سوالف يدتي الله يرحمها......

[واحد فاضي]

* الرحمن الرحيم * مالك يوم الدين * اياك نعبد واياك نستعين * اهدنا السراط المستقيم * سراط الذين انعمت عليهم * غير المغضوب عليهم * ولا الضالين .

رحمة الله عليها .
ويرحم اموات المؤمنين والمؤمنات.....
و مافي أحلى من سوالف الجدات و ما تمل من سوالفهم

و شكراً بنتظار كل ما هو جديد . . .

و نسألكم الدعاء

رحم الله والديك أخي عاشق الحرية
الله يرحم أموات المؤمنين والمؤمنات أجمعين

تقبل خالص التحيات

[واحد فاضي]

هلاااااااااااااااا وغلاااااااااا بأميرة المرح
وين الناس ....... الله يغربل ابليسش
وأنا أقرأ ردش وأنا فاقع من الضحك
غربل الله ابليسش

سلاااامووو

صح النومه اميرووه.. قوه شحالش ... << حياني الله

حياش الله بعد كفير

ايه.. وخلصت سالفة نتيف نتيفان.. << توو الناس توش تدري
ايه وصبعبلي السالفه فيها.. ابغى على فيمتو.. هههههه ..

خلّص اليوم ما فيه الا على لبن <<<نحاسه

دقيقه بس.. لحظه .. هووووب.. ايوااا .. وصلت للسالفه الثانيه.. ايه يللا هدوء ابقراها..

يالله هذا إحنا بنحارس .......
===========================

هلاااا باااك...
هلا باكين ........

بداية السالفه ويا المطر ودخلتك على يدتك وخالتك الله يرحمهم.. وقصيدة يدتك.. والحليب و الموقف ككل..حسيت روحي اشوفه ... وخشيت جو.. كل شي ولا عاد مفتحه بهالفجريه

انتبهي لا يطب عليش مطر هههههههه

نافذة قرقوري خخ ومشغله المروحه .. هههههههههههههه

ههههههههههه حلوه
مشغله البانكهه الله يجيب الش الهواء البارد
على هالصبحيه

اني سمعت اللي حولي يقولو ..
طاح المطر على قطر وتبللت الكشه.. سوو عصيده ما عطونا طشه...
امي عطيتني طشة حلوى..وديتها لسلوى..
سلوى في المدرسه.. تكتب كتابه وهندسه ..
ابوها يبيع سمبوسه.. سلوى صارت عرووسه...

هذه روايه ضعيفة السند
ورواتها كلّهم ضعيفوا السند
ورواية يدتي هيه الصحيحه ههههههههههههه

هههههههههه عجبتني قولة يدتك المرحومه يطق المواعين طق.. هههههههه والله وناسه

الله يخليها الوالده الى الحين ترى تيمع ماي مطر
وما تدعي في العزيه الا ان المطر يطيح في كل وقت

مو الحين ماي المطر اللهم يا كافي الشر من هالتلوث لونه يجيب الهم.. يا مجير... وعجبتني سالفة الحسد وماي المطر .. يللا ماي مطر ولا
كسار بيض وزفر <<< خوب كسار البيض حق المختلع مو المحسود .. هادااويش اميرووه... << هيهي خذ لك خرفت وقعدت..
أي والله الحين ماي المطر
ما ينزل الا لونه أسود وأصفر
ما دري يرشوا عليه خميره ولا ويه ههههه
--- كسار بيض وزفر ...الليله سالفتنا عن كسار البيض
ويش مدريش عفر...هههههههه

ههههههههههه هااا ابو زين .. ارجع للخلف باك باك.. سويتها لو لااا.. يمعت ورشيت لو لااا.. << صدق نحاسه ولقافه..

أكيييييييييييييد لا والحين بعد بين فتره وفتره
أرش الشقه بماي المطر بعد
يالملقوفه هههههههههههههه
===========================

يللا للي بعدوو... اه.. خذ لك في صفحه ثانيه.. ويلي ... بعيد.. يللا بسم الله... اي .. اي اي .. عفر تغصغصت...

