الكنافة الكذابة .. بالصورة

[ملكة المساء]

السلام عليكم

متباركين أولا بقدوم الشهر الفضيل وينعاد عليكم بالخير ياارب

جبت لكم طريقة الكنافة الكذابة من عند صديقتي .. والله طعمها خطير
قلنا مانطلع بدون صورة .. المهم مانطول عليكم وهذي المقادير مع الطريقة




المقادير

كيس توست (بريد)
قالب زبدة سائحة 113جم
1ملعقة اكل ماء ورد
1كوب شيرة
فستق مطحون

الحشوة

3 اكواب حليب سائل
5 ملاعق كبيرة نشا
ثلث كوب سكر
علبة قشطة
1 ملعقة اكل ماء ورد


الطريقة

1- تشيلين اطراف التوست وتفرمينه باالفرامة بعدها تحطين عليه الزبدة السائحة وماء الورد
وتخلطيها عدل وتراعي ماتكون فيه تكتلات . بعدها تحطين 3\4 الكمية في صينية مدهونة بزيت .

2-تسوين المهلبية : تخلطين الحليب مع النشا والسكر وتحطينه على نار لين يغلي مع التحريك
وتتركينها تبرد. بعدهاتضيفين القشطة وماء الورد وتخلطينهم عدل.

3- تسكبين الخليط على التوست في الصينية وتغطينه بباقي التوست اللي بقى وتخبزينها في الفرن
حتى يتحمر سطحها واطرافها.

4- طلعيها وصبي عليها القطر او الشيرة وقلبيها في صحن التقديم وزيينها بالفستق.

وصحة وعافية ياارب

[أميرة باحساسي]

امممممم شكلها شهي ولذيذ
تسلم الايااادي ملووكة
يعطيك رب العافية
تحياتي

[فرح]

تسلم يدينك حبيبتي ملكة السماء
ويعطيك العااافيه
اعتذر الموضوع مكرر
وهذا الرابط
http://www.alnassrah.com/vb/showthread.php?t=9063