سوالف يدتي الله يرحمها......

[واحد فاضي]

عموابو زين

حلوة السااااااالفة

وياريت اني لحقت على ايام قبل

أهلا ومرحبا بالفراش الفاطمي
حياش الله عمو .....انتي أحلى حبابه
الله يعطيش العافيه ويسلمش لأهلش ياااااااااااااارب

حتى هالايام حلوه بعد بأهلها .....وأهم شي الوالدين
تعيشي وتسولفي لأولادش عن هالأيام بعد حبابه

فمان الله

[دمعة الاحزان]

احم احم
كح كح كح
ادري مغبرة ومن زمن جدي الله يرحمه ماجيت هنا ولا طليت
وكنت اتشوق الى سماع السوالف الزينه
بس تعبت وتعبت عيوني وانا اقرء فيهم ويالله خلصتهم وزين خلصتهم وهالنت عاقل
لانه صاير مجنون من اخذت اجازة ويقفل باليوم ويعطلني

عندي تعليقلاااااااااااااااااااااات واايد على المواضيع بس شنو ارز وشنو اشيل
بس انتيفان هذي عجبتني وحمستني من البدايه واشوى اني قريتها وراء بعض
كان ذاك الوقت لو قريت جزء ومع غيابي كان شنو يصبرني
كان اهرب من المذاكرة بحجه اقراها وانسى حالي بالمنتدى واوة ماخلصت الماده<<تتكلم عن ايام الاختبارات لان منها قطعت

اما عن نومك عجبتني صايرة انام 24 ساعه على 24 ساعه
شكلي بقول الى حلوة اللبن تسويها الي<<اقول ايش فيكم على حلوة اللبن
صايرة اسمعها بكثرة
لان حتى اخوي يسمي امي كذا حتى احنا صرنا مانسميها الا كذا

اماعن السلوق شكلي بسويها
لان صديقتي بتروح تحج وبسوي لها وبخشه الى زين تجي ومن تجي بروح عندها
عشان السلوق وعشان هديتي بشوفتها

تسلم ابو زين على هيك سوالف حلوة
والله يعطيك الف عافيه
ويوفقك في شغلك لانه متعب حييل انا اقصد الرق لان اخوي يشتغل هناك ومايجي الا هلكان
والله يرحك جدتك وجداتنا
موفق

[واحد فاضي]

هلا بيش خيتي دمعة الاحزان

احم احم

كح كح كح
عافيه ان شاء الله

ادري مغبرة ومن زمن جدي الله يرحمه ماجيت هنا ولا طليت
وكنت اتشوق الى سماع السوالف الزينه
بس تعبت وتعبت عيوني وانا اقرء فيهم ويالله خلصتهم وزين خلصتهم وهالنت عاقل
لانه صاير مجنون من اخذت اجازة ويقفل باليوم ويعطلني
حياش الله خيتي في أي وقت
الله يسلم عيونش من التعب يارب
الله يهديه هالنت ان شاء الله

عندي تعليقلاااااااااااااااااااااات واايد على المواضيع بس شنو ارز وشنو اشيل
براحتش خيتي حاااااضرين


بس انتيفان هذي عجبتني وحمستني من البدايه واشوى اني قريتها وراء بعض
كان ذاك الوقت لو قريت جزء ومع غيابي كان شنو يصبرني
كان اهرب من المذاكرة بحجه اقراها وانسى حالي بالمنتدى واوة ماخلصت الماده<<تتكلم عن ايام الاختبارات لان منها قطعت
زين عيل كملناها وقريتيها كامله
أهم شي الإختبارات خيتي هذا المستقبل
ولاحقه على نتيف نتيفان وباقي السوالف

اما عن نومك عجبتني صايرة انام 24 ساعه على 24 ساعه
شكلي بقول الى حلوة اللبن تسويها الي<<اقول ايش فيكم على حلوة اللبن
صايرة اسمعها بكثرة
لان حتى اخوي يسمي امي كذا حتى احنا صرنا مانسميها الا كذا
والله خيتي من الهلكه والله
حلوة اللبن هذي أقل شي نقوله للوالده
وهي اللي تعبت في التربيه
الله يعطيهم العافيه أمهاتنا

اماعن السلوق شكلي بسويها
لان صديقتي بتروح تحج وبسوي لها وبخشه الى زين تجي ومن تجي بروح عندها
عشان السلوق وعشان هديتي بشوفتها
خلاص أهم شي تشيلي الينا مشكاب سلوق ههههه
وبعد لا تنسي صوغتنا من الحجيه ههههههه

تسلم ابو زين على هيك سوالف حلوة
والله يعطيك الف عافيه
الله يسلمش ويعافيش خيتي
التواجد والمتابعه ولو من بعيد خيتي
حلوين وأهم شي الواحد يستفيد من سوالف الزمان
اللي راح ....

