رد مع اقتباسهلا بخيتي عفاف الهدىالمشاركة الأصلية كتبت بواسطة عفاف الهدى
ويش نسوي خيه بعد
علشان نغطي تكاليف البث ههههههههه
تسلمي على التواجد الرائع
سلام
بسم الله
يسلمووووووو أخوي على كتابة هالقصه الرووووووووعه
وننتظر شبيصير في نتف نتيفان مع السعلووووووووه؟؟؟
هلا وغلا بخيتي مياس
الله يسلمش ويعافيش
ان شاء الله بنشوف ويش سوو السعالوات ويا انتيف نتيفان
هههههههههه
تحياتي
اللهم صل على محمد وآل محمد الطيبين الطاهرين
-------------------
لا أحلل ولاأبرأ ذمة من ينسخ أوينقل ماأكتبه دون إذن مني
هلا بخيتي عفاف الهدى
ويش نسوي خيه بعد
علشان نغطي تكاليف البث ههههههههه
تسلمي على التواجد الرائع
سلام
اللهم صل على محمد وآل محمد الطيبين الطاهرين
-------------------
لا أحلل ولاأبرأ ذمة من ينسخ أوينقل ماأكتبه دون إذن مني
بسم الله الرحمن الرحيم
رجعت من العمل ذاك اليوم
وجلست أطالع التلفزيون شوي
وشوي الا يدتي داخله علينا في المجلس
وقمت أتكلم وياها في حاجات واااايد
وبعد شوي نادوا عليها علشان تنيم اليهال
وقبل لا تدخل الحجره عطتني فلافة أريل
وقالت لي نفسي في -صبعبلي-
فسألتها شا اليوم ويش متغديه
فقالت لي اليوم ما قصرت أمك سوت لي كاورما
وأكلت ليي سلوقتين وأحين أبغى أبرد على روحي
ورحت على طول اشتريت اليها
وجيت ودخلت الحجرة
وقامت تاكل الصبعبلي
وبعد ما خلصت بدأت تنيم اليهال
وقلت اليها
أنا :- أماه آخر شي وصلنا اله هوه يو انتيف نتيفان وصل للسعلوه
يدتي:- بالصلاة على محمد وآل محمد الطيبين الطاهرين
نبتدي
بعد ما سلم انتيف نتيفان على السعلوه الأولى
ردت عليه السعلوه :- لولا سلامك قبل كلامك شان أكلتك وكسكست عظامك ، وهوه لا يشبع ولا يسمن
فقال ليها انتيف نتيفان:- احنا أولاد اختك جيناك من مكان بعيد وأخوتي موجودين نبغى نبات عندش وعند أخواتش
ضيفينا
قالت السعلوه :- ياهلا بأولاد أختي وبيتتهم وقعد كل واحد منهم عند سعلوه من السعالوا التسع وذبحوا ليهم الذبايح لين أكلوا وشربوا
وبعد فلاف ليالي يو اليهم وهم يبغوا ياكلوهم ، فشافوهم نايمين الا انتيف نتيفان فسألته :- ليش ما تنام ؟؟
فقال ليها انتيف نتيفان:- أنا ما أنام الا في حضن أمي
فقالت السعلوه :- تعال نام في حضني .
ووضعته في حضنها وهي ناويه عليه نية القشرا
وأخذت تهود عليه وتقول:- كل الناس هودت ونامت وما من عين الا عيني وعينك يالله .
