السلام عليكم
صباح الخير ياذبل نواعس طرفك الزعلان
وربي ماقوى قلبي زعلك ودمعة أعيانك
ذريف الدمع من عينك أحسه يجرح الشريان
وأحسك لادرج دمع المحاجر يجرح أوجانك
تسيد سيدي حبك بقلبي في الحشا سلطان
وقلبي يرتوي حبــك ظمأ ويــموت ظميانــك
عيونك خدرها ضيع حورها جفنك النعسان
اضيع أموت ولاّ اعيش عفوك عند سجانك
رجيتك وأرتجي عفوك رضا يامالك الوجدان
ابيها كـــلمة تنبع غـــلا من دم وجـــدانـــك
ألا ياكثرماتخطي علي وأقول أنا الغلطان
جبرني حبك أتحمل جميع الناس من شانــك
دخيلك مابقى باقي رجحت بكفة الميزان
غريق ٍ في بحر حبك رجح به كف ميزانــك
تقبلوا تحياتي لكم
وشكرا
رد مع اقتباس
المفضلات