يتزاول لي القلب الشقـي فـي حضنهـا مفلـول
تنقـي فـيـه ضحكـاتـه وتاخـذهـا وتقبـرهـا
وتسكت ثم تظهـر فـي خيالاتـي وانـا مذهـول
تباغتنـي بنظـرات ٍ عجـزت انــي افسـرهـا
تثيـر بصمتهـا حـرف ٍ غـدا بأسبابهـا مشلـول
يحـاول بـس مايقـدر ويزعـل ثــم يعـذرهـا
وتتركني وانـا ضايـق بعيشـة حلمـي المغيـول
ابـي يتـحـرر بيـدهـا ويتعبـنـي مكابـرهـا
واعدّي جسر وقتي والامل فـي شطهـا المعـزول
ويتمايـل مـن ريـاح ٍ تعاسـرنـي واعاسـرهـا
اشيل الرجل في هونـي لأنـي منكسـر مخـذول
اخاف اسرع واطيح وينتهـي هالحلـم واخسرهـا
واعود للضيـاع اللـي جرحنـي سيفـه المسلـول
على عيني وصارت رجلي اقصى حـدود ناظرهـا
رد مع اقتباس
المفضلات