دمعة بطرف عيني وبوسط القلب غصـــــــــة
وغيم اسود على القلب محيرني ومــــــــآذيني
وبحياتي كومة هموم ومن الحزن رصـــــــــة
وذايق عذاب الشوق وحتى النوم مجـــــــافيني
ليتني اشوف الود او ابص عليه لو بصــــــــة
وانسى مذاق الموت اللي سنين مخـــــــاويني
اي والله ياليت تنتهي من احزاني قصــــــــــة
وابدا من جديد اجدد بالامل هــــامش دواويني
وانال حقي بالراحة واحصل من الحب حصـة
تكفيني طول عمري ولجروحـــــــــي تداويني
كاني بربيع الشوق وكاسٍ مالي الشهد نصــــه
وريح معطر انفاسي يجدد حبه برياحـــــــيني
اتمنى تتبسم حياتي وتتسنى لي معاك فرصــــة
وتعود معاك ايامي ويجف مني دمــــــــاعيني
ونمشي بخطى الاشواق واصرخ ع المنصــــه
احبها ياناس صــــــــــدقوني وهي تموت فيني
حلم احلمة مايصحيني منه ماي ولا قرصــــة
اعيش بحدايق احضانك وكلمــــــا ابعد تجيني
واسمع همس قلبك بشعرٍ ترويه وتنصــــــــه
وعيني بعينك وبعيون تدمع تحضــــــــــنيني
وكلما ابغي اتكلم تسكتيني بكلمة اصصصــه
ونبقى احنا بسكوت وعيونك بس تحـــاكيني
هذا حلمي اللي على الدوم لصورتك اقصــــه
وبحسرتي اصحى بليلي انا وطعنات ســكيني
وسلامتكم
رد مع اقتباس
المفضلات