امـدد الخطوه لـجل اسبق اللـحظات***ابي انعـش القلب بـجمال نظراتـه

ويزيد بقلبي الشوق وتزيد الخطوات***وتسرع نبظات القلب وتقوى دقاته

ويبدى فيني صراع النفــس للـذات***وابقى بهواجيسي اسير وحدتي لذاته

غرام اشعل بقلبي لهيب الجمرات***ذوب شمع صافي سال من شفاته

غصن ناحل يلعب مع هبت النسمات***يميله نسيم الليل تحت ضو نجماته

وجه مثل نور الصبح مع الطلات***بيض النواظر بجمالهن مايسون سواته

عيون كحيله بارقه تخطف النظرات***مثل شيهان رفرف صفق بجناحاته

لحظة عندي ماعرفت فيها المسرات***واشوفه من الفرحه خجوله بسماته

اقتربت منه ولاهمني بعد المسافات***واناهمي اقابله واشم حلو همساته

صحيت ضمير حي غافل ما بعد مات***رجعت وعادت بي الذكرى لمر زلاته

وانا ادري ان ابن ادم كثير العثرات *** واخير من يعرف وش خطاه وعثراته

والله كريم رحيم غافر يعفو الزلات*** بسامحه واصبر لجل الصبر من غلاته

وخوفي من الضياع ظميته من الشتات***ومسكت ايده ومسحت بيدي دمعاته

واشوف بعيونه ندم ولهفه وحسرات ***واتعثر خطوته في مشيته من هفاوته

مشكلتنا..ماهي مشكله غلطه وغلطات***ليت من يغلط يعرف الغلطه ومسبباته

الغلط والصح اليوم دخل في الشبهات ***اليوم نمشي على درب حافه رفاته

كل يقول العولمه الموظه اخر الصيحات***نتبع خطى قوم باخلاقه وصفاته

نرتقي باخلاقنا وننسى جميع التطورات***تركنا عالم الذره وطمعنا بملهياته

لا اسم النجوم عرفنا ولاحتى المجرات***حتى تراثنا ضاع والتقاليد بمجالاته

ياليتنا نرجع لعصرٍ قبل قرن العشرينات***نشوف الدهور اللي مضت في هيئاته

والعيشه اللي كانت ماشيه بدون طموحات *** ناكل اللقمه بطول اليوم على مظغاته

ننسى همومنا ونعيش يومنا بالعبادات***نطلب الله المغفره ونسأله عظيم جناته

اليوم من فينا يطمح للعمل بالصالحات ***نسعى للدنيا والاموال والذهب ومجوهراته

نسينا يوم الحساب ونسينا هادم اللذات ***والموت اللي تجي فيه شهقته مع سكراته
منقووووووووووووووووووووووووول
تحيااااتي