في البداية لا احد يزعل الكلام مو مقصود لاحد لاني ماعرف احد هني ولاتخافو ترا مو جاي من معاناة والحمد لله بس طلع كذا..


عيبكم يالعرب من حريمكم صرتو تخـــــافون
كل تحكمه حرمة وصايرة كأنها سكـــــــــانه

تلفه كيف ما تبغى واذا تطلب اكيد تمــــــون
خاتم في الصبع ينفر بدون حس ولا امــــانه

لاتلوموني بهالكلام ياسامعي لاتلومـــــــــون
كملوا معي للنهاية وشوفو قصدي بمعـــــانه

قصـــــدي الحرمة المقصرة ومو باللي تظنون
ما اقصد احد في كلامي ولا اقصد اي اهانــــــة

مرة فاضية ومطلعة لزوجها عشـــــرة قرون
غير ابغى ما تعرف وعقلها كبر استكـــــــانه

قليلة فهم ودايمة عراك وتنكيد وغبــــــــون
ماتحس باللي قدامها ولاتسأل عن اشجـــانه

مسكين يحاول رضاها وجنونها عليه يهون
حامل همها على ظهره وعلى رضاها يتفـانه

مغزى القصيد شي واحد يامن تفهمـــــــــون
اتقو الله ببعولكم ترى واجب في الديانـــــــــة

وتركو التنكيد عنكم وشوفوهم وش يبــــــون
صــدقو يكفيهم رضاكم وهذا مايبغى له اعانه

ببتسامة وكلمه طيبة تنسيه ان كان مغبون
عشان لاتجي لحظة كلنا نسميها خــــــــيانة

وسلامتكم