سوالف يدتي الله يرحمها......

[واحد فاضي]

زانه زانه زانه
والخير في اللي جانا
حسن يا أبو عطيه
واعمامته المطويه
طواها ما طواها
طواها حبيب رمان
من رمان البديعه
......................




للحين العبها لحمود

ونفس الشي

يا سنور تت هاذي بعد للحين موجودة ونقولها للجهال

وجوعتني قاعده من الصبح وخبز خباز وجبن وبيض


الحين بقوم اسوي الي فطور وبخليهم يجيبو خبز خباز

حياش الله خيتي أم محمد ومرحبتين
زين والله خيتي محافظه على هالاشياء
يعطيش العافيه خيتي

وعليش بألف عافيه
خبز خباز وجبن وبيض أمممممممممم

تحياتي

[واحد فاضي]

مرحبا خيتي عفاف الهدى

والله حلوة هالقصة
اول مرة اسمعها
حلوه القصه مرررره تراها
وبنجيب بعد سوالف غيرها
وحلوه زيها ان شاء الله

بس فاصل ونرجع

مو حلوة دايما حنا متواصليين ونقطع
ويش نسوي بعد نامت بت أختي


يلا ما عليه احتراما للجدة بس

الله يرحمها ويغمد روحها الجنة
تسلمي خيتي
الله يرحمها ويغمد روحها الجنة مع محمد وآل محمد الطيبين الطاهرين
ويمن على يدتش بالصحة والسلامة يا رب العالمين
تحياتي

[شذى الزهراء]

اول مرة اسمع هالسالفه ,,
رحمت الله على جدتك ..

ورحم الله والديك الله يعطيك العافية ,,

[واحد فاضي]

السلام عليكم ورحمة الله وبركاته

مساكم اله بالخير
هذا يا محفوظين السلامه
من أولها بالصلاة على محمد وآل محمد الطيبين الطاهرين

أمس يدتي ما رضيت تكمل لينا السالفه
لأن بت أختي
نامت
بس اليوم يدتي صار عندها بت أختي وبت أخوي
ولازم تنيمهم
يعني ان شاء الله بتكمل السالفه الا اذا
ناموا قبل لا تخلص سالفتها
أنا :- سلااااااام عليكوووووووم
يدتي:- عليكووووووم السلاااااااااااااام
أنا :- شحوالش أماه
يدتي :- بخير وعافيه والحمد لله
أنا :- ويش اليوم يايبين الش البنات
يدتي :- ايه مسوا خواتك راحوا العزيه ، صمايل شوف اليي راديوي مو راضي اييب ايران
أنا :- ييبيه با أشوفه
وفتحت الراديو وقمت أشوف ويش فيه
تالي قلت ليدتي:- ويش أماه نسيتيه مشغل البارحه
يدتي :- وأني أقول ويش اللي البارحه ما خلاني أنام
أتاريه هالنحيس
أنا :- خلاص أماه بعد شوي با أشتري الش أحجار
يدتي:- اذا بتشتري أحجار ييب أبو سنور مو يلعبو عليك
أنا :- ان شاء الله
يدتي:- ويش نسيت اللي قلت الك به ؟؟
أنا :- لا أماه ، وأنا أنسى
يدتي:- وينهوه ؟
أنا :- هذي الميوه وهذي الشماريخ.
يدتي:- قوم ييب قفتي داكيه فوق البلنق.
وأحضرت القفه من على البلنق ووضعت فيها الأغراض
وأرجعتها الى مكانها .
يدتي:- جزاك الله كل خير
أنا :- الله يهنيش دنيا وآخره يارب
وانشغلت يدتي يتعديل منام اليهال ووضعهم في منامهم
وقامت برش القليل من الماء على الفراش
وعندما سألتها عن هذا قالت لي ان الماء بركه
بالإضافة الى أن الماء يبرد على الروح
لعن الله قاتليك يا أبا عبد الله الحسين
أنا :- يالله يداه كملي سالفة أمس
يدتي:- الحين يا ولدي ، جهزت روحك
أنا :- أنا جاهز أماه
يدتي :- بالصلاة على النبي وآل النبي صلى الله عليه وآله
نكمل من أمس ، وين وصلنا
أنا :- وصلنا يوم انتيف نتيفان يقول لتيسه :- كل كل ترى الشغل وايد .
يدتي:- ايه تذكرت الحين
هذا يا .......يا ولد .........
يوم أكل انتيف نتيفان هوه وتيسه وشبعوا قام انتيف نتيفان
وركب على تيسه وراح الى اليبل وهو يقول :-
كسر يا تيسي وأنا أكسر ....كسر يا تيسي وأنا أكسر
لامن كسر اليهم طريق ومشوا فيه ومروا من اليبل
ومشوا ومشى وياهم انتيف نتيفان وبعد شوي وهو يمشوا
قاموا يقولوا الى انتيف نتيفان :- ووووووف ويش هالريحه
نايبه تصقعك خايس كله منك ومن تيسك خيستنا
روح روح عنا ما نبغاك
ومشوا عنه
قام قال ليهم :- لكن روحوا الله لا يوفقكم ما بتشوفوا قدامكم الا بحر على بحر على بحر محوط عليكم من كل جهه
قالوا له :- من وينه البحر وأحنا على البر لا بحر ولا شي
وركب انتيف نتيفان تيسه ومشى وراهم
وهم يمشوا ويمشوا ما شافوا قدامهم الا بحر ، راحوا يمين الا هذا بحر ، راحو يسير الا هذا بحر
فقاموا ينادوا على أخوهم :- انتيف نتيفان يا خونا .
رد عليهم :- لا أنا أخوكم ولا أنا أبوكم
ولا رضعت من درة أمكم
ونادوا عليه مره فانيه وقال ليهم نفل اللي قاله المرة الأولى
ويوم قالوا له مره فالفه قال ليهم :- تعطوني ربع أكلكم با أخلصكم .
ووافقوا ويش يسووا بعد
وقام انتيف نتيفان يا كل وتيسه ياكل وياه
ويوم شبعوا قام هوه وتيسه وهو يقول :-
قربع يا تيسي وأنا أقربع ......قربع يا تيسي وأنا أقربع

