قلوب مغلقة (قصة روعة لاتفوتكم)..

[زهور الريف]

فتحت عيونها على صوت الماى بالحمام ... حست بالسرير فاضى .. التفت على الجهة الثانيه تشوف الساعه .. كانت سبع ونص الصبح .. ايش عنده قايم بدري...
طلع صقر من الحمام وهو حاط الفوطه على كتوفه .. وينشف وجهه .. وشعره لازال مبلل .. نزل الفوطه وشاف مزون تشوفه وهي بالسرير ابتسم لها ..
صقر: قومتك من النوم
مزون وهى تتعدل بجلستها: لا ما ازعجتنى .. انا خلاص قمت
راح صقر للتسريحه وظهره لمزون .. واخذ المشط يمشط شعره وهو يشوف موزن بالمرايا
مزون: شكلك بتطلع
صقر: ايه عندى كذا غرض
مزون: بس اليوم العزيمه
صقر ابتسم ابتسامه عريضه اظهرت خطوط بزاويا عيونه اول مره تلاحظهم
صقر: عزيمه بالصبح...
عضت مزون على شفتها التحتيه .. عرف صقر من هل الحركه انه احرجها .. قام ضحك
صقر: بس ولا يهمك مو متاخر
قامت مزون : طيب انتظر لا تطلع الا وانت فاطر
صقر: قهوة تكفي
مزون وهى تبتسم: ماجربت بانكيك مزون
صقر: ههههه... نجربه بس لو صار لى شي انتى المسؤوله
مزون: اوكى دقايق وانزل واسوى لك الفطور
............................................
دخلت ام صقر لغرفة هلا .. الى كانت نايمه هى ونجود ...
ام صقر وهى تفتح النور: بنات يالله قوموا ..
غطت هلا نفسها بالفراش بسبب النور الى انفتح فجاه ..
هلا: يمممه .. اليوم الخميس ايش يقومنى بدرى
ام صقر: أي بدرى الساعه 11 الظهر .. مرت اخوك قايمه من 8 ؟؟؟خلاص قوموا تراكم خستوا نوم
هلا: يمممه .. طيب تو الناس بقوم 1
ام صقر: لا قومى الحين .. وابيك تنزلين تسوين حلا عشان الليله
هلا طلعت راسها من تحت الفراش وهى فاتحه نص عيونها
هلا: يمه .. مو طالبين بوفيه من المطعم
ام صقر: ايه طالبين ..
هلا: ليه طيب ما طلبوا حلى بعد العشا
ام صقر: طلبنا تشيز كيك وام على بس .. والباقي انتى تسوينه... وخالتك امل بعد بتسوى نوع ثانى
هلا: مو تقولين موزن قايمه .. خليها هى تسوى
ام صقر: والله البنت مو مقصر من الصبح وهى تساعدنى ما كان العزيمه لها .. مو حلوه اطلب منها .. يالله انتى قومى وسويه
هلا: يمه ايش اسوى .. والله ماعرف
ام صقر: ايه هذا الى فالحه فيه الاكل بس .. اما الشغل ماعرف اسوى ومادري ايش...قومى هذا كتاب الطبخ عندك .. خذي منه الوصفه
هلا: يوووه يمه طيب ..
ورمت الفراش وقامت ..
ام صقر وهى طالعه من الغرفه : قومى بنت عمك وانزلوا
هلا بتذمر بعد ما سكرت الباب امها: اوووف حتى الخميس نقوم بدري..
سمعت صوت من جهة نجود ..قامت رفعت الفراش من على نجود شافتها تضحك
هلا باستغراب: ايش عندك تضحكين
جلست نجود على السرير وهى تضحك: هههههه ..
هلا رمت المخده على نجود: شف هذي انا معصبه وهى تضحك ... اقووووووول قومى انتى وكشتك خل ننزل لامى
بدت تعدل نجود شعرها باصابعها وقامت من الفراش.
نجود: هههههه اضحك على تحلطمك ..
هلا: يعنى ايش رايك .... اليوم الخميس .. وانا انتظره بفارغ الصبر
نجود: جد هلا ماعندك سالفه 11 وتقولين بدري
هلا: والله انا الى سهرت امس مو انتى من الساعه 9 نايمه
نجود:ليه متى نمتى امس
هلا: وحده ونص
نجود: ههههههههههههههههههههههههه قسم بالله انتى خطيره ..يالله انا حاجزه الحمام قبلك
هلا وهى تلحقها: ما يصير ...انا قايمه قبلك
دخلت نجود الحمام وهى تضحك وسكرت الباب عليها
نجود: هههههه روحى حمام ثانى
هلا: طييييب تشوفين...اووف ابي انام
....................

الكل كان مستعد للعزيمه ... فيلة ام صقر ماهى كبيره مرره ..بس ورى البيت فيه حوش مرره كبير وفيه خيمه ومسبح وبعد مساحه فاضيه ..رتبوا فيها طاولات وكراسى ... اما البوفيه حطوه جهة المسبح .. وشغوا الفلاشات .. كان منظر انعاس النور على سطح البركه معطيه لمسحه حلوه .. بالبدايه بيضيفون الحريم بالمجلس .... واذا جا وقت العشا بيطلعون برى عند البوفيه ...خصوصا ان الجو هالايام حلو ربيعى
عشان كذا البيت كله كان مشغول.. العمال برى مع صقر يوجهم وين يحطون الطاولات ويرتبون المكان .. وامل جاتهم من الصبح تساعدهم .. والبنات بالمطبخ ما بقى وصفه الا جربوها .. يعنى الحماس مشتغل عالاخر ...
هلا: الحين كم كاس طحين كاتبين
نجود وهى تدور بالكتاب: مادرى ضاعت الصفحه
هلا: ياربي .. بسرعه ابي ارفع هالخصله من وجهى مزعجتنى يدي كلها طحين
نجود: هههه شكلك تحفه
هلا وهى تنفخ تحاول تطيرها: ادرى .. انتى دوريها بس
نجود: ايه مكتوب كاسين طحين .. تعااالى ليكون حطيتى بيض
هلا وهى عابسه: ايه ليه
نجود وهى تبتسم : مو هذا الحلا الى فيه .. سورى قريت الوصفه الخطا
هلا صرت على اسنانها: اااااااه ...
وحطت بقوه الكاس الى بيدها على الطاوله ..
نجود: شوى عن ينكسر
هلا وهي تكع على وجهها : مالت على هالخشه .. حنا وجهنا وجهه طبخ ..
نجود: تدرين خل ننادى مزون تساعدنا
هلا: امى محلفتنى ما اقول لها شي.. تقول خلوها اليوم كافى سوت الفطور لهم ..
نجود: المشكله مزون هى راعيه المطبخ بالبيت وهى الى تعرف انواع الحلا
مررت هلا ظهر كفها على خدها ترفع الخصله المضايقتها
هلا: اوووف هالشعر بقصه
نجود: ههههههه... كل خدك طحين
هلا: احسن .. تدرين ماراح اسوى شي .. خل نروح المزواق وناخذ لنا كيك
نجود: لا فشيله امك ايش بتقول
هلا بياس: ما اتشوفين ما نعرف نسوى شي
نجود: شوفى هذي شكلها سهله خل نسويها ..
هلا:اذا فيها بيض مابي ..ريحته ما اواطنها ... يالله قدرت اتحمل ريحة هذي .. والى يقهرانها مافيها بيض بالاساس
نجود: طيب خل نعيدها
هلا بجد: لا خلاص انا كرهتها
نجود: هههههههههههههههههههه احلفى بس.. تكفين حبيها
هلا: تتطنزين انتى وجهك ..تدرين نجود ايش رايك انا الى اقول لك المقادير وانتى الى تسوينها
نجود: لا.. ماحب المس الطحين
هلا وهى ترفع حواجبها وتنزلها: لا تتهربين عندنا قفاز
نجود: تدرين انا وانتى نسوى ..
دخلت عليهم امل
امل: ها سويتوا شي
هلا: تخيلي امول بعد ما حطينا كل المقادير طلع اننا خالطين بين وصفتين وحطينا بيض معهم بالغلط
امل ضحكت: والله هذا من قل الدبره
هلا: اقول امووول .. ايش رايك تساعدينا
امل: اوكى جيبوا الكتاب خل نختار منه نوع .. بس بشرط تساعدونى
نجود وهلا براحه : اكيد ..
........................

خالد كان بالطريق جاي من ابها .. كان عارف بالعزيمه .. اول ما وصل البيت شاف الحوسه والزحمه .. سلم على امه وجلس معها شوي ولان امه كانت مشغوله طلع .. وهو طالع شافه صقر الى لازال برى مع الرجال
صقر: تعال خالد وين رايح
التفت له خالد وشاف: هلا صقر كيفك
سلم عليه صقر: بخير .. متى جيت
خالد: من ساعه تقريبا .. انت الى وينك
صقر وهو ياشر على الرجال: جالس معهم لين يرتبون كل شي
خالد: ههههههه الله يعينك .. اشوف كل البيت مشغول للعزيمه
صقر: شفت كيف
خالد: وليه الرجال ما لهم
صقر: امى قالت لى نسوى لهم بالاستراحه ... بس انا ما وافقت ... قلت لها ماله داعى ..
خالد: هههههههههه صراحه انت خطير لا عرس ولا عزيمه
صقر: تاركهم لك
خالد: انشالله
صقر: هههههههههه.. اشوف الفكره داخله بالك
ضحك خالد: ليه لا
صقر: الله الله تطورات جديده .. ومين سعيدة الحظ
خالد: هاهاى ذا بعدك ... مو قايل
صقر: افا هذا وانا اخوك الوحيد
خالد: هههههه ومين قال انك اخوي الوحيد والا ناسى بدر
صقر باحتقار: هذا تعتبره اخو .. تصدق حتى مبروك ما قالها لى
خالد: مراهق وطايش لا تهتم فيه
صقر: ولو .. لو ابوي ما اهتم فيه بيضيع .. وبيكون مصيره يا السجن يا مستشفى الامل
خالد: هيه صقر خير ايش تقول انت تراه اخوك
صقر بقرف: ما تشوفه .. تصدق اتنفشل منه
خالد: ماعلينا .. ابوه اومه موجودين وهم يعرفون يوجهونه.. المهم الليله ايش الترتيب
صقر عقد حواجبه: أي ترتيب
خالد: البيت بيكون مشغول .. وحنا ماعندنا شغل .. انت وين ناوي تروح
صقر: مادري خل اخلص من هالعمال بالاول
خالد: خلاص انا بروح لسعود الحين واتفق معه على ترتيب معين وبنعطيك خبر
صقر: ههههه ايش عندك على كلمه ترتيب انت بعد
خالد ابتسم ابتسامه برئيه: مادرى عاجبتنى
صقر: ههههه .. طيب ليه ما نجلس فوق الدور الثانى بيكون فاضى
خالد: ياخى انا جاي من شغل وملل عشان اتونس تبينى احبس نفسي بالبيت..
صقر: خلاص اذا اتفقت مع سعود عطنى خبر وانا بجي لكم اول ما اخلص
خالد وهو طالع: تم
............................
ما خلصوا العمال من ترتيب وتركيب اناره وفلاشات الا الساعه 6 المغرب ... اول ما انتهى منهم صقر راح لغرفته وهو تعبان .. من قومه الصبح ما ارتاح .. بعد ماطلع بدرى رجع تغدى وبعدها قابل العمال ... دخل الغرفه يبي ياخذ له شور .. شاف الحمام مشغول ... انسح على السرير شوي عشان يريح عضلاته ..على ما تطلع مزون
مزون راحت غرفتها بدرى عشان تبدل وتلبس.. ماتدرى متى المعازيم بيجون .. ام صقر قالت لها بعد صلاة العشا .. بس خافت وحده مو القرايب مره تجي ابكر .. فما حبت تقابلهم الا وهي لابسه .. امل اقترحت عليها تروح الكوفيرا عشان تسوى شعرها .. ولان مزون شعرها ناعم وما يحتاج حتى استشوار..... وميكاج الوفير ما يعجبها لانه يكون ثقيل وكثير .. ما حبت تروح ...
يوم جات الساعه خمس العصر راحت فوق عشان تلبس .. طلعت الفستان البسيط الى شرته من السوق .. كانت محتاره بين اثنين .. وبعد عدة مرات تبديل ... وساعه واقفه قدام المرايا .. استقر قرارها على فستانها التركواز .. ماهو كله تركواز فيه تموجات الوان كثره بس غالب عليها اللون التركواز .. كان طويل مره ولازم تلبس معه كعب عشان ما يلامس الارض.. وجاى معاه شال ماهو عريض .. حطته على رقبتها بحيث ذيول الشال طايحه ورى على ظهرها .. عشان كذا ما لبست قلاده .. اكتفت بجود الشال حول رقبتها ...
ولان انارة الغرفه صفرى وضعيفه اما الحمام انارته بيضا .. ففضلت تحط ميكاج فيه .. حطت لها روج بيج وفوقه قلوسر .. وكحلها على داخل مع ماسكرا وبودرا.. كان مكياجها مرره بيسط ....الشي الغامق الوحيد هو الشدو .. عشان يناسب عزيمه بالليل .. بعد ما انتهت من المكياح طلعت من الحمام وشافت صقر منسدح نصه على السرير بالعرض .. ورجوله تلامس الارض .. ومغمض عيونه ... راحت لعند التسريحه وعدلت شعرها
صقر وهو لازال مغمض عيونه: خلصتى
مزون : ايه ..
فتح عيونه وقام وهو حاس انه يحتاج لدوش ينشطه شوي .. كان ظهر مزون مقابله .. شاف شعرها طايح وواصل لتحت كتوبها بشوي .. ظل واقف يتامل انعكاس صورتها بالمرايا..
مزون كانت تحط عطر .. لاحظت وقفت صقر وراها .. التفت عليه .. كان يشوفها بنظرات غريبه .. وعلى وجهه علامات الصدمه ..
مزون وهي خايفه: صقر ايش فيك..
التقت عيون صقر بعيون مزون .. وبعدها قامت تتجول على قسمات وجهها .. من عيونها الكبار الى شعرها الى قاصته بشكل مدرج اقصر خصله توصل لنص خدها واطولها تلامس كتوفها .. كان طايح بعفويه على كتوفها ومعطيه منظر رقيق مرره .. اقل نسمه هوى اكيد بتطيره ... بعدها نزل على فستانها .. وقام يشوفها من فوق لتحت وهو يقيمها .. وموزن واقفه مستغربه ...
مزون مره ثانيه: صقر ايش فيك
رفع صقر راسه لوجهه مزون من جديد ..
صقر: مافينى شي؟؟
مزون وهى عاقده حواجبها: طيب ليه تناظرنى كذا ووكانى كائن فضائي
ابتسم صقر: مصدوم
زادت العقده بين الحواجب وبخوف: ليه فستانى مو حلو .. شكلى غلط
اتسعت ابتسامه صقر : اذا شكلك غلط شلون يكون الشكل الصح .. بالعكس فستانك مرره حلو ولابق عليك كانه مفصل خصيصا لك
مزون: طيب ليه تشوفنى كذا دام الفستان زين
هالمره صقر ما ابتسم وبجد : اول مره اعرف انك حلوه لهالدرجه
احمر وجهه مزون وحست انه يحترق .. مع انه الى قاله كلمه عاديه .. بس اثرها على مزون كان قوى ..
مزون تبي تضيع السالفه : بتطلع صح
صقرابتسم لانه فهم عليها : ايه بروح للاستراحه .. الربع عاده يجتمعون بالوقت..
مزون: طيب انا بنزل بشوف اذا خالتى تبي شي..
وطلعت من غير ما تنتظر رده ... اول مره يناظرها صقر بهالنظرات .. او يقول لها هالكلام الحلو بهالشكل المباشر .. وهالشي لانها مو متعوده عليه احرجها كثير ..
صقر ظل فتره يتامل المكان الى كانت مزون واقفه عليه .. مع انها خلاص راحت .. ما كان يتوقعها بهالجمال والرقه .. طول الفتره الى عرفها فيها كانت دايما ترفع شعرها بكلّب .. واذا كان مفتوح يكون بسبب نومه ووتطيح البكله(المشبك) وبمجرد ما تقوم تعدله .. كان يعرف ان شعرها لكتوفها وانه ناعم .. بس ما توقعت يكون بهالحلاة .. ولو كان اطول كان احلى .. من اليوم ورايح ماراح يرضى لهالشعر ينقص .. اما مكياجيها مع انه بسيط الا انه يعتبر كثير بالمقارنه مع الى كانت تحطه اول .. من جد صدمه شكلها .. ابتسم بسخريه ودخل ياخذ له شور
..................
نزلت مزون تحت شافت ام صقر لابسه الجلابيه ومبخره البيت وجالسه بالصاله .. اول ما شافتها ام صقر ابتسمت بوجهها ...
ام صقر: زين لبستى تو نوره مرت اخوي داقه تقول انها بالطريق
مزون وهي تجلس جنب ام صقر: نوره ام عبدالله
ام صقر: ايه .. الى شفتيها قبل يومين
مزون: يا حليلها بس ما شفت بناتها
ام صقر: نوره ما عندها بنات .. كل عيالها اولاد ..
مزون: الله يخليهم لها .. طيب البنات وينهم
ام صقر: مادري والله
امل دخلت وهي معصبه: والله سخيفات
ام صقر : مين؟؟
امل: البنات في غيرهم .. لعبو على بكلمتين وخلونى اسوى شغلهم
مزون: ههههههههه
امل تشوف مزون: الله مزون الفستان طالع عليك يجنن .. مرره يناسب.. تصدقين شكله عليك احلى من المحل بالف مره
مزون: تسلمين لى ..... وانتى ما لبستى
امل: بروح الحين .. الجميلات جلسوا يسولفون فوق راسى وانا اسوي كل شي .. حتى ادينهم ما توسخت .. وفجاه التفت ولا اشوفهم .. طلعوا رايحين يلبسون وتركوا كل شي فوق راسى ..
ام صقر: يالله انتى الكبيره
امل: حرام عليك .. مو لانى تزوجت وانا صغيره تعتبرونى كبيره..تونى خمس وعشرين
ام صقر:طيب لا تضيعين وقتك بالكلام وروحى البسى لك شي
امل وهى طالعه: بلبس بغرفتك مابي ادخل غرفه هلا ... مالى خلقهم
ام صقر: الى يريحك بس اخلصى قبل لا يجون الضيوف
امل وصلت عند الباب لفت وشافت مزون
امل: تدرين مزون خساره ليت صقر هنا عشان يشوفك بهالشكل
مزون بعفويه: الا هو فوق
امل وهى تغمز:هههههههه غريبه خلاك تنزلين
مزون انحرجت مرره من كلام امل ياربي ايش عندهم الناس اليوم جالسين يحرجونى ...
ام صقر: والله شكل المعازيم بيطلعون وانتى الى الحين ما بعد تلبسين
امل وهى تضحك: لا وبعد ازيدك من الشعر بيت .. باخذ لى شور
ام صقر: المهم لا تتاخرين عارفتك ساعه تلبسين ..
امل: هههههههه انشالله يالغاليه ماراح اتاخر
.............................