ههههههههههههه حلوه تغصغصت

دقيقه... لحظه... هيييي.. اوباا... وصلت,,, زين... <<< انتين مو لو تقومي تكملي نومش احسن..>>>.ماااني .. .
شوي زين بقرى وباعوود..

ننتظر الباك ..........


يتبع>>>>>

[واحد فاضي]

===========================

عدناااااا..
حمد الله على السلامه
سلامة الأسفار ....

ههههههههههههههه ماني قادره... يوم تقول لك يدتك ييب غرشة بيبسي وزيت زيتون.. اقول في بالي الزيت بتمرخه ,,, الغرشه لويه..؟؟ عفر بطق ريوله بها... !!
ههههههههههه ياربي .. والله خووش وصفه,,, رحمة الله على يدتك..

الله يغربل ابليسش خيتي
ويش تطق ريولي بالغرشه
شااااا ريول ديناصور هههههههههههه

هههههههههههههههههههههههههههههههههههه لالاااا قعدوا بيتنا.. الا الجيرااان... << ما عليكم منها صامت بس هزاز

احم..

إحم إحم........

هههههههههههههههه عجبني.. عاد اهل لول احيانا .. ولويش بعد.. خخ يدتي الله يطول بعمرها.. احيانا تجيب اناشيد من لول فيهم كلاااام.. يا ساااتر .. اني افقق عيوني.. وتضحك علي خالتي وتقول: اهل لول عادي عالنيات,,واني مره ههههههه باموت ويش هالأناشيد..؟؟ ويلي عالنيات وجهي اللي على النيات..

أي والله ويش على النيات
ما يخلّوا شي الا يقولوه
وسلامي على النيات هههههههه

شان كتبته هالمشفر بلون ابيض .. ههههههه عن الرقابه.. ابغى احدد واشوف ويش هالمشفر <<< يبغى لش دست سنه بساعه..

مشفّر يعني مشفّر
مافيه أمل ينكتب
بس للمعرسين وبالحبر السري بعد
ههههههههههههه
شكلش يغى لش هههههههههههه

ههههههههههههههههههههههههه

سانكيوات
===========================

اللي بعدوووو....
سرود.. مشكااب... ..؟؟

سرّوووود :- يعني زبيل صغير يحطوا فيه التمر
مشكاب :- صحن

الثبااحيه .. يعني ويه <<< انحس منش مافي في تصيد الأغلاط.. سلط الله عليش من يتصيد هههههههه ... <<<خلاص خلاص بتأدب

ههههههههههههههههههه
ما عليه لكن بتصيّد عليش في الأغلاط
هذي من تأثير النعس

ههههههههههههههههه خووش راس مال لش ياعرووس عالبركه كلووش ...

هههههههههههه
الله يغربل ابليسش

هههههههههههه وناااسه والله... احبها هالقصيده..

بس حدي هالبيتين.. حافظه زي يدتك المرحومه.. ورحم الله والدين امك على تكملتها ..

الله يرحم والديش ويسلمش

===========================
ابو زين..
خيووو .. تسلم مليوون
جدا روعه.. يعطيك الف عافيه

الله يسلمش ويعافيش ويوفقش ان شاء الله

ويحرسك الله من كل عدو ويحفظك من شر الأشرار يا كريم
ويوفقك ويبلغك كل مراد...

عفر صار قرقر وايد احم..

دمت بحفظ الرحمن

عفر خلصتي

يسلمش ان شاء الله ويوفقش في دراستش
وتصيري اللي تتمنيه ياااااااااااارب

تقبلي خالص تحياتي

[واحد فاضي]

بسم الله

روووووووووووعه هالقصص والأحداث خيوووووو الفاضي
يسلمووووووووو وننتظر الجديد دوم ـاً
وااااااااااااااااااااااااااااصل
اميرة المرح

ههههههههههههه موتتيني ضحك على تعليقاتش ال

خيتي مياس مرحبتين
الروعه تواجدش خيه مياس
ولا يهمش ان شاء الله نواصل بدون مانفاصل

تحياتي

[واحد فاضي]

