أقدم لكم هذه المشاركه وهي من كتابات الشاعر المبدع الراحل (رحيم المالكي):


هليوم هذا العلي حي مرضعه وحي دره
نصبه الباري ولي والميت والحي دره
وصه الولايه العلي طه الحجي حيدره
...............................................
كال البكلبه هوه الرب الجلاله ولي
خليلتزم بالفتى هذا من بعدي ولي
طلك الدنيه وزمخ يادنيه عني ولي
................................................
مابين النجوم حيدر بالخلايق بدر
ليل ومطرز ذهب مصيوغ كله بدر
معروف يابالحسن تشهدله وكفة بدر
................................................
أمضى من السيوف وأبشط من نصلهه وأحد
من قبل الأرهاب بالذر للجلاله وحد
صولات أله حيدره تشهد بدرهه وأحد
.................................................. ...
المايؤمن بكل هذن بأشعارنه خندكه
ونجلب بياخته ونجره من خندكه
عمرو بن ود من هتف يوم العبر خندكه
................................................
ويكول ماكو زلم في هلجمع خيبره
ياهو التصده ووكف ياهو القلع خيبره
وياهو اللي مرحب شطر ياهو القلع خيبره
.................................................. ........
الباب سواه جسر عبروا عليه صفين
كل الخلايك علي بالمعجزه صفن
محتاج أسولف بعد وأشرح حرب صفين
.................................................. ..
كرار شنوصفه بكل الشعر والجمل
رغم التآمر بقه ولأمته وج أمل
ولله لوما المره وحمارها والجمل
أمة محمد علت والحادي ضل حيدره
.................................................
لك شفاعة ألأمام (ع ) ومثواك الجنه ياشاعرنا الكبير

منقول