ويوفقك في شغلك لانه متعب حييل انا اقصد الرق لان اخوي يشتغل هناك ومايجي الا هلكان
لا خيتي أنا ما أشتغل في الرق
أنا في شركة اتصالات أشتغل بس
طول الدوام تقارير ومراقبة هالكمبيوترات
ما أطلع الا عيوني مالي حاجه فيها هههههههه
الله يعين أخوك ان شاء الله ويرتاح من هالشغله
ويتوفق في شغله أريح ان شاء الله
بحق باب الحوائج العباس أبو فاضل


والله يرحم جدتك وجداتنا

موفق

الله يرحم المؤمنين والمؤمنات أجمعين

تقبلي خالص التحيات

[واحد فاضي]

بسم الله الرحمن الرحيم
اللهم صل على محمد وآل محمد

وكالعادة نبتدي من محل ما شفّرنا
V

V

وطلعت الريحه الحلوة حق الباجه ( الكراعين)
وقلت للوالده :- أماه با أحط بهارات زياده
حلوة اللبن :- خله الحين بعدين أعدل بهاراته
ويدتي مستغربه منهالألغاز اللي نقولها
وعندها دخل أخويي بالخبز العربي
وكملت الأكله

ويوم يت المغرب الا ريحة الباجه
تارسه المطبخ تراس
وعلى طول طيران للمطبخ للوالده
أنا:- ويش أماه استوت الباجه
حلوة اللبن :- أيه استوت بعد شوي با أحط ليكم ، يالله روح شوف يدتك خلّصت من الصلاة ولا ما خلصت

ورحت الى يدتي....الا توها مخلصه من الصلاة
أنا:- غفر الله الش أماه
يدتي:- غفر الله لك ولوالديك
أنا :- خلّي عنّش المصلى أنا با أشيله
يدتي:- خلاص شيله وحطه فوق البلنق وييب ليي فردة تمره من السرّود
أنا:- ان شاء الله أماه
يدتي:- هاه ويش عندكم أشتم ريحة خبز خباز وريحة ما أدري وشوه
أنا:- لا ما فيه شي بس هذي أمي مسويه باجة كراعين
يدتي:- الله ، وأني أقول ريحة ويش

أمي يابت ذيك الطاسه المليانه باجه وفيها الكراعين تسبح والشحم ذايب واللحم اللي تدور عليه بالمنقاش ههههههههههههه

وفرشنا السفره ويابت يدتي قاعودتها وقربت ليي قاعوده وقاعوده فالفه لأمي ويبنا الخبز والبصل الأخضر وبعد صرّة رويد وضربنا ضرب في الكراعين
وفي وسط هالمعركه .........

أنا :- أماه ، كيفه يسووا الباجه
حلوة اللبن :- ويش يسووا فيها بعد .....لول نتعذب لامن نسويها
أنا:- يعني كيفه
يدتي :- اذا لول ذبحوا الذبيحه ويابو الكراعين والراس نقوم نفرصخهم من اليلد ، أول شي نحرقهم وتالي نقوم بالسكاكين نشيل اليلد وتالي شوف اللي يلزق فيهم من الشهر نقوم ننتقيهم زي عيش الهورا
وبعدين ههههههه ما يبقى منهم شي

أنا:- عيل ما تستوي الباجه الا بطلعة الروح
يدتي:- عيل ويش مو زي الحين نظيفين وحليوين

أنا:- زين وبعدين كيفه يطبخوهم

حلوة اللبن :- نقوم نحطهم في الصفريه وساعات نكسر وحده منهم ولا نخليهم زي ماهم ويا الراس
ونخليهم أول شي يطبخوا بدون ملح وبعدين نشيل الماي اللي يطلع منهم من أول شي ونحط ماي فاني ونحط وياه الملح والبهارات واذا فيه شوية لحم بعد نحط وياهم كم قطعه لامن يذوبوا ويطلع موهم ....وبعدين ما فيه الا ......عليكم وعلينا بالعافيه ويا الخبز العربي

