يوم افارق ما مشـى .. واقـف وراي
في رجا .. ما سـوق رجلـي للرحيـل
قلت له .. عان القدر .. وثّق .. يـداي
والعمر .. له شمس .. يا عمري تميل
قال مالك .. فالزمن.. شخص ٍ .. سواي
قلـت والله واشهـدن مالـك مثـيـل
انت .. لي جوع الفقر واكبـر غنـاي
تختصرني ..تطوي البـال .. الطويـل
انت .. حلم ٍ .. برّوز العمر .. ومُنـاي
شعرة ٍ بيـن السهـل .. والمستحيـل
والله اني حي ّ بس منـك ّ .. وجـاي
ومنك ّ مستكثر وصالك .. لـو ّ قليـل
ماحدن غيرك .. لـه الحـب وغـلاي
جف ّ نبع الشوق .. وخفاقي .. بخيـل
طيفك .. وأوّلك .. وتاليّـك .. معـاي
شلتهـن للفقـد ّ الاكـبـر والرحـيـل