يسلموا اخوي

والله هالأغنية مرة حلوة

والسوالف الي اتقولها ما تنمل

الله يعطيك العافية

ويرحم الجدة برحمته الواسعة

خيتي عفاف الهدى مرحبتين
تواجدش خيتي ما ينمل والله

شرفتمونا في موضوعنا

الله يعطيش العافيه ويسلمش ان شاء الله
الله يرحم أموات المؤمنين والمؤمنات

تحياتي

[واحد فاضي]

بسم الله الرحمن الرحيم
السلام عليكم ورحمة الله وبركاته

هذا يا محفوظين السلامه
ذاك اليوم رجعت من المدرسه وأنا تعبان
ودخلت البيت وحطيت راسي ونمت
وما قعدت الا الساعه عشر الليل وحدي صليت وأكلت ليي
حاجه وشربت كاس شاي وعودت نمت مره فانيه الى آذان الصبح
ويم فاني بعد على نفس النمونه
ويم فالف دخلت البيت والا هذي يدتي وحلوة اللبن يحارسوني

يدتي:- ويش فيك لك كم يوم ما تاكل زي الناس ولا تقعد تسولف ويانا؟؟
أنا:- ما فيه شي بس تعبان .
حلوة اللبن :- ما فيه شي ...الا فيه أشايا ....تعبان ويش اللي متعبنك
قلّة الأكل وزيادة النوم .
أنا:- ما فيه شي بس تعبان شوي في المدرسه.
يدتي:- تعبان في المدرسه .... شا يخلوكم تحملوا رمل ولا سميت( وضحكت)

وضحكنا على ما قالته
ودخلت الى الحجره وحطيت راسي ونمت
ومن صحيت الا حلوة اللبن ويدتي وياها يحارسوني
ومن صليت وقعدت با آكل لي حاجه
يت اليي حلوة اللبن ...
حلوة اللبن :- قوم تبغاك يدتك
أنا:- ان شاء الله
حلوة اللبن :- قوم الحين يالله قوم
أنا:- ان شاء الله
وخرجت من الحجره وشفت يدتي عند الباب تحارسني
وأمسكت يدي وأخذت تتمتم بشيء لم أفهمه الى الآن
وخرجنا الى أمام البيت

وما شفت الا يدتي مطلعه ( المفرقعات ) وراميتنهم على باب البيت

وحده ..........طاخ........الثانيه ...........طاخ........الثالثه.........طااااااااااخ

الظاهر حالتي صعبه وأنا ما أدري خخخخخخخخخخخ

(المفرقعات :- البيض)ههههههههههه

ودخلنا البيت وأكلت المقسوم وقمت ...على العاده با أعود الى النوم
لكن وين تروووووح

يدتي:- وين وين وين على الله
اليوم ما فيه نومه تعال إقعد ويانا انته شبعت نوم

أنا:- ان شاء الله حااااااااااااضرين أماه

وجلسنا نحن الثلاثه في ذيك الليله وإحنا نسولف

أنا:- أماه با أسئلش ........؟

يدتي:- أدري بتسألني عن البيض

أنا:- أيه لاويش تسووا كده

يدتي:- هذا يا ........يا ولد........ نسويه علشان الخلعه وانته شكله واحد خالعنك علشان كده كله تنام وان شاء الله ما عليك باس الحين

أنا:- رحم الله والديش وبعد با أسئلش عن شي فاني

يدتي:- آمر

أنا:- ما يآمر عليش عدو .....ولا أحد ما تحبيه

يدتي :- يارب العالمين

أنا:- زين وماي الحلو والكمشه(الملعقه)والشبّــه

يدتي:- ماي الحلو بعد حق الروعه والحسد بعد
بس أكفر شي للروعه ومن واحد يتروع ولا يختلع يسووا اله ماي ويذوبوا فيه شكر ويقروا عليه قرآن ويكتوه في مكان الخلعه وما يصير فيه شي بأمر الله

أنا:- والكمشه اللي يحمّوها لاويش
يدتي:- الكمشه يحمّوها عدل وبعدين اييبوا ماي باااارد
وهي حق اليهال أكفر شي ويقروا بعد قرآن عليها
ويقولوا الى الياهل

