بسم الله الرحمن الرحيم

انا اول شي اهنيك خيتي نوارة على الموضوع الروعة واللي يستاهل احلى تقدير

اولا خلينا ناخذ الموضوع حبة حبة ولو طولنا فيه..

اول شي خلينا نبعد الطرف الثاني ولا نقول انهم يدعو باسماء القطيف لان كذا نقدر نحصر الموضوع ونحس فيه بجد ونتعامل معاه باكثر شفافيه..

ولا نقول خل الطرف الثاني يشوف نفسه ترا اللي فيه بلا اكثر.. مالينا شغل احنا خلنا بنفسنا اول..

وبعد لانقول زي ماتقدم احد الاخوان ان المذهب الشيعي كالجبل صامد وما تأثر فيه الرياح وتطاير عنه الغبار بس

لان احنا كذا مو قاعدين نتحمل المسؤلية لا قاعدين نقول ان حنا اشرف الناس وهذا صحيح وبلا شك

بس مو قاعدين ننظر لعيوبنا ومشاكلنا ... وليعذرني اخي الكريم لاختلاف رأئيي..

يعني لا نخلي اللوم على غيرنا ونقول ان احنا كاملين والكامل الله ومافينا عيوب..

هذي الاعمال ان كانت بجهل فهي اكبر من التعمد لان الوضع حساس مرة والكل ينتظر منا اي غلطة عشان يلومنا

وهذا الشي المفروض الكل حاس فيه ولانتجاهله كنا بنات ولا اولاد الكل هنا على حد مقصلة وحدة..

وعلى ما اعتقد ان هذا الاشياء كلها تجي من الناس اللي يحسو روحهم من الطبقات الراقية في المجتمع

او اللي يبغي يصير منهم ومثلهم... مثلا يوم قلنا يبنات لاتفحو وجوهكم قالو انتو متخلفين وهذا هو الحجاب الشرعي

ومو كل وحدة تفتح وجها وتتحجب يعني مو زينه ووووو وقامو بالدفاع عن هذا المبدأ..

احنا مانختلف معاكم بكل الكلام اللي تقولوه لكن هذي هي الآثار وهذي هي الطعنات اللي بنحصلها وبيتاذى منها غيركم واللي مامشى بطريقكم..

لان الخير يخص والشر يعم... فسمحنا في مجتمعنا بفتح الوجه وقامو يسوو حركاتهم الحضارية قصة الشعر طالعة والمكياج over والحالة حالة..

يعني التنازلات هذي صارت ضدنا وصارو بناتنا هم اللي يتحكمو بافعالهم وعلى هواهم ولا نقدر نقول ليهم ولا حاجة..

هذي جهة..والجهة الثانية..

البنت ماتلحق تتخرج من ابتدائي هذا اذا تخرجت يعطوها جوال آخر مديل ويقولو ليش يحاصروها خلوها تتعامل من التطور..

بس يوم يشترو ليها الجوال هم معاها ومن يدخلو البيت خلاص ينسوها وهي تتابع التلفزيون والبرامج البايخة

وتقعد عن طريق التسلية وملئ الفراغ تلعب بالرسايل عاد باسم اهل القطيف لو غيره لانها بعدين اذا تتطورت العلاقات السيئة

اللي جت من طريق الرسائل بتنعرف انها من القطيف.. وللاسف في بنات تقولو ماشافو خير ولايصدقو على الله يكلمو ولد او شاب..

وفي جروح بزيادة بعد..؟؟

في بنات يطلعو برا يعني يحبو الناس اللي من برا القطيف ليش؟؟؟ عشان ذاك مابيفضحها وهي ماتدري

ان ذاك بيشهر بها ولا بيرحمها ازيد من ولاد القطيف وبينشر غسيلها ببلاش وعلى مستوى العالم بعد..

روحو المجمعات وشوفو اوروحو الرياض البنات يطلعو من مجمعاتهم السكنية الى الاسواق ووو.... مناظر والعياذ بالله تعور القلب..

عموما الموضوع طويل ومايخلص بس لازم يؤخذ بجدية يعني مو بس صفحة نقاش بمنتدى

لا شوفو الناس التعبانه هذي ورشدوهم ووروهم وش اللي صاير كان يحسو شوي..

طبعا الموضوع لانه على البنات فانا حصرته على البنات لكن الشباب بعد عندهم بلاوي اكثر وافجع بعد يمكن نتكلم عنها بمواضيع ثانية..

شكرا للجميع والشكر الخاص لنوارة الدنيا على موضوعها المميز..