كانت حاطه على قناة الاغانى ورافعه الصوت للاخر.. وهى جالسه على الكنب .. وتقرى المجله .. وتركيزها ضايع بين المجله والمناظر الخالعه بالفيديوكليبات الجديده .... مر اخوها من عندها ..
حطت غاده المجله ونادته
غاده : بدر
بالبدايه ما سمع صوتها بسبب صوت التلفزيون .. ضغطت على ميوت وصرخت
غاده: بدر
رجع بدر ودخل للصاله .. ومن غير نفس
بدر: هاه
غاده: وين بتروح
بدر: بطلع بشم هوا .. عندك مانع
غاده وهى تنقز من الكنب :حلو .. جيت فوقتك ...
بدر وهو عابس: خير ايش عندك
غاده: بروح معك.. دقايق البس عبايتى
بدر: فاضى لك انا.... اقول روحى بس
غاده: يوووه بدر مرره زهقانه ماعندى شي
بدر: دقي على صديقاتك .. او اطلعى معهم
غاده: سوالفهم بايخه .. والطلوع ولا وحده منهم فاضيه ومو راضين
بدر بسخريه: طيب ايش اسوي لك
غاده: خذنى معك
بدر: امى راحت طالعه .... ليه مارحتى معها
غاده: كنت نايمه طول اليوم وما دريت انها بتروح
بدر: مو ذنبي دبري لك طلعه ... يالله تشاو
غاده: وجع مالت عليك يالقرد
بدر: مالقرد الا انتى يا بقره
بدر متعلم هالايام يعلق على غاده ويناديها بقره بسبب الخزامه الى بخشمها ...
غاده بعصبيه: انقلع بس
وطلع بدر وهو يضحك .. اما غاده رمت نفسها على الكنب وهى مرره منقهره .. مابقى وحده من صديقاتها الا ودقت عليها .. الى مشغوله .. والى عندها اختبار.. والى امها ما رضت لها تطلع .. الكل ما كان فاضى لها .. رجعت رفعت صوت التلفزيون .. ياربي حتى امى طلعت وتركتنى .. ليه ماقالت لى اروح معها .. وابوي مادري وينه .. كانى سمعت اامس امى تتكلم بالتليفون وتقول انه مسافر من يومين عشان بضاعه يبي يجيبها ... جلست فتره تقلب بقنوات التلفزيون .. بعدين سكرته .. وبصوت عالى
غاده: جيزيلااااااا
جات الخدامه من اول صرخه .. لانها عارفه اذا تاخرت ايش يجيها من غاده
جيزيلا: yes ghada
غاده: did mama tell u when she will be come?
جيزيلا: no sorry .. she didn't talk to me
غاده: اووف ok .. you can go
وتو جيزيلا بتطلع ..
غاده : ..ooh ya .. make apple juice for me .. I will be in my room
جيزيلا: alright.. do u wanna something else
غاده: no .. بس ابيك تنقلعين عن وجهي
جيزيلا وهى مو فاهمه :sorry .. what ?
غاده من غير نفس وبقرف: just go ..
طلعت جيزيلا خلاص تعودت على هالمعامله مو من غاده بس.. حتى ام بدر وبدر .. الكل بالبيت يزفها ويهاوشها .. الوحيده الى كانت طيبه معها مزون .. اما نجود ما احتكت فيها كانت طول الوقت بغرفتها .. مزون الايام القليله الى عاشتها بيت عمها .. حسست الخدمات بالفرق بين المعامله .. ومو لانهم خدامات عادى نصرخ بوجههم ونقرف منهم وما كانهم مخلوقات مثلنا حالنا حلهم .. الفرق ان الاحوال الماديه جبرتهم يخدمون الناس ويتغربون عن اهلهم .. راحت جيزيلا للمطعم تسوى لغاده الى تبي ..
اما غاده دخلت غرفتها ..
ياربي ايش هالمملل ايش هالزهق .. فتحت دولابها تطلع لها بيجاما عشان تنام مع انها قضت طول يومها بنوم .. بس بسبب الفراغ الواحد يلجا لاشياء غريبه .. فجاه طرت في بالها العزيمه .. عزيمه مزون .. هلا قالت لها تجي .. ليه ما تروح وتغير اكيد بتكون عزيمتهم ممله ومافيها شي.. بس ايش وراها .. خل تضحك شوي .. وباقل من ثانيه سكرت دولاب ملابس النوم وفتحت دولابها الثاني.. جلست تتفرج على ملابسها .. بعدين ابتسمت بخبث وهى تطلع لها بدله .. هى تعرف اهل ام صقر ..ناس ملتزمين ويخافون ربهم .. خل تشوف ردت فعلهم وايش بيسون اذا شافوها بهالبس ..
بعد ما لبست حطت جل بشعرها عشان توقفه بشكل اكبر .. وكثرت الميكاج بطريقه مرره ماهى حلوه .. وابتسم لصورتها بالمرايا وهى تتامل نفسها وراضيه بالشكل الى صارته ..دق الباب ودخلت الخدامه وهى حامله صينيه فيها عصير التفاح..
غاده من غير ما تناظرها اخذت شنطتها وطلعت من الغرفه: spill it
ونزلت تحت .. وجيزيلا واقفه بمكانها وتشوف ظهر غاده وهى تختفى عنها ..
.............................
ايش بتكون ردت فعل الموجودين بالحفل؟ لمنظر غاده؟؟ وكيف هو منظرها؟؟
هلا وام صقر.. كيف بيستقبلونها؟؟
والعزيمه بتمر بسلام والى بصير فيها شي يخرب كل شي؟؟
الوضع بين مزون وصقر بدى يستقر.. ؟؟ بس لمتى بيستمر هالشي؟؟ وايش الممكن يصير؟؟
نجود حالتها النفسه مو اوكى مع ان اهل ام صقر مو مقصرين معها؟؟ ممكن يتحسن هالوضع او لا؟؟
امل وسر زواجها .. متى راح ينكشف لنا ونعرف قصتها؟؟
سعود الى الحين ما تطرقنا له .. ياترى ايش صار بحياته وخلاه هالانسان المرهف المحطم؟؟
خالد بيظل عنصر ثانوي والا بيطرا جديد بحياته ؟؟
جواهر وماساتها.. متى بتنتهى وبيد مين؟؟

[زهور الريف]

الفصل السادس
خالد بعد ما طلع من البيت مر على سعود وبعدها طلعوا يتمشون .. وبالنهاية استقروا باحد المقاهى ولان الجو حلو فضلوا يجلسون مع 2 من زمايلهم .. يالكراسى الى بالخارج على الشارع
حسن: الجو مسكت هاليومين .. اقول شباب ايش رايك نروح بكره للثمامه ؟؟
عاصم: فكره ماهيب شينه .. من زمان ما اجتمعنا ورحنا للبر
خالد: اعذرونى شباب.. انا جاى اليوم وما جلست مع اهلى .. واذا رحت معكم ضاع الخميس ..والجمعه بمشى لابها
عاصم: وانت اذا كان هذا حالك ..ما اجتمعنا معك ابد
خالد: لا مو لهالدرجه .. الاسبوع الجاي يمكن..
حسن: وانت سعود
سعود: مادرى على حسب النفسيه .. بس حاليا ماعندى مانع
خالد: طيب مين الى بتروحون
حسن: نقول للشباب .. مبارك والشله
سعود: انا مانيب رايح الا اذا طلعتكم الفجر .. ودى اقنص .. اما طلعه متاخر وما يمدى نجلس الا يجي الليل اعذرونى
حسن: بعد صلاة الفجر نمشى على طول .ونجلس متاخر واذا عجبنا الوضع ننام
خالد: بتخيمون
عاصم: ههههه.. وليه نخيم مافي شي احلى من النوم في العراء
خالد: هههههههههههههه.. ايه يالبدوي.. لا كذا ما يصير تبون تقهرونى
حسن: والله انت الى رافض الروحه مو حنا .. والا الود ودنا انك اول الحاضرين
خالد: ماتقصر ادرى يالغالى .. المشكله الوالده بتزعل لو عرفت ..
سعود: هههههه .. اشوف اختى داقه لك خبر .. ماتشوفها بدل ما تستقبلك استقبلت الضيوف
شافه خالد بنظره ..
حسن: ماعلينا انت ليه ما تقول لها ..

[زهور الريف]