زوعه عن الروعه
زوعه عن الروعه

ويحطوا الكمشه في الماي البااارد ويطّفر الماي منها ويقولوا

اطّفر الشر بحق خير البشر
اطّفر الشر بحق خير البشر

وما يصير في الياهل شي بأمر الله

أنا:- زين والشبّه

يدتي:- الشبّه أكفر شي حق المحسود
وخل أمّك تقول لك لاويش

حلوة اللبن :- أني ....فيش الخير والبركه
يدتي:- الله يسلمش ، بس انتين قولي له أني با أروح الأدب

حلوة اللبن :- هذا الشبّـه ينتقوها نقاي وأحسن شي البيضا مررررّه
ويخلّوا أهل المحسود يعضوها ( ولا يحطوها بين ضروسهم بس مو ياكلوها هههه) وبعدين يحطوها على اليمر في المبخر
ويدوروها على راسه وراس اللي جمبه وهم يقولوا

شبه على الشبّه
شان من الييران إطلعي
شان من الأهل إطلعي
شان من العدوان إطلعي
شان من (فلانه)إطلعي
شان من (فلان) إطلعي

ويقعدوا يرددوا أسامي اللي يعرفوهم واللي ما يعرفوهم بعد
وبعدين يخلوها تبرد الى الصبح ويشوفوا

ساعات تطلع صورة اللي حسده وساعات تطلع صورة مفل العيون
ساعات كبيره لو صغيره
وتال يرموها في البيبسور(المجاري) هيه ويا الفحم بعد

أنا:- زين الواحد يقدر يشبب روحه بروحه
يدتي :-( وقد خرجت من الأدب) :- لا ما يصير تالي ما إييب ولاد ولا بنات يعني يصير عاقر

أنا:- أعوذ بالله ، الله يجيرنا

يدتي :- عيل ويش

وضحكت وضحكنا
يدتي:- هذا بعد إذا الوحد قعدت تاكل في الريحان ما تييب الا بنات ولاتشتمّ ريحة لولاد أبدن

أنا:- زين ، يت لش اليوم وحد أماه .
يدتي -حلوة اللبن:- من هيه

أنا:- تيوده
تعريف( التيوده هي لعبه دليل على الفرح ولعب من بدايه شهر ربيع الى يوم 10 منه وهي دليل على فرحة الزهراء بهلاك الظالم)

يدتي:- أخ يودتنا الله يغربل ابليسك ما عليه .....بكره نعودها الك

وضحكنا وسهرنا ذيك الليله حتى

سمعنا الحجي عبدالله يأذن للصلاة

فعندها سكتنا عن الكلام المباح
عندما طلع الصباح

وتصبحوا على خير

[دنيا الأحلام]

سوالف حلوة اخوي واحد فاضي اني كنت
على قولتهم اقرا من خلف الكواليس
ههههههههههههههههههههههههههه
بس بجد رووووعة سوالف يدتك الله يرحمها
ومن هنا انا اقدم لك دعوة لمنتدى الجوال العام
لأني اخترت جوالك ليكون تحت المجهر
هههههههههههههههههههههه
يالله إذا شفتها روح على طول لمنتدى الجوال العام بسرعة
انتظرك اخوي

[عفاف الهدى]

والله حلوة هالسالفة

الشبة ليما الحين نستخدمها وانسويها بعد
حتى الماي والشكر ينفع على قولتهم
وان شاء الله ما طلع الي خالعنك سنور بس

والله يرحم الجدة ويطول عمر الوالدة يا رب

[توته وبنوته]