أنا:- الله يعينكم وتسلم ايدش أماه على هالباجه اللي ترد الروح
يدتي:- يا ولدي لول الواحد اذا بيعرس لازم ياكل باجه قبل العرس بكم يوم ، زينه للمعاريس

وضحكوا ........يدتي ويا حلوة اللبن ..........وأنا ما نا داير بال ليهم وقاعد أضرب في الباجه

ويوم خلصنا .........سوت حلوة اللبن ذاك الشاي المخدر ويابته لينا

حلوة اللبن :- هذاهوه الشاي أماه تفضلي
يدتي:- حسبت بعد نسيتيه
أنا:- لاويش يعني لازم شاي مخدر بعد الكراعين
يدتي:- ايه لازم عشان يذوب السمونه اللي في الباجه

وقعدنا نشرب الشاي المخدر و..................

سكتنا عن الكلام المباح
يوم شاينا خلّص وراح

وترى اللي ما يحب الباجه يفوته نص عمره
ولا أحد يقول وييييييييييع هههههههه
الحين الكراعين نظيفين ورخاص بعد
الصحن فيه ست كراعين بخمسة أريل هههههه
وسلام عليكم

[Princess]

كح كح .. غباااار من زمان ما دخلت الساتر الله متى بطلع ..<< شكلي ببسط لحظه بجيب بلع
قووه يا خوووك اخباركووم واخبار صحتكووم... << تو الناس

يدتي:- داكوه عند أمك سعنّه (دوخله) وعطيتها فلاف سعنّات ( دوخله) قول ليها ما تنساهم اسقوهم علشان يفلتوهم لينا في عين ام عمار ولا في القشوريه ولا في البحر زين

أنا:- أييييييييه زين با أسئلش عن السعنّه

يدتي:- قول إسئل حاضرين

أنا:- أول شي كيفه تسووا هالسعنّات

يدتي:- أول شي نسويهم من الخوص ونحط فيهم شوية رمل وشوية سماد علشان يكبروا بسرعه ، ومن ايي يوم العيد نرميهم في السد ولا في عين أم عمار ولا القشوريه ولا في البحر

أنا:- ايه أتذكر يوم أنا صغير نروح التوازي ونفلت السعنات حقنا هناك وأنا ما أدري لاويش
يدتي :- الله يرحم التوازي راحت

أنا:- الله يرحمها الحين ما فيه الا مواطير عليها

يدتي:- يالله كل شي رايح الا وجهه الكريم

أنا :- سبحانه

الحقوووني الحقووووووني ماااافهمت ولا شي .. لاااا وربي نايمه عدل وشبعانه نوم ماني مخرفه.... ويش سعنه وويش دوخله <<< هذا و ترجمها
وويش توازي وويش وويش ؟؟؟؟؟؟؟!!!!×××××؟؟؟؟؟؟!!!!!!!!
طلعت ريحة دخان من مخي ..

يدتي:- *)&^%$#$%^&*)&^%$#$%^&*<<<مشفّر للسالفه اليديده

هذا فايدة اللي يتأخر في الرد لا يتحمس ولا يتطفر ..

يللا لفك الشفره.. اللي بعدوووووووو

يدتي:- شوف شيل اليي بسر مال خنيزي وخلّي أمك تسويه سلوق ووصيها لا تقول لأحد زين

ههههههههه عاشو اعرفه اشوى السلووق بس مااا احبه << جربتي تاكليه انتين
احم لا بس اذا شفته تحوم شبدي .. الرطبه يالله تعبر وهي صاحيه ,, مو مطبوخه بعد .. بس احب التمر << لااا صدق قولي والله

- تالي يشهّر بنا - هههههههه

هههههههههههههههههه عجبتني .. حركتات اما لو شهر شااان عدل ..
عااد يبغى لك ساعتها تاخذ الصوره وتحتفظ بها حق تنزلها بقسم الصور ونشوف .. << ياااحبش للطماشه والنحاسه

يدتي:- أمبى من عندك اذا ما عليك كلافه$%^&*)()*&^%^&*) >>بعد مشفر

هيهيهي بعرررف الحين بس انط للسالفه الثانيه ..

وعندها سكتت يدتي عن الكلام المباح

يوم خلّص السلوق من المشكاب

ههههههههه عليها بالعافيه .. رحمة الله عليها ..

