وش رايكوووووم في حظكوووم

[القلب المرح]

بسم الله الرحمن الرحيم
السلام عليكم ورحمة الله وبركاته

دائما يتردد سؤال بيني وبين نفسي ولا اجد له اجابه

اتمنى ان تشاركوني باجاباتكم

دائما نردد عبارة اخ ياحظي الميت

ياليت حظي مثل حظ فلان كان سويت وسويت



سؤالي

وش رايك في حظك
وهل تجعل من الحظ شماعة تعلق عليها اخطائك وهفواتك

وسقوطك احيانا الى القاع

هل تؤمن فعلا بان الحظ يتسبب للكثيرين بالفرح بعد الله سبحانه وتعالى

وايضا يتسبب في بكاء الكثيرين

احبتي

كل واحد يتكرم ويوصف حظه

هل هو محظوظ في كل شيء

هل هو معدوم الحظ مثلي

ام انه حظه يسعى امامه

في انتظار مشاركاتكم

"مخطوف "

[ملاك الورد ..~]

انا دائما اعتبر نفسي محظوظة
انظر لنعم ربي واحمده عليها
صحة عال العال
تعليم عالي
زوج صالح
اولاد ولا أروع
عائلة اتباهي بيها
الواحد شيريد اكثر
الحمد لله

[القلب المرح]

اشكرك اخت نوارة الدنيا عالرد
وعساش دوم محظوظة ان شاء الله
واهم ما عند الانسان انه يكون محظوظ مع اهله
والحمد لله فيه اشياء يسعدنا فيها حظنا واشياء يحزننا
لكن قل لن يصيبنا الا ماكتبه الله لنا
وكل تأخيره فيها خيره وحظ الانسان اذا ماكان معه اليوم بكره ان شاء الله راح يكون معه ويسعده وهي كلها امل وتفاؤل بالخير فقط ولابيحبطنا الفشل حتى ان تكرر فلنزرع الامل ونعيش الامل ولابد سيكون الحظ معنا ذات يوم
اشكرك اختي الكريمة على روعة ردك
ويعطيك ربي الف عافيه
تحياتي للجميع بالتوفيق

[نور الهدى]

الحمد لله رب العالمين

اعتبر نفسي محظوظة


احنا في نعمه عن غيرنا

نعمة الاسلام

نعمة ولايتنا لاهل البيت

نعمة الامان

محاطين بنعم ولله الحمد لا تعد ولا تحصى واذا كان نصيبنا اننا ما اخذنا كل الي نتمناه ونحلم فيه في هالدنيا فهذا مو معناه اننا مو محظوظين


ويمكن الي يقول انه مو محظوظ ما تكون عنده قناعه بالي عنده

عشان جذيه يشوف غيره ويتحسر انه ما عنده مثل الي عند فلان وما صار له مثل الي صار الى علان

في النهاية اسعى يا عبدي وانا اسعى معاك

بتعسى الله بيكون معاك وما بيخيبك ابد

بتقعد في مكانك واقف من غير حركة لا تقول حظ فلان احسن من حظي

حتى لو تعثرت في اول الطريق ووفي وسطه في النهاية الله بيعطيك الي تسعى اليه
هذا هو بس

عساك على القوة قلبووو

ومتباركين بالمولد

[القلب المرح]

الحمد لله رب العالمين الذي جعلنا أناس محظوظين بنعمه والايمان بالقدر خيره وشره
كما تكرمتي اختي الكريمة ام محمد الانسان لايجب عليه مكفوف الايدي وينتظر حظه ياتيه بالسعاده فان لم يسعى لن ياتي الحظ عبثا دون عمل يتقنه او يسعى اليه للوصول الى ما اراده من الحظ السعيد
لو نلاحظ كل بني ادم محظوظ .. بخلقته وعقله وصحته وانه محظوظ ايضا بوجوده في الدنيا ليختبر مدى قدرته وارادته في الحياة والعيش فيها بسعادة قريبا من الله سبحانه وتعالى
وحتى الغرب بعضهم سعيدون بحظهم ببعض ابتكاراتهم وصناعاتهم بالرغم انهم بعيدون من الله سبحانه وتعالى لكن رب العالمين لاينسى احد وهذي نعمه من الله لعلهم يفهموها من يهجروه
يعطيك الله الف عافيه اختي الكريمة
سعدت بتواجدك كثيرا
تحياتي للجميع بالتوفيق