السلام عليكم
كيف الحال اخوي ابو زين

والله سوالف ماتنمّل الله يرحم يدتك ويحشرها مع محمد واله
الحمدلله يوم الله رزق يدتك بالذريه الصالحه أمثالك
كان ودي اعقب على كل موضوع بس وصلت متأخرة
يبيلها صفحات على ما تخلص
ما ادري حسيت كأنه يدتك عاداتها زي يدتي الله يطول عمرها
بس يدتك احسن منها في شيء تخليك تكتب >> هذي ما فكرت فيها
انا احب اسجل ويدتي ما ترضى مع انها ضريرة بس لما نجي نسجلها
تدري كيف؟؟! الله اعلم . وتحلفني بعدين تقول خُرافتها(قصتها)
بس ااه لما وصلت الى نتيف نتيفان تشوقت الى الخرافات
لان جدتي اغلبها تقولها في الرمضان الصبح والظهر عشان ما نزعج امي
في المطبخ بس اللحين الى العصر واحنا في الكليه ما نلحق على شيء
بس حا فظينهم كلهم
:
:
والكمشه اللي يحمّوها لاويش
لاعبه دور في اليهال ماني مقصرة عسى ما .. على طول
اما بالنسبه لل ماي الحلو والكمشه(الملعقه)والشبّــه

شبعانين منه خاصه في الامتحانات
تقول امي بسرعه انحسد ويدتي تقوم بالواجب الله يعطيها العافيه
لا ما يصير تالي ما إييب ولاد ولا بنات يعني يصير عاقر
ولل .. اول مرة اسمع بالمعلومه هذي ياكثر ما سويناها
بس بصراحه انا أوؤمن بذي الاشياء
على العموم هدرنا وايد الله يعطيك الف عافيه وتسلم يمناك اخوي
ودمتم بحفظ الله ورعايته

[واحد فاضي]

سوالف حلوة اخوي واحد فاضي اني كنت
على قولتهم اقرا من خلف الكواليس
ههههههههههههههههههههههههههه
بس بجد رووووعة سوالف يدتك الله يرحمها
ومن هنا انا اقدم لك دعوة لمنتدى الجوال العام
لأني اخترت جوالك ليكون تحت المجهر
هههههههههههههههههههههه
يالله إذا شفتها روح على طول لمنتدى الجوال العام بسرعة
انتظرك اخوي

هلا بخيتي دنيا الأحلام ومرحبتين

يعني من خلف الكواليس ههههههههه

أهم شي الواحد يستفيد من الموضوع

-خلاص خيتي رحنا الجوال العام وطلعنا الفضايح هههههههه

تحياتي

[واحد فاضي]

والله حلوة هالسالفة

الشبة ليما الحين نستخدمها وانسويها بعد
حتى الماي والشكر ينفع على قولتهم
وان شاء الله ما طلع الي خالعنك سنور بس

والله يرحم الجدة ويطول عمر الوالدة يا رب

هلا بخيتي عفاف الهدى

تواجدش هو الحلو خيتي
اكيييييد الشبه والحلوه ليما الحين وولدي بس يروح لحلوة اللبن لازم
شبه تسوي اله وما تقصر الله يسلمها ان شاء الله
لا لا اللي خلعني واحد ويانا في المدرسه هههههههههههه
أعظم من سنور هههههههههههههههه

الله يسلمش ويرحم والديش خيتي

تحياتي

[واحد فاضي]

مرحبتين خيتي توته وبنوته حياش الله

السلام عليكم
عليكم السلام ورحمة الله وبركاته
كيف الحال اخوي ابو زين
حياش الله خيتي
والله سوالف ماتنمّل الله يرحم يدتك ويحشرها مع محمد واله

رحم الله والديش يااااارب
الحمدلله يوم الله رزق يدتك بالذريه الصالحه أمثالك

كان ودي اعقب على كل موضوع بس وصلت متأخرة
يبيلها صفحات على ما تخلص

مو مشكله خيتي أهم شي انش قريتي السوالف
واستفدتي منها ان شاء الله

ما ادري حسيت كأنه يدتك عاداتها زي يدتي الله يطول عمرها
اللهم آمين ويسلمها ان شاء الله من كل شر

بس يدتك احسن منها في شيء تخليك تكتب >> هذي ما فكرت فيها
انا احب اسجل ويدتي ما ترضى مع انها ضريرة بس لما نجي نسجلها
تدري كيف؟؟! الله اعلم . وتحلفني بعدين تقول خُرافتها(قصتها)