يللا اللي بعدووووو

وطلعت الريحه الحلوة حق #$%^&*)*&^%

يا خووك ويش فيك على المشفرر ..<< اللي بعدووووووو

وطلعت الريحه الحلوة حق الباجه ( الكراعين)

أمي يابت ذيك الطاسه المليانه باجه وفيها الكراعين تسبح والشحم ذايب واللحم اللي تدور عليه بالمنقاش ههههههههههههه

ههههههههههههههههههه ويلااااه عجيب الووصف

وفرشنا السفره ويابت يدتي قاعودتها وقربت ليي قاعوده وقاعوده فالفه لأمي ويبنا الخبز والبصل الأخضر وبعد صرّة رويد وضربنا ضرب في الكراعين

هههههههههههه ذكرتني مره قعدت ويا حريم ياكلوها ضبعان ..
ولا شفت الا ضرب بالعظم.. واني ووويش صاااير ... وشوي حاجه طاحت من العظمه..
يماااااااااه.. عفر شبدي لااااااااااعت.. وشوي مص في العظم واني انفض ايدي واقوم..
ويش هذا .. قالو كراعين .. يا ساااااااااااتر.. ههههههههههههه

سكتنا عن الكلام المباح
يوم شاينا خلّص وراح

قصدك يوم كرعوننا خلص وبحححححح << ههههههه بسم الله على كرعونكم

وترى اللي ما يحب الباجه يفوته نص عمره
ولا أحد يقول وييييييييييع هههههههه
الحين الكراعين نظيفين ورخاص بعد
الصحن فيه ست كراعين بخمسة أريل هههههه

السيرة الذاتيه الكرعونيه..
بس ما علي منكم ويع.. ..
الحممممدلله .. عزززززز الله النعمه
<< بعد ويه

اقووول يا خوووك وسع بعبر بكمل قرقري برد ثاني <<< لاااااا منتين صاحيه

[واحد فاضي]

أهلين وسهلين خيتي أميرة كل المرح

كح كح .. غباااار من زمان ما دخلت الساتر الله متى بطلع ..<< شكلي ببسط لحظه بجيب بلع

كححححححح كححححححح
وأهلين .......خلصي البلع وبعدين إبتدي

قووه يا خوووك اخباركووم واخبار صحتكووم... << تو الناس
الله يقويش خيتي ...الحمد لله

الحقوووني الحقووووووني ماااافهمت ولا شي .. لاااا وربي نايمه عدل وشبعانه نوم ماني مخرفه.... ويش سعنه وويش دوخله <<< هذا و ترجمها
وويش توازي وويش وويش ؟؟؟؟؟؟؟!!!!×××××؟؟؟؟؟؟!!!!!!!!
هههههههههههه
هههههههههه
الله يغربل إبليسش ....خلاص با أترجم الش
سعنّه أو دوخله خيتي يعني ...زرعه صغيره يسووها في
في قوطي فارغ أو يسووه من الخوص واله علاقه ويرموها في البحر مع التمني بعودة الحجاج سالمين غانمين
ويجيبوا لينا ( صوغه) كرادو ولا صوايات من الحج ههههه
والتوازي يعني المواطير اللي لول منتشرين في البلد ( اللي يروحوا ليهم الناس زي العيون ) إسئلي الوالده وهي بتشرح الش أحسن مني أكيد هههههههه
طلعت ريحة دخان من مخي ..
وأنا أقول ويش هالريحه كأنه واحد مفحط عند شقتي هههههههههههههههههه

هذا فايدة اللي يتأخر في الرد لا يتحمس ولا يتطفر ..

يللا لفك الشفره.. اللي بعدوووووووو

اللي بعدوووو
حياش الله

ههههههههه عاشو اعرفه اشوى السلووق بس مااا احبه << جربتي تاكليه انتين
احم لا بس اذا شفته تحوم شبدي .. الرطبه يالله تعبر وهي صاحيه ,, مو مطبوخه بعد ..
هههههههه
أي والله جربه أول هههههه

بس احب التمر << لااا صدق قولي والله
الله على التمر اذا كان
مسمسم وياه قهوة عربيه بعد
أمممممممممممم

