يوميات بحراني فلتة *_^ قصة عجيبة حياكم

[{الياسمين}]

الجزء السادس + السابع


فتحت الماسنجر مالها الا وطالعه ليها ويندوز مكتوب فيه
ا((تمت اضافتك الى الجهات الخاصة بـ هانت عليك عشرة زمان راح الوفى وين
اترددت مريم تقبل او لا بعدين قالت بشوف هذا اضاهر عقيلة بنت خالة زنوب
..هذا الايميل ايميل صبي بس مريم ما تدري.(يا غافلين لكم الله)
((مريوووووم الحلوة)): من وياي؟؟
((هانت عليك عشرة زمان راح الوفى وين الامان)): هلا والله
((مريوووووم الحلوة)): عجل انتين اكيد عقيلة
((هانت عليك عشرة زمان راح الوفى وين الامان)):ها أي أي انا عقيلة
((مريوووووم الحلوة)):الا تقولين انا المهم شخبارش ان شاء الله تمام
((هانت عليك عشرة زمان راح الوفى وين الامان)): بخير نسال عنش وانتين شخبارش؟
((مريوووووم الحلوة)):اني حالي مثل امس بالضبط
((هانت عليك عشرة زمان راح الوفى وين الامان)):على كل حال دوم
((مريوووووم الحلوة)):متمللة حدي سولفي وياي
((هانت عليك عشرة زمان راح الوفى وين الامان)): انزين مدام انتي متمللة بنلعب لعبة التعارف
((مريوووووم الحلوة)): انزين احنا نعرف بعض عدل
((هانت عليك عشرة زمان راح الوفى وين الامان)):أي بس هذي لعبة عن الملل
((مريوووووم الحلوة)):اها اوكو ايم ريدي
((هانت عليك عشرة زمان راح الوفى وين الامان)):اول شئ قولي اسمش الكامل
((مريوووووم الحلوة)):مريم حسن احمد حسن
((هانت عليك عشرة زمان راح الوفى وين الامان)):<<يعني هذي اضاهر مريم بت حج حسن شئ ممتاز> انزين كم عمرش يا حلوة؟؟
((مريوووووم الحلوة)):عمري 17 وقبل ما تسالين اني توجيهي
وووتجاري
((هانت عليك عشرة زمان راح الوفى وين الامان)):اها وين ساكنة؟
((مريوووووم الحلوة)):بجنة كرزكان :tongue_smile:
((هانت عليك عشرة زمان راح الوفى وين الامان)):<<يعني هذا هي مريم>>اها وبعد وش اسال؟؟ :72_72:
((مريوووووم الحلوة)):اقول عقيلة لعبتش ما تسلي تملل ازيد تمللت بطلع ها
((هانت عليك عشرة زمان راح الوفى وين الامان)): افا تمللتين مني :confused_smile:
((مريوووووم الحلوة)):لا بس اني من قبل متمللة
((هانت عليك عشرة زمان راح الوفى وين الامان)):انزين بسالش؟؟
((مريوووووم الحلوة)):<< مريم والفضول ذابحنها>> ها اسالي؟؟ :51_51:
((هانت عليك عشرة زمان راح الوفى وين الامان)):تعرفين علي ولد سيد مهدي الي يلعب الرياضي الي يلعب كورة؟؟
((مريوووووم الحلوة)):ايييييييي قصدش الوسيم اي اعرفه ومن ما يعرفه بس ليش تسالين؟؟
((هانت عليك عشرة زمان راح الوفى وين الامان)):<<تششقق الاخ لانه اهو هذا الشخص>> :shades_smile: لا بس ابي اعرف اهو في أي نادي يلعب؟؟
((مريوووووم الحلوة)):مادري اضاهر التضامن؟؟
((هانت عليك عشرة زمان راح الوفى وين الامان)):اها سمعنا خبر يقولون انش تحبينه؟؟
((مريوووووم الحلوة)):ها من قايل هالاشاعة اني لا احبه ولا احب غيره بعد من الي قايل<< منقهرة حدها >> :angry_smile:
((هانت عليك عشرة زمان راح الوفى وين الامان)): والله هذا الي سمعناه
((مريوووووم الحلوة)):روحي عدلي الاشاعة الي مطلعينها حتى لو الواحد ما فيه شئ يطلعون عليه
((هانت عليك عشرة زمان راح الوفى وين الامان)):مو مني اني ماليي كار شذنبي
((مريوووووم الحلوة)):ذنبش انش صدقتينهم والاثبات انش جاية تستفسرين
((هانت عليك عشرة زمان راح الوفى وين الامان)): انزين سوري
((مريوووووم الحلوة)):وين اصرفها؟؟
((هانت عليك عشرة زمان راح الوفى وين الامان)):في بنك قلبش الطيب
((مريوووووم الحلوة)):عيارة