عليهم إحساس عجيب في هذي الأشياء
سبحان الله
بس ااه لما وصلت الى نتيف نتيفان تشوقت الى الخرافات
لان جدتي اغلبها تقولها في الرمضان الصبح والظهر عشان ما نزعج امي
في المطبخ بس اللحين الى العصر واحنا في الكليه ما نلحق على شيء
بس حا فظينهم كلهم

والله حلوه السوالف اللي يقولوها
يعني الجلسه والتشويق اللي يسووه
تذكرت برنامج - حبابه - لمريم الغضبان اللي في الكويت لووول
:
:
والكمشه اللي يحمّوها لاويش
لاعبه دور في اليهال ماني مقصرة عسى ما .. على طول

ههههههههههههه

اما بالنسبه لل ماي الحلو والكمشه(الملعقه)والشبّــه
شبعانين منه خاصه في الامتحانات
تقول امي بسرعه انحسد ويدتي تقوم بالواجب الله يعطيها العافيه

تراها زينه مرررره
وخصوصاً الشبّه يعني مو تخاريف بس
فيه أحاديث عن الشبّه صحيحه

لا ما يصير تالي ما إييب ولاد ولا بنات يعني يصير عاقر
ولل .. اول مرة اسمع بالمعلومه هذي ياكثر ما سويناها

هذي تخريفه من أهل أوّل
ولا عليش منها هههههههههه

بس بصراحه انا أوؤمن بذي الاشياء
على العموم هدرنا وايد الله يعطيك الف عافيه وتسلم يمناك اخوي
ودمتم بحفظ الله ورعايته

حياش الله خيتي شرفتمونا في موضوعنا المتواضع خيتي
وما فيه قرقر وايد ولا شي
مرحبتين
فمان الله

[واحد فاضي]

السلام عليكم ورحمة الله وبركاته

شحوالكم .....حياكم الله
اليوم وأنا راجع من المدرسه
دخلت البيت الا هذي أختي الكبيره موجوده في البيت ويا يدتي
وسلّمت ورحت حجرتي
وبعد شوي طلعت
ورحت المطبخ وحطيت ليي غداء



الا هذي فراشه بيضاء جايه من جهة الصاله الى المطبخ وأنا أطلّع فيها ودخلت المطبخ وطلعت منّه وراحت الى جهة يدتي ولحقتها بدون شعور الا هيه رايحه واقفه على الجدار وترفف بجنحانها

وقمت أنا أسئل عن الفليت

يدتي:- ويش بتقتل بعد ...وزغه
أنا:- لا هذي فراشه بيضاء واقفه على اليدار

يدتي:- ويشووووه فراشه بيضاء ....لا تقتلها هذي رويحه
...تعال أقعد خلها ما عليك منها

- وشدّني ما سمعته من يدتي

أنا:- وشووه هذي
يدتي:- هذي رويحه
أنا:- وشوه بعد هالرويحه
يدتي:- هذي رويحه يعني اللي ميتين من أنسبانا
الطيبين إيّوا يزوروا البيوت اللي يحبوها
وناسها طيبين ، وتصير رويحتهم زي الفراشه
وشوف هذي ما يطردوها ولا يهشوها ولا يتحشّوا
قدامه بكلام مو زين

أنا:- يعني يحترموها

يدتي:- أيه ولا يسووا اليها ولا حاجه أبداً

أنا:- ورويحة منهوه اللي يايه الينا

يدتي:- ( وسكتت قليلاً تفكر): يعني ما تعرف رويحة منهوه
أكيد رويحة أخوك .......موسى

أنا:- الله يرحمه ان شاء الله

فسالت من عين يدتي دمعة محبوسه عندما نطقت بأسم المرحوم
وسالت مثلها من عيني ....وتذكرته الآن وعمري ما نسيته
والحمد لله

يدتي:- ايه روح قول الى أمّك ذاكيه رويحه في البيت
وذهبت الى حلوة اللبن وقلت اليها
ويوم يت وشافت الرويحه قامت تدعوا بالرحمة والمغفرة لأخوي المرحوم

