فزعتكم ياأهل الشيم قبل يعرف خطيبي او اهلي وتصيركارثه

[ملاك الحب1223]

مرحباااااااااااااااااا

للكل




ورب البيت وبدون مقدمات انا انسانه جاااااااااااااااااده

ابي وقفتكم ومساعدتكم ارجوكم لو بالقليل




ادري بتقولون قليلة ادب قوية عين هالبنت بس اطلب من اعضاء منتدى يعرفون بمصيبتي ولااضطرعندالاسواق وانا عندي



بصراحه مشكلتي ياناس يااجاويد ياجماعه حطيت مهري في الاسهم وراحت 15000 خساره وماحديدري من اهلي اوخطيبي بها لشي وزواجي قرب ومدري شنو اسوي لان لو عرف ابوي بيهاوشني وبيلومني وماراح يخليني اتزوج الان وخطيبي هم مايدري بهالسالفه اخاف اقوله ويزعل



ابي وقفتكم ومساعدتكم لي واللي يحس نفسسه او تحس نفسها تساعدني لو باقليل تكفون تكفون عاد لاتردوني اعتبروها اللي تعتبرونها محتاجتكم اللي قدها يرد علي مشان اعطيها او اعطيه ايميلي ورقم حسابي


وربي اللي رفع سبع سماوات اني جاااااااااااااااده واذا كنت اكذب ربي ياخدعمري

[ملاك الورد ..~]

وربي ودي أساعدك بس شلون
وليش تصرفتي بدون ما تاخدي أذن من اهلك وزوجك

صدقيني بتكون المصيبة عليهم أخف أذا دروا انك ضيعتي مهرك في الاسهم
من انهم يعرفون انك شحذتي الي ضيعتيه
وياريت يكون لك درس عشان مرة ثانية ما تتصرفين الا بعد ما تاخدين اذنهم

عزيزتي مهرك من حقك
ومو من حق أهلك ولا زوجك يحاسبوك وين صرفتيه
الي صار صار
وانسي ان المبلغ يرجع لك
ودبري نفسك بالباقي

[عفاف الهدى]

السلام اختي العزيزة

طبعا اني ما امبى اخفف ولا اثقل عليش هذه غلطش ولازم تتحمليها هذا خطيبش وما صارحتيه من البداية ليش ؟؟
الفلوس وفلوسش والش الحق تتصرفي بها لكن لازم من المشورة ولازم تعطي احد خبر انش في الأسهم وانتين من هاداك الوقت ليما الحين ساكتة ولما قرب العرس تبي الفزعة
اسمحي لي اختي تصرفش من الأساس خطأ في خطأ فلا تقعدي اتكملي طريقش في الخطأ انتي صارحي ابوش وخطيبش بلي صار لازم راح يزعلوا ويتضايقوا نتيجة لتصرفش الي مو بصحيح ابد

وبعدين الأخوان في المنتدى ما راح يقصروا لكن مستحيل اي واحد راح يوزع فلوسه بهاي الطريقة حتى لو كنت جادة مليون في المية وحلفتي وقسمتي انش صادقة في طلبش اتظني ان في احد راح يعطيش بهاي الطريقة؟؟
غيرش من ذوات النفوس المريضة راح ياخذ هاي طريقة للشاحته وهو مستريح وكأنش وسوء تصرفش عطيتيه طبق من ذهب مليان الماسات وهو نايم عالسرير
اسمحي ليي اختي كنت قاسية عليش بس لازم اتهيئي نفسش وتتكلمي وتستعدي الى الي بيجيش

[القلب المرح]

اعجبني رد اختي عفاف الهدى وانا معها في كلامها
وهالطريق الا بتمشي فيه ان علم به احد الطرفين راح يسبب لك حزازيات انتي ستكوني الضحيه فيها
فالمصارحه افضل حل .. ولن تقوم القيامه ان بدأتي بالصراحه
تحياتي للجميع بالتوفيق

[شبكة الناصرة]

السلام عليكم ورحمة الله وبركاته ..

ومثل ماقالت الاخت ..

واخوي المرح ..

الصراحه مافيه منها ..

كل المودة

[؛ بسمة ؛؛]

حبابه ملاك الحب >> الله يهديش على سوء تصرفش وتسرعش .. خيتو من اللي قالش تحطي نص مهرش في هالاسهم الحين الي يسمعش يقول كل من يدخل في الاسهم يطلع بالملايين .. حبيبتي ناااااااااس يخسروا اعظم من الي خسرتيه .. وطاحوا بصفرة الي انشل والي دخل غيبوبة وسببها سوق الاسهم ..
حبابـــــــــه استعيذي باللــــــهـ .. وتكلمي اول شيء مع أمش ترى امش اقرب لش من غيرهاااااااااا وخليها توصل الي صااااار لأبوش صحيح بتصير هدرة وبربرة ويمكن زعل على الآخر يعنـــــــي بس هذي انتين بنتهم ولازم شدي وإلا شداك يساعدوش ..
إذا عرفش ابوش عن طريق امش خليه يوصل بأسلوبه إلى زوجش عشان يتصرفوا قبل مايقرب زواجش ..

الله وياش خيتو واللـــــــهـ ودّي اساعدش ومن كل قلبي .. بس الي اشوفه اهني انتين الغلطانة يعني مو مظلومة وتبغي حقش لاااااااااااااااا .. وهذا التصرف الي تسويه راح يكون اعظم من الفلوس الي راحت في الاسهم ..

الله يعينش حبابه ..

تحياتــــــــــــــي

[تمثال أنسان]

عزيزتي
ملاك
أتمني إن تقومي بإلغاء هذا الموضوع .....لكي تحتفظي بما تبق لك من عزه.....واعتبريها زله
كما أن المهر حق من حقوقك ولا دخل لأحد به.....لا زوجك ولا أهلك.
وتذكري أن الموت جوعا أهون على الإنسان من يذل نفسه للآخرين حتى لأهله................فلا تقليلي من نفسك

[ســحرالقوافي]

استغفر الله


الصراحه الموضوع من اساسه ما دخل مخي


الحين بنت بتروح وتدخل الاسهم بدون رقيب او حسيب


هذا اكيد مو في السعوديه


إضافه لرد الاخت عفاف الهدى والاخ المرح

اقول هذي طراره اخر زمن


الحمد لله والشكر


الفقراء في هذا الزمن عندهم عزة نفس
وما يطلبوا حتى لو ماتو من الجوع
وانتي تبي تطلبي عشان تتزوجي

كـــــــلام ما يدخل العقل

وبعدين يعني ابوش ويش راح يسوي لو قلتي له

او حتى زوجش
اكيد راح يتفهم هذا إذا كان الخبر صحيح
وثاني شي

انتي جالسه تصلحي خطاء بخطاء اكبر منه



ما اقول إلا رحم الله عزة النفس.....


دمتــ بود