[عفاف الهدى]

الحظ لو يتكلم يتراوى ليي وده يقتل الناس كلهم من كثر الإتهامات الي المحاكم عجزت عن اثبات الحق فيها

ترى الحظ في اغلب الإحيان مظلوم

ليش ما تدور لك وظيفة ؟؟؟ وهو حاط رجل على رجل !!!! يقول الحظ
ليش ما دخلتي جامعة ؟؟؟؟ وهي تتنحنح !!!! حظي الأعوج
ليش ما ...........؟؟؟؟؟ ................!!!! حظي و حظي

وهذا احنا للهروب وتخفيف الحمل عنا قلنا الحظ والله لو نطق هالحظ وده يقتلنا


الحمد لله احنا محظوظين مثل ما قالت اختي ام محمد بولايتنا لعلي عليه السلام بوجود قائدنا العظيم الإمام المهدي عجل الله فرجهالشريف

وان شاء الله بركات الله حولنا وحوالينا ونتعم بالأزواج الصالحة والذريات الموالية يا رب

وتسلمي على الموضوع الحلو

[القلب المرح]

اهلا بك عفاف الهدى
واشكرك على تعقيبك الواقعي
فعلا كثير من الشباب يقول انا حظيي افقر مانا رايح مدور لي شغل ادري مابيوظفوني ولايدري يمكن هاللي ماراحها هي تقبله في الوظيفه
وبعظهم حتى في الخطوبة او الزواج ان رفضوه يقول حظييي نحسسس انا ماحد يبغاني ولايدري ان هذا كله قسمه ونصيب
وكلهم يتهمون الحظ المسكين والبلى في الناس الذي يتهمونه
اسعى يابني ادم والله يسعى معك والله مايخيب كل امل في عبده
وبعضهم الجامعات بالفعل تكون حظوظ هذا يتوفق الاقل نسبه وبعضهم لايتوفق اعلى نسبه والله يختار للانسان المناسب له
وكل تاخيره في خيره ان مانفع القبول في هذي الجامعه فيه غيرها ولايعني هذا تحطيم للامل رب العالمين كريم على عبده
واشكرك اختي عالتعقيب
بارك الله فيك
تحياتي للجميع بالتوفيق

[أميرة العشق]

يلعب الحظ دورا كبيرا في حياتنا
من ناحيتي قد لايوافيني الحظ الحسن غالبان لكن
لانملكـ غير ان نقول قضاء بيد الخالق لا بيد حظ المخلوق
طرح راقي نال على اعجابي
بوركتم

[واحد فاضي]

تسلم خيي القلب المرح على الطرح الرائع

بالنسبة للحظ فعلاً البعض يجعله شماعة للفشل

وينسى أو يتناسى ( أعقلها وتوكل ) وكل كلمة وثانيه يقول آه يا حظي المايل

ذكرتني ذيك السنه واحد من الشباب رايح مجمع تجاري وفيه مسابقه
وهو يحط الكوبون ويقول يالله مالينا حظ بس يالله وفي النهاية تجيه السياره
هذا النحيس ويقول ماله حظ ؟؟؟؟

بس زي ماقالت خيتي أم محمد الحمد لله أهم شي ولاية آل بيت النبي المختار عليهم السلام

وباقي الأخياء ربنا هو اللي يسوي الينا الصالح من الأمور


رحم الله والديك أخي على الموضوع الرائع

ومتباركين بالمولد

[القلب المرح]

اميرة العشق الحظ نحن نسعى وراه لتحسينه بشكل جيد .. ولكن ان اهملنا في وصول حظنا للحسن فهذا يدل على فشلنا والحظ لايلعب دوره بل نحن من نلعب بالحظ اما نسعده او نخيبه بفعلنا
""
اخي الغالي حبيب قلبي والله واحد فاضي
الشكر لك على تعقيبك الذي دائما ينال على اعجابي وتفكيرك الذي تهت فيه واعجبت به بشكل جنوني
بارك الله فيك
ويعطيك ربي الف عافيه
اشكركم جميعا عالتواجد
ولا احرمني الله من ردودكم دائما
تحياتي للجميع بالتوفيق

[شذى الزهراء]

الحظ موجود في كل مكان ..اني شفت الناس المحضوضين في المدرسة يقولوا ماسوينا عدل بالامتحان وتعال شوف النتيجة شنو هي بالنهاية ..