فرد عليها انتيف نتيفان أنا وياش بعد
فقالت له ليش بعد ما نمت
فقال ليها :- كيف أنام وتيسي ما أكل ؟
فقامت الى تيسه وأكلته
وعودت وحطت انتيف نتيفان في حظنها وقالت له نفس الشي
فقال ليها بعد أنا وياش
وسألته :- زليش ما نمت بعد هالمرة ؟
فقال ليها :- كيف أنام وتيسي ما شرب ؟
فقامت مره فانيه وهي غضبانه وشربت تيسه
وعودت اله وحطته في حضنها بعد مره فانيه
وقامت تهود عليه وما فيه فايده بعد انتيف نتيفان ما نام
وسألته بعد لاويش مانمت لها الحزه
فقال ليها كيفه أنام وتيسي بردان
فقامت وغطت تيسه بلحاف
والتيس كل شوي يتحرك
فقام الى أخوته ونبههم واحد واحد
وهوه يقول ليهم قوموا يالخبلان ذاكم السعلوات يسنوا ضروسهم يبغوا ياكلونا وانتون تشاخروا في النوم
وقاموا وشافوا السعلوات وهم يسنوا ضروسهم والسعلوه الكبيره تقول ليهم يالله سنوا ضروسكم عدل علشان بس ينام هالاغبر انتيف نتيفان نقوم مره وحده وناكلهم
فقال انتيف نتيفان لأخوته يالله كل واحد يروح اييب يدع نخله ويحطه مكانه تحت الفراش
ويالله شيلوا فلوس السعلوات وذهبهم وحطوهم على خيولكم
وما أبغى أشوف ولا واحد منكم
وخلوني لحالي ، وأنا با أتصرف وياهم
وعلى طول قاموا وشالوا الذهب والفلوس وحطوهم على الخيول وانحاشوا وظل انتيف نتيفان لحاله
ويوم دخلوا السعالوه في ذاك البيت
كل وحده دخلت الحجره اللي فيها واحد من أخوة انتيف نتيفان وقاموا يقرضوا في يدوع النخيل
ويقولوا مصقعهم لحمهم خشن
مو زي اللي أكلناهم من أول
هذولا فير شكلهم
وانتيف نتيفان يقفل عليهم الحجر وحده ورى الفانيه
لامن أخذ المفاتيح كلهم وخلاهم عنده
وأخذ له شوية أكل وشوية ماي وركب تيسه
ومشى عن السعلوات وهم محبوسين كل وحده في حجره لحالها ، ويصارخوا على انتيف نتيفان طلعنا وبنعطيك فلوووس واااايد
وما ياب خبرهم وؤاح عنهم
أما أخوته فمشوا الليل والنهار وهم فرحانين ويقولوا :- حصلنا الذهب وافتكينا من انتيف نتيفان أكيد السعلوات تعشوا به
ويوم وصلوا الى بيتهم راووا أمهم الذهب والفلوس
فسألتهم عن انتيف نتيفان فقالوا ليها :- ما ندري عنه ولا شفناه أصلاً !!!!!
فقامت تدعي :- يارب توصل هالولد سالم وتعوده غانم
وبعد يومين وصل انتيف نتيفان الى بيت أمه ويوم دخل البيت شافته أمه وقامت وحضنته وسألته :- لا ويش ما رحت ويا أخوتك؟؟
فقال لأمه :- يعني نكروني وما بيعطوني نصيبي؟
فقالت أمه :- أصلاً يقولوا ما شافوك ولا شفتهم .
فقال ليها :- أماه انتين لا ويش أول شي كنتي تبغي يهال
ويوم الله أرزقش بالاولاد خليتينا نروح الى السعلوات ؟؟؟
فقالت اله :- شوف يا انتيف نتيفان أني ما سويت كده الا علشان أشوف منهو الشجاع فيكم
فقال ليها انتيف نتيفان :- بعد شوي بعلمش من الشجاع .
