه ناس تقولها
زانه زانه زانه
والخير في اللي جانا
حسن يا أبو عطيه
واعمامته المطويه
طواها ما طواها
طواها حبيب رمان
من رمان البديعه
أخذ فوبي وابيعه
أبيعه بأربع ميه
ياريتني لوميه
لومية في البستاني
يقشرها عبدالله
وياكلها سلماني
سلماني يا بو جوخه
يا منطق العدواني
طلوا اخواني طلوا
شوفوا البحر حيراني
شوفوا اشراع ابيي
ابيض من القرطاسي
شوفوا اشراع العدوا
أسود من الطفو

وبعد ناس وايد زادوا فيها ونقصوا وغيروا
أنا:- اي أماه في كل مكان اليهم حاجه
يدتي :- كلهم زينين وعليهم بالعافيه
أنا :- الله يعطيش العافيه أماه
يدتي :- يالله قوم وييب اليي العراناص والسكولا
أنا :- ان شاء الله

وسكتت يدتي عن الكلام المباح
عندما طلع الصباح
الحين تعرفوا معنى هالكلمات :
- البوش؟؟
الروبيه ؟؟
العراناص؟؟
السكولا؟؟
تبلة شاي ؟؟
وبعد تعرفوا كلمة :- عرجوز ؟؟؟

أول شي فكروا شوي وبعدين اسئلوا اللي أكبر منكم

تحياتي

[دمعة الاحزان]

هلا بخيوة ابو زين
يسلموا على السوالف الحلوة
وخاصه حق اللي ينيموا اليهال
وبطبقهم على بنات اخوي وبشوف لانهم يطيروا العقل اللي عندي اذا بيناموا
واذكر ليله ثاني العيد جابوا الي بنت اخوي جنان انيمها عشان حصل ظرف في بيت عمتي وراحت امها
واذكر جلست طول الليل وانا اخوف فيها بام الخضر والليف والعووووو بس خسارة مااعرف حق فطوم
بس لاحياة لمن تنادي تنام عشر دقايق وتصحى سااعه بس زين جات امها وفكتني منها
بس يبي الي اطبقهم على التوأم السونامي لانهم يخافوا من كل شي

والربيه والعراناص ومدري شنو امي تقولهم بس نتاسيتهم الحين فلا تخليني انزل واصحيها واسئلها
بس بكرة من غبشه الغباش اذا صحيت انا سالتها وبرد الك خبر
بس العراناص يمكن يكون العصير اذا ماخاب ظني
والربيه الفلوس القريشات الدرؤاهم بس قروش مو من ورق زي الحين
يسلموا والله يرحم يدتك

[واحد فاضي]

هلا بخيوة ابو زين
هلا بيش خيتي دمعة الاحزان ومرحبا

يسلموا على السوالف الحلوة
الله يسلمش خيتي
وخاصه حق اللي ينيموا اليهال
وبطبقهم على بنات اخوي وبشوف لانهم يطيروا العقل اللي عندي اذا بيناموا
ههههههههههه الله يعينش ان شاء الله
الله يستر عليهم منش ههههههههه
واذكر ليله ثاني العيد جابوا الي بنت اخوي جنان انيمها عشان حصل ظرف في بيت عمتي وراحت امها
واذكر جلست طول الليل وانا اخوف فيها بام الخضر والليف والعووووو بس خسارة مااعرف حق فطوم
بس لاحياة لمن تنادي تنام عشر دقايق وتصحى سااعه بس زين جات امها وفكتني منها

ارتاحت منش هالفقيره ههههههههههه
الله يعين أولادش في المستقبل ان شاء الله هههههه

بس يبي الي اطبقهم على التوأم السونامي لانهم يخافوا من كل شي
ههههههههههه حلوه التوأم التسونامي
بعد حلوه تدخليهم في غرفه ظلما مررره حندس
وتقولي ليهم عوووووووووووووو

والربيه والعراناص ومدري شنو امي تقولهم بس ناسيتهم الحين فلا تخليني انزل واصحيها واسئلها
بس بكرة من غبشه الغباش اذا صحيت انا سالتها وبرد الك خبر
عليها بالعافيه بالنومة الهنية وبلا إزعاج
يصير خير بكره ان شاء الله
بس العراناص يمكن يكون العصير اذا ماخاب ظني
قصدش العرنجوز .....مزبوووووووووط
والربيه الفلوس القريشات الدرؤاهم بس قروش مو من ورق زي الحين
تقريباً وصلتي للمقصود

يسلموا والله يرحم يدتك
الله يسلمش ويرحم والديش خيتي

تقبلي خالص التحيات