هههههههههههههههههه عجبتني .. حركتات اما لو شهر شااان عدل ..
عااد يبغى لك ساعتها تاخذ الصوره وتحتفظ بها حق تنزلها بقسم الصور ونشوف .. << ياااحبش للطماشه والنحاسه
لا لا الاتفاق ما فيه تشهير هههههه
>>>خايف ههههههههه

هيهيهي بعرررف الحين بس انط للسالفه الثانيه ..
حركتات
بس مره فانيه ما فيه تأخير زين هههههههه

ههههههههه عليها بالعافيه .. رحمة الله عليها ..
الله يرحم المؤمنين والمؤمنات أجمعين

يللا اللي بعدووووو
اللي بعدو مرحباً بووووه

يا خووك ويش فيك على المشفرر ..<< اللي بعدووووووو
لازم تشفير علشان لاتخلص السوالف
ويصير تشويق بعد >>>فلم هوه

ههههههههههههههههههه ويلااااه عجيب الووصف
كأنه لوحة مرسومه صح

هههههههههههه ذكرتني مره قعدت ويا حريم ياكلوها ضبعان ..
ولا شفت الا ضرب بالعظم.. واني ووويش صاااير ... وشوي حاجه طاحت من العظمه..
يماااااااااه.. عفر شبدي لااااااااااعت.. وشوي مص في العظم واني انفض ايدي واقوم..
ويش هذا .. قالو كراعين .. يا ساااااااااااتر.. ههههههههههههه
هههههههههههههه
أي والله حركتات أكل الكراعين ما تسمعي
الا تمصمص في هالعظامه وتكسير هههههه

قصدك يوم كرعوننا خلص وبحححححح << ههههههه بسم الله على كرعونكم
لا أهم شي شرب الشاي بعد أكل الكراعين
يهضم السمونه على قولتهم ههههههه

السيرة الذاتيه الكرعونيه..
بس ما علي منكم ويع.. ..
الحممممدلله .. عزززززز الله النعمه
<< بعد ويه
اي والله بعد ويه ههههههه
يالله ناس وايد ما يحبوها مسكينه
وأنا أفكر أفتح محل كراعين وهريس
الظاهر ما فيه أمل ينجح هههههههه

اقووول يا خوووك وسع بعبر بكمل قرقري برد ثاني <<< لاااااا منتين صاحيه
ههههههههههه
تفضلي خيتي >>بعد ويش ردت وخلصت

[ملاك الورد ..~]

مشكووووووور خيي ابو زين للسوالف الحلوة
كنت اتابعك بصمت لاني افتقد وجود الجدة في حياتي
مو لانها مو موجودة لكنها الله يخليها من النوع العصبي الي ما تحب الجهال ولا هدرتهم ولويتهم
( لو تقرأ هالكلام ويش يفكني منها)
تراني اذا هدرت وقرقرت ويش يفككم مني
يالله من الحين بتابع وبعلق على كل موضوع
بالنسبة للباجة زين ان الوالدة قالت ليك شلون يطبخوها
لان من فترة دخلت المطبخ وشفت كيس محطوط على جنب
ومن اللقافة رحت وفتحته
الا وأشوف ذاك الراس قدامي
كان اصرخ من قمة راسي
وقلت لابو العيال لا تحلم اسويه لك اساسا اخاف اشيله هالنوب انظف واطبخ .....امعصي هههه
قال لي لا تخافي هذا الي تسويه حلوة اللبن مو انتوا يا بنات هالزمن
عن نفسي ما جربت اكله مو لانه عووووووووع ويييييييييييييييع
بس شكله يخوف
وكأني في فيلم رعب
بس ما قلت لينا شلون يسووا الشاي المخدر
من اسمه احسه ممنوعات
مشكور خيي والله يعينك على قرقتنا
على فكرة قصة نتيف نتيفان بنتي كل يوم تقول لي قوليها لي
ومع انها كلها خرابيط في مرابيط ( اجل بالذمة اقراص خبر يصيروا اولاد ههههه)
بس البنت مقتنعة بها وحفظتها صممممممممم

[واحد فاضي]

