صرااحه والصرااحه رااحه.. بتكلم عن نفسي .. وبكل صراحه...
اني كنت اسمع اغاني .. وتقدروا تقولو بإدمان.. حتى الأجنبي له في الطيب نصيب .. مع اني طرمه ما افهم نص اللي يقولوه
بس اسمع.. والإعتراف بالحق فضيله...
امي وابوي الله يخليهم.. اتبعو في تربيتهم لينا منهج ان الممنوع مرغوب.. وبحكم طبيعتي عنيده وراسي يابس
فلو قالو لي لا تسمعي وسوو لي حرمان.. بتستفحل حالتي وتزاد سووء... بس جملة وحده كنت اسمعها منهم,,
وخصووصا امي ام الحلوين الله يخليها .... عقلش يا اميرووه في راسش .. وتعرفي خلاصش....
والحمدلله نعمه من رب العالمين.. من حوالي السته شهور تقريبا... قطعتهم... كنت اسمع لشيخنا الغالي الأكرف حفظه الله سابقا.. الحين
ادماان.. وبشده على جميع اصداراته ... واتجهت لهالنوع اللي اسميه بالنسبه لي اناشيد بإيقاع... << حاطه ليكم وحده بالمنتدى لولا الأمل
وحسيت براحه نفسيه.. وكان ليها اثار ايجابيه والحمدلله.. في ابعادي عن اللهو والخرابيط...
سامي يوسف عجبني .. حسيته يمثل واقع الشباب.. حسيته شخصيه تجسد الإسلام بغض النظر عن المذهب ويساير
عقول المراهقين وميولهم بإطروحاته...
مممممم مؤخرا سمعت بعد لمنشد اسمه حسين ابو كوثر .. اصدار نار الليل بإيقاع عن اهل البيت عليهم السلام جدا يجنن... واستهويته
عاد ما ادري قديم لو جديد المهم انها هالأشياء ابعدتني كليا وياااااارب للأبد ومتأكده من نفسي اني ان شالله للأبد
لأني قدرت اتغلب على شيطاني في هالناحيه. والحمدلله ..
ما ادري قرقري هذا وبربري يمشي مع الموضوع لو طلعت برى الموضوع.
. بس حلاوتها هالأناشيد مو من مطربين اللهو اساسا
يعني ويهيبغى يزيد له فلووس لو شافها ضاربه السوق يبغى يقلد شان يربح كم قرش .. لا طبعا..
صدقووني ما بيجي يوم
بيغني راشد الماجد اسلامي الا بنعال بصفق الراديو لو التلفزيون خخخخخخخ...
بالأخير ..
لكل جيل وزمان متطلباته ولازم نواكب العصر في حدود الشرع والمعقول
تسلمي من كل شر خيتي ام محمد
واعذريني عالقرقر .. من زماان ما قرقرت فديتش
طرح مره روعه غناتي ...
خلاني اعترف اعترافات جهنميه...
دمتي بحفظ الرحمن
رد مع اقتباس
المفضلات