ويوم يوا أخوته الى البيت قال ليهم شوفوا يا أخوتي
أبغى نصيبي من الذهب
فقال ليهم :- ماليي نصيب ؟؟؟زين
يا تيسي تعال خلنا نفك السعلوات من سجنهم ونخليهم ياخذوا فلوسهم ....وطلع المفاتيح من مخباه
ويوم شافوا المفاتيح عرفوا ان انتيف نتيفان ما يهرج وياهم
وهوه اللي يقدر يسوي كل هالحاجات يسويها ويفك السعلوات من سجنهم
فقالوا لأمهم السالفة من طلعتهم لامن عودوا وعندهم هالذهب والفلوس
وعرفت أمهم انم انتيف نتيفان هوه أشجعهم
وعاشوا ويا بعض وعرسوا ويابوا ولاد وبنات
وحبوا أخوهم انتيف نتيفان
لامن ماتوا كلهم
وخلصت وملصت ويت الديايه ورقصت
وحطت يدتي نقطه بعد هالسالفه
وسكتت عن الكلام المباح
يوم ناموا اليهال وخلصت سالفة انتيف نتيفان
وتقبلوا خالص تحياتي
با أروح أشتري لي
صبعبلي
اللهم صل على محمد وآل محمد الطيبين الطاهرين
-------------------
لا أحلل ولاأبرأ ذمة من ينسخ أوينقل ماأكتبه دون إذن مني
يسلمو اخوي واحد فاضي على السالفة مدري تخوف او الي تجنن
اي وياك بريلاين صبعبلي بعد ارميهم فوق السطح انا بروح اخذهم
مشكور وماتقصر ورحم الله والديك
وننطر السالفة الجديدة
الحين عذرني بروح اصرخ ابي صبعبلي :)
اختك لحـنـ الخلود
الف شكر للشيخة زورو على التوقيع
اشوى النهاية سعيدة مو زي مسلسلات الحين لازم كرتون الفاين جنبك في الحلقة الأخيرة
بس الجدة ما قصرت شهتنا في الصبعبلي واحنا مريضين الله يسامحها
ننتظر القصة الجديدة عفوا السالفة الجديدة
الله يرحم الجدة
قصص رااائعة ماشاء الله من زمن جداااتنا
الله يرحمش ياجدتي ويرحم اموات المسلمين والمسلماات
مالحقت على جدتي الا وهي على فراش المرض بس كانت تحبنا ونحبها
الله يرحمهم جميعاًًً
حياش الله خيتي لحن الخلود
الله يسلمش ويعافيش
حلو الصبعبلي
خلاص با أجيب الش صبعبلي على لبن هههههه
تقبلي تقديري لتواجدك الرائع خيتي
سلام
اللهم صل على محمد وآل محمد الطيبين الطاهرين
-------------------
لا أحلل ولاأبرأ ذمة من ينسخ أوينقل ماأكتبه دون إذن مني
هلا بخيتي عفاف الهدى
لا ما عندنا الا نهايات سعيده
ولا فاين ولا -نابكين-
الله يعافيش خيتي
من الحين سوي الش صبعبلي على لبن ولا شربت
واذا طبتي عليش به اقضي عليه ههههههههه
تقبلي خالص التحيات
اللهم صل على محمد وآل محمد الطيبين الطاهرين
-------------------
لا أحلل ولاأبرأ ذمة من ينسخ أوينقل ماأكتبه دون إذن مني
خيتي بئر الصمت حياش الله
الله يرحم المؤمنين والمؤمنات أجمعين
الله يخليكم وتذكروها في كل وقت ان شاء الله
رحمة الله عليها
تقبلي تحياتي
اللهم صل على محمد وآل محمد الطيبين الطاهرين
-------------------
لا أحلل ولاأبرأ ذمة من ينسخ أوينقل ماأكتبه دون إذن مني
السلام عليكم ورحمة الله وبركاته
مسيكم وصبحكم بلخير
شحوالكم وأخباركم عساكم بخير ان شاء الله
تأخرنا كم يوم عن السوالف بس أعذرونا
هذا يا محفوظين السلامه اليوم
قصتي ويا يدتي الله يرحمها
في الشتاء
رايح اتمشى والمطر يطق وكاس شاي حاااااااااار
وأنا في السياره
وبعد زقاره ........أوووه نسينا ممنوع التدخين في المنتدى هه
وأنا في السياره رايح أفتر والمطر ينزل ---نداوي -- يعني شوي شوي
قررت اني أزور يدتي ورحت اليها
ودخلت اليها وهي قاعده
تسمر - وبعدني ما تكلمت وياها
بس كانت الاوراق في ايدي
وشافتني المرحومه خالتي -لانها عايشه وياها -
فسلمت عليها بشويش وعرفت خالتي الله يرحمها
ويش ابغى فقعدت جنب يدتي
وهي ساااااااااااامره - ورايحه في التفكير
الا شوي وتطلع منها هالانشوده الروووووووووعه
صلوا على المصطفى وصلوا على الهادي
صلوا على من بنى قبته في أرض بغدادِ
صلوا على المصطفى وصلوا على الكرار
صلوا على من فرش بردته ولا احتاج عبّار
حيدر يا بو الحسنين ما أنساك عن بالي
يا منطق الجمجمه لو هي عظم بالي
حيدر يا بو الحسنين يا صاحب الناموس
حلال كل مشكله يا فاك المحبوس
وبدون شعور قمت أقول
الله الله الله يا أماه
ويش هالشعر ....ويش هالشعر
يدتي:- اسم الله الرحمن الرحيم
هذا انته هنه وأني ما أدري
اسم الله الرحمن الرحيم
أنا:- أيه هنه يا أحلى وأعظم شاعره في الدنيا
يدتي:- من متى انته هنه
أنا :- هنه من أول ما قمتي تقولي صلوا على المصطفى ....