هلا بيش خيتي نوارة الدنيا

مشكووووووور خيي ابو زين للسوالف الحلوة
لا شكر على واجب خيتي

كنت اتابعك بصمت لاني افتقد وجود الجدة في حياتي
مو لانها مو موجودة لكنها الله يخليها من النوع العصبي الي ما تحب الجهال ولا هدرتهم ولويتهم
( لو تقرأ هالكلام ويش يفكني منها)
الله يعينش خيتي وان شاء الله تقدري تتقربي منها
وأحلى شي خيتي في يوم من الأيام روحي ليها
بغرشة عطر( خنّه) وقطعة قماش وعطيها وياهم
هديه وقولي ليها هذا من عندي ومن عند اليهال
قالوا لازم نييب ليدتنا هديه وشوفي تأثير هذا عليها
ميه الميه ان شاء الله ( نفعت ويا يدااااات واااايد)هههههه

تراني اذا هدرت وقرقرت ويش يفككم مني
الله يستر ههههههه
يالله من الحين بتابع وبعلق على كل موضوع
مرحبتين خيتي
بالنسبة للباجة زين ان الوالدة قالت ليك شلون يطبخوها
أفا على غيرش خيتي ......طباخ نمره واحد ترا ما قصرت الوالده
لان من فترة دخلت المطبخ وشفت كيس محطوط على جنب
ومن اللقافة رحت وفتحته
الا وأشوف ذاك الراس قدامي
كان اصرخ من قمة راسي
وقلت لابو العيال لا تحلم اسويه لك اساسا اخاف اشيله هالنوب انظف واطبخ .....امعصي هههه
قال لي لا تخافي هذا الي تسويه حلوة اللبن مو انتوا يا بنات هالزمن
ههههههههههههه
الله يغربل ابليسش ، أنا بصراحه أسوي الكراعين بس بدون الراس ، وآخذهم نظيفين ويطلعوا بطبخه كششخخخخخخخه

عن نفسي ما جربت اكله مو لانه عووووووووع ويييييييييييييييع
بس شكله يخوف
وكأني في فيلم رعب
هههههههههههههه
الله يغربل ابليسش
خلاص غمضي وانتي تاكليه ههههههههههههه

بس ما قلت لينا شلون يسووا الشاي المخدر
من اسمه احسه ممنوعات
الشاي لمخدر طريقتي بسيطه وسهله
بس أنا استعمل شاي سيلاني خاص
وداكوه بيخلص بعد وان شاء الله يوصل لي قريباً
كم كيلو منّه ويستوي بعد بشاي الوزه التلقيمه
والطريقه :- تحطي غوري فيه بس ماي وفوقه غوري فاني
فيه كاس شاي وكاس ونص ماي وتحطيهم على الفرن
حوالي نص ساعه لحتى يخدر الشاي وبعدين كل كاس من الشاي المخدر ينخلط ويا كاس من الماي المغلي ويا السكر
أوحسب الرغبه ، وعليكم بالعافيه

مشكور خيي والله يعينك على قرقتنا
حياش الله ولا شكر على واجب

على فكرة قصة نتيف نتيفان بنتي كل يوم تقول لي قوليها لي
ومع انها كلها خرابيط في مرابيط ( اجل بالذمة اقراص خبر يصيروا اولاد ههههه)
بس البنت مقتنعة بها وحفظتها صممممممممم
هههههههههههه
زين لقينا زباين للقصه وان شاء الله نحط سالفه فانيه بعد
وتحياتي للصغيرونه الحبّابه

تقبلي خالص التحيات للتواجد اللطيف

[عفاف الهدى]

بصراحة اني باقول ويييع لأني ما أحب اشوفه حتى

احنا كانت زوجة الوالد الله يرحمهم جميع هي الي بتسويه

ويوم الي تسويه كلنا تزول جبنا

يسلموا بس ما طلعت الطبخة بيض عيون .... زي ما خمنت

يلا عليكم بالعافية

والله يرحم الجدة

ويرد الوالده من سفرها سالمة غانمة يا رب

[واحد فاضي]

بصراحة اني باقول ويييع لأني ما أحب اشوفه حتى

احنا كانت زوجة الوالد الله يرحمهم جميع هي الي بتسويه

ويوم الي تسويه كلنا تزول جبنا

يسلموا بس ما طلعت الطبخة بيض عيون .... زي ما خمنت

يلا عليكم بالعافية والله يرحم الجدة

ويرد الوالده من سفرها سالمة غانمة يا رب

خيتي عفاف الهدى مرحبتين
هههههههههههه الله يغربل ابليسش خيتي لازم ويييع يعني هههه
الله يرحمهم جميع يارب
لا ما طلعت بيض عيون ههههههه طلعت على قولتش ويييييعععع ههههههه