خالد : ههههههههه .. ايش اقول لها .. يمه لو سمحتى الربع بقنصون بكره ممكن اروح معهم ..
عاصم: ياخى كانك ما جيت هالاسبوع .. ماهيب اول مره ما تجي من ابها
سعود: اتركوه .. ايش فيكم عليه .. احسن لو ما يبي يجي .. جالس يتغلى
خالد عصب: انت ايش فيك على اليوم .. كانى دايس لك على طرف .. خير ايش فيك
سعود: مادرى عنك .. تقول الوالده وما الوالده .. لو مشتهى كان جيت .. انا عارفك
خالد عصب : ايه بكيفى مابي اجي عندك شي
سعود: هههههههه.. لا
حسن: هيه ايش فيكم .. طيب صقر قولوا له
سعود: صقر ماعاد مثل اول فاضى ..
عاصم: الا صحيح وينه عنكم .. خابره دايم معك سعود
خالد: قلت له يجينا هنا .. هو الحين عند ربع الجامعه .. عاده يجتمعون بين الصلاتين بالاستراحه .. احتمال يجي بعد ما يطلع منهم
حسن: المهم لا تنسون تقولون له .. صراحه المعسل ما يحلى الا به
اقبل عليهم صقر بعد ما سمع اخر جمله
صقر: مين جاب طارى المعسل
سعود: ههههههههههه.. الطيب عند ذكره
حسن: تو نقول ان الجلسه ما تحلى الا بك
صقر وهو يسحب الكرسى عشان يجلس: تسلم .. من متى وانتوا هنا؟
خالد: من اول ما دقيت عليك
عاصم: صقر لا تخلى .. بكره ان شاء الله بنكشت بالبر
صقر: وايش عندكم؟
سعود: الجو حلو وخل نقنص
صقر: حلو تمام .. متى بتمشون
عاصم: بعد صلاة الفجر
صقر: بدرى
عاصم: ههههههه حيرتونا معكم الى يقول ما يبي الا الفجر والى يقول بدري
صقر: مين يقوله؟؟
خالد: الخال سعود يقول ما يعرف يقنص الا بالفجر
حسن: معه حق القنص مو حلو الا بالصبح
صقر: اوكى تم ..
....................
الكل تقريبا حضر للعزيمه .. كانت الجلسه حلوه وبسيطه .. مافيها تكلف او مجاملات ورسميات .. شافوا العروس وباركوا لها ..على الساعه 10 طلبوا من الضيوف يتفضلون للعشا ...فطلعوا كلهم للحوش عند البوفيه .. مابقى داخل الا مزون ونجود وهلا ...
مزون: مرت خالك نوره تجنن ...
هلا: ههههههه .. ايه مره توسع الصدر
نجود: هلا البوت حقك قطع رجلى .. مو قادره امشى به
هلا: طيب عادى افسخيه الكل طلع ..
فسخت نجود بوتها .. ورفعت رجلها تدلك اصابعها ..
مزون: نجود وانتى ليه تلبسينه .. شوفي ايش سوى باصابيعك
نجود: ايش اسوى .. تنورتى قصيره ولازم البس معها بوت ..
مزون تضايقت: وليه ماقلتى لى اشتريه لك يوم رحنا للسوق .. او جيتى معنا وشريتى لك
نجود: ماله داعى غرض ثانوي..
تدخلت هلا:ايش دعوه مزون .. مابينى وبين نجود شي..
مزون: مو قصدى .. بس ولو اذا محتاجه ليه ما تقول
نجود عصبت: مو محتاجه شي اصلا
مزون متضايقه من الحاجز الى بدى يتكون بينها وبين اختها : واضح
نجود: طيب انتى ايش حارك .. الحين انا اشتكيت لك ..
مزون: مابيك تحسين ان حالك اقل من اول بحياة اهلى ..
رفعت نجود حاجبها بسخريه
نجود : تلعبين علي .. والا على نفسك
مزون تبي تاكد لها: مو هذا قصدي .. بس انا ما ابيك تكونين محتاجه شي.. مثل اول ...نجود انا الحين عندى فلوس .. وتقدرين تاخذين الى تبينه
نجود ضحكت : مزون انتى قلتيها انا .. يعنى انتى مو انا الى عندها .. وانا مابي اخذ شي مو لى ولا من حقي
مزون اندهشت وبسرعه دهشتها انقلبت لغضب: نجووود.. من متى وبيننا انا وانتى ..
قامت نجود وطلعت من الغرفه وهي تقول: من زمان
حست مزون بالدنيا تضيق من حولها .. ايش فيها نجود .. ايش الى صار لها .. ليه تغيرت .. هلا فضلت السكوت من اول ما صارت المواجهه .. بس بعد ما شافت وجهه مزون الى تغيرت ملامحه بعد ما طلعت نجود..
هلا: مزون لا تزعلين منها .. مو قصدها
التفت مزون لهلا ... غريبه احد يطلب منها لا تزعل من اختها.. هم ناسين انها اختى .. الوحيده الى بقت لى .. ليه ازعل منها ...
هلا: هى متضايقه شوي... الاختبارات قربت .. وانتى تدرين ايش تسوى هالاجواء بالحاله النفسيه
ابتسمت مزون من كلام هلا.. عمر نجود ما توترت ايام اختبارات او نفسيتها تغيرت .. حتى دايما كنت احس انها من غير قلب وما تحس بهالامور
مزون: هلا انا مو زعلانه .. بس نجود بعيده عنى هالفتره
هلا: انا اعرف كيف علاقتكم قويه مع بعض.. وكم مره تمنيت تكون لى اخت واكون انا وهي مثلك انتى ونجود .. انتى لا تحتاتين .. ان شاء الله الامور بترجع مثل اول ..
دخلت الخدامه للغرفه ..
واتى: هلا.. في حرمه برى
هلا باستغراب وهى تشوف ساعتها : غريبه توها تجى .. طيب دخليها
واتى: ايه خلاص هذا انا اخذت ابايتها ..
مزون: خل نروح نشوفها ما يصير توقف عند الباب
راحت هلا ومزون لعند الباب ..كانت مفاجاه لهم الى شافه ...
غاده بنظره غرور: هااااااى ..
مزون انتبهت من الصدمه قبل هلا .. قربت من غاده
مزون: وعليكم السلام غاده كيف الحال
سلمت عليها غاده مجرد مصافحه .. وبابتسامه مجامله
غاده: انا تمام ..u ؟
مزون : بخير
هلا بصوت غريب: انتى جيتى!!
وهى تشوف اختها بكل استغراب .. وفي داخلها صراع .. فرحانه بشوفت اختها .. والثانى منصدم من منظرها .. كانت لابسه بلوزه من غير اكمام .. فيها خيط ملتف حول الرقبه .. وظهرها تقربيا طالع كله .. الجزء المغطى هو الى فيه خطوط مربوطه ببعض .. تربط البلوزه من الجوانب .. يعنى خيوط على شكل اكسات ممتده بعرض الظهر .. مع تنوره من نفس القماش طويله .. وباقل حركه منها يبان بطنها لان البلوزه ماهي طويله .. وبسبب غمق البدله مع بياض غاده .. الاجزاء المكشافه كانت طالعه بشكل ما يناسب دينا وعادتنا .. بشكل الواحد يخجل يلبسه هالاشياء لوحده شلون قدام الناس...
هلا كانت بين نارين .. منظر اختها .. وامنتها ان اختها تكون قريبه منها .. وبالاخير تغلبت عليها فرحتها بتلبيه غاده للدعوه .. خصوصا انها ماكانت متوقعه هالشي ...
ابتسم هلا ابتسامه واسعه .. وقربت من اختها
هلا: ما توقعت تجين
غاده من غير نفس: غيرت رايي.. والا الناس ما يغيرون رايهم
هلا:مو قصدي ... المهم انك جيتى.. تعالى تفضلى ..
اخذت اختها .. وتوها بتطلع الا تقابلها امها ...
ام صقرمعصبه : وينكم فيه ...
هلا : موجودين هنا .. يمه هذي غاده اختى جات
تراجعت هلا وقدمت اختها لامها
انتبهت ام صقر لوجود غاده .. ومثل ما هو متوقع .. المنظر الى كانت فيه البنت ابدا ما كان يخلى الواحد يتقبله .. خصوصا انها بذيك اللحظه بطنها كان باين والحلقه باينه .. بشكل بشع ..عقدت حواجبها ام صقر ..
قربت منها غاده .. وعلى وجهها ابتسامه سخريه .. وغرور .. الى كانت تبيه صار .. بس بقى ردت الفعل ..
غاده وهى تمد ايدها: هلا ام صقر ..
قبل لا تمد ايدها ام صقر لها انتقلت نظاراتها من غاده لبنتها .. هلا كانت تشوف امها نظرات توسل ورجاء.. فهمتها ام صقر ...ولان اخلاق ام صقر عاليه .. ما حبت تجاري بزاره وصغر عقل غاده .. وتعكر صفو جو الحفل ..
ام صقر ردت لها ابتسامه مجامله : هلا غاده ...
والتفت على مزون ..
ام صقر: وينك مزون الله يهداك .. الضيوف تفضلوا على العشا .. وانتوا ما جيتوا
مزون: الحين طالعين
ام صقر: طيب وينهى نجود عنكم ؟؟
مزون بضيقه تحاول تخفيها عن ام صقر: اتوقع بغرفتها ..
ام صقر: الله يعافيك ناديها ولا تتاخرون انزلوا بسرعه .. وانتى يا هلا تعالى ابيك ..
ودخلت احد الغرف الموجوده تحت ... ابتسمت هلا ابتسامه اعتذار لغاده ..
هلا: دقايق
اما مزون راحت فوق عند اختها ..
.....................
انا ليه سويت كذا .. ليه كلمتها بهذي الطريقه .. مهما كان هي ما تستاهل .. ما قالت لى شي يستاهل هالرد .. اكيد ما راح تمرر هالموضوع على خير .. بس ايش اسوي لو جات الحين وطلبت منى تفسير .. اكيد بتجي .. ايش اقول لها .. اقول انى حاسه بالوحده .. وبديت احد انهم خلاص اخذوك منى .. خلاص صقر واهله اخذوك وما عدتى لى .. اقول لها انى فقدتك ..
الافكار كانت تلعب براسها .. حست بصداع عظيم .. من كثر ما فكرت هالايام .. وعشان تلهي نفسها .. مدت ايدها وفتح المسجل بجنبها .. سمعت كلمات كانت اخر كلمات تحتاج لها بهالفتره
رحت ومن بقى وياي .. يحس بضحكتى وبكاى ..
وحتى الجرح في بعدك يغزينى واهلي به
انا من لى في هالدنيا سواك وان طالت الغيبه ..
فقدت يا اعز الناس فقدت الحب والطيبه ..
كانت الكلمات تنعاد وتتكرر .. بصوت مؤثر يخاطب القلب مباشره .. كلمات لو سمعتها وانت ما فقدت احد تتاثر وما تقدر تمنع دمعه من انها تنزل .. شلون بوحده مثلها .. مو واحد الى فقدته بس ...
ظلت نجود تسمعها .. ودموعها لا اراديا تنزل من عيونها .. وهى تاركه العنان لهم وما تحاول تمنعهم .. سمعت صوت احد يقرب من الباب .. بسرعه بيد مرتجفه مسحت دموعها ... وباليد الثانيه اغلقت المسجل .. وانفتح الباب
نجود كان شكلها ملفت للنظر .. وقفت على طول وهى تبتسم ابتسامه ما تناسب الحزن الموجود بعيونها ...دخلت مزون للغرفه .. اثار الدموع ومع محاولات نجود .. ماقدرت تخفيها عن اختها .. قربت منها مزون وهي عابسه
مزون: نجود
اتسعت ابتسامه نجود كانها تبي تثبت انها ما فيها شي..
نجود: هاه ..
وقبل لا تتكلم مزون ..
نجود: ليكون اكلتوا العشى عنى .. ترانى ميته جوع .. خل ننزل ونرحق عليه قبل لا يخلص
وجات تطلع من الغرفه .. مسكت ذراعها مزون يوم مرت من جنبها
مزون: تعالى ؟؟
مو وقته يا مزون .. حسي فينى مو وقته الحين .. التفت نجود لاختها والابتسامه لا زالت على وجهها
نجود: خلص
مزون وهى معقده حواجبها: لا لا تخافين الاكل كثير
نجود تتصنع الغباء: طيب ايش فيك
مزون: انا الى ايش فينى والا انتى ؟؟
نجود لازالت تسوى نفسها بقره : اناااااااا
مزون: لا الجنى
نجود: ههههههههه.. مزون والله انك فاضيه .. انا ميته جوع وانتى جالسه تنكتين
مزون رفعت حواجبها : طيب نجود .. براحتك اذا ما تبين تقولين لى شي ..
تركت يد نجود وراحت .. توها واصله عند الباب لفت لاختها
مزون: قبل لا تنزلين امسى اثار الكحل من خدك ..
التفت مزون للمرايا وهي تسمع صوت تسكر الباب .. يعنى كل هالتمثيله ما نفعت .. والسواد على خدودى .. خلاص عرفت .. عرفت مزون انى كنت اصيح .. بس غريبه .. مو من عوايد مزون تتركنى وانا بهالحال .. اكيد هى مو فاضيه لى .. بالاول تجلس معى وما تتركنى الا بعد ما تعرف كل شي ...
اخذت قطنه وحطت فيها المحلول الى يزيل المكياج .. واخذت تمسح خدها بكل قوه كانها قاعده تنتقم منه لانه فضحها .. بعد ما انتهت .. انطبع اللون الورى الى خلاها ما تحتاج تحط بلشر وهى تعيد حط المكياج من جديد
.....................
دخلت هلا بعد امها بكل تردد .. وهي متوقعه الكلام الى بتسمعه من امها ..
ام صقر: اشوفك مبسوطه
هلا تكلمت بسرعه وما تركت مجال لامها تتكلم
هلا: يمه انا ما صدقت تجى .. ادرى ان لبسها ماهو زين .. بس يمه انتى اكثر وحده تدرين شلون احاول اتقرب من غاده .. يمه غاده تحتاج لى .. ولازم اساعدها
ام صقر معصبه: بس مو على حسابنا .. شلون تبين المعازيم يقابلونها بالشكل
هلا: يمه مو لهالدرجه
ام صقر تشوف بنتها باستغراب: ايش تقولين انتى .. بلوزه طولها شبر .. ما تغطى الا صدرها تقريبا .. حتى الظهر مو مغطيه منه شي.. وتقولين مو لهالدرجه
هلا تحاول تهدى امها: ادرى يمه والله ادرى.. حتى انا مو عاجبنى لبسها ولا راضيه فيه .. بس عشانى يمه مشى هالليله على خير .. تفكين ابي اكسب اختى .. ابي اشيلها من الجو الى عايشه فيه
تنهدت ام صقر : طيب على الاقل اطلبي منها تحط شي على كتوفها يغطى شحمها
هلا بارتباك: اخاف تزعل
ام صقر : عجيبه .. هالشي تخافين يزعلها .. تشوفين المنكر قدامك ولا تغيرنه ..
هلا: يمه اصبري على .. ما يصير من اول مره اقول لها كذا .. كافى ان حضروا الليله اكبر خطوه تخطوها اتجاهى .. من اسنين انتظرها
ام صقر: انا مو راضيه على الى يصير .. ولا اعرف ليه لاضيه لك تستمرين بالى تسوينه .. بس شوفي .. ماابيها تختلط بالمعازيم ..
هلا : يمه من جدك .. تبينى احبسها بالصاله واقول لها لا تطلعين
ام صقر وهى متضايقه: يعنى تبينها تطلع بهالشكل
هلا: مشيها الليله بس
ام صقر: هلااااااااا
هلا: تكفييييييين ... يمه .. غاده اختى اشوفها تغرق قدامى .. مقدر اخليها .. وانا متاكده ان أي كلمه اقوله لها بخصوص لبسها او نوضح اننا مو متقبلينا .. بتخلينى اخسرها
ام صقر: جعلك تخسرينها .. اصلا ما ابيك تحتكين معها
انصدمت هلا من كلام امها .. الى طول عمها ما ترضى لهم يسبون او يتذمرون من ابوهم او عيالهم .. رغم كل الى جاهم منه ...
هلا: انتى يمه الى تقول هالكلام
ام صقر لانت نبرة صوته : يا عمرى انا خايفه عليك .. خايفه تتاثرين بها
هلا: مو واثقه فينى يمه .. مو واثقه بتربتك
ام صقر : ماهى مساله ثقه .. حتى الرسول حذرنا من رفيق السوء
هلا : انتى ليه مو راضيه تفهمنينى .. هذي مو رفيييق .. هذي اختى .. انا واياها نتشارك باشياء كثيره .. شلون ما تبينى اصاحبها .. شلون ما تثقين فينى ..
قاطعتها ام صقر: قلت لك مو مساله ثقه
هلا: اجل ايش؟؟
ام صقر: هلا انتى بنتى وانا احبك .. اعترف انى ما احمل أي مشاعر لاختك .. بس انا خايفه انها تضرك
هلا: مو توك تتكلمين عن الامر بالمعروف .. واننا اذا شفنا المنكر لازم نغيره .. ما نقبله ونخضع له
ام صقر: طيب هلا .. شوفي الليله بسمع كلامك .. وبمشيها على خير .. بس هو علم يوصلك ويتعاد .. هالموضوع ما ابيه ينعاد .. واذا تقبلته الليله مو معناه انى اتقبله مره ثانيه ..
هلا انبسطت .. وحاولت تمنع نفسها من الابتسامه
هلا: اكيييد يمه لا تحاتين
ام صقر وهى طالعه : طيب لا تتاخرون على العشى
هلا برد الى : طيب
وظلت واقفه مكانها والفرحه مو ساعيتها ..واخيرا يا غاده صارت عندى فرصه اتقرب منك .. طلعت من الغرفه والبسمه لازالت مرتسمه على شفتها
................
بعد ماراحت هلا مع امها .. ومزون لاختها .. ظلت غاده واقفه مكانها .. وهى رافعه خشمها على فوق وتشوف المكان بازراء .. كان مرره شكلها تافه .. تحس انها سوت انجاز ... وحرجت بيت اخوانها .. ومرت ابوها الاولى .. باقى يا ام صقر .. باقى ما شفتى شي... ابتسمت بسخريه ..
انتى غاده صح
التفت بعد ما سمعت الصوت الى وراها ... شافت وحده ماهى طويله .. تميل للقصر وسمينه شوي ....لابسه جلابيه هنديه كلها شك ومعها شال حاطته على كتوفها .. وجهها عريض دائري .. يحيطه شعر واضح انه مستشور مو معنى هذا انه ماهوب ناعم..كانت ملامح الشك مرتسمه على وجهها ..
غاده باسلوب شوي بايخ: ايه
ارتسمت ابتسامه بوجهه المراءه ...وقربت من غاده .. اخذتها وحبتها على خدها
وهي تقول : هلا والله .. حيالله غاده .. ينك ما تنشافين ... خبري فيك اخر مره مع امك وعمرك يمكن خمس سنوات
غاده طاح قناعها بسرعه .. قناع الغرور والكبرياء والسخريه .. وحل مكانه وجهه مصدوم من رد هذي المراءه .. مين تكون .. وهى تعرفنى .. شلون تعرفنى وانا ما اعرفها .. واضح انها كبيره .. عمرها ما يقل عن 45 سنه .. يمكن تكون من صديقات الوالده .. بس انا اعرف تقريبا اكثر صديقات امى .. وواضح ان هذي مو من الى تصاحبهم امى ... ياترى مين تكون
غاده بتردد : ماكان عندى وقت .. انتى تعرفين
ابتسمت لها المراءه .. وتوها بتجاوب الا تشوف مزون نازله ..
المراءه: وينكم مزون ووين الباقين ...
مزون : نجود بتجي وراى ..
المراءه: هههه ام صقر راجت تناديكم وسكنت معكم .. يالله تعالوا شكلكم مو حلو تاخرتوا
مزون وهى مستغربه : ليه وين هي خالتى وهلا
غاده سرحانه تشوف المراءه المجهوله .. الوحيده الى ما ابدت أي رد فعل بلبسها او شكلها .. الوحيده الى تملك اصدق اوصفى ابتسامه شافتها بحياتها .. ياترى من تكون
المراءه: هاه غاده
انتبهت من سرحانها ... ورجعت القناع بسرعه ..
غاده : what??
المراءه: ام صقر وهلا وين؟؟
غاده اشرت على الغرفه وباسلوبها المعتاد : هنا
المراءه: طيب .. يالله مزون .. وانتى بعد غاده خل نطلع ..
وطلعوا من الباب للحوش ... اخذت مزون تفرك ايدها ببعض
مزون: برد الجو اليوم
المراءه : ايه معك حق .. خذي شالك وحطيه على طتوفك عشان تدفين
والتفت على غاده وهى تفسخ شالها
المراءه: وانتى يا غاده .. خذي شالى انا ما يحتاج
وحطت الشال على كتوف غاده وهى تبتسم لها ..
المراءه: مو زين يجيك برد ..
وبعدت عنهم وغاده جامده بمكانها ..وهي تتلمسس الشال .. انا ايش يصير لى .. ومين هذي المراءه .. شلون تحط الشال على وانا واقفه مثل التمثال .. ولا حتى اعترضت او تكلمت ... هي تعرفنى .. وواضح ان علاقتها في بيت ام صقر كبيره .. اهلتها انها تدخل تناديهم .. ومزون تعرفها .. ايه ليه ما اسال مزون عنها .. التفت تكلم مزون .. الا شافتها بعيده تكلم وحده .... ظلت مكانها عند الباب .. وهي تضم اطراف الشال كانها تحاول تدفى نفسها

[Princess]

قلوب مغلقه ... الكاتبه : دموع السحاب

تسلمي خيه عالنقل الموفق
لي رجعات عليها متقطعه لضيق الوقت
يعطيش الف عافيه
وموفقه لكل خير
دمتي بحفظ الرحمن

[زهور الريف]

