خلينا نأخر الرحلة شوي
*********
سمع ابو محمد بطرد ام مروة وطلعت لقرون منه
ابو محمد بصوت عالي يرتعد له اي شخص (اولهم ام محمد)
ام محمد تعالي هنا شوي .
ام محمد: نــ نــــ نـــعممم ابو مح محمد ؟
ابو محمد: تعالي لهنا وش الي سمعته
طردتوا المرأة من البيت لديك الدرجة ما تحبي احد انتين لمتى بتخلي وجهي اسود
مو انا سئلتش مرتاحة او لا؟
ام محمد:ايييه بس
ابو محمد:خلاص ما ابغى اسمع صوتش الا لما ترجعي المراة الى البيت والله بظل زعلان عليش وبنرجع من السفر بكره وانتين تحملي صياح والادش مو انا المسؤول هالمرة انتين ...وانتين وضميرش
طلع ابو محمد وشفخ الباب بقوه
اجى بدر وشاف امه تصيح :اماه... يوم وش فيش تصيحي؟
ام محمد: ابدا مافيي شيء بس زعلانة شوي
بدر :خير قولي وشو الي مزعلنش وانا اوريش فيه
ابتسمت الام : لا هالمرة اني زعلانة من نفسي مو من احد ثاني اني غلطت
بدر؟؟؟؟؟؟؟؟؟؟ غلطتي كيف وانتين ام محمد الا الغلط ماعمره طالش كيف طالش هالمرة ؟
ام محمد : الشيطان يا بدر الشيطان خلاني اطرد ام مروة من البيت ابوك زعل
بدر سكت مو علشان ان امه غلطت بس لان امه حاسة بذنب اكبر من الي يحتاج اله الموضوع
قال يطيب خاطرها : ولايهمش انا اكلم الكل عشان نخليها ترجع ولايصير خاطرش الا طيب بس اهم شيء دموعش ما تطيح اكثر من كده لاني بصراحة ما اقدر اشوف دمعة ام محمد تراها غالية والي ما يعرفها يجهلها
باست بدر على خده لانه خلاها تنسى المشكلة وبيساعدها
باسها بدر على الراس .:اهم شيء رضاش يا محمد
*****
ام صالح سالفتها سالفه
ابو صالح: تعالي هنا قربي قربي كيف قدرتي تطردي مراة زيها زيش ما تعرف تتصرف في بلد غريب يرضيش انا اطردتش على شان تعرفي وشو شعورها وهي لوحدها
ام صالح: تبغانا نطرد اولادنا على شان والادها يترحرحوا في المكان لوحدهم وهي في النهاية ماهم دافعين ويانا والكوخ كوخنا
ابو صالح : بس ابلعي والش عيون تتكلمي هذا هو كرمش واحترامش لنفسش تطردي ضيفش من دارش!! وصلت فيش الانانية لهدرجة اطلعي من الغرفة ما ابغى اشوف وجهش لحد ما تروحي وترجعي المراة وانتين معتذرة منها ومعززتنها ومكرمتنها
ام صالح : بس
ابو صالح : لا بس ولاشيء روحي من وجهي الحين ما ابغى اشوفش
*****
راح بدر للشباب وسوى مؤتمر القمة وتشاوروا في مابينهم واجوا البنات شيفين الشباب ملتمين حول بعض
ايمان : هلا شباب ...
رقع قلب صالح وصار كانه فيه كهرباء
سارة : شلونكم ؟ ليش متجمعين ؟
رقع قلب بدر ومحمد لان الاثنين يحبوها وكل واحد بطريقة
سماح قولوا قولوا ليش متجمعين <<<< مسكينة مافي احد يحبها لحد الحين
محمد حاب يلفت نظر سارة: بس في مشكلة نبغى نحلها
سارة : اش كبر هالمشكلة ؟
بدر: يكذب عليش لامشكلة ولا شيء يحب يكبر المواضيع وهي صغيرة
ايمان : صالح شنو المشكلة ؟
صالح : اء اء اء مدري... انا بس وياهم
بدر : ايمانوه وش جيبش هنا
ايمان : اشوف اخواني ليش مسوين مؤتمر القمة هنا
محمد : ها اية لا بس علشان نرجع ام مروة
سارة : اها بس كده
ايمان وسارة بصوت واحد: بسيطة
محمد : كيف ؟
واحد منكم بس يروح ليها ويقول ليها امنا كانت معصبة فيي وحطت عصبيتها فيش وسامحيني وكده تنحل المشكلة وترجع
محمد : ياي قالت حلتها الحين
سارة : واحد منكم يسويها ويشوف احد خسران شيء
****
عليكم تكملوا