الله يرحم المؤمنين والمؤمنات أجمعين
وان شاء الله ترجع الوالده بالسلامه ببركة محمد وآل محمد
وهيه تسلّم عليكم كلكم وان شاء الله ما بتنساكم من الدعاء والزياره

تقبلي خالص التحيات

[لحن الخلود]

لااااااااااااااااااااااااااااااااااااااااااااااااا اااااااااااا
وترى اللي ما يحب الباجه يفوته نص عمره
ولا أحد يقول وييييييييييع هههههههه

لو يقولوا الي صارت ببلاش والله ماتدخل البيت
اعذرني اخوي واحد فاضي ترى الي قلته قوم والي قاله اخوي الحين قوم ثاني
هههههههههه وجهي صار لونه اصفر اخضر من لوعت الجبد مو من كلامك بس تعليقات اخوي

عموما مشكور اخوي ورحم الله والديك
وانشاء الله امي ما تطق طقتها وتقول تبي تشتري لانها من المتابعين لسوالف جدتك هه
تسلم اخوي على الطبخات
تقبل مروري

[واحد فاضي]

مرحبتين خيتي لحن الخلود

لااااااااااااااااااااااااااااااااااااااااااااااااا اااااااااااا
وترى اللي ما يحب الباجه يفوته نص عمره
ولا أحد يقول وييييييييييع هههههههه

لو يقولوا الي صارت ببلاش والله ماتدخل البيت
ههههههههه

اعذرني اخوي واحد فاضي ترى الي قلته قوم والي قاله اخوي الحين قوم ثاني
يعني استلام عسكري من السالفه ومن أخوش
أقول أخوها :- لا تقصر ههههههههههه

هههههههههه وجهي صار لونه اصفر اخضر من لوعت الجبد مو من كلامك بس تعليقات اخوي
ههههههههههههههه
الله حيو أخو لحن الخلود


عموما مشكور اخوي ورحم الله والديك
الله يرحم والديش والمؤمنين والمؤمنات أجمعين

وانشاء الله امي ما تطق طقتها وتقول تبي تشتري لانها من المتابعين لسوالف جدتك هه
اذا الوالده على قولتش ما طقت طقتها
دكوه أخوش بيسويها وبييب اليها
تراه في (خير زاد ..الصحن بخمسة أريل هههه)

تسلم اخوي على الطبخات
تقبل مروري

الله يسلمش خيتي

تقبلي خالص التحيات

[سيناريو]

الله بالخير سيناريو
بللللل >>>> صار ليها الأخت زمااااان مادخلت
وحشتني سوالف الجده الله يرحمها
وسوالفك انت بعد اخوي أبو زين
تعاملك مع جدتك رااااائع
الله يعطيك ألف عافية
الباجه ......
أني يوم كنت صغيره أخاااااف منها
ولامرررررره اكلتها >>>>>> يعني راح عليي نص عمري ههههههه
أحنا ياكلوها في البيت >>>> طبعاً يوم في السنه بعزومه واحد من الجيران ويقوم التوزيع في الفريق كل واحد يبرز صفريته في ديك الصبحيه

البلنق>>> يووووه مافهمتها أكيد الناس كلهم يعرفوها وأني مفهيه في الكلام القديم
كل شي يبغى ليه ترجمه >>سرير؟؟؟


تحياتي لك خيي أبو زين
وإن شاالله نتواصل
موفق

[واحد فاضي]

حياش الله خيتي سيناريو

الله بالخير سيناريو
الله بالخيرات


بللللل >>>> صار ليها الأخت زمااااان مادخلت
صحيح مغبره مرررره
وين الناس

وحشتني سوالف الجده الله يرحمها
وسوالفك انت بعد اخوي أبو زين
تعاملك مع جدتك رااااائع
الله يعطيك ألف عافية
ميوحشكيش غالي >>بل ما بغت تنكتب هههههه
ويعطيش العافيه يااااارب
الباجه ......
أني يوم كنت صغيره أخاااااف منها
ولامرررررره اكلتها >>>>>> يعني راح عليي نص عمري ههههههه
أكيد راح نص عمرش هههههههه

أحنا ياكلوها في البيت >>>> طبعاً يوم في السنه بعزومه واحد من الجيران ويقوم التوزيع في الفريق كل واحد يبرز صفريته في ديك الصبحيه
هههههههههههه
حركتات وبعد لو اييب خبز عربي بعد تصير 100 الميه

