قصه عن اعضاء الناصرة الكرام والبطل القلب المرح

[الأمل البعيد]

بسم الله الرحمن الرحيم

السلام عليكم ورحمة الله وبركاته

لزيادة الترفيه حول المنتدى ,, احببنا ان ننشأ قصه عن الاعضاء ,, قصه ربما كانت تتطابق واقع الحقيقه بما يحدث وربما كانت خيال ..
ترى القصة نصها منقول بس اني عدلت فيها وقمت اكتب فيها اشياء جديدة واضافت اعضاء
فاترككم لتقيمو

أبطال مسلسلنا هذا المره الأعضاء أميرة المرح وسيناريو وملكة الإحساس وروح الحياة وبحر الشوق

وطبعاً الشخصية الغني عنها بالتعريف القلب المرح.. ما علينا ندش في صلب الموضوع الحلقة الأولى

في يوم من الأيام بعد فشل المنظمة السرية المكونة من ملكة الإحساس, اميرة المرح , سيناريو, وبحر الشوق والقلب المرح في مهمة من المهمات على آخرها ( وموت زوجة القلب المرح قدم استقالته متأثراً ) بموت العزيزة أم عياله اللي تزوجها
ما كمل الشهر وكان وده يجب ولد يشيل أسمه .. مالينا شغل أحنا الحين بالقلب المرح
ندش بالقصة أحسن .

بعدمرور ثلاث سنوات من هذه المحنة أتت أنباء بمهمة سرية جديدة بحول عصابة من أقوى العصابات الناصروية في دولة الناصرة العظمة المكونة من رئيسهاالقلب المرح ومن أعضائها الذين انذكرو .. وغيرهم من المجرمين المحترفين هذه العصابة معروفه بالجرائم البشعة والتجارة الممنوعة بهذه الدولة وهذه العصابة التي انهزموا فيها جماعتنا الطيبه المنظمة السرية وراحت ضحيتها زوجةالقلب المرح . .

بعد هذه الهدره وتعريفكم بالماضي المرير

اميرة المرح : ماذا تقول يا سيدي هل سوفا نشن عليهم الهجوم والقبض عليهم ؟

سيناريو( أهو رئيسة المنظمة )أجل فلا مجال لتضييع الوقت

ملكة الإحساس : أعقل أخوك ويش جالس تهربد علينا

بحر الشوق / أي ولله قال نشن الهجوم قال نشن أنت أولأعرف أمسك مسدس بعدين تعال أتكلم وقول نشن

روح الحياة :هدويش أكلتون المره بقشورها خلونا نسمع الكلام

اميرة المرح :مو كأنه كنا نتكلم فصحة ويش اللي قلبكم

ملكة الإحساس : من زود الصدمة خيه

روح الحياة : ول وأنت بعدك تصدم في الآوادم

بحر الشوق: هذا ما راح يتوب لين ينسم أشوي والحين بعد جايتنا الرطوبه ما راح نسلم

اميرة المرح : خلونا في صلب الموضوع

ملكة الاحساس : أي موضوع .

اميرة المرح :موضوع العملية

بحر الشوق : عملية عملية ويش عسى ما شر من متى أنت مريض

اميرة المرح :لااااا حول وبعدين وياكم ما تنعطون وجه أبد

روح الحياة:وأنت حضرتك توزع أوجوه

سيناريو : أن الله وأن إليه راجعون ما بتوبون أنتون ويلا كل واحد يتكلم عدل الحين شقلتون أحر ما عندي أبرد ما عندكم ويش هذي الحالة

اميرة المرح : أنت نسيت أن أحنا ناقصين فرد مهم وحساس

بحر الشوق : أي والله ناقصين فرد مهم جداً والمهمات هذي له مو راح نهجم عليهم مافي إلا أهو اللي يعرف يدخل داخل بروحه مغامر ما شاءالله عليه مثل الفار

اميرة المرح :قول ماشاء الله

روح الحياة : بصراحة أنا بدونه ما راح أروح

سيناريو : يا جماعة الخير أحنا لازم نروح القضية أكبر من كذا لأني ما قلت لكم شنو السالفة

اميرة المرح : شنو السالفة يا طويلين العمر والسلامة

بحر الشوق : الله يسلمك ويخليك ويبقيك ويسلم كل غالي كومغليك

اميرة المرح : وأنت حتى في القصة بتلطع فيها ؟؟؟قلبوووووه شيله من القصة خلها تخلص الله يرحم والديك أذا أهوموجود ما راح تنتهي ؟

