اهنيكم بقرب قدوم شهر الله والله يوفقنا لصيامه وقيامه

تدرون ويش جبت ليكم؟؟؟؟؟

اللقيمات يم يم

المقادير :
كوبان دقيق
ملعقه صغيره خميره
ملعقه كبيره سكر ناعم
رشة ملح حسب الرغبه
3 ملاعق كبيره بودرة كاسترد (ليصبح لونه ذهبي)
كوب ماء دافيء
الطريقه:
= يعجن الجميع بخفه وحاولي تكون العجينه مثل كثافة الكيك
واتركيها تتخمر من نصف الى ثلاث أرباع الساعة
وكلما ترك يختمر مدة أطول كانت النتائج افضل
= حمي الزيت ولما يسخن خفضي الحراره وابدئي بتكوير العجينه وضعيها في الزيت مع التقليب المستمر حتى
تشقر ارفعيها وجففيها من الزيت ورشي عليها عسل او دبس التمر ......... لذيذه من جد
وبتلاقين وسط اللقيمات مافي شي وهي مقرمشه
طريقة التكوير
هي انك تحطي العجينه في كيس ( يفضل اكياس اللحم الخفيفه) وقصي الزاويه بحجم الكور اللي تبغيها يعني اذا كبرتي القص راح تطلع الكوره كبيره واذا صغرتيها راح تصغر وهكذا
وبتلاحظين انها بسرعه تجي معك ................
واتمنى تعجبكم
وربي يوفق الجميع