لين شربوا ذاك البحر كله
وصار اليهم طريق وعبروا مفلات المره الاوليه
ومشى وياهم وبعد شويه بعد قالوا له ووووووف خيستنا
انته وتيسك وللللل عليكم خايسين وقاموا ومشوا عنه وخلوه
فقال ليهم :- روحوا الله لا يوفقكم ما بتشوفوا قدامكم الا أبر على أبر فوقها أبر تحتها أبر تحاوط عليكم
مشوا عنه وهو يضحكوا عليه ويقولوا :- قال أبر قال شاااااه إحنا عند الخياطين لا فيه أبر ولا خبر.
وبعد ما مشوا شوي الا هذي أبر محاوطه بهم من كل جهه
تحت ارايلهم ويمينهم ويسيرهم ووراهم ومن كل محل
قاموا ينادوا على انتيف نتيفان :- انتيف نتيفان ياخونا
رد عليهم انتيف نتيفان:- لا أنا أخوكم ولا أبوكم ولا شربت من درة أمكم
وعودوا صرخوا عليه وقال ليهم نفل اللي قاله
فقالوا له:- خلاص تعال لينا وبنعطيك ربع أكلنا
فيوم قالوا له كده يا اليهم وقام ياكل هوه وتيسه
ويوم شبع هوه وتيسه قام وركب على ظهره وهوه يقول :- قزّم يا تيسي وأنا أقزّم ......قزّم يا تيسي وأنا أقزّم
لامن كسر ذيك الابر كلها ولا خلا منها شي صاحي
وركبوا على خيولهم ومشوا ومشى انتيف نتيفان وراهم
ونفس الشي بعد قاموا يقولوا له :- عساك اليوع وضرب ليموع تاكل الاكل وتخيسنا انته وتيسك خلاص بنروح عنك
قال ليهم :- ما تأدبتوا من أول ، لكن روحوا الله لا يوفقكم عساكم أسل وسلا من فوق وتحت ويمين ويسير
فقاموا يضحكوا بعد وهم يمشوا ويقولوا من وينه الاسل والسلا وإحنا في هالبر اللي ما فيه شي .
وبعد شوي الا هذا أسل وسلا ما يقدروا يروحوا ولا يعودوا
وكلما تحركوا نخزهم من كل مكان
فقاموا يصرخوا على أخوهم انتيف نتيفان :-
انتيف نتيفان يا خونا
فرد عليهم :- لا أنا أخوكم ولا أبوكم ولا رضعت من درة أمكم
وعودوا صارخوا عليه وقال ليهم :- اعطوني ربع أكلكم وأنا أخلصكم من بلوتكم
فعطوه ربع أكلهم وقام ياكل هوه وتيسه
ويوم شبعوا قام ركب تيسه وراح للأسل والسلا وهو يقول :-
أردس ياتيسي وأنا أردس ......اردس يا تيسي وأنا أردس
لامن سووا ذاك السلا والأسل زي الفرشه
وعبروا وعبر وياهم
فقالوا اله يا خونا ما عرفنا قدرك الا يوم شفنا أفعالك
ومشى وياهم
وظلوا يمشوا لامن يا وقت المغرب الا هم عند
بلاد ما فيها أحد ،
فخافوا يدخلوها
فراح انتيف نتيفان ودخل ذيك البلاد وشوي الا هذي سعلوه
طويله عريضه أياديها فيها شعر وويهها ما يتطالع
فقال ليها :- السلام عليكِ ياعمتاه يا أخت أباه يا خليفة ما مضى ..

وناموا اليهال فقالت لي يدتي أسكت عن المقال
وقوم اطلع لا يقعدوا ....
وسكتت يدتي عن الكلام المباح
عندما ......ناموا اليهال

فهل يا ترى السعلوه بتاكل انتيف نتيفان ولا بيعود سالم ؟؟؟
بكره ان شاء الله بنعرف الجواب وما بنطول
عليكم في الخطاب
فإسمحوا الينا الحين بنروح ننام
سلام

[Princess]

اذا بتشتري أحجار ييب أبو سنور مو يلعبو عليك
هههههههههههههههه عجبتني وربي ... ابو سنوور
اسوود لا تنسى ..ههههههه
رحمة الله عليها..

وويش يعني ... شماريخ...بلنق .....؟؟؟؟؟

بنتظار تكملة القصه خيوووو

تسلم من كل شر ويعطيك الف عافيه
دمت بحفظ الرحمن

[لحن الخلود]

مشكور اخوي واحد فاضي على الجزء الحلو
بس مو كانك حاط فيها اكشن انك مقطعنها اجزء محقرصتني بصراحة
انطر الاجزاء الباقية

[عفاف الهدى]

مشكور اخوي على القصة الحلوة

انتيف انتيفان
وتسلم اناملك ويسلم فم الجدة

الله يرحمها ويغمد روحها الجنة

[Princess]

وويش يعني ... شماريخ...بلنق .....؟؟؟؟؟

هلا خيووو .. عرفتهم << فرحانه حضرتها..
سألت وقالو لي البلنق .>>>. السرير..
والشماريخ جابو لي موقع تنظيف لنخيل مدري ويه وفيه طاري شمروخ وشماريخ وشميرخات << تدلعي فيهم ... انا لله
ايه عرفت انه جزء من النخله وبالأحرى جهة الرطب .. قلت يمكن العدق .. تالي شفت مكتوب شمروخ وعدق .. قلت اجل لا.. وصرت اضرب فكر .. لييييييين تذكرت.
. عسوو النخله ههههههههههههههه
عاد ما ادري ويش تسموه احنا نسمي المخمه السوريه عسو
وخمنت ان الشمروخ هو عدق الرطب بتفرعاته لما يشيلو منه الرطب .. فينتج الشمروخ وهو العسو من النخله للتنظيف...
ويش اللي ذكرني بهالعسوو المنقرض...
اكلت منه شدخ من اولاد عمي لييين قلت بسسس.. هههههههه
تسلم خيي.. وعذرا على القرقر
اخاف على كل هالقرقر تالي يطلع شمروخنا غلط..
ههههههههه عاد اسمحو لينا ساعتها..

دمت بحفظ الرحمن

[مياس]

بسم الله
يسلمووووووو أخوي على كتابة هالقصه الرووووووووعه
وننتظر شبيصير في نتف نتيفان مع السعلووووووووه؟؟؟

[عفاف الهدى]

يلا ما انتهوا الدعايات

شكلها القصة منقولة عا mbc
ها ها ها

[واحد فاضي]

آسف بس لأني من أمس في العمل

ان شاء الله الليلة نكمل باقي القصة

وبعد فيه جوله جديده مع يدتي الله يرحمها <<<<شدعوه مصارعه

تحياتي

[واحد فاضي]

هلا بيش خيتي أميرة المرح

اذا بتشتري أحجار ييب أبو سنور مو يلعبو عليك

هههههههههههههههه عجبتني وربي ... ابو سنوور
اسوود لا تنسى ..ههههههه
رحمة الله عليها..
أيه هذي النوعيه غريبه ما يوثقوا الشياب الا في
هالنوعيه ......لو تجيب اليهم انرجايزر ما يفيد وياهم ههههههه

وويش يعني ... شماريخ...بلنق .....؟؟؟؟؟

أشوا عرفتيهم ههههههههه

بنتظار تكملة القصه خيوووو

تسلم من كل شر ويعطيك الف عافيه

دمت بحفظ الرحمن

ان شاء الله نكمل اليوم اذا زبط النت والوضع

تحياتي

[واحد فاضي]

مشكور اخوي واحد فاضي على الجزء الحلو
بس مو كانك حاط فيها اكشن انك مقطعنها اجزء محقرصتني بصراحة
انطر الاجزاء الباقية

هلا بخيتي لحن الخلود

معليش لأنها طويله شوي

وأنا كل شوي والثاني مطلوب للعمل

وزين الأكشن هههههههه

ولا تتحقرصي ولا شي ان شاء الله اليوم ما فيه طلب للعمل

وأكملها اليوم

تحياتي

[واحد فاضي]

مشكور اخوي على القصة الحلوة

انتيف انتيفان
وتسلم اناملك ويسلم فم الجدة

الله يرحمها ويغمد روحها الجنة

حياش الله خيتي عفاف الهدى

الله يسلمش خيتي ويرحم أموات المؤمنين والمؤمنات

تحياتي

[واحد فاضي]

هلا بخيتي أميرة كل المرح

هلا خيووو .. عرفتهم << فرحانه حضرتها..
من حقش تفرحي كلوووووووشششششششششش

سألت وقالو لي البلنق .>>>. السرير..

مزبوووووووووووووووووط
ميه الميه

والشماريخ جابو لي موقع تنظيف لنخيل مدري ويه وفيه طاري شمروخ وشماريخ وشميرخات << تدلعي فيهم ... انا لله

حلوة التدليعات
شميرخات هذي بنت الشماريخ ههههههه

ايه عرفت انه جزء من النخله وبالأحرى جهة الرطب .. قلت يمكن العدق .. تالي شفت مكتوب شمروخ وعدق .. قلت اجل لا.. وصرت اضرب فكر .. لييييييين تذكرت.
. عسوو النخله ههههههههههههههه

حلوووووووه العسو هههههههه
عاد ما ادري ويش تسموه احنا نسمي المخمه السوريه عسو
وخمنت ان الشمروخ هو عدق الرطب بتفرعاته لما يشيلو منه الرطب .. فينتج الشمروخ وهو العسو من النخله للتنظيف...
بالضبط خيتي هو :- تفرعات العسو كل واحد منهم يسموه شمروووخ
يعني الجمع شمااااااااااااريخ <<<لا تصارخ هههههههههه

ويش اللي ذكرني بهالعسوو المنقرض...
اكلت منه شدخ من اولاد عمي لييين قلت بسسس.. هههههههه

آآآهآآآآآآآآآ عجل شدخووووووش بالعسو ههههههههه
ولاويش قلتي بس ههههههههه
على قولت الشياب ...لينوش تليين ههههههههه خخخخخخخخخخخخخخ

تسلم خيي.. وعذرا على القرقر

أحلى قرقر من أحلى أميروووووه هههههه

اخاف على كل هالقرقر تالي يطلع شمروخنا غلط..

لا لا مزبووووووط شمروخكم
شمروخنا وشمروخكم
شاركم شمشاركم
أوه الظاهر طلعنا من الموضوع ههههههه
ههههههههه عاد اسمحو لينا ساعتها..

دمت بحفظ الرحمن

تشكوراتي على التواجد الراااااائع منش خيتي
أميرة كل المرح

سلام