((هانت عليك عشرة زمان راح الوفى وين الامان)):انزين يعني ما تحبين احد؟؟
((مريوووووم الحلوة)):لاااااااااااااااااااااااااااااا اااااااا ما احب احد,, فهمتين بس شيلي هالموضوع عكرتين مزاجي
((هانت عليك عشرة زمان راح الوفى وين الامان)):اوكي خلاص خلاص< ضمناها يعني>
((مريوووووم الحلوة)):انزين احين اني بقوم اوكو
((هانت عليك عشرة زمان راح الوفى وين الامان)):اوكو متى بتقعدين بعد؟؟
((مريوووووم الحلوة)): يمكن في اليل اقعد على حسب مواكيد
((هانت عليك عشرة زمان راح الوفى وين الامان)):اوكو عجل اني بنتظرش
((مريوووووم الحلوة)):اوكو باي
((هانت عليك عشرة زمان راح الوفى وين الامان)):تحملي بروحش
((مريوووووم الحلوة)): اوكي ماي لاف اند يو تيك كير باي
((هانت عليك عشرة زمان راح الوفى وين الامان)):باي
وطلعت وشافت محمد توه جاي من هيامته راحت تتحجج فيه شوي
مريم: هلا الحُمد
محمد: شتبين؟؟
مريم: جزاة الخير ارحب فيك اذا رحبنا فيهم واويلاه واذا ما رحبنا بعد واويلاه
محمد: ما عليي منش بروح اسبح
مريم: واني اقول هالريحة جاية من وين شككتني في نفسي
محمد: هاهاي تتحديني تعالي شمي
مريم: انجان تبي بعد شوي الاسعاف قدام البيت
محمد: قلبي وجهش
مريم: على أي صفحة؟؟
محمد: انتين حدش مملة
مريم: وانت امل
محمد راح عنها يسبح
مريم: مو تخلص الماي الحار
محمد: ان شاء الله
مريم: أي جذي تعجبني
وقعدت مريم تطالع التلفزيون
محمد سبح وعمدا خلص الماي الحار كله ولبس الفوطة وطلع
مريم: ها كملته او لا
محمد: لا فيه واجد
مريم: اشوة بعد
مريم راحت طلعت ليها ثياب مال بيت ودخلت الحمام شغلت الماي ودشت
مريم: اححححححححححححححححححححححححححححححح :what_smile:
محمد برة يسمع صرختها ومايت عليها من الضحك
مريم: امااااااااااااااااااااااااااااااااااااه شوفي ولدش مالي كار ابي اسبح احين وش اسوي
الام سمعتها وجت
الام: احين لبسي ثيابش وروحي الحمام الثاني اكو اني توني طالعة منه فيه ماي حار
وطلعت وراحت الحمام الثاني وسمعت طق على الباب الاهو اخوها
محمد: 1:0
مريم: لكن مردودة يالسبال
محمد: نشوف
وبعد ما كملت سباحة قعدت ويا امها تسولف
مريم: ها اماه احين ويش عن ولدش صج بتزوجونه
الام: بعد مدام يبغي
مريم:بس بعدهو صغير ووووما عنده فلوس
الام: ابوش قال مدام الولد يبي يتزوج لازم نزوجه لا يروح في درب مو زين,, بيعطيه فلوس مال التقاعد وبعدين اذا عدل روحه يرجعهم
مريم: واحنا لين احتجنا شئ تعرفين ابوي طالع تقاعد وشغله حر يعني يوم يشتغل عشرة لا مو كل يوم عندنا فلوس
الام: شنسوي بعد
مريم: اهو قايل دوري ليي وحدة ادور ليه؟
الام: أي دوري انجان شفتين وحدة زينة تناسبه
مريم: :72_72: المشكلة البنات احين كله يبون يكملون دراسة
الام: مو كلهم في بعضهم عادي
مريم: أي في بس الي تبي شقة وولدش ما عنده الا حجرة,, والي تبيه مكمل وولدش ما عنده الا شهادة اعدادية,, والي تبيه يشتغل شغل محترم وشغلته في شركة 150 يوم في اوفر تايم ويوم مافي
الام: البنات واجد لازم بنحصل ليه وحدة اجودية
مريم: نشوف
الام: احين ربعش ما يبون يعرسون له؟
مريم: والله ربعي من كلامهم يبون يكملون وحتى اذا كملوا يبون واحد كامل ومكمل اعرف تفكيرهم اني
الام: والي وياكم في الصف وفي المدرسة
مريم: كل وحدة عندها بوي فريند
الام: يعني ويش بعد بيو فرند
مريم: يعني صديق او حبيب,, محد خالي يا امي الا اني :tongue_smile:
الام: أي اشوة بعد مو تصيرين لينا مثلهم انجان اجودش من غلصمتش
مريم: ترباتش ياامي
الام: انتين دوري ولازم بتحصلين
مريم: يصير خير
وراحت مريم حجرتها والام راحت تنام