اني حظي زين مو قوي والا ضعيف بس الحمدلله على كل حال اهم شي دواام النعمة والصحة ..

غير كذا كنت محظوظه بابوي كان يلبي لي كل شي اطلبه بس الحين تغير حظي ..

وحتى في المنتديات فيه حظوظ ..يعني بكل مكان ..

الله يعطيك العافية اخوي على الطرح ..

[؛ بسمة ؛؛]

الصراحة >> اني اعتبر بأن الحظ له وجود بيننا أقصد في امورنا وتيسيرنا >>
والحقيقة اني محظوظة في شي وطايحة حظ في شي ثانـــــــــــــي ..
اني كل اقول مالت على حظي الخايب .. احياناً يصير دفش كله ينااااااااااام واتخزبق >> غربله ربي ..
بس اني مااعلق عليه اخطائي وسوء تصرفاتي >> بس نادراًمااقول أي حظي الاقشر هو اللي وداني اهني وحطني هناك ورماني في سبعين داهيه ..
مسألة الحظ انا اؤمن بها بس لا يكون اني عندي اعتقاد قوي به يصير لي كل شي زي مااقول يؤيؤيؤيؤ ياويلي لأن الي يؤمن بشي يجي له >> صاقعه خلااااااااااااااص بكفر خخخ ..

مشكور القلب المرح على الموضوع
عطاك ربي العافية
تمنياتي للجميع بالتوفيق ههههه قمنا نقلدك يمكن يعتدل حظنا ..

تحياتي ؛ بسمة ؛؛

[سيناريو]

ياسبحااااااااااااااااااان الله توني البارحه في المولد أتكلم عن الحظ تدري ليش احنا أخذنا ستة كوبونات وأيدي على قلبي يطلع واحد منهم ايه يالله الحين بعد أشوي لااااااااااااااا انتهى الحفل بلييييييييييييييييييييييييييييييييييييز
كلللللللللل الحسينيه طلعوا اساميهم يتهيئ ليي مافي الا السته إلا احنا ماخذينهم محطوطين في السله
واشتركنا في جريدة الحياة يااااادافع البلا 88 سياره ولاوحده طلعت واني بس اللي متفائله في البيت تصدق والله
أقول ليهم أني محظوظه ...........أني مبروكه مااااااااااااافي فايده أني .............
لا................ والأعظم مره أشتركت في مسابقه بأسمي في مجمع وقالو لي طلع اسمي وفزت بذيك السياره ويلي سياره وجت خالتي البيت وباركت ليي
آخر شي


طلع تشابه أسمااااااااااااااااااااء خخخخ فشله >>> زهقت حددددددددي بس لا بعدني متفائله
وكله في البيت أحنا بنفوز واحنا بنفوز مايندرى متى ؟؟؟
ماخليت ولا بقيت من المسابقات إلا اشتركت فيها
..................شوي وباصيح خلاص أكتفي
شكراً على الطرح خوي القلب المرح
الله يعطيك العافيه

[القلب المرح]

يعطيكم الله الف عافيه عالتعقيب
خلص كلامي انا هق هق هق ماعندي شئ اقوله .. كلها قلتوه وقلته الى اللي قبلكم
وبارك الله فيكم عالتعقيب الزحفاني
والحظ موجود دائما بس عاااد همو واسعو اليه ورب العالمين مايخيب امل عبده المؤمن
تحياتي للجميع بالتوفيق ان شاء الله << بسمه كان يصير حظي اقوى خخخ

[Princess]

ههههههههه بإختصار وبدون التفاصيل لنشرة الأخبار من اميرروه...
تقول اميرووه واميرووه قالتها .. وهي اسااسا مقيوله..
سبع صنايع والبخت ضايع
واللي ما عنده حظ لا يشقى ولا يتعب...
بس ربك كريم.. ومتفائلين ونحاول هاا.. ندور على الأمل وين متغوي...

تسلم خيي من كل شر ويعطيك الف عافيه
دمت بحفظ الرحمن