يدتي :- الله يغربل ابليسك
ويش يايبنك
أنا :- يالله مع السلامه
يدتي :- وين بتروح
أنا :- تقولي ويش يايبنك ، يعني روح عنا
يدتي :- لا على العين والراس يا......يا ولد..........
بس يعني اليوم داكيه تمطر ويش مقعدنك من صباح الله
أنا :- تعرفي بعد ، دام فيه مطر يعني ما فيه نومه
يدتي :- خلق وشابه
أنا:- يعني ويش
يدتي :- يعني أنته وأمك نفس النمونه
أنا :- ( اتعيبط) :- كيفه يعني ما فهمت ؟
يدتي:- هذا يا محفوظ السلامه أمك تحب المطر مررره مررره
وفي كل دعواتها تطلب من الله المطر مسوى تعرف انه رحمة من الله وان الدعاء تحت المطر الله يستجيبه
أنا:- وأنا أقول ، لا وأبشرش ما طلعت من البيت الا وحاط اليها مغاسل فوق الصدح علشان تيمع ليها مطر شوي
يدتي:- خلاص بكره ييب الينا شوي من عندها زين
أنا :- ولا يهمش بكره أييب الش غرشة مطر
يدتي:- يالله الحين قوم سو الينا غوري شاي وخلنا نتصخن شوي
أنا :- با أسوي الش حليبه وياها شوية ينزبيل علشان تتدفي
يدتي:- زين حق خالتك بعد تشرب ويانا
وقمت وحطيت الغوري على الفرن وحطيت الحليبه وحطيت وياها شوي ماي وشوية ينزبيل وخليتهم يطبخوا شوي
وتالي حطيت شوية شكر ويبتهم في تبسي وصبيت لكل واحد كاس
وجلست خالتي على جنب - تسف- سفره وزبيل
وهي تصتاخ الينا
يدتي:- الله حلوه هالحليبه الله يسلمك ان شاء الله
أنا :- عليش بالعافيه أماه
يدتي:- والله ذكرتني بأيام لووول
أنا:- الله يذكرش بالخير ، أي أيام
يدتي:- لول يا .....يا ولد...... اذا حول المطر طلعنا في السكك والطرقات وقمنا نلعب ، صبيان وبنات ما فيه فرق أبد
أنا :- زين ويش تقولوا ، ويش تسووا
يدتي:- أول ما ينزل المطر كانت أمهاتنا اييبوا الينا خيشة - مالت العيش ويكفسوها من النص ونلبسها بعد لول ما فيه شتاري ولا غيرها وبعدين نطلع تحت المطر وإحنا نقول
طق يا مطر طق
بيتنا يديد ...مزرابنا حديد
طق يا مطر طق
أنا :- وبعد ويش تقولوا
يدتي :- نقول بعد
صاح المطر بيد الله
كسر حوي عبدالله
طاح المطر برعوده
كسر حوي عبوده
طاح المطر في الخيمه
كسر حوي فطيمه
طاح المطر من فوق
كسر حوي (.......)إسم شخص من البلد ورفعاَ للحرج لن أذكره( وهو غير-- بن طوق )
أنا :- وبعد ويش تقولوا
يدتي:- ويش نقول ....