البلنق>>> يووووه مافهمتها أكيد الناس كلهم يعرفوها وأني مفهيه في الكلام القديم
كل شي يبغى ليه ترجمه >>سرير؟؟؟
مزبووووووووووووط السرير
إحفظي الكلمات هههههههه

تحياتي لك خيي أبو زين
وإن شاالله نتواصل

موفق

تقبلي خالص التحيات للتواجد الراااائع

[واحد فاضي]

بسم الله الرحمن الرحيم
اللهم صل على محمد وآل محمد

هذا يا محفوظين السلامة ذاك اليوم من أيام الشتاء
والبرد ضارب ضرب في العظام والمطر ما انقطع ساعه يصير
قوي وساعه يصير خفيف والوقت قريب المغرب
وإحنا في الديره يهال وشباب ما فيه الا مخابط في المطر
ولا إحنا مخليين محل فيه غدير الا طابين فيه

يعني على قولتهم فشفشت أرايلنا من المطر

ويوم أذن المغرب تيمعنا وإحنا نتنافض مفلات الدياي المذبوح

وكل ما وصلنا لبيت واحد قلنا اله :- يالله مع السلامه والله يعينك على الدست

ويوم وصلنا البيت ودخلت البيت الا
حلوة اللبن واقفه على الباب
حلوة اللبن :- يالله خلي نعالك وعلى طول الحمّام
أنا:- ان شاء الله أماه
حلوة اللبن :- ويش أقول ويش أسوي الك بتفشفش عافيتك كلها مو بس أرايلك
أنا:- لا أماه اليوم ما لعبنا وايد في المطر

وضحكت يدتي وهي تسمعني وجاء صوتها :- لا ما لعبتوا وايد وداكيه ريحت فيابك كلها خمقات

أنا:- ويشوه أماه ، شااااا الخمقات ليها ريحه بعد

حلوة اللبن :- لا ما ليها ريحه ، الا ريحة الطين والخمق والمشق في أرايلك ...يالله روح الحمام بسرعه لا تكسّف البيت

أنا:- ان شاء الله

ورحت الى >>>>>السبوحه والله على الماي الحار في عز البرد ...الواحد ما وده يقوم من البركه
بس لازم القومه ولبست فيابي وتلحفت بالكمبل وعلى طول عند المنقله في دار يدتي

يدتي:- تعال تعال با أشوف أرايلك
أنا:- ما فيهم شي زينين خليني تحت المنقله

يدتي:- تعال ولا با أكت ماي على الفحم ولا فيه منقله ولا شي

أنا:- ان شاء الله

وقمت اليها وعطيتها أرايلي والا هم متقشرين
والمشق تارسنهم تراس ( كأنهم ظهر قنفذ ههههههه على قولت حلوة اللبن )

يدتي:- ما فيهم شي قال ما فيهم شي شوفهم هه
أنا:- ويش نسوي بعد
وجائت حلوة اللبن وفي أيدها العلاج الفعال ضد المشق الفتاك >>>>>الفازلين
وقامت حلوة اللبن ....بدبغ ارايلي بالفازلين وبعدين لبست دلاغات علشات يتدفوا
وبعدها إجتمعنا عند المنقله

يدتي:- الله على الدفا والقعده عند المنقله
أنا:- اي والله المنقله والقعده حليوه بوجودكم

وجائت حلوة اللبن وهي تحمل الكستن وقمت أنا ويبت الشبك وحطيناه على المنقله
وحطيت الكستن وجلست أقلبه وطلعت ريحة الكستن المميزه وكل شوي وكستنايه تنفتق
وتطلع الريحه المميزة وهذا يعني الهجوم عليها هههههههه
وكل واحد منّا اتلحف بكمبله وانسدح على كتر وما تسمع الا الشخير
وانا في النهايه رديت الباب وتسللت بعض نسمات الهواء البارده علشان تغيير الجو
ويحلى التلحف والنوم في هالجو الراااائع

وذاك اليوم ما حاشنا دست ولا شي
والحمد لله رب العالمين

ولا الربع يوم فاني ما فيه الا اللي ويهه أحمر واللي طبعة أيد أبوه على خدوده مورده واللي واللي
بس ما يفيد .....للغدران سحر خاص يخليك غصب تطب فيها وارايلك تفشفش والمشق يعشش ههههههه

ويالله تصبحوا على خير