يدتي :- أيه يا بت....... هذاكوه زاركم ...بعد لا تقولي قصرتي وياه
هذاهوه يقول ليكم رحم الله والديكم

وجلسنا نتحدث شويه وانتبهنا الى ( الفراشه) ولم نجدها

أنا:- راحت الرويحه أماه
يدتي:- تروح للجنّه
أنا:- ما أدري ويش في أذوني اليوم كلّه تزن

يدتي:- سلام الله عليك يا أمير المؤمنين

أنا:- عليه الصلاة والسلام

يدتي:- تعرف لاويش تزن أذونك

أنا:- ما أدري يمكن داخل فيها شي ولا شي

يدتي:- هذي ضربة علي على عمر بن ود
وان شاء الله تروح الصيحه

أنا:- سلام الله على أمير المؤمنين ....بس وشوه يعني

يدتي:- هذا أمير المؤمنين عليه السلام من ضرب
عمر بن ود بقت ضربته تزن في آذاين الشيعه
الى يوم القيامه
وان شاء الله تروح الصيحه

أنا:- ان شاء الله تروح الصيحه
وقمت با أييب كاس ماي

يدتي :- تعال با أقول لك شي
أنا:- نعم آمري أمر
يدتي :- ما تشوف اليي إحلا

أنا:- من وينه ما أحد يسويه الحين
يدتي:- خاطري في إحلا

أختي:- تمبيه مالح لو زين
يدتي:- اللي إيي
أنا:- بتسوو إحلا أمتاه

أختي:- روح اشتري سمك وأني با أسويه
يدتي :- الله يرحم زمان أول ، نشتري من سمك وننشره فوق ونقعد نسفسف في ذاك لحلا لامن يخلّص

أختي :- خلاص دحنا بنسوي بكره فوق الصدح

يدتي:- يعني يبغى له كم يوم

أختي:- فلافة أيام ويستوي

أنا:- فلافة أيام زين

يدتي:- شوف اشتري صافي وشحاديد زين
حلوة اللبن :- الصافي بيستوي بعد فلافة أيام ، أما الشحاديد يمكن ياخذ له اسبوع

يدتي:- إسبوع إسبوع ، أهم شي تضوق لحلا

أنا:- خلاص ونقعد فوق الصدح نسولف وناكل زين

واتفقنا على عمل الحلا

وفعلاً في اليوم التالي اشترينا سمك صافي وشحاديد ونشرناه
ويوم يبس قعدنا وكأنه مكسرات

بس سوته حلوة اللبن ويا أختي بطريقه حلوه ....بدون حشرات
ودبان ههههههههه

وان شاء الله نعلمكم الطريقه

والحين تصبحوا على خير لأننا

بنسكت عن الكلام المباح
حتى يطلع الصباح

تحياتي

[عفاف الهدى]

يسلموا على هيك سوالف
اول الواصلين اني احم احم
بس اول شي كلامك يدل على انك سنابسي صح ولا
اما لرويحة اذا جتنا ليلة الحمعة والخميس والأثنين بالذات زوجة الوالد الله يرحمهم جميع ما ترضى احد
يقتلها كل مرة كدا بس هالثلاث الليالي متشددة فيهم واجد
واحيانا كانت لما اتشوف ارويحة اتقوم اطلع عيش او تمر او مكتوب الله زي مايقولوا وكنت اسألها ليش
فجاوبت لأن ابوش الله يرحمه زايرنا وهو معروف بالكرم لازم انراويه ان احنا بخير و بيتنا زي ما هو معروف
بالكرم.
اما على سالفة الحلا فزوجة الوالد بعد الله يرحمها هي الي اتسويه واذكر مرة واني صغيرة قعدت وياها اسوية حق وفاة مريم
وين ديك الأيام
اخوي والله ذكرتنا بأيام لولوحلاوتها
الله يرحم والديك وجدتك وابوي وزوجته والمؤمنين والمؤمنات اجمعين

[ام الحلوين]

الله يعطيك الف عافيه خيي على هالسوالف الي تشرح الخاطر وتوسع الصدر

والله يرحم يدتك وجميع امواتنا واموات المؤمنين والمؤمنات ياكريم