خالتي :- نقول بعد
طاح المطر على قطر وتيمعوا في العشه
سووا ليهم خبيصه ما خلوا حتى تشه
وبعد :-
طاحت علينا المطره
على شباب العطره
والمطره ما تستاهل
تستاهل (.......)ياهل
يدتي :- أي والله لول كنا نطلع في المطر ونمشي في الغدران
وما نرجع الا المشق ضابر أرايلنا ضرب
خالتي :- بس نعود البيت يقوموا يدبغوا أرايلنا بالدهان والفازلين دبغ
أنا:- الله ، الحين لو واحد يمشي تحت المطر قالوا عنه مينون
ولا خبل
يدتي :- والله من يزل المطر ما تسمع الا طق المواعين فوق لبيوت وكل واحد امع له شوية مطر بركه عن الحسد
أنا:- أيه وأنا أقول ، قبل اسبوع أمي يايه اليها ........بت ......... وتبغى من عند أمي شوية مطر
يدتي:- هذولا أكيد محسودين ويبغوا يرشوا على بابهم شوية مطر
أنا :- يعني حق كده
يدتي:- وبعضهم يرشوا المطر في غرفة النوم اذا عرسوا حق البركه بعد
أنا:- خلاص با أيمع لي شوي حق اذا عرست
يدتي:- خذ من عند أمك شوي
أنا :- يعني با ايمع وبا أعطيه أمي بعد
يدتي:- الله يوفقك يا ....يا ولد........
ويبلغنا عرسك يا رب
ولفت اتباهي حين التفت الى خالتي وكأنها
تتذكر أيام لووول ونزلت منها دمعه أيضاً على ما مضى من الايام ، وتابعت -سف سفرتها وزبيلها
ودخل ولد خالتي وسكت القوم عن الكلام المباح
حينما توقف المطر على الهطول
وإستأذنت لأقف تحت المطر
وأتذكر بعض الأيام السابقه
وأنا أقول :-
طاح المطر على قطر.........
وسلامتكم
ونلتقي ان شاء الله قريباً
سلام
اللهم صل على محمد وآل محمد الطيبين الطاهرين
-------------------
لا أحلل ولاأبرأ ذمة من ينسخ أوينقل ماأكتبه دون إذن مني
الله يوفقك
ترى بيتنا فيه حوي ومفتوح اذا تبغى تتذكر ايام لول تعال
احم احم مو انت مرتك يعني
الله يرحم جدتك
مشكور اخوي واحد فاضي
روعة السالفة
بس احنا نقول لما ينزل المطر
نقول شطرين بس <<<< طلعنا بخيلين اخ لو بس امي قاعده كان سمعتنا شوي
نقول زيدي زيدي يامطرة وارحمي عبيد الله
مشكور اخوي واحد فاضي ولا تتاخر علينا بالسالفة الجديدة
اي توضيح لما قصد بكتب السوالف قصد باوراق عندي ما قصد في منتديات ثانية
ورحم الله والديك
تقبل مروري اختك لحــنـ الخلود
الف شكر للشيخة زورو على التوقيع
الله يعطيك العافيه ع السوالف الول
والله يرحم يدتك برحمته
والله نفسي من زمان اسمع سوالف لول
لا عدمناك ولاعدمن هسوالف
تقبل مروري
وردة البنفسج
على ويش اعلق ويش ابدي
من نومت الجهال الى نتيف نتيفاتن وصولاً الى المطر
كشخات كشخات
<<<<< اعتراف صريح بتقصير
نومت الجهال عجبتني بالمرة
تت ياسنور تت تت
ماعدنا بنات
ماعدنا إلا فطوم تنام وتسكت
شي روعه ابداع ماتدري من الي كتب كلماتها ........
اما نتيف نتيفان كسر خاطري <<<< موعشان شي عشان نتف زيي
>>>> سكتي بلا فضيحه....خخخخخخخخ
اشتهيت عصيده من الصبح اسوي جدتي الله يرحمها
احسن وحده في القطيف تسوي عصيده
معذرتاً خيو على التقصير من زمان ما طبيت اهني
بنتظار سوالفك وسوالف جتك الزينه
يا ابو زين
دمتــ بود
هلا بيش خيتي عفاف الهدى
إحم إحم خلاص با أخلي ام زين تروح ......
وأنا با أروح بيت أختي أتذكر ذيك الأيام هههههههه
مشكوره خيتي
تحياتي
اللهم صل على محمد وآل محمد الطيبين الطاهرين
-------------------
لا أحلل ولاأبرأ ذمة من ينسخ أوينقل ماأكتبه دون إذن مني
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
المفضلات