سيناريوا : سمعوا القضية وما فيها أنهم خاطفين زوجة الرئيس السابق

الجميع : شنوووووو

سيناريو : أي نعم وأذا ما لحقنا عليها راح يقتلونهااا

اميرة المرح : طيب ليش خاطفينها

سيناريو : العصابة تبي السلاح اليزري الجديدالمبتكر تبي طريقة صنعه وأذا العصابة أمتكلت هذا السلاح رحنا فيهاااا

اميرة المرح : لا حول ولا قوة إلا بالله تكفى طلعني من القصة خيك مقدر أتحمل السالفة كذا فيها حياة أو موت

ملكة الإحساس : والمطلوب اللحين الزبده

بحر الشوق : ليش بقر حنا عشان تبي زبده

روح الحياة:نتكلم جد الحين احنا لاحول بالله

سيناريو : المطلوب أن نتسلل وننقد حياتها أولوبعدين نتفاهم وياهم

اميرة المرح : والقلب المرح بجي؟

سيناريو / لازم يجي ما راح نقدر نسوي أي حاجة على الأقل القلب المرح نفهمه ويفهمنا وراح نعرف نتصرف بشي العدل يعني لو يجي واحد غيره خوربت ..

بحر الشوق : كلام سيناريو صحيح بس كيف نجيب قلبوه وهو أستقال وأنتون بالله عليكم ثلاث سنوات ما أخترعتون لينا واحد يجي بداله

سيناريو : بصراحة أحنا جبنا مليون الف شخص بسأنتون مو آوادم تتطرودون فيهم بفعايلكم

ملكة الاحساس :أحنا كنا نختبر قوة التحمل بس طلعوامو حمولين

اميرة المرح : خيه قصدك مو صبورين

ملكة الأحساس:أي نفس اللي قلتها مو صبورين

سيناريو : خلاص أنا راح أتفاهم مع القلب ...ا

بحر الشوق : القلب ولا الرئة

سيناريو : قبحك الله وأنت ما بتعقل مو كافي معور راسنا بالمحل والمنتدى وحتى قلبوه بعد زيك وصارأبو اللسان بعد هاليومين

اميرة المرح : أسكت عنهم دواهم عندي دولااا

في الجهة لأخرى كان القلب المرح جالس في الكورنيش ويا زوجته الثانية دمعة الم( لا خوربت يمشي ويتزوج هالأخ )

دمعة الم: قلبوه غناتيه متى راح نطلع من هالديره

القلب المرح :والله مدري أن شاء الله قريب تعرفين الحين الواحد لازم يأمن على المستقبل

دمعة الم :اهااا ويش راح تسوي

القلب المرح :والله جالس أفكر بمشروع(لا تقول كلية بالقطيف هههه )

دمعة الم :شنو المشروع(يرن تلفون شواطئ)

القلب المرح : ( يرد على التلفون) الو نعم

سيناريو (المتصل) القلب المرح معاك رئيسه المنظمة الفدرالية سيناريو

القلب المرح :هلاااااا أم محمد كيف حالك ويش مسويه أن شاء لله بخير كيف الشباب عقلوا ؟؟

سيناريوأسمع القلب المرح أنا محتاجنك في مهمة خطيره جداً

القلب المرح : بصراحة أنا مقدر تعرفي شنو اللي صار يعني ما أبي أخسر أحد ثاني مره ثانية

سيناريو : ما تبي تنتقم لزوجتك السابقة؟

القلب المرح : لو أقدر أيه أبي أنتقم أكيد بس أنتوا منعتوني

سيناريو : والفرصة جاية لعندك شقلت؟

القلب المرح / شنوووو

سيناريو :فيه سيارة بي أم أسود وراك أركب فيها

القلب المرح :طيب _ دمعه الم أنا راح أمشي في موضوع ضروري لازم أخلصه

دمعة الم :طيب لاتتأخر

القلب المرح :يمكن ما أرجع البيت الليلة يلا مع السلامة

دمعة الم / خير شنو صاير ؟

القلب المرح :بعدين أقولك خذي مفتاح سيارتي

دمعة الم :طيب

في الجهةالأخرة منظمتنا السرية جالسين يحزرون شنو بصير مع القلب المرح

اميرة المرح :تعتقد قلبووه راح يجي

ملكة الإحساس :والله بصراحة أنا ما أعتقد

بحر الشوق : أيه لأنه قلبووه فقد شخص عزيز عليه وأنت شفت حالته كيف

يتبع >>