غبت ورجعت وخا طري فيه مافيه
محد سئل عني ولا احد دعالي
ما كني الا ظل ريش اوخوافيه
تدنيني الصدفه واعود ليا لي
والله غلاكم يحلف القلب باليه
والعين ترقب حالكم يالغوالي
شهرين خلتني اردد طواريه
مثل الضما والماي عذب وزلالي
احبكم حب على الروح تاليه
مثل القران يزيل ضري وهبالي
كني رضيع صدر أمه يلهيه
او معتكف في مسجده ما يبالي
واللي على روحي ليامر ابديه
ما قال وش عاد الخبر ما سعالي
عشرين يوم ابغربتي بس أحاتيه
والليل من طوله يلم الليالي
مسجون يا حد الهوس وين انا فيه
يالعنبو درب الخطر كيف ذالي
شيعي عسى رب التهم ما يناويه
احب اهل البيت اول وتالي
قلت الشعر فيهم عزيز وعليه
واصبح جزاي احبوس بكّاها حالي
يا صاحبي ليت الهوى فيك طاريه
ما ينقطع حتى سنين انحلالي
خا دمكم بوكوثر