السلام عليكم ورحمة الله وبركاته

عذرا للعودة مرة اخرى بس الموضوع مرة يستاهل واتمنى من الجميع المشاركة والتفاعل معاه اكثر

يمكن ينعاد الكلام شوي او حتى لو تغير بس بيكون بنفس المغزا ماعلش اعزائي..

موضوعنا عن رسائل الجوال في القنوات والاهدائات..

انا عندي سؤال وش الهدف من هذي الافعال بصراحة؟؟؟؟

لاتقول لي بس كذا او من الفراغ او باعذار واهية اصلاً

لان البنت اذا تعرف انها شريفة مابترضى من احد يطعن فيها بحرف واحد اما اذا كانت تفتكر نفسها شريف بس

فهي اللي بتقوم بسوالف كذا ... لاتقول هذا رسايل بس وماحد شايفنها ولاحد عارفنها لا لان التقوى والشرف والعفة تكون بكل شي..

لو بس اذا سألوها من هي رمزك ومقتدك قالت باعلا صوت السيدة فاطمة الزهراء عليها السلام او السيدة زينب عليها السلام..

اهل البيت عليهم السلام بريئين من الاعمال اللي كذا ياخواتي والله الامر متأزم مرة وفي ناس واجد قاعدة تتكلم..

انا اجيب ليكم مثال .. احنا بالعمل عندنا ناس بدو صدقو ان كم واحد يقول لي عنده صديقات من القطيف ويقعد يجرح فينا..

اذا انا صرت بهذا الموقف وش اسوي بس شغلتي ادافع عنهم يضحكو عليي لانهم من صج عندهم صديقات يعني ليهم حق..

وكيف عرفوهم ..؟؟ عرفوهم من الشات ومن الاسواق ومن ومن....

واحنا موبس نسلم الامر لصاحب الامر القائم عجل الله فرجه ونقول ننتظره يظهر ويحل المشكله..

احنا المفروض نصلح حالنا قبل ظهوره لان التقي هو اللي بينصر الامام عجل الله فرجه اما السيئ فالله اعلم كيف بيكون حاله..

واحنا المفروض مانعطي لنفسنا فرصة للمشي بها التفاهات اللي ماوراها الا البلا والاعمار قصيرة ترا ليش مانفكر بلحظة حضور ملك الموت..

الموت مايعرف صغير والاكبير وانتو تشوفو الحين اكثر اللي يموتو شباب يادافع البلا والله يطول باعماركم..

الكلام هذا طالع بحرقة فاعذروني وترا ماخلصت ولي عودة مرة ثالثة بس بتكون اقسا شوي..

عزيزي ميسور انا ماتكلمت بموضوع الشباب وهو صحيح مرتبط معاه بل موضوع واحد بس حصرت

الموضوع عشان لا يتشتت وليي موضوع عن الشباب فجيعة بعد افتحه ليكم هاليومين ونشوف مشاركتكم وآرائكم