استاذن حسن وعاصم وراحوا .. بعد ما اتفقوا على كل شي بالنسبه للرحله الى بيطلعونها بكره الصبح .. خالد كان بين نارين .. وده بجمعه ربعه ووناستهم .. وفي نفس الوقت امه لها حق عليه .. ومو حلوه ما يجلس معها.. وهو عاده يمشى بعد صلاة الجمعه مباشره لابها لانه ما يحب المشى بالسياره بالليل... يعنى اذا طلع يوم الخميس مع ربعه ما راح يجلس معه امه الا صبحيه الجمعه ...في النهايه .. قرر يروح معهم .. ويرجع العصر للبيت .. او يروح لهم العصر ويعتم معه الليله هناك ..
ظل صقر وخالد وسعود بالمقهى ...
صقر: طيب يا خالد اذا بتمشى الصبح نروح انا وانت بجيبك .
خالد: والرجعه شلون
صقر: يا ارجع معك بدرى .. او مع سعود او واحد من الربع
سعود: ايش معى .. انا الى ناوي اروح معك .. سيارتى جديده ومابيها تتوسخ..
خالد: هيه لا تعتمدون على .. احتمال اروح بالعصر
سعود: اذا ما لنا الا سيارتك صقر
صقر: ما يصلح .. ان عارف انها ما فيها دبل ... خلاص اخذ انا سيارتك خالد وانت تاخذ سيارتى
خالد:هههههههه.. ما نحلت المشكله .. واذا جيت اجيكم اجي بايش؟؟
صقر: يا شيخ مو لازم تجي ... لا تعرف تقنص ولا شي
خالد: ههههههههههه.. حلوه .. هيه اذا ناسى ترانى ضابط
صقر: ههههههههههههه.. ادرى امزح معك .. ها سعود ايش رايك
التفت صقر لسعود يكلمه بعد ما لاحظ سكوته .. شاف سعود مركز على شي معين بالشارع .. وهو عاقد حواجبه وعابس بشكل واضح ... وعيونه مرتكزه بنقطعه .. وبالتحديد على سياره ... لاحظ صقر وخالد الى يشوفه سعود
خالد بضحك : ههههههههههه .. معك حق تعبس.. والا هذا لون ..
صقر: بعض الناس عليهم اذواق
انفتح الاشاره الخضرى .. ومشت السياره ونظر سعود متعلق فيها لين اختفت ...
سعود : الى ابي اعرفه شلون تقدرين تركبين سياره بهالشكل
عبيره: ههههههههه.. ليه مو عاجبتك
سعود يبتسم بحب: تبين شي يتعلق فيك ولا يعجبنى .. بس خلنا نكون صريحين .. لونها ابدا ماهو راكب عليها
عبير: مو ابوي يحب انه يكون متميز .. بذمتك حبيبي.. لو شفت سيارتنا باي شارع .. او أي مدينه اكيد بتعرفها على طول .. عشان كذا حلو التميز
سعود: قلنا تميزوا .. بس مو سياره جمس موف .. ابد ما يركب
عبير: هههههههه .. مو هي للسواق .. وانت تعرف انى ما عندى خوان وكلنا بنات .. طلبت من ابي وردى .. بس ما وافق .. تدرى ان اللون طلبيه
سعود: وردي .. عبوره من جدكم
عبيره لازالت تضحك: ايه والله .. بس حتى الموف حلو ..انت فكر بايجابيتها .. الحين مستحيل تضيعنى .. او ما تعرفنى بهالسياره
سعود بمزح : لو على هالتفسير حلو لونها.. ومو بس السياره الجمس الموف بتذكرنى فيك .. لون الموف بكبره بعرفه منك ..
خالد يشوف صقر بحيره ... ويشوف سعود ..
خالد: شالسالفه ..
هز صقر كتوفه ... انه ما يدري ..
صقر: سعوود ..
انتقلت عيون سعود لعيون صقر .. كانت تحمل كل معانى الالم .. ولانه جالس بجنب خالد ومقابل صقر .. ماشاف خالد وجهه
خالد يحاول يلطف الجو لانه حس بتوتره:ليكون عاجبتك هالجمس الموف وعاجبك لونها
مرر سعود ايده على وجهه وكانه بكذا بيمحى الالم الى يحس فيه .. ويمحى معه طيف عبيره الى رجع له ..
سعود بتعب: لا ..
ورجع الكرسى على ورى
سعود: انا تعبان برجع الحين اريح وانام
خالد قام وهو مستغرب.. ليكون زعل خاله وهو ما يدري .. اما صقر .. عرفت ايش فيه سعود .. اكيد يفكر فيها .. والا مايجي هالحزن له الا بعد ما يفكر بعبير .. بس ايش الى جاب طاريها .. ايش الى ذكره فيها .. ماكان عارفه ...
حط خالد ايده على كتف سعود
خالد: تو الناس بو عبدالعزيز
التفت له سعود .. وتنهد تنهيده طلعت من اعماقه ...
سعود : اعذرنى يالغالي ..
صقر: خلاص كلنا نرجع ...
خالد: أي نرجع .. توها 11 .. وماظن الضيوف طلعوا
صقر: وحنا ايش لنا من الضيوف ..
خالد: انا ابي اتعشى
صقر: هههههههه .. بذمتك ما شبعت .. طول الوقت تشرب هالقهوه .. هذا غير الابل باي الى اكلتها ..
خالد: وهذا عشى.. وتعال انت ناسي انك واعدنى بتعشينى
صقر: ولا يهمك .. مو انا الى بتزيد كرشتى
خالد: هههههههه .. وانت سعود ما يصير تفوت العشا
سعود :لا مالى نفس اصلا .. برجع للبيت الحين
صقر: طيب متى نمك بكره؟
سعود: مادرى ... احتمال ما اروح
خالد انصدم ... عارف ايش قد خاله يحب القنص وكشتات البر ووناسه الربع والتخيم ...
خالد: وليه .. وانت اكثر المتحمسين
سعود: اذا قدرت انام بجي
خالد: براحتك ...
....................
هلا بعد ما خلصت كلام مع امها طلعت للصاله لوين ماكانت غاده واقفه ... ماشافت احد فيها .. عرفت ان اختها اكيد طلعت برى .. راحت لها .. غاده الى كانت واقفه مكانها من بعد ما تركتها نوره .. كانت مو مستوعبه الى صار .. ما حست الا بيده تهزها بخفه على كتفها .. خلتها تجفل وتلف بسرعه لها .. شافت هلا تشوفها باستغراب .. نظرات هلا لها ووضع يدها على كتفها .. قومها من الحاله الى هي فيها .. طرفت بعيونها بسرعه .. وكانها تفيق من حلم .. كانها كانت بعالم اخرى .. وتوها ترجع لعالم المواقع
هلا وهى معقده حواجبها: ليه لابسه شال خالتى نوره؟؟
نوره .. خالتى نوره .. يعنى هلا تعرف المراءه الى كلمتنى ..
غاده وهى تتفحص ملامح اختها: نوره؟؟
هلا باستغراب: ليه هذا مو شال خالتى
فسخت غاده الشال .. وناولته لهلا .
غاده : اظن ...
هلا وهى ما بعد تاخذ الشال: ليه غاده الجو بارد
غاده رجع لها غرورها وتكبرها واحتقارها .. رجعت لحالتها الطبيعيه
غاده: لا زين .. انا عاجبنى ..
هلا اخذت الشال : براحتك ..
وابتسم لاختها: ما تبين نروح نتعشى .. يالله تعالى حياك..
وهم رايحين جات نجود .. وسلمت على غاده الى صافحتها بسرعه وكانها شي تخاف يوسخها .. وبعدها الكل راح للعشى ....
بعد ما داروا على البوفيه .. اخذوا اطباقهم وراحوا لاحد الطاولات .. جلسوا عليها .. ولازال بنفس غاده تعرف مين هذي نوره .. صح انها عرفت اسمها .. بس ما اسعفها بشي.. هي تعرف ان هلا عندها خاله وحده... بس الى تعرفه ان خالتها صغيره .. ونوره هذي ماهى بصغيره ... بس هلا قالت خالتى .. مو شرط كلمه خالتى تقال للخالات .. يمكن تكون صديقه امها ... لالا ما اظن صديقه .. لو صديقه مادخلت البيت بكل راحه وواضح انها تعرف كل زاويه من زواياه ..كانت غاده طول الوقت تقريبا سرحانه بهالنوره .. ومو مركزه للسوالف الى هلا تحاول تقولها عشان تقضى على الصمت المخيم عليهم ...
امل علاقتها مزون مرره كويسه .. بحكم تقارب السن بينهم ... ولان امل بعد حبوبه مع ان شخصيتها مرره قويه .. كانت امل جالسه مع مزون بنفس الطاوله ...
امل وهى تشوف الطاوله الى فيها هلا والبنات : تعالى مزون مين الى جالسه بمتخلعه ...جنب هلا
شافت مزون الى تشوفها امل ..
مزون : ايه هذي غاده ...ليه ما عرفتيها
امل وتشوف مزون باستغراب وعيونها مفتوحه على الاخر: غاده بنت ناصر
مزون وهى تبعد المشروم لطرف الصحن وتلف المكارونه بالشوكه : اهممم
امل تكمل: وايش جابها هنا
وبدت نبره امل تحتد شوى: لا وبعد بهاللبس.. وين هي اختى .. شلون راضيه بوجودها .. اكيد ما شافتها
ياربي ايش فيهم ما صار مكرونه فيها مشوروم .. هذي مشورم بالمكرونه ..
مزون: الا خالتى شافتها ...
امل تشوف طبق مزون: انتى ايش قاعده تسوين .. ومن جدك ساره تشوفها ولا تسوى شي
مزون : ايه والله
امل: مزون ترى مو زين .. اكلى كل شي
مزون معقده حواجبها : ما احب الفطر
امل: طيب ليه اختى هالباستا اذا ما تحبنه في انواع ثانيه
مزون : انا كنت احبه .. بس هذا طمعه مو حلو
اخذت امل بالشوكه قطعه مشروم وكالتها
امل: امم .. طعمها طبيعى
مزون: مادرى ما عجبتنى.. تبين تاخذينها
امل: ههههههه ... لا يا شيخه ما يحتاج ..
فجاه مزون عقدت حواجبها .. وعبست
امل: ايش فيك ؟؟؟
مزون: تونى ذاكره .. جواهر صديقتى ما جات
امل: ليه
مزون باستغراب: مادرى .. راح من بالى .. وما انتبهت انها ماهي موجده .. مع انى ماكده عليها امس انها تجي ...
امل: يمكن عندها ظرف
مزون : لو عندها بدق وتقول .. انا اعرفها زين
امل:طيب دقي عليها .. نفسى اشوفها واتعرف عليها
مزون ابتسمت على طارى صديقتها الى تحبها حب كبير: اكيد .. وانا بعد ابي اعرفها عليك.. بتحبون بعض على طول
ردت لها امل الابتسامه : خلاص اول ما تصير فرصه اعزميها وقولى لي
مزون : اوكى ..
دقت مزون على جواهر .. وجلست فتره تنتظر ولا احد رد عليها .. بعدها قررت تدق بعد فتره .. يمكن هي الحين ماهيب جنب التليفون
..............
غاده بقرف: الحين انتوا الى مشغلينه تسمونه دي جي
هلا : ليه ايش فيه
غاده : وع الصوت مقرف ... وحتى موسيقى ما فيه
اغتصبت هلا الابتسامه: والموسيقى ضروريه... بالعكس كل الى سمعوه عجبهم
غاده: مادرى ابد ما عجبنى .. مو خابرتك هلا ما تسمين اغانى
هلا: مانكر انى اسمع .. بس حطيناه عشان اهلنا .. كثير منهم ما يسمونه
غاده بسخريه: وعشانهم ما تحطون .. بكيفهم لو ما يبون يجون
هلا برد سكت غاده: وليه حنا مسوين العزيمه عشان يجون .. نقول نحط الى ما يرضيهم ..
غاده: اها ..
فجاه شافت غاده نوره مقبله عليها .. اول ما انتبهت لها هلا قامت وراحت لها ...
هلا: خالتى نوره .. تفضلى الشال
التفت نوره لغاده وابتسمت لها الابتسامه الى ابهرت غاده والى تدل على طيبه صاحبها
نوره: خلاص دفيتى
ردت لها غاده الابتسامه بشكل غير ارادي: ايه
اخذت نوره الشال : الحمد لله ...هلا امك تقول اذا خلصتوا عشا رواحوا للخيمه .. هناك البنات تجمعوا فيها
هلا : ان شالله
رجعت هلا مكانها ..

[زهور الريف]

هلا: اقول بنات ايش رايكم ناخذ حلانا وناكله بالخيمه ...نجووود
عفست نجود خشمها وشافت هلا باستفسار
نجود: ايش عندك
هلا: وينك فيه يا حلوه .. ما سمعت صوتك
نجود: شقول
هلا: يمه خلاص لا تقولين شي.. هاه نروح للخيمه
نجود: عادى
التفت هلا لغاده: وانتى غاده؟؟
هزت غاده كتوفها ... المشكله انها بدت تحس براحه بالمكان .. ومهما حاولت تتظاهر بالعكس بسرعه ترجع تحس ببراحه .. واكثر شي مستغربه فيها انها مبسوطه ...
طلعوا اكثر المعازيم على الساعه 12 ونص .. مابقى احد تقريبا .. الا البنات الى لازالوا جالسات بالخيمه ... دخلت عليهم امل
امل: يا حلوكم .. الحين انا ومزون والخدامات ترتب الفوضى .. وانتى جالسات هنا
وراحت تشوف الى شايفينه بالتلفزيون
امل تكمل: لا وبعد تشوفون فيلم
هلا حطت ميوت على التلفزيون: تكفين اموله .. شافيه عليه دعايات من اسبوع ... والحين الاعاده وابي اشوفه
امل: يا سلام عليك
نجود تسال امل: الضيوف كلهم طلعوا
امل: ايه وانتوا ابد ما منكم نافعه
هلا رجعت رفعت الصوت: طيب انتى ليه ما رحتى
امل رفعت حواجبها: طرده هلا
هلا: لالالالالالا.. قسم بالله مو قصدي بس انتى تقولين الكل راح .. والحين الوقت متاخر ..
امل وهى تشوف غاده باحتقار ,, ابد ما تطيق هالبنت
امل: ما اشوفك قلتى لغاده متاخر الوقت
هلا انحرجت من كلام امل : غاده بتسهر معنا
امل رفعت حاجب: اهاااااااا...
هلا: اموله لا تزعلين مو قصدي
امل: ادرى ..يا حبيبتى انا جلست عشان اساعد امك .. وبنام عندكم.. عشان كذا ما رجعت مع نوره
ياذي النوره ... يعنى هي اخت امل وام صقر.. ايه صح يمكن تكون عندها اخت وانا ما اعرفها .. بعد ما راحوا البنات الخيمه .. جاتهم مزون وامل .. وجلسوا معهم شوي سوالف .. بعدين جات نوره .. الى كانت سوالفها مرره تونس .. الكل كان يناديها خالتى الا امل .. وهذا الى خلاها تظن انها اختهم بعد ...
امل: المهم تعالى واتركى عنك هالخرابيط
نجود وهى تقوم: انا بجي معك امل .. اصلا تعبت بنام
هلا: ما يصير نجود ... ما بتسوفين الفيلم معي
نجود:لا ما بي اصلا ما احب الافلام
هلا وهى تكلم غاده: وانتى غاده
غاده: عادى اجلس شوي .. السواق برى بس اخبص اروح
طلعت امل ونجود ... وظلوا غاده وهلا يشوفون التلفزيون .. وبعد فتره صمت ... هلا كانت ماخذه لها شي حاطته تحت راسها ومنسدحه قدام التلزيون مثل الاطفال .. اما غاده كانت جالسه وهى لافه عليها جلال كان موجود بالخيمه .. عشان البرد زاد اكثر من اول ...
غاده بتردد: هلا
التفت هلا على ورى تشوف غاده
غاده: انتى ماعندك الا خاله وحده .. صح؟
هلا باستغراب: ايه .. بس خالتى امل .. ليه؟؟
اجل نوره تطلع ايش ..ياربي انا ليه ما سالها .. تراه سؤال عادى ...
غاده: لا بس كذا
هلا: ليكون زعلتى منها غاده
غاده تشوفها بغرور: وليه ازعل
هلا: لا بس كذا
انفتح الباب ودخلت نجود وهى شايله علبه كبيره
نجود : شوفوا ايش جبت لنا..بوب كورن بالعسل
هلا وهى تضحك: هذى الى بتنام
نجود: ايش اسوى دخلت وشفته موجود .. قلت ما تحلى السهره الا به
هلا: ايييييه صح هذا من امس.. وع بتشوفين طعمه صديد
نجود وهى تاكل حبه: لا والله ذقته .. مرره طعمه حلو
هلا : اشوف
ناولتها نجود واخذته واكلت ..
هلا : امم .. الى ناقصنا بيبسى ...
نجود: دورت ما شفت ..
هلا : انا مخبيته بمكان ..
غاده كانت تضحك عليهم وعلى بساطتهم مع بعض... وتقارن بينهم وبينهاهي وصديقاتها .. الى جالساتهم كلها مجامله ومصالح وتصنع ..
نجود فاتحه عيونها: ولييه
هلا: امى محذرتنى .. تقول ما تشربين .. وانا شاريته .. وخشيته عنها
نجود: هههههههههههه.. انت داهيه ..
نقزت هلا من مكانها : وانتى غاده تبين بيبسى
غاده تبتسم: ايه
هلا وهى تطلع: ثوانى والسهره مضبطه
نجود راحت وجلست على الارض قدام التلفزيون وحطت البوب كورن قدامها ..
نجود: غاده انزلى اجلسى هنا
غاده : ما احب اجلس على الارض.. رجولى تنمل
قامت نجود وسحبت طاوله حطتها قدام غاده .. وجلست جنبها بعد ما حطت البوب كورن عليها
نجود وهى تبتسم: اوكى هنا نجلس عندك
غاده كانت تشوف نجود بنظرات استغراب .. بعد كل الى صدر منها .. اتجاه بنات عمها واختها .. الكل يعاملها باحترام وتقدير .. مع انها تعمدت تحرجهم وتفشلهم .. توقعت أي شي .. الا هالمعامله .. واضح ان ام صقر ماكانت راضيه عليها .. ومع كذا ما وجهت لها لا كلمه ولا حتى نظره .. امل الوحيده الى بينت كرها لى .. اما الباقي .. كانوا مرره طيبين وعسل معى .. عاملونى بشكل مو متوقع .. غصب عنى بديت احس براحه .. براحه من زمان ما حسيت فيها .. بشي غريب .. واحاسيس غريبه .. دخلت هالبيت وانا اكرهه كل فرد فيه .. اما الحين مادرى ايش شعورى .. ايش ممكن يكونون سوا لى بجلسه وحده .ليكون سحرونى .. ونوره هذي .. ليه احس انها تعرفنى .. احس انها اقرب وحده لنفسي .. اول انسانه اشوفها واحبها على طول .. خلتنى اخجل من نفسى بطريقه غريبه .. خلتنى احاول ادارى حلقتى .. وما اطلعها لها .. وكانى خايفه انها تكرهنى ..
غاده: نجود .. نوره الى جلست معنا قبل شوي مين هى؟؟
نجود باستغراب: قصدك ام عبدالله
غاده : مادري .. الى لابسه جلابيه
نجود: ايه هذي مرت خالهم ابراهيم
غاده : شكل علاقتهم فيها قويه
نجود: ايه مرره زينه .. وتصير بعد بنت عم ام صقر ..
غاده: اها
نجود تبتسم لغاده: حبوبه صح
غاده : يعنى
نجود: تدرين كل الى يعرفها يحبها .. اعرف كثير يعرفونها بالجامعه خصوصا ان لها نشاطات كثيره
غاده: ليه هي ايش تشتغل
نجود: عضوه بماسسه خيريه
غاده باستغراب: هي مطوعه
نجود: قصدك محافظه .. ايه ماشالله عليها .. مرره متدينه واخلاقها عاليه .. وعيالها كلهم عليها متدينن
سرحت غاده .. كانت مرره مستغربه .. شلون وحده ملتزمه وتشوفها كذا وتعاملها هالمعامله .. حتى تعليق او نصيحه ما وجهت كلها .. كيف يقولون انها متدينه .. هي قابلت كثير من المتدينين .. اصلا هي ما تحبهم وما تطيقهم .. كلهم يا يشوفونها بازدراء .. او يكلمنونها باسلوب ما يعجبهم .. واذا وحده كلمتها باسلوب زين .. ما تقدر تمسك نفسها وترد عليها باسلوب وقح .. يخليها تبعد عنها .. شلون هذي قدرت تسيطر علي واحس بالانجذاب لها.. انا عاده انفر من كل متدينه .. ماظن انها ملتزمه .. يمكن هم غلطانين ..
قطعت افكارها رجعت هلا ومعها البيبسى والتشبس .. ومسويه دبّ ( صوص للتشبس)
هلا: ليكون خلصتوا البوب كورن عنى
غاده وهى تضحك: لا مابعد
راحت لها هلا وجلست معهم .. وظلوا يسولفون وياكلون وهم يشوفون الفيلم
..........................
تقريبا الساعه 1 ونص بالليل .. وقف صقر سيارته عند البيت .. ونزل منها.. وهم يشوفون السياره الى واقفه عند باب بيتهم باستغراب .. مو كانها هذي سيارة سواق الوالد .. ايش تسوي هنا بهالوقت .. قرب صقر منها وهو عاقد حواجبها .. شاف السواق المسكين مرجع الكرسى ونايم .. وتوه بيدق على النافذه الا يفتح باب البيت وهالشي خلاه يلتفت له ...
طلعت غاده وهى تكلم هلا
غاده: هههههههههه .. اوكى اشوف اذا اقدر او لا
وقف صقر يشوف البنت الى طلعت وهي تضحك بصوت عالى .. كانت لابسه نصفها التحتى كله قطع اقمشه ملونه .. وحاطه الشيله على رساها بشكل مهمل مطلع كل شعرها تقريبا .. لفت له وشافته .. رمت الشيله على وجهها .. الى كانت شفافه .. حتى بالليل .. ومجرد انوار الشارع تنور المكان .. وجهها كان باين ..ومن المكان الى كان واقف فيه صقر شم شذى عطرها
غاده: صقر.. يووه على بالى واحد ثانيه ..
اول ما عرفها صقر .. حس بالارض تتزلزل من تحته .. والدنيا تدور فيه .. هاله منظر غاده .. اخته من هالصنف من البنات .. معقوله هذي اختى .. ما قدر يتمالك نفسه وراح لها بسرعه .. مسكت ايدها بقوه وجرها .. دخلها معه للبيت والشرر يطلع من عيونه ..
غاده : ااااااااي.. ايش تبي .. اتركنى
سكر الباب بقوه .. وترك ايدها وكانه قرف منها ...وهو يدزها
صقر معصب عالاخر: انتى ايش مطلعك بهالشكل ...
غاده دعكت ايدها وشيلتها خلاص طاحت على كتوفها وبكل قوه ردت عليه
غاده: وايش فيه شكلى
صقر وهو يشوفها من فوق لتحت: هالشي الى لابسته وحاطته على راسك تسمينه عباه
انقهرت منه غاده هو مين عشان يكلمنى كذا
غاده بسخريه : دقيقه اخل اشوف وجهك زين .. يمكن تطلع ابوي وانا مادرى ..
هالكلمه فجرت بركان بداخل صقر .. ما حس بنفسه الا يده تمتد وتضرب وجهه غاده بكل قوه .. طيرتها وخلتها تطيح عالارض ...
هلا الى كانت توها داخله البيت سمعت الصوت الى برى وطلعت على طول .. شافت غاده مرميه بالارض وتصيح وصقر يصرخ وهو معصب عالاخر
صقر: وقسم بالله يا غاده .. وهذا انا حلفت .. مو انا الى احد يكلمنى بهالاسلوب .. واذا ابوي ما عرف يربيك انا اعرف شلون.. هذي اخر مرره اشوفك لابسه هالعباه .. وطالعه بالشكل ...
غاده رفعت راسها له : مو بكيفك فاهم ..
صقر نزل لها ومسكها بقوه وقفها على جولها
صقر: لا تكلينى كذا
هلا كانت تشوفهم وما قدرت توقف متفرجه .. خافت على غاده من صقر.. خصوصا انه كان يشوفها بنظرات شوي ويذبحها.. وغاده تشوفه بشكل يعنى انا مو خايفه منك .. وكلماتك هذي ما ترعبنى
هلا: صقر.. اتركها..
التفت صقر لهلا واشر عليها: انتى ابعدى عن الموضوع لا تتدخلين فيه
هلا: تكفى صقر اتركها .. خلاص
وراحت له تحاول تبعده عن اختها
غاده: اتركنى
شافها صقر بكل احتقار .. وتركها .. راح لعند الباب .. ودق على نافذه السواق .. وقاله شي خلاه يمشى .. ورجع داخل البيت
صقر: هلا روحى جيبي عباتك خلى غاده تلبسها .. وتعالى اوصلك لبيتك
غاده: عندى عبايه .. وما ابيك توصلنى السواق برى
صقر صرخ بوجهه هلا يوم شافها ما تحركت : بسرعه هلا
وتغيرت ملامحه للقرف وهو يوجهه الكلام لغاده: وانتى بتجين معي برضاك والا عدمه .. لو اجرك من شعرك بتجين فاهمه
غاده بتصميم: مابي ..
صقر: خلاص السواق صرفته .. الا اذا تبين تنامين هنا
غاده: واجلس معك بمكان واحد
صقر: غااااااااااااااده... مو انتى الى ما تبين تتواجدين معى بمكان واحد .. انا الى ما ابيك تجين بيتى.. ويالله الحين قدامى ..
وتوه يقرب منها .. خافت غاده يضربها .. كافى الاثار الحمرى الى سواها بخدها
لمت اغارضها وشنطتها الى طاحت على الارض .. وتحجبت ...
غاده تحاول تتمسك بقوتها: ماراح اجي معك عشانك .. ابي ارجع لبيتى
صقر: المهم تفارقينا ...
هلا ما قدرت تصبر ودخلت البيت وهى تصيح ..ليه يا صقر .. ليه تهدم كل الى سويته .. تونى حاسه بالانساج مع اختى .. تجي تسوى كذا .. ليييييه ..حرام عليك .. صح غاده غلطانه .. بس ما تستاهل الى تسويه فيها .. باسلوب ثاني كنت تقدر تعاملها ..
ركب صقر وغاده السياره .. وصلها لبيتها ورجع للبيت على طول .. طول الطريق غاده متماسكه وما نزلت منها دمعه .. اول ما نزلت ودخلت بيتهم .. حست انها محتاجه لاحد ... تبي تشكى له .. راحت لغرفه امها عشان تقول لها ايش سوى فيها اخوها .. دقت على الباب ولا احد رد عليها ... فتحت الغرفه وشافتها مظلمه .. وامها ماهي موجوده .. نزلت بسرعه تحت وهى تنادى الخدامه
غاده: جيزيلاااااااااا
طلعت الخدامه منا لغرفه بسرعه وعيونها متنفخه الوقت متاخر وهى كانت نايمه
جيزيلا: what??
غاده: where's mama??
جيزيلا فركت عيونها توها ما بعد تعتاد على النور: she doesn't come yet
شافت غاده الساعه المعلقه على الجدار ..كانت 2 ونص .. اطلع انا من البيت وارجع متاخر وامى الى الحين ما جات .. محتاجه لك .. محتاجه اشكى لك همى .. تنهدت بحسره ولفت رجعت لغرفها .. ودموعها تنزل من خدها .. ارتمت على سرير وغرقت بنوبه بكاء .. عمرها ما صاحت بهالشكل .. كانت تحس بحرقه داخلها .. ظلت على هالحال لين نامت
..............
مو قاده تنام .. اول مره يتاخر من اول ما تزوجوا .. الساعه1 ونص والى الحين ما جا .. ليكون صار له شي .. هذا غير جواهر الى ما تدرى عنها.. من اول ما دقت عليها الى الحين .. وهى ما ترد .. لا جوالها ولا البيت .. ليكون صاير فيها شي .. جلست على الكنب الموجود بالغرفه وهي ضامه رجولها لجسمها .. وجالسه تتالم رسمه بالسجاده على الارض .. بعد نص ساعه .. قامت لفراشها عشان تنام .. وهى مو قداره من كثر الهموم الى شايلتها ..
توها منسدحه الا يدخل صقر .. الى اول ما شاف الغرفه مظلمه حسب مزون نايمه .. راح للحمام وبدل ورجع انسدح بالفراش بكل تعب ...
مزون واطى : ايش صاير؟؟تاخرت .. شفيك قولي
تعدل صقر وشغل الابجوره : مافيني شئ... ليه ما نمتى؟؟
مزون وبتوتر: ما قدرت انم .. انت ليه تاخرت ..
صقر..ولاشئ .. الطريق زحمه .. ورحت ارجع غاده لبيتها
مزون: اها طيب ...
صقر: مزون بكره انا وخالد بنطلع للبر بعد الصلاه
مزون: ما يكفى تنام بس ثلاث ساعات
صقر: لا عادي .
مزون: اوكى براحتك
رجع صقر سكر الابجوره .. وحاول الكل ينام .. صقر لازال متوتر بعد المواجهه الى صارت بينه وبين غاده .. ومزون مشغول بالها بصديقتها .. ياترى ايش صاير لها .. نام صقر والى الحين مزون مو قادره تنام حاسه بحر ..وبضيقه بصدرها .. وجوع غريب مع انها تعشت .. انسحبت من الفراش .. وراحت للصاله الى بالجناح ..... فتحت الثلاجه الصغيره الموجوده .. اخذت لها شي تاكله تسكت جوعها .. ورجعت تجلس على الكنب ...
.....................
قام صقر على الاذان وبعد الصلاه مر غرفه اخوه الى قال انه بيجيهم بالعصر لانه بينام الحين .. مر سعود وراحوا للبر ..
صقر : شكلك ما نمت
سعود : ايه والله .. رجعت البيت ودخلت المرسم على طول
صقر وهو يضحك: كنت حاس قسم بالله .. اول ما شفت وجهك تغير عرفت انك تبي ترسم
سعود: كنت محتاج للرسم
صقر انقلب للجد: ذكرتها صح؟؟
تنهد سعود: اييه
صقر: طيب بشر خلصت اللوحه
سعود: ما بقى منها شي .. اللمسات الاخيره .. ما تتخيل سعود ايش قد ارتحت بعد ما انتهيت امس .. واخيرا جمعت كل احساسي معها بلوحه وحده كل التناقض الي عشته معها وبدونها جمعت بلوحه وحده .. مع انى الى الحين ما خلصتها .. بس مابقى عليها شي
صقر: سعود ارمي الي راح وراء ظهرك
سعود: ياليت اقدر كان من زمان عملته
صقر: سعود تعال سلطان ايش اخباره ؟؟
سعود: تمام التمام باذن الله بعد اسبوع بيرجع الدكتور سلطان
صقر: والله اشتقت له الله يرجعه بالسلامه امل تدري ؟؟
سعودضحك : هههههههه لا ماقلت لها بقول لها بس بالوقت المناسب
صقر: حرام عليك لاتقسى عليها
سعود: مايقسى الانسان على احد يحبه
صقر: ياعيني عالكلام الحلو
سعود: الا خالد ليه ما جا
صقر: يبي ينام .. يقول بيجي العصر
سعود: هههههه .. جد خيشه نوم الانسان
صقر بعد فتره : سعود متى تبدأ بتقول لخالد
سعود: قريب انشالله .. اول ما اخلصها .. اتوقع على الاسبوع الجاي اذا جا ... بقوله قصتي مع صاحبة اللوحه
..................

مزون قامت متاخر .. لانها ما نامت الا بعد الصلاة وبعد ما طلع صقر ومر سعود وراحوا للبر .. كانت الساعه تقريبا 11 الظهر .. نزلت تحت ما شافت الا امل جالسه بالصاله
امل: صباح الخير
مزون : صباح النور .. وين خالتى
امل: راحت لغرفتها ..
مزون: اها ..
وجلست جنب امل ..
امل: فطرتى ؟؟
مزون: لا ما بعد ..
امل: حتى انا .. خل نفطر مع بعض
مزون وهى تضحك: حتى انتى توك قايمه
امل: لا انا اول ما اقوم ما اشتهى شي ..
مزون: حلو .. عشان تنتظرينى ..
وراحوا لللمطبخ مع بعض .. سوا لهم فطور وجلسوا ياكلون فيه
امل : الا شخبارها جواهر عرفتى ليه ما جات امس
مزون : لا والله .. ما ردت امس .. ومابعد ادق عليها اليوم
امل: لاقينها نايمه امس بدري
مزون بخوف: بس ليه ما جات او ما ردت علي الحين اكيد شافت مكالماتى
امل: لا تشيلين هم انتى
مزون: مادرى حاسه بخوف .. حاسه ان شي صاير .. خصوصا ان ظروفها الحين ماهي زينه
امل : ليييه
مزون : اهلها يبون يزوجونها
امل: وهى ما تبي؟؟
مزون: مو عن كذا .. السالفه طويله...اذا عندك استعداد تسمعين قلت لك السالفه
امل : عندي استعداد تفضلي
مزون: جواهر او خليني اقول لك اسمها الي تعودت اناديها فيه امنيات
ابتسمت لها امل تشجعها تكمل
مزون: جواهر تربت بعائله عاديه جدا متوسطه حالهم حلو كانت تقريبا بين افراد عيالتهم بنت ابوها مثل مايقولون ماكان يرفض لها طلب الكل كان يطلب رضى ابوها لانه مقارنه مع اخوانه هو الاغنى دارت الايام توفى ابوها الله يرحمه وتغيرت جواهر كثير تقريبا من بداية مرحلة المراهقه من هالوقت صار اسمها امنيات لان كل شئ حلو اصبح بحياتها امنيه ماتتحقق لكن ظلت امها دائما معها قناعاتها مثل امها الانسانه الملتزمه الي تراعي الله بكل شئ الي تشوف الحق حق ولاتسكت عنه لما وصلت سن الزواج بدت المشاكل مع اهل ابوها الكل يجيب لها عريس شكل الي كبير بالسن او المتزوج او او وهذي حياتها ساعات تقول من كثر مايتكلمون ودي اتزوج وارتاح
امل : يعنى هي مو معارضه فكره الزواج
مزون: بالعكس .. المشكله الى يتقدمون لها الحين .. ناس ما يناسبونها.. اخرهم شايب عمره تقريبا 73 لكن عنده خير .. كان متزوج وميته زوجته .. عيالهم كبار ومتزوجين .. ما يبون يتركون ابوهم لوحده بالبيت .. يبون احد يهتم فيه .. خصوصا انه مريض .. حتى الحمام ما يقدر يروح له الا بمساعده .. تخيلي اهلها يحاولون يجبرونها انها تتزوجه
امل وهي منسجه: .طيب ماعندها اخوان خوال
مزون: اخوانها اصغر منها وخوالها بحالهم مالهم شغل
امل:غريب والله طيب ايش بتسوى
مزون: مادرى .. جواهر انسانه حلوه وخلوقه مو اقول عنها كذا لانها صديقتى .. لا والله بالعكس .. امنيات هي غير كان لها حلم مختلف صح حلمها مو واقعي وصعب جدا يتحقق لكن يظل حلمها كانت تتمنى تتزوج شخص يحبها وتحبه مو واحد يكون بمكانة ابوها
امل : طيب امها
مزون: المشكله امها بدت تقتنع .. تقول خل نفتح من حنت اهلك .. والشبه كلها فتره ويموت
امل وتنهدت :آه عليك يادنيا مافيك احد مرتاح
مزون: من جد ..
امل: اذا شفنا مصايب قوم.. تهون علينا مصايبنا
حست مزون ان امل فيها شي.. اكيد سالفه زواجها .. كان عندها فضول تعرف.. بس ما حبت يمكن هالشي يضايق امل ..
مزون: انا بروح ادق عليها الحين
.....................
وهنا ينتهى الجزء...

[زهور الريف]

الجزء السابع ..
قامت مزون وحاولت تتصل بجوال جواهر وحصلته مغلق ..احتارت وقررت تتصل بالبيت حتى لو الوقت بدري بسرعه دخلت للمجلس حتى تأخذ راحتها واتصلت ..
كانت امل تنتظرها بالصاله ولاانتبهت الا بمزون طلعت من المجلس وهي واضح انها تصيح وطلعت فوق لحقتها امل وصادفتها نجود وهلا وراحوا كلهم لمزون الي كانت تصيح بغرفتها ..
نجود وتحضن اختها..مزون شفيك
امل..شفيها جواهر
هلا بااستغراب ..جواهر
نجود..فهموني شصار ..؟؟
مزون ومن بين دموعها..جواهر بالمستشفى ولازم اروح لها
نجود بخوف..شفيها
مزون..مااعرف مااعرف اختها تقول انها تعبت وجات سيارة الاسعاف ونقلتها من امس المغرب جواهر من امس بالمستشفى وانا اخر من يعلم
نجود بحماس ..طيب يالله نروح لها
مزون بخيبة امل ..صقر جواله قافل هو قال لي اليوم انه طالع للبر واكيد مافيه شبكه
نجود بحزن ..يعني مافيه غير اننا ننتظره
مزون وهي تصيح..ماراح يرجع الا متاخر يعني اختي وصديقة عمري مابشوفها الا بكرا الانسانه الي وقفت معي بااصعب اللحظات
امل..اذكري الله ولايهمك
طلعت امل والكل استغرب طلعتها لكنها رجعت ومعها احلى خبر لمزون
امل..يالله مزون قومي اتصلت باختي تقول روحي وهي بتقول لصقر انها طلبت منك
مزون بخوف..اخاف مايرضى
هلا..لا بيرضى مادام امي قالت كلمتها خلاص مابعدها كلمه
نجود..يالله تبين اروح معك
مزون..لابأخذ الخدامه معي واكلمك اذا وضعها يسمح تجين لها
نجود ..اوكي وطمنينا
مزون وتمسح دموعها ..طيب
امل نزلت عند التلفزيون ونجود وهلا راحوا يأكلون لهم شئ اما مزون طلعت مع الخدامه للمستشفى وهي مرتاحه ..
نجود..يالله والله ماتستاهل جواهر
امل..شكلها غاليه عليكم كثير
نجود..جواهر اختنا عاشت معنا احلى ايامنا واسواء ايامنا ضحكت معنا وصاحت معنا حست بكل المشاعر الي حسينا فيها
هلا..يالله مو باين عليها الي يشوفها يحسها انسانه غير حالمه مرتاحه سعيده
نجود..لو تسمعينها تحكي تشوفين بعيونها نظرة حزن مايشوفها الا الي عرف امنيات
امل..يالله شوقتوني اني اتعرف عليها مرررره احسها انسانه مميزه
نجود ..فعلا هي مميزه
امل..الله يعافيها يارب
الكل,,امين
امل..خالد ماطلع معهم
هلا..امي تقول انه يقول بيلحقهم العصر
امل..غريبه خالد مو عادته يفوت طلعت البر من الفجر
هلا..ايه والله اكيد فيه عنده شئ اهم
امل...ههههههههه النوم
نجود..عن اذنكم بروح اخذ لي دش سريع
طلعت نجود وجلست امل وهلا يسولفون وشوي الا يدخل عليهم خالد
خالد..السلام عليكم
امل وهلا ..وعليكم السلام
امل..معجزه ماطلعت البر
هلا ..خذنا معك
خالد..اي السؤالين اجاوب عليه
امل وهلا استحوا ..
هلا..خذنا معك اول جاوب عليه
خالد ..ارجعي نامي واحلمي
امل وهي مبتسمه..ولا انا
خالد..ولاانتي المهم الظاهر عينكم بالطلعه مابروح لهم لانهم بيرجعون
امل..افا ليه
خالد..مااعرف صقر تعبان مانام كويس وسعود النفسيه مو اوكي
هلا..ههههههههه اجتمعوا
امل..طيب متى بيرجعون
خالد..حولك الحين
امل وقررت تروح للبيت قبل مايوصل صقر ..اوكي ياليت توصلني للبيت
هلا..وين
امل..بروح عندي كم شغله واذا حصل لي جيت لكم بالليل
خالد..يالله لاني بروح لمشوار
طلعت امل وخالد ولابقى غير هلا الي قررت تابع التلفزيون لحد ماتنزل نجود
وفي بيت ابو صقر الثاني كانت انسانه متمدده عالكنبه وتغير بالريمونت من قناة فاسده لقناة افسد من غير احساس لان بالها كان مشغول بالي صار امس بداخلها مشاعر متناقضه من الكره والغيره الاشمئزار والخوف الحب والبغض احاسيس كانت تشتت غاده وتنقلها من ضياع لضياع اكبر منه ..وقفت بقوه ورمت الريمونت وكانها ترفض اي شئ يعني التحكم وقفت قدام المرايه وهي تشوف اثار ضرب صقر الخفيفه ومع كل نفس لها تتوعد انها تنتقم من صقر ..قررت تدخن اكثر واكثر قررت تطلع تفصل لها اخر موضه بعالم العبايات المزيف قررت انها تلبس اخر موضه من اللبس قررت انها تنتقم من اخوه لكنها ماكانت تعرف انها تنتقم من نفسها.. انها تجرد غاده من معنى الانسانيه.. باابتذالها.. لنفسها ..لانوثتها.. وقيمتها.. كمرأه ..ماعرفت انها تهين غاده المراه.. ماتعرف انها انساقت خلف الشعارات الكذابه الي اوهمتهم ان المراه حتى تأخذ حقوقها لزم تكون ند لند مع الرجل.. مسكينه غاده الي قررت بسرعه انها تطلع تتمشى ونفذت بسرعه لان البيت عندهم مافيه راعي ومسؤل عن رعيته بالعكس كان بيت خالي من الاهل من احساس الامان بعد الله الاب.. واحساس الحب والحنان الام كان خالي من خوف وغيرة وحمية الاخ.. ماكان فيه غير اجساد بشر ومعاني تسكنه ماهي الي بقايا من البشر
نجود بعد مااتنهت جلست تتصفح المجله والمسجل عندها ومع كلمه تسرح نجود ..تحس عالمها هذا الاغاني والاحاسيس المعذبه الي تصور احساسها وكل يوم عن الثاني تنسحب نجود لذا العالم لاحساسها انه عالم يمثلها ويمثل احساسها ا الكذاب انه عالم يريحها مسكينه يانجود رمت المجله ومن غير احساس نزلت دموعها الي مع كل اغنيه تزيد ماتخف تزيد وماتعرف ليه احساس الالم يكبر بداخلها مع الاغاني ..
طلعت هلا من الصاله بتطلع الا على فتحت صقر للباب التفتت هلا
صقر..السلام عليكم
هلا بخوف وتردد..وعليكم السلام
صقر ويتلفت ..وين امي
هلا..امي طلعت عند ام محمد مرت خالي
صقر..اها ومزون وينها
هلا وتغير وجهها وسكتت
صقر وعقد حواجبه..وينها ردي
هلا..بقول لك بس اسمعني
صقر وبصوت عالي ..مابسمع وينها
هلا ومن روعتها من صوته قالت له..راحت تشوف صديقتها بالمستشفى
صقر وكأن احد كب عليه مويه بارده ..عيدي ايش قلتي
هلا ..اتصلت عليك بس
قاطعها صقر..مع مين راحت واي مستشفى
هلا بخوف..مع السواق ومعه الخدامه مستشفى دله
التفت صقر بيطلع ولحقته هلا تحاول تكلمه لكنه سكر الباب وطلع
ركب صقر سيارته وبسرعه توجه لمستشفى دله بهالوقت كانت مزون توها قدرت تسكت بعد ماشافت جواهر وحضنتها وبكت هي واياها
مزون وتمسح دموعها..شفيك شصار تكلمي
جواهر باابتسامه حززينه..وافقت
مزون وتشهق ..عالزواج
جواهر..اسمعيني للاخر
مزون..قولي
جواهر وتعدل جلستها ...رفضت سنه وثنتين وثلاث وكل يوم اقول بكرا بيتقدم لي الشخص المناسب لكن ماجاء بكرا وتعبت من كلام الناس الكل يقول ليه ماتتزوج الكل يقول ليه ترد كثير امي تعبت خواتي تعبوا من كثر الاسئله اتعبتني نظرة الناس لما شفت امي المتهمه الاولى بعدم زواجي ووافقت وشوفي لدمار امنياتي بدل ماتجي امه وخواته يشوفوني مثل اي بنت بعمري بيجون بناته يشوفون الممرضه تناسب ابوهم لبست وحاولت اقنع نفسي ولما ماصار يفصلني عن هذا الاختيار الا ساعه رفضت امنياتي واحلامي هالواقع وطحت ولاحسيت بنفسي الا هنا الدكتوره تقول ارهقاق وفقر دم وهموم والم واحزان وجروح
مزون..من اول المفروض ماوافقتي بعدين ايش الاستسلام هذا يعني لو ماتعبتي كنتي الحين خلاص وافقتي
جواهر..مزون..تبين تسمعين للمره الالف احلامي تبين اقول لك اني ابي رجال وافهمي ابي رجال مو اي رجال ابي رجال يكون لي امان الاب وحنية وعطف الاخ وحب الحبيب ابي اخ وزوج وحبيب ابي انسان بعيونه اشوف الحب ابي انسان اتنازل عن كل شئ لخاطره ابي انسان يحميني بعد الله ابي شخص ينقلني من عالم الامنيات لعالم الواقع مزون لاتلومين اذا انهرت وتعبت خلاص حسيت هالحلم بيندفن ويموت ماقدرت اتصور اني زوجه مهمشه بحياة رجل بعمر ابوي ماتخيلا ابدا
حسيت نهاية حياتي هي بلحظة دخولي للمجلس وماعا قدر
سكتت جواهر ولاقدرت تكلم من دموعها وحضنتها مزون ..خلاص امنياات ربي بيعوض بواحد يموت عليك بس يدور على رضاك تهمه سعادتك وراحتك خلاص ورينا الابتسامه

[زهور الريف]

قطع عليهم صوت جوال مزون وطلعته وجمدت كل معالم وجهها لما شاف اسم صقر عالشاشه
لثواني قررت ماترد بعدين ردت
مزون..الو
صقر.. انا عند الغرفه اطلعي بسرعه انتظر مع السلامه
سكرت مزون وبدت كل خليلايا جسمها تتفاعل مع خوفها من نبرة صوتها واضح ان فيه بركان لو ينفجر حرق الرياض
مزون..وصل صقر ان شاء الله اشوفك قريب
جواهر..ابتسمي اعرفك مزون لاتحاولين تخبين بس انتي قويه وبتتحملين عشان مصلحتك
ابتسمت مزون وطلعت معها الخدامه ومشى صقر وهي معه
رجعوا للبيت والكل صامت مافيه غير خوف مزون وغضب صقر المكبوت وصلوا دخلت مزون للغرفه وفصخت عباتها وارتاعت من قوة ضربت الباب والتفتت الا صقر واقف قبالها
صقر وواضح انه مافجر الا ربع غضبه..الي واقف قبالك هنا هذا جدار مو رجال ممكن افهم يامزون او يلسيده مزون تشوفيني قدامك قطعة اثاث وجودها مثل عدمها قلنا لك مليون مره انتي ببيت عمي شئ وهنا شئ ثاني ماتفهمين
مزون وبكبرياء..افهم ببيت ابوي مزون بنت عبدالله وهنا مزون زوجة صقر
صقر واستفزته طريقة كلامها..ايه زوجة صقر وغصب عنك ولاتتخيلن لحظه انك بتصرفك هذا بتحطيني قدام الامر الواقع لا افهمي كلامي زين
نزلت راسها ومشت عنه ولاحست الا بيده بكل قوه تمسك يدها وتلفها له ..وانا اكلمك لاتروحين وتتركين تفهمين
مزون وبغضب..خلاص اذا هذا يرضي غرورك كرجل قول كل ماعندك
رفع صقر يده بيضربها ونزلها بصعوبه مسك نفسه ..لاتستفزيني واسوي شئ اندم عليه
مزون باابتسامة سخريه..اعملها ماراح تندم انا مزون من غير عبدالله الحين مافيه رجال بيوقفون بوجهك اعملها واضربني او حتى خلي السواق يوصلني لبيت عمي
ضرب صقر الكرسي برجل وطلع وسكر الباب
وانهارت دموع عالارض بحالة الم وخوف وكره لاحساسها باليتم والضعف
قفلت غرفتها وانهارت على سريرها صاحت مزون بعيد عن اختها بعيد عن اي شخص ممكن يحضنها ويواسيها ..صاحت من خوفها ..من ضعفها من احساس بفقدان الامان..حاولت توقف وتكابر لكن بقوه اخذت طفاية الداخان ورمتها بكل قرف وصرخت ..اكرهك وبظل كل عمري اكرهك ياصقر
رجعت تصيح بألم وحزن رجعت تتألم بصمت رجعت تحاولي تلاقي شئ تحضنه وترتاح ولاحصلت الا بقايا صقر الي بداخلها تكرهه ولاهي قادره تتحمل انها تشوفه قامت بسرعه وتوضت وصلت ورفعت ايدينها تدعي ربها وفعلا حست انها قدرت ترتاح ارتاحت لانها تكلم عظيم كريم..ارتاحت لانها تشكي للجبار الي بيده يرحمها ارتاحت لانها تدعي الي هو ارحم واحن عليها من امها وابوها بعد الصلاة انسدحت عالسرير ومن التعب نامت ودموعها على خدها ..
وصلت ام صقر وبسرعه استقبلتها هلا بالخبر ..
ام صقر..وانتي دائما كذا ماتعرفين اخوك اذا عصب
هلا..يمه شو اقوله سألني
ام صقر..معصبه..قولي ماادري وينه رجع
هلا..ايه بس الظاهر انهم طلعوا لاني طقيت على مزون مااحد رد وسيارة صقر مو فيه
ام صقر..ان شاء الله انها فهمته هي عاقله واكيد ماعصب
هلا وتلعب على نفسها..اكيد
طلعت هلا ودخلت على نجود الي مشغوله بالمجله وجلست ترتب اوراقها وهي قلبها مع صقر ومزون ..
وصل صقر عند سعود ودخل للمرسم وكانت امل وسعود يسولفون
صقر وشكله معصب عالاخر..السلام
امل..وعليكم السلام
سعود..وعليكم شفيك ليه رجعت
صقر..ماتبيني طلعت
امل..افا منو الي مايبيك
صقر..ويضرب الجدا ..انا مليت من هالحياة مو كفايه هالتقيد الي حسيت نفسي فيه لا بنت عبدالله جايه تمشيني على كيفها
مشت أمل بتطلع حتى يأخذ صقر راحته بالكلام لكنه التفت لها وقال
صقر..لاتطلعين ياامل اسمعي ليه كلكم تشوفونها ملاك ليه موراضين تستوعبون حالتي
سعود وهو بيده الريشه..هدي ياصقر حتى نفهم
صقر..يااخي مو حاله مااقدر اكون عبدالله مااقدر اكون عمي ولااقد بيوم وليله افهمها يااخي ذبحتني مو كفايه اني جاي على نفسي وراضي يااخي مو حاله هذي والله هلا اختي تلبس وتهتم بنفسها اكثر من زوجتي الي من عرفتها ليومك ماعمري شفتها مهتمه بنفسها الا يوم العزيمه اقل حق ممكن احس فيه مااعطتني بالعكس حسستني ان الناس هم الي يستحقون اهتمامها مو وجات اليوم طينتها وطلعت من البيت وكأن صقر حمار مو رجال متزوجته يااخي والله اني كنت بضربها والله استفزاز هالبنت اتعبتني قويه
امل بهدوء..بس هي ماطلعت الا بعد ماقالت لها امك اطلعي وانا اتفاهم مع صقر
سكت صقر متفاجئ والتفت على سعود ..وامي ليه تعمل كذا كملت يعني مو بس زوجتي حتى امي
سعود وحس ان صقر فلتت اعصابه وراح لعنده وجلس..بس خلاص اسكت خلنا نسمع الموضوع من امل قولي السالفه
امل وجلست..استغربت مزون ان صديقتها ماحضرت العزيمه حاولت تتصل مااحد رد الصبح عرفت انها تعبت ونقولها الاسعاف للمستشفى اتلت عليك ومغلق ورفضت انها تطلع الا بعد ماتوافق لكني اتصلت بااختي وقلت لها ابي ي تروح معها لكنها قالت صقر مابيقول شئ اذا عرف اني قلت لها انا تطلع وبكذا طلعت مع الخدامه
صقر وبصوت عالي..يعني صديقتها بتموت اذا ماشافتها
وقفت امل بتطلع..اعتقد من الاستحاله تعترفون بخطأكم يعيالنا لكذا مابتعب نفسي انت فكر بهدوء وتعرف عن اذنك
قام سعود..بكمل لوحتي وفكر بهدوء
وقف سعود عند اللوحه لكن غابت اللوحه والاوانها وشاف صوره مكانه ..صوره لبنت حلوه ناعمه وشكلها بريئ ..تنهد سعود وجلس عالكنبه وسافر بخيالها لوراء
عبير ..تعرف سعود ان الحب تسامح
سعود بحب..والتسامح هو انتي والحب انتي
عبير..هههههه دائما تغلبني بكلامك
سعود..بس انتي غلبتيني بأحساسك
عبير..حياتي تعرف لو بيدي اهديك كل السعاده
سعود باابتسامه..السعاده هي لما اشوفك مبسوطه ومرتاحه
عبير..يالله ياسعود خلاص
سعود..ليه خلاص خلي احساسي يتنفس خلي قلبي يحكي خلي الامل يحيى بداخلي ارجوك
عبير ..الامل انت زرعته بحياتي
سعود ..متى اشوفك معي بكل حياتي
عبير ..سعود اذن الفجر تصدق
صحى سعود من من عالم الاحزان والالام من صحى سعود والتفت على صقر الي كان مغطي شماغه على وجهه ولايعرف هو نايم او لا ..قام سعود وطلع وترك صقر لحاله..
ماحس صقر بسعود الي طلع من الغرفه لانه كان يفكر بكل الي صار ..يفكر بعصبيته الي ماخلته يسمع من اخته الموضوع ..يفكر باامه الي حطته بموقف صعب ..يفكر بمزون وقوتها الي زادت عصبيته ..وبلحظه وصل لحلم قديم مازال بداخله
هلا..ههههههههههههه واذا اخذت وحده ماعندها ذوق
خالد..يطقها بوحده ثانيه
صقر..اعلمها الذوق
هلا ..ماتقدر صعب تغيرها لازم ترضى فيها
سعود..الانسان اذا حب ششخص يشوفه حلو بكل شئ
صقر..اختلف معك الحب احساس رائع لكن يموت اذا ماتسقيه بالعطف والرحمه والموده والاهتمام وغيره وغيره
هلا..خلاص بزوجك صقر خريجة فنون جميله
صقر..لا مو شرط المهم تكون انسانه ذوق انسانه تهتم بكل شئ له علاقه بالجمال والاناقه والاهتمام ابيها مرأه شكلا وعقلا مو بس جميله وفارغه
خالد وهو يبتسم..بس فيه مقوله تقول ان الجميلات غبيات
سعود..اصلا الجمال ماله مقياس لان كل عين بالدنيا لها نظره فاامنيتي اعرف على اي اساس يختارون ملكات الجمال على اساس الجسد لكن عمر الجسد ماكان يعني الجمال الحقيقي
هلا..سعود احيانا احس اني مااقدر افهمك
سعود..هههههههههه كيمياء قايل
صقر..خالد اهم شئ بزوجته تكون خفيفة ظل
خالد..الملح يغلب الزين ابي وحده مملوحه
صقر..وسعود اهم شئ يقرأ ويوصله احساس صادق وراح تكون ملكة جمال
سعود..وانت لازم تكون انت محور اهتمامها الاول
صقر...هههههههههههههه لا مو لهالدرجه
قطع على صقر ذكريات فتحت الباب
صقر ويوقف يسلم..هلا والله عاش من شافك عبدالله
عبدالله..تعيش والله بس تعرف الاشغال انت بشرني عند شلونك
صقر ويتنهد..الحمد لله
عبدالله..ههههههه الظاهر هذا حال كل المعرسين
صقر..يمكن
عبدالله..تعرف صقر ان الحياة حلوه بمشاكلها
صقر عاقد حواجبه ..شلون..؟؟
عبدالله..هذي وجهة نظري اشوف ان اي مشكله تقربك من شخص معين او توضح لك صفه فيك او تعطيك فرصه تتصارح مع نفسك والاهم من هذا كله انك اذا صارت لك مشكله تحس ان مافيه الا الله سبحانه الي يعلم بحالك ونيتك فتلجأ له وتدعيه والاحساس لحظتها يكون اعظم واروع
صقر مبتسم..تعرف عبدالله انت نبهتني على نقطه مهمه
عبدالله..احم احم اعرف نفسي قدراتي
يقاطعه صقر..ههههههه بس عارفين لا بجد انا كنت بطلع للبيت مااعرف على شو بتنتهي المشكله بس الحين قبل مااطلع بصلي ركعتين وان شاء الله ربي يعيني
وقف عبدالله وحط يده على صقر..الله يعينك وصدقني مهما كانت مشكلتك تأكد انه ربي هو الي بيحلها يالله بروح ارتاح عند اذنك
صقر..خلا نشوفك
عبدالله ..ان شاء الله
في بيت ام صقر بعد ماصحت مزون طلعت من غرفتها وراحت لغرفة البنات
مزون وواضح انها كانت تصيح..السلام عليكم
البنات..وعليكم السلام
نجود ..شفيك مزون
مزون..ولاشئ
هلا..مزون صدقيني صقر مايعرف ان امي موافقه
تقاطعها مزون..مايفرق عندي اصلا
سكتت هلا وطلعت وحبت مزون تاخذ راحتها مع اختها
نجود وعينها على مزون ..ماراح تحررين دموعك
رفعت عينها مزون لنجود وخلاص ماقدرت رجعت تصيح من جديد حضنتها نجود لحد ماهدت
نجود..مابتقولين لي شصار
مزون ..لا مابقول لان حقي اعرف اخذه المهم خلينا من هالهم وقول لي شو اخبارك
نجود..عاادي لاجديد
مزون..محتاجه شئ تبين اشتري لك شئ تبين السوق قولي لي
سرحت نجود وكان ودها تقول لها ابي بيت الطين ومكافاة الجامعه بس تكونين معي قريبه مني لكنها قالت..ابيك مبسوطه ومرتاحه
مزون ..ودي اروح لخالي شرايك
نجود..ياليت والله
مزون ..اوكي بأخذ الاذن من زوجي اخاف عاد اذا ماقلت له يقول انتي طالق والشارع بيتك
نجود وتبتسم..اراهنك انك لو تعملين شو مابيقدر على فراقك
مزون..هههههههههه والله على نياتك
نجود...افا ليه خليك متفاءله
مزون..اتفاءل ايه صح بس مع شخص يستاهل
نجود..وصقر مايستاهل
مزون بحده..لا
نجود وتخبي ابتسامتها..صح مايستاهل
التفتت عليها مزون..اعرف انك تستهبيلن ومو مصدقتني بس اذا قلت لك اني فعلا ماني طايقه صقر انا اعني هالكلمه
نجود..بس هلا جت
هلا..سوري عالمقاطعه بس مطلوبه مزون امي تبيك وماسكه العصا بتضرب صقر
ابتسمت مزون ونزلت مع البنات تحت ..
خالد كان مع ربعه واتصلت فيه امل وطلع عنهم..
خالد..هلا والله بخاله
امل مبتتسمه..هلا فيك وينك
خالد..عند العيال تبين شئ
امل..لا والله بس مليت بيتنا فيه بركان وبيتكم مثل مالقيت احد اكلمه
خالد..شصاير
امل..مزون وصقر فيه مشكله
خالد..بدينا الله يعينا
امل..متى بتسافر ..؟؟
خالد..الفجر
امل ..طيب مرني البيت انا بسهر
خالد ويفكر..اوكي بجيب عشاء واسهر عندك لحد ماتطفئ الحريقه في بيتنا
امل..ههههههه حلو انتظرك بااي
خالد..الله وياك
في بيت ابو صقر كان بدر بالصاله يتفرج عالتلفزيون مع امه من غير اي احترام لا بالجلسه ولا بالقناة الي يتفرج عليها ..دخلت غاده من برا ..
غاده ومبتسمه وتدور على نفسها ..هاااي
ام بدر..هلا والله
بدر..هااي
غاده..شرأيكم بعباتي الجديده
ام بدر..زينه
بدر ويناظرها من فوق لتحت..حلووو بس اللون يلمع ليه
غاده وتضحك..هذا صيني لازم يكون كذا
بدر..اه يعني شئ معرروف بس لونه فوشي ليه مااخذتي فاتح يطلع انعم
غاده بدلع..لازم اصير مميزه
ام بدر تقاطعهم..انتي مميزه بس بتروحين معي لبيت خالك
غاده بتفكير..بشوف بس الارجح اني اروح لاني توني شاريه لبس جديد وجنااان بيطلع
بدر وقام..باي
غااده..باي
غاده..يالله بطلع اجهز نفسي
طلعت غاده تجهز نفسها وطلعت ام بدر تشوف جدول طلعاتها لهاليوم ..
في بيت ام صقر نزلوا البنات وتوهم داخلين الصاله
ام صقر..روحي انتي وياها فوق وتعالي مزون بس
هلا ومبتسمه..ليه يمه بنسمع عشان نتعلم
ام صقر..روحي لاتخليني اقوم عليك
نجود..خلاص خالتي بنروح ارتاحي يالله هلا
طلعوا البنات وجلست مزون عند ام صقر
لم صقر..تخانقتوا صح..؟؟
مزون..عادي خالتي
ام صقر..الله يهديكم يمه انا مابتدخل بينكم بس قولي له يجي يسألني وانا اقوله
مزون..ماتقصرين خالتيي
ام صقر..هو عصبي الله يصلحه بس قلبيه طيب
مزون باابتسامه..لازم تمدحينه خالتي
ام صقر وترد الابتسامه..ولدي شسوي مااقدر ابي راحته وراحتك بعد وانتي غاليه وغلاتك من غلاته
مزون..تطمني خالتي
ام صقر..اسمعي صقر مابيرجع الا بعد ماينام الكل اعرفه اذا معصب نامي وارتاحي انتي
مزون..ان شاء الله
اذن المغرب واذن العشاء وسهروا البنات وبعدها ناموا اما مزون طلعت لغرفتها مابين خوف وقلق من رجعة صقر ..قررت تنتظره للحظه وبعدها غيرت رأيها وقالت بتنام ..
اما امل بعد ما طفشت من جلستها لحالها خصوصا ان نوره زوجة اخوها مشغوله مع زوجها وعيالها قررت تجلس بالحديقه لحد ماوصل خالد وتعشت معه وبعدها جلسوا يسولفون وقالت له مشكلة صقر ومزون
خالد..بس مامعها حق تعمل مشكله عشان صديقتها
امل ..بس امنيات صديقة عمرها مو اي صديقه
خالد وتغير وجهه ..امنيات
امل باابتسامه ..هذي سالفتها طويله اسمها جواهر وينادوها امنيات
خالد..عليكم حركات يالبنات
امل ..شو تعمل احيانا الامل بااسم
خالد ويعدل جلسته..شوقتيني شو سالفتها
امل وقالت له كل السالفه
خالد..يالله على الدنيا كل انسان له هم الله يعينها
امل..آمين
سرحت امل وخالد ينتظرها تحكي
امل التفتت عليه وهو مركز عليها وابتسمت
خالد..اكيد وصلتي عنده
امل..اوصل وارجع لنقطة البدايه بكل دقيقه
خالد..انتي الي اخترتي تذكري
امل ..صح اا المسؤله عن كل شئ
خالد..لاتعصبين اموول بس فعلا انتي اخترتي هالشئ مااحد جبرك
امل وتبتسم بحزن..ياليتكم قدرتوا تجبروني يمكن ماكان هذا حالي
خالد..اقول ياحلوه لاتقلبينها نكد هو الخسران واقولها له وبوجهه هو الخسران
امل ونزلت راسها..وانا بعد خسرت فرحتي وسنين عمري
خالد..لرفعي راسك وقاومي كل شئ وتقدرين ترجعين امل المبتسمه
امل وتوقف..يالله ندخل الجوو برد
خالد..لا انا بروح يالله اشوفك على خير سلمي عالكل
امل ..يوصل انتبه لنفسك
طلع خالد ورجعت امل لحزنها والمها وجراحها..

[زهور الريف]

الساعه حول 12 بالليل اتفاجئ سعود بوجود اخوه ابراهيم عنده بالمرسم
ابراهيم..السلام عليكم
سعود..وعليك السلام حيا الله بو عبدالله
ابراهيم وعينه على صقر..تعودنا ينام هنا اذا خالد باليت بس ايام ماكان عزوبي
سعود ويبتسم..هههههه تعبان وصعب علي خليته ينام
ابراهيم ويهز صقر مع كتفه..صقر صقر
صقر ويفتح عيونه مو عارف هو وين
ابراهيم..قم اشوف
جلس صقر وناظر الساعه واستغرب ان عود تركه نايم ..الله ليه ماصحيتني
ابراهيم..يقول انه رحمك الظاهر امك موصيته
سعود..انا الحين على بالي عامل شئ حلو يالله اشوف قم رح بيتكم
ابراهيم..مهما كان الي بالبيت لاتنام برا او تتأخر من دون علم احد امك متصله من شوي وفهمت منها لانها ماتسأل بشكل مباشر بس عرفت انها تحاول تعرف انت هنا او لا
صقر ووقف..سامحنا ياخال
ابراهيم باابتسامه..مسموح بس لاتعيدها هههههههه يالله تصبحون على خير
طلع ابراهيم وجلس عشر دقايق صقر مع سعود وبعدها قرر يرجع البيت ومثل ماتعود حصل كل شئ ظلام ولافيه احد ..
طلع صقر لغرفته وهو محتار بردة فعل مزون اول مره من تزوجها يصير هالشئ كان متوقع تكون معصبه بس تفاجئ لما دخل انها نايمه وكل شئ نظيف ومرتب مثل كل ليله ..تعوذ من ابليس ودخلل للغرفه وعدى اليوم معه مثل كل يوم ..
اما مزون صحت لصلاة الفجر ووقفت محتاره تصحي صقر او لا هي خايفه من ربي بس كان بليس بيلعب عليها وتتركه بس الحمد لله تعوذت منه وصحت صقر الي من كثر ماهو تعبان ماركز انه مزون زعلانه ومصحيته بالعكس صحى عاادي وطلع للصلاة ورجع ناام ولاكأن فيه شئ صاير ..
الصبح صحوا البنات للجامعه واستغربوا ان مزون مو موجوده معهم بس تركوها براحتها
هلا ..يممه شرأيك نروح لبيت خالي ابراهيم
ام صقر..يصير خير
هلا..ملينا من بيتنا بعدين بشوف لوحات خالي سعود
ام صقر..قصدك خرابيط سعود
هلا..حرام يمه والله روعه رسوماته
نجود..بس هذره تأخرنا
هلا..ههههههه عاادي المهم اننا ندخل المحاظره
نجود..حبيبتي ناسيه من عندنا اليوم قومي اقول الله يخليك
ام صقر..صادقه نجود قومي بس قلبتي راسي على الصبح
هلا..خلاص حتى المواهب تكبتونها عندكم
نجود وهي قايمه..مالت لى هالمواهب امشي اشوف
طلعت نجود وهلا وظلت مزون بسريرها تنتظر صقر يطلع لدوامه لكنها تفاجأت لما صحى وجلس بالغرفه الثانيه عند اتلفزيون احتارت مزون تصحى او ترجع تنام لكنها بسرعه قررت انها ..

هنا ينتهي الجزء

[زهور الريف]

الجزء الثامن ...

قررت مزون انها تسترجع نفسها وقوتها الي تربت وعاشت عليها قالت بسم الله وصحت حس عليها صقر لكنه عمل نفسه ماانتبه وهي مرت من عنده وقالت السلام عليكم ودخلت للحمام ..
طلعت وغيرت ملابسها وعدلت نفسها وناظرت نفسها بالمرايه وابتسمت بخبث وراحت عنده وعند الباب ..
مزون ..تبي فطور او شئ اجيبه لك
رفع عينه صقر لها وركز عليها ثواني وقال.. خلينا نفطر هنا
مزون وهي بتطلع..انا مو مشتهيه شئ بجيب لك الفطور الحين
طلعت مزون وانقهر صقر منها بس قال اذا رجعت يصير خير ..وفعلا رجعت مزون وحطت الاكل عنده وتوها بتطلع..
صقر..تعالي مزون ابيك شوي
جلست مزون وكأنها آله يحركها صقر فطر صقر واخذت مزون كأس شاهي وجلست
صقر..بالنسبه للي صار امس اتمنى مايتكرر حتى لو امي الي عطتك الموافقه
سكت صقر وشغل له دخان ومزون عينها عالكوب الي بيدها ولاهي مظهره اي رد فعل الا لما شمت ريحة الدخان رفعت عينها عليه بااشمئزاز
صقر..طبعا الي صار شئ غصب عني لاني ماكنت اعرف
مزون ساكته مافيه اي تعليق
صقر..افهم من سكوتك ان الموضوع انتهى
مزون ووقفت ..عمر الموضوع ماراح ينمحي من عقلي ولاقلبي وتأكد ياولد عمي اني اعرف اصونك مثل ماصنت ابوي بحياته وبمماته
صقر وحس انها معصبه..من قال انك ماتوصنين او جاب هالطاري
مزون ..والي عملته شو يعني قولي يكفيني صوتك الي سمعه كل الي بالبيت ماكان له مبرر كل الي عملته
صقر وعصب..عاادي عندك تطلعين من غير مااعرف
مزون ..بس امك الي قالت
صقر وبصوت حاد..وانا ماكنت اعرف
مزون وتأخذ نفس كامل ..الله يخليك طفئ هالقفر كتمتني
انصدم صقر من كلامها وناظر الدخان واستغرب منها اول مره يعرف انها تكره وطفى الدخان
مزون.. مزون..حتى ماكان لازم تتصرف بهالطريقه ابدا
صقر..اوكي انا غلطان بس الخطأ الاكبر عليك انتي الي وصلتيني لهالدرجه
مزون بقهر..الحين انا الغلطانه
صقر..انتهينا خلاص مشكله وصارت غصب عنا
قاطعته مزون بغضب..لا لاتتخيل انها مشكله وبتعدي ابدا بالعكس بتكون شرخ بعلاقتنا ولاتنسى انك رفعت يدك وحسستني
جلست مزون وطاح قناع القوه ونزلت دموعها
وقف صقر لاهو قادر يعتذر ولايتحرك مزون تصيح من مين منه هو صوره وحده شافها قدامه اجبرته يتقدم منها صورة عمه عبدالله
جلس قريب منها ..افا بنت عبدالله تصيح بسببنا حقك علينا هالمره لحظة غضب وتأكدي انك غاليه ولانرضى بزعلك
سكت صقر ما عارف شو يقول ولاهو قادر يحط الخطأ كله عليه عشان ترضى
صقر بعد ماسكتت مزون وقف وحط يده على كتفها ..مزون الي صار غلطه مو مهم من سببها المهم انها درس لنا الاثنين اتمنى ماتشيلين علي وصدقيني ماقصدت احسسك انك مهانه او من غير سند لا ابدا لاني اعتبر نفسي مو زوجك بس اتمنى تنسين الي صاار اذكري الله وقومي وانزلي عندنا تحت
طلع صقر وترك مزون بحالة غضب منه ومن موقفه الي موو راضي يعترف بخطأه ..وتذكرت كلامه وعرفت ان صقر مازال يعاملها على احساس التقدير لعمه المرحوم مو من اجل مشاعر خاصه يحملها لها ..لكنها قالت بقوه ولاانا احمل اي مشاعر ليه ازعل وقامت بعد ماقررت انها تطنشه وتعيش عااادي جدا

دخل صقر لصاله ولاكأن فيه غير امه ومشغله الرادوا على اذاعة القرآن سلم وحب راسها وجلس
ام صقر وتناظره ..خير يمه مارحت لدوامك فيك شئ ..؟؟
صقر باابتسامه..سلامتك بس عندي موعد عالعشر قريب من هنا قلت اطلع مره وحده
ام صقر..زين اجل مزون وينها مو عادتها
صقر مستغرب..هي نزلت وجابت لي فطور فوق ماشفتيها
ام صقر..يمكن لما كنت بغرفتي
سكت صقر وارتاحت ام صقر لانها مابتطلع له الفطور فوق الا اذا خلاص تراضوا جلس صقر منسجم مع الاخبار ودخلت مزون وسلمت على خالتها وجلست جنبها وهنا بدت تشك الخاله فيهم لان وضعهم مو ناس عادي واضح انهم زعلانين
ام صقر ..يمه صقر بنروح لبيت اخوي بكرا تغير جو
صقر..براحتكم
مزون..وانا اروح ممكن ..؟؟
التفت صقر وناظرها وعرف قصدها ..ايه ممكن
ام صقر..اذكروا الله
صقر..لا اله الا الله يمه ابوي متصل امس ويقول تعالي ابيك العصر
ام صقر ..خير ان شاء الله
صقر باابتسامة ..لا مو خير لاني ضربت بنته
شهقة ام صقر وخافت مزون..ضربتها وليه ومتى
قال لهم صقر السالفه
ام صقر..لا حول ولاقوة الا بالله انا قايله لهلا اختك بتجيب لنا المشاكل بس ماسمعت كلامي
صقر..ماهمتني والي يصير يصير
مزون ..بس ماكان المفروض تضربها
صقر ورافع حاجب..ايه المفروض اصفق لها
وقفت مزون..بكل الحالات مابيعجبك رائي اذا تشوفني ماني محترمه
طلعت مزون ورفعت ام صقر يدها لولدها..بذبحك انا ياابوي الحرمه ماينفع معها هالكلام
صقر ويبتسم لها..اجل ايش ينفع
ام صقر..اللين خلك لين معها يمه هذي بنت يتيمه ولالها احد تشكي له الا ربها والله انها كسرت خاطري امس حتى اختها ماتدري عن الي صار انت تقدر تعمل اي شئ بس هي تسكت لان مالها حيله
صقر..يمه خليتيني مجرم
ام صقر ..طلبتك وقول تم
صقر وحط يده على راسه..ليه يمه مااقدر اردك لاتقولين لي شئ مااقدر عليه
ام صقر..اذا تحبني روح سمح خاطرها بكلمتين ياابوي
صقر وانقهر بس ابتسم..اوكي بنجرب اللين ونشوف
طلع صقر للغرفه وحصل مزون ترتب الغرفه دخل وتمدد عالسرير
ناظرته مزون وانقهرت منه ماتحب ترتب وهو يراقبها لكنه قرر يستفزها قبل مايراضيها وشغل له دخان ورفعت بسرعه عينها لما شمت ريحته ولاحظ صقر انها معقده حواجبه وهذا يعني ماعجبتها الريحه كملت شغلها ..
صقر..مزون
مزون من غير نفس..نعم
صقر ووده يضحك..نعم الله عليك انتي تعرفين تطبخين ..؟؟
مزون وهي ترتب اغراضها..يعني
صقر..ليه ماعمري شفت طبخك
التفتت مزون..طبخت اكثر من مره بس انت ماميزت
صقر..غريبه والله طيب شرايك تطبخين لي اليوم
مزون وتغلي منه..ان شاء الله
صقر..طيب ماسألتيني شو مشتهي
مزون..تفضل
صقر..الظاهر ماودك تطبخين صح
مزون..اذا تبي طبخت ماتبي مابطبخ
صقر وجلس عالسرير ..شوفي اذا بتطبخين لي وانتي كذا ماابي
مزون وتناظره..كيف كذا وضح..؟؟
صقر ويأشر لها بيده الي فيها الدخان..تعالي ممكن اكلمك وانتي جالسه عورتني عيوني
مزون ولاودها قربت وجلست بطرف السرير..ايوه
صقر ويدخن ولفت مزون وجهها ..الي اقصده انك معصبه وكرهتني ولا لك خلق تشوفين رقعة وجهي واخاف تحطين لي شئ بالاكل
غصب ابتسمت مزون..ماوصلت لهالدرجه بس ممكن اوصلها
ضحك صقر بصوت عالي بضحكته الي تجرها تبتسم ..
مزون ..عجبتك
صقر..خطيره بنت عبدالله تهديد مباشر
سكتت مزون وطفئ صقر الدخان..ليه ماقلتي لي انك تكرهين ريحة الدخان
رفعت راسها متفاجئه..كيف عرفت
صقر وركز عينه عليها ..لاني اذا اتكلم مع زوجتي اركز على ادق تصرفاتها اعرف شو تحب وشو تكره
استحت مزون وحست انه يقصدها ولاقدرت ترد
صقر بااصرار..ليه ماقلتي لي عالاقل ماادخن عندك
مزون..حسيت انه مو من حقي امنعك من بيتك وغرفتك
صقر..لاحول ولاقوة الا بالله امنيتي افهم انتي متى بتدركين انك زوجتي مزون تعرفين شو يعني زوجتي جاوبيني
سكتت مزون وكمل صقر ..اسمعيني يامزون اشياء كثيره ماتعجبني فيك مثل مااشياء اكثر ماتعجبك فيني وهذا مو خطأ بالعكس هذا شئ طبيعي لكن بليز لازم نتجاوز هالمرحله الي صار امس مو سهل لاعليك ولاعلي ونحتاج وقت حتى نرجع لنقطة البدايه ونرجع نبدا بوضح لكن يد وحده ماتصفق اذا انتي شايفه ان زواجك مني شئ عادي وراح يصبح مع الايام روتيني انا اقول لك لا لان صقر مو هذا حلمه ابدا
مزون..مافهمت قصدك
صقر ووقف ..راح تفهمين لكن مو مني اذا عطيتي احساسك حقه راح تعرفين صقر لكن اذا اغلقتي على قلبك واحاسيك الباب مابتشوفين الا صورة ولد عمك الي تكرهينه
مزون بسرعه..بس انا مااكرهك
صقر باابتسامه..تحبيني....؟؟
نزلت راسها مزون ورفعه صقر..لاتستحين قوليها اكرهك بس مع الايام عالاقل راح تقبلين صقر واعتقد هذا كفايه والحين انا بطلع لشغلي وابي ارجع الاقي لي اكل من ايدك
ابتسمت مزون وطلع صقر وتركها بحيرتها

مر صقر على امه وابتسم لها وطلع مبسوط مايعرف ليه يمكن لانه رفض حياته معها وصرح بهالرفض او يمكن لانه شافها مبتسمه او لانه حاول يراضيها مايعرف الي يعرفه انه توصل لحل ان هو يرخي الحبل اذا شدته مزون ويشد اذا ارخت هي حتى ماينقطع التواصل بينهم ..
بالجامعه كانوا البنات جلسين يفطرون ومبسوطين
هلا..الله عندنا الحين شبكه
نجود..مالي خلق احضر بوقع واطلع
هنادي..ماعندكم مشرفه
هلا وتضحك..عندنا بس عادي بسرعه نلعب عليها
هناادي..ياحظكم انا عندي الحين هالعله اماني
نجود..الله يعينكم الا صدف فاتن متى زواج اخوك
فاتن..بعد اسبوعين بتجون ان شاء الله
هلا..بنجي بس بشرط اعزموا مزون عشان يوافق صقر
هنادي وفاتن..ليه شدخل صقر
هلا..ههههههههه مو تزوجها
علامة ذهول ارتسمت على وجيه البنات وضحكت نجود
فاتن..خساره تزوج اخوك المزيون بس يالله تستاهل مزون متى تزوجوا وليه ماعزمتونا
سكتت نجود وردت هلا بسرع..ماعملنا زواج
هنادي..اها طيب سلميني على مزون كثير وباركي لها
فانت..وانا بعد
نجود..هلا شوفي غاده دخل
شافتها هلا وقامت لها

[زهور الريف]

هلا باابتسامه..هلا غاده
غاده ببرود..هاي
هلا .كيفك
غاده..حلوه ماشي حالي
هلا ..سوري غاده بس والله صقر عصبي
غاده..عصبيته لنفسه مو علي
هلا وتحاول تكسب اختها..والله علينا كلنا يعصب الله يهديه
غاده..عليكم مو علي انا انسانه مالي شغل فيه ولاهو
هلا..بس هو اخوك
غاده بقرف..ماابي اخوته
هلا..طيب تعالي اجلسي معنا
غاده..لا بطلع بااي
راحت وتركت هلا واقف مذهوله من موقف غاده ورجعت للبنات وحست عليها نجود لكنها فضلت تسكت

رجعوا البنات من الجامعه وهم مبسوطين وضحك وسوالف
نجود وهلا..السلام عليكم
ام صقر ومزون..وعليكم السلام
هلا..ميتتتتته من الجوع نبي غداء بسرعه
ام صقر..بسم الله طيب بتأكلين روحي بدلي وانزلوا
مزون..وبعد بتأكلون من يدي اليوم
نجود..اجل احسن اكل
هلا ..الله ياعيني عالدلال بس اكيد مو لنا
ام صقر..بنروح العصر لبيت اخوي كلنا لاتطولون بالنوم والا بنروح ونخليكم
سحبت هلا نجود..طيب
عالدرج وهم طالعين
هلا ..اخيرا بتشوفين مرسم خالي سعود خيال
نجود..رسم لوحات نشوفها كثير
هلا باابتسامه..اتحداك لوحات سعود تحكي
ضحكن نجود..كيف
هلا وتدفها..بتشوفين اذا رحنا
قامت مزون بتقول للخدامه تجيب للبنات غداء
ام صقر..خليها تعمل حسابي
مزون مستغربه..ماراح تنتظرين صقر ونتغداء مع بعض خالتي
ام صقر..لا والله ودي انام شوي بتغداء مع البنات
تغدت ام صقر مع البنات ودخلت غرفتها ترتاح
نجود..الله يامزون تسلم ايدك
هلا..فنانه صراحه يعطيك العافيه
نجود..انا تعبانه بطلع انام
هلا..بكمل المسلسل والحقك
جلست مزون مع هلا تتفرج على المسلسل وسمعوا صوت صقر ودخل
صقر..السلام عليكم
هلا ومزون..وعليكم السلام
صقر..وين امي اجل ..؟؟
هلا..تغدت ودخلت ترتاح شوي
صقر..ليه فيها شئ
مزون..لا مافيه شئ بس تقول ودها تنام شوي
صقر ويجلس ويشيل شماغه
هلا وتكتم الصوت وتوقف بتطلع..يالله بروح انام واخليك تتغدا غداء جنان طبعا هو مو لنا لك بس ان شاء الله تدلعك على طول
ضحك صقر وطلعت هلا وقامت مزون بتطلع
صقر..مزون
التفتت مزون..نعم
صقر ..طبختي وانتي راضيه علي
مزون وتبتسم..كلهم تغدوا ماصار لهم شئ
ضحك صقر وطلعت مزون تجيب الغداء وابتسم صقر لانه فهم تصرف امه وانها فضلت تخليهم على راحتهم

تغدأ صقر ومزون بهدوء وبعد ماانتهى صقر..تسلم ايدك بصراحه نفسك حلو بالطبخ
مزون..شكرا
صقر ..لا ماابي شكرا
مزون مستغربه..اجل
صقر باابتسامه..اي شئ الا الكلمات الرسميه شكرا نعم تفضل
مزون..مافيه لهم بديل
وقف صقر..فيه بس اذا حبينا الشخص الي نكلمه
مزون..يمكن
صقر..المهم بتروحين مع اهلي لبيت خالي صح
مزون..اذا ماعندك مانع
صقر..شوفي انا مابمنعك بس بعطيك خيار ثاني
مزون ..الي هو
صقر وهو عند باب الصاله..راح اعرف رايك اذا صحيت والخيار اننا نطلع مع بعض اليوم طبعا اذا صحيت وانتي موجوده فهذا اختيار لصالحي اما اذا ماحصلتك فهذا شئ طبعا يتعلق براحتك
طلع صقر بعد ما حير مزون وخلاها بااختيار صعب ..لكنها قررت تتصلح بجواهر تتطمن عليها وتسألها

مزون..هلا والله بهالصوت
جواهر..هلا فيك شلونك
مزون..تمام وانتي ان شاءالله احسن
جواهر..الحمد لله بعلك كيفه
مزون..هههههه حلوه بعلي عندي سالفه بأخذ رايك
جواهر..قولي
قالت مزون السالفه لجواهر
جواهر..وانتي خبله ماتحتاج طبعا بتطلعين معه
مزون..بس بينا مشكله
جواهر..يمكن بيراضيك
مزون..لا خلاص راضاني
جواهر..ياللله طيب
مزون..انا بداخلي مو راضيه
جواهر..واظهتري له انك رضيتي
مزون..تقريبا
جواهر..اجل مو مشكلته لاترفعين ضغطي اطلعي وانبسطي وانسي طالما رضيتي
مزون..خايفه
جