غناوي اليهال من تراثنا اللي بينقرض اذا ما دخلتو

[روح الحياة]

امهات قبل كانوا يغنوا ليهالهم غناوي حلوة وجداتنا اللحين يقولوهم

لينا ... فيه غناوي حلوة مرة ....
اي أحد يسمع من جدته يجي ويكتبها هنااااا .. طيب
ترا هالغناوي الحلوة راح تنقرض فلازم تحطوها هنا
هذي وحدة

زانة زانة زانة

والخير في اللي جانا
حسن يا ابو عطية
وعمامته المطوية
طواها ماطواها
طواها في البرية
قاعد يعد فلوسه
في الطاسةِ المنقوشة
وسعادة راحت البر
تجيب عيش الاخضر
وتحطه في الصواني
صواني يا اخواني
وبيت اعزيّز احترق
رشوه بقدر المرق

وبعد هذي

حمامه نودي نودي .. سلمي على سيودي
سيودي راح مكه ..بيجيب ثوب العكة
يبحطه في صندوقي .. صندوقي ماله مفتاح
والمفتاح عند الحداد .. والحداد يبغي فلوس
والفلوس عند العروس .. والعروس تبغي ريل والريل يبي عيال
والعيال يبغون حليب ... والحليب عند البقر
والبقر يبغون حشيش .. والحشيش فوق اليبل
واليبل يبغي مطر ... والمطر عند الله

خوصه بوصه يا النبوصه كلاج الدود من حندود
ليلى ليلى عطينا سيفج بنلاجي به عبدالله بن سلطان
لادغتنه عقربيه شقربيه دوسة خيل ولا مطيه

عمتي مرت ابويه ... الله يسلط عليها
يوم يتها الهديه .. دستها في الزوليه
تتحسبني طلاّبه .. اطلب على البيبان
ما جن ابويه تاجر ..بيصوغ لي الذهبان

طاحت عليه نفه .. قوموا اشترولي دفه
طاح المطر برعوده .. كسر حوي سعوده
طاح المطر بيد الله ... كسر حوي عبدالله
طاح المطر ع الخيمة ... كسر حوي افطيمه
طاح المطر من فوق .. كسر حوي بن طوق

ولد عمي ما بغاني ... تنقى علي واختار
تنقى ام السلاسل .. ام الشغاب الطوال
حلفت انا لزامط .. بالند وبالبياض

يا عليا قومي ركبي ... بيقودبج علوه
المطرح والزوالي .. جدامج ربعوه
نهار ما صبحتي .. المدفع ثوروه
الحلوى في القواطي .. والنخي نثروه

يا فاطمة بنت راشد .. يا شيخة البنات
انتي قصيره وبيضا ... والخشم مكعبات
يا قصة يانثرية ... تنثر على الحياة

يا عليا بنت ابوها ... والخطاب اخطبوها
سبعة ورا البيت .. والثامن عند ابوها
واحد يدق الزعفران ... والثاني يقول يا ليتني خادم ابوها.

يا بنية ما دريتي ... عن خطار لفوج
قالت لفوني غبشة .. على خيول وبوش
مصلين الجمعه ..صقر ولد الشيوخ
يالس على الدجيجه .. يالس ويعد فلوس
يا الطاسه يا المخبوقه .. ما ضمتها الفلوس

يا بنيه موتي غصه ... اذا انا مريت
انا سلبت فوادج ... في السكه واتليت
يالغرفة يا الشرجيه ... بناها بو علي
حق عاشه البدويه .. بنت محمد علي

من اليوع لو متّي .. ما يوزج شتّي
بيوزج تاير .. لو بالحجي جاير
يا بنيتي يالزينه ... صبي لبوج دهينه
جان ما رضى ولد عمج.. صبي واجلعي عينه هنيه

رقدة الغزلان في البريه
يرقد وليدي طيب الله نومه
وعدو وليدى ما هنا بمنام

عيال عمي سبعة .. خلوني باتنقى
نقيت بو طاقية .... بو يوخه ما رضى
زامط عليه بخشمه .. يا خشم اليوحره
خشمي طويل وغاوي ..شفته في المنظره .
حيا الله اللي يباني .... يسلم العشره

يامي يامي ياماية ...راعي البحر ما ابااه
يشل مزمات العومة...وتصل على علباه
ابا وليد عمي من خنيره ورداه...ما هد خطام الصفرا ولا ضيع عصاه

يا يراده طيري طيري والحجي عصفور..
ياويل من له عدة والذيب غيل في الغنم
بي من باطن حشاية..
ولا بي عسر من دين..ما تلحجة اليدين

وهذي بعد حق الياهل اذا قعد من النوم

صباحك صباحين------صباح الكحل بالعين

صباح يطرد الفقر-----------صباح يوفي الدين
صباحك الصباحي---------والورد والتفاحي
وعوشينتك هالزينة -------------سلابة الارواحي

[ســحرالقوافي]

واي

صراحه

ما شاء الله عليش

إذا شفت بجيب واحطهم هنا


<<<< الاخت الحاجه الوحيده الي تعرفها زانه وزانه

واجد عليها بعد

خخخخخخخخ


باتوفيق خيتو

دمتــ بود

[روح الحياة]

مشكورة خيتو سحر القوافي على مرورك

[شذى الزهراء]

حلووووووووين والله ..

تسلم يدج خيوة ..

بس ماقصرتي حطيتهم كلهم ..

[آخر شقآوهـ ..~]

يااااي زانه زانه دي فلته
ادكر لما كان اخوي صغير اسوي ليه
اني عفر اعرف حني حني بس ويش بعدين مادري هع
بس ادا طحت على غنويه برزها هني
تسلمين خيوه
عطاك ربي العافيه
بانتظار المزييد
تحياتي
ضحكوه البطه

[الأمل البعيد]

صباحك صباحين------صباح الكحل بالعين


صباح يطرد الفقر-----------صباح يوفي الدين
صباحك الصباحي---------والورد والتفاحي
وعوشينتك هالزينة ---------سلابة الارواحي

الله حلوه كفير كفير
حفظتها عشان اقولها لأخوي لوووووول
يسلمووو خيتو

[hope]

حلوووووووووووووين


مااعرف منهم غير زانه زانه وحمامه نودي بس حليووين

كلماتهم غريبه بس تجيب الضحكه عــــــــدل

مشكورة وماقصرتي حبيبتي

تحياااااتي

[روح الحياة]

مشكورين اخواتي ع المرور
شذى الزهراء
..الضحة الريئة..
الأمل البعيد
حورالعين

[أمل الظهور]

والله من ناحية منقرضين منقرضين الصراحه ولا اتذكر منها غير حمامه نودي ولا اعرفها كلها بعد


وفيه كم واحده مثل :

عمتي مرت ابويه ... الله يسلط عليها
يوم يتها الهديه .. دستها في الزوليه

و


خوصه بوصه يا النبوصه كلاج الدود من حندود




هذول اتذكر عرفتهم من قناة عجمان اول مافتحت الصراحه


بس كلماتهم صعبه وماتنفهم



اما هاذي


يا بنيتي يالزينه ... صبي لبوج دهينه
جان ما رضى ولد عمج.. صبي واجلعي عينه هنيه


ياعلي ويش هالعنفففففففففففففففففففففففففف



عيال عمي سبعة .. خلوني باتنقى
نقيت بو طاقية .... بو يوخه ما رضى


يوه يوه يوه يوه موتتني ضحك هاذي مااحسها حق يهال

يسلموووووووووووووو

[دمعة الاحزان]

صباحك صباحين------صباح الكحل بالعين

صباح يطرد الفقر-----------صباح يوفي الدين
صباحك الصباحي---------والورد والتفاحي
وعوشينتك هالزينة -------------سلابة الارواحي

هاي عجبتني وحلوة
بس الباقي ماعرف الا حمامه نودي
ومرت ابويه هاي اماراتيه دوم كانوا يجبوها الامارات
يسلمووووووووووووا

[ملاك الورد ..~]

ياي حركات مرة حلوين
بعلمهم لاولادي
وناسة والله
وين كان غايب عننا هالتراث

[عفاف الهدى]

حلويين اناشيدش خيو

اسموهم اهازيج
ويسلمووووووووووا

[**نور الولاء**]

شوط شوط شوط البطه ونعلبوبنحطه اوحطت السعاده سعاده راحت البر اجيب عيش لخضر وتحطه في الصواني صواني ياخواني كل بيت حبه حبه ولا فتقنا دبه صيني على صيني ياربي تهديني وحج بيت الله وزور رسول الله يفاطمه بنت النبي إخذي كتابش وانزلي على محمد اوعلى

[وردة البنفسج]

مشكورررررررررررررررره خيتوه

والله يعطيج العافيه

وهدي من يدتي

وحليلها ريوم وحليلها
طاب ليلها ريوم طاب ليلها
عليه قصه وزلوف
عليها الراس مكشوف
جابو المشاخص اليها
حليو ولايق عليها
حطو في حضنها مشموم
عدوها راح مهموم
وحليلها ريوم وحليلها

وردة البنفسج