مساكم الله بالخير
وقواكم الله بالعافيه
هذا اليوم سالفتي ويا يدتي غير
فيه يوم من أيام الله الفضيله
دخلت على يدتي الله يرحمها في بيتنا
وهيه قاعده تفكر وتبتسم
أنا :- سلام علاااااك أماه
يدتي :- علااااك السلام ...مرحبوووووووووووااااااااااااااااااااا
أنا :- يا هلا ويا مرحبا ، ويش عندهم اليوم
يدتي :- أول شي صك الباب >>>ولا تنسى أوراقك يالله
أنا :- ان شاء الله أماه ، أمرش ولا يهمش
وبعد ما صكيت الباب جيت اليها وجلست عندها
زي الطالب اللي ينتظر أستاذه يملي عليه درس
يدتي :- ما يحتاي تسألني اليوم أني با أقول لك حاجة
أنا :- ما با أسئلش وخدي راحتش
يدتي :- هذا يا محفوظ السلامة يا ......يا ولد ............
با أسولف لك اليوم عن عرس صاحبتي ،
وهي بنية من ربعنا تدرس ويانا في المعلم ، ما شفتها ذاك اليوم الا يايه وهي تضحك
قلت ليها :- هاااه خير ويش فيش ؟؟ أهلش يو من السفر ولا ويش ؟؟يابوا الش هديه ؟يابوا اليي بعد ولا نسيوني ؟؟
قالت لي صاحبتي :- لا هذا ولاذاك ، با أعرس بعد اسبوع حيفه أبويي قايل اليي
قلت اليها :- ومنهوه طايح هالسنيه اللي بياخدش
قالت لي:- ولد يارتنا أم ........
قلت اليها :- ويش أتحنى وياش لو ما تبغيني
قالت لي :- يوووه ما ابغاش .......الا انتين ، ومنهو ليي يقعد ويايي
قلت اليها :- شوفي أني ما ابغى الا اتحنى من حناش مو يحطوا اليي حنا مال الناس
قالت لي :- ولا يهمش ، ما با اتحنى الا بعد ما تتحني
أنا :- ويش خلتش تتحني ولا لا
يدتي :- تقول ما بتفتح بوزك ، عودنا على اللقافه يعني
أنا :- خلاص خلاص <<<<بعد ويش ...بعد ما زفتك ههههههههه
يدتي :- يوم يا العرس لبست بخنقي وعطتني أمي كيس ورحت اليها وقعدت وياها وسولفنا لين ( وقاطعتها )
أنا :- بس سؤال أماه بس سؤال ..........
يدتي :- ابو طبيع ما ييوز عن طبعه ، ويش تبغى بعد
أنا :- قبل كم ليله يحنوا العروس
يدتي :- يحنوها يا محفوظ السلامه قبل ليلتين لو فلاف
أنا :- خلاص أماه ما بسأل شي فاني
يدتي:- بنشوف ......( يبين من خرخاش السعف )<<<<<تعرفوا ويش معناها ؟؟؟؟؟؟
يدتي :- ذيك الليلة قعدنا زي ما قلت الك ويوم قالوا النسوان يالله يا وقت التحني ، قالت اليهم خويتي ماني متحنيه الا أول شي تحنوا ...........
قالت اليها أمها :- خلاص خلاص بتتحنوا يميع
قالت خويتي :- أيه لانها شارطه عليي
أمها :- والنعم ابكم الله يخليكم الى بعض
وبعدين لبسوها داك الفوب العجمي ، أخصر على قهواجي وفيه الزري من كل مكان تقول خويتي
هذا الفوب يايبينه من الهند
وبعدين دخلوا عليها المحنيات وحطوا تحت ارايلها مخدتين وعند ظهرها مخدتين وحطوا ليي مفلاتها
وقاموا يحنوها ويحنوني وياها ، وأول شي النحيسين ما رضيوا يحنوني الا طرق واحد
ما شفتها الا بتقوم وقالت اليهم شوفوا اذا بتحنوها طرق واحد أني بعد طرق واحد ، شوفوا أني زيها مو هيه زيي حتى استغربوا من كلامها ............
بعد شوي حست أم العروسه ان فيه وحده نظرت بتها قامت يابت الشبه وشببتها وشببتني وياها
يدتي :- أدري أدري قلت الك ما يحتاج تسئل
عندها صار ويهي أحمر وأخضر وأزرق من الفشيله
يدتي :- ويش فيك ....وقامت تضحك عليي ههههههههههه
يدتي :- في ليلة الحنا وقبل ما تيي العروس تتحنى تقول :-
دشت إغريفتها ( يعني أم العروش دخلت غرفتها )
تسحي قصيصتها ( يعني تمشط شعرها )
تغمض إعديوتها( تغمض :- يعني :-.........اللي يعرف
يقول ) يالله هذا سؤال جاوبوا عليه
يدتي :- بعدين تدخل العروس وتتحنى
يدتي :- أيه حنوني طرقين وغصبن عنهم بعد
أنا :- وعودتي بيتكم ذيك الليلة
يدتي :- ويش أعود ...وأنا محنية ...تبغاه يتفتف الحنا ، لا والله نمت عندهم والصبح يابوا
اليدوع وحطوه الينا وقمنا غسلنا الحنا وصلينا على محمد وآل محمد وأكلنا داك اليدوع
أنا :- ويش يابوا اليكم ؟؟
يدتي :- يابوا كبده وبيش عيون وبيض شكشوكه ويابوا ديك الحليبه اللي ترد الروح
دخل علينا الوالدة الكريمه
فسكتت يدتي عن الكلام المباح
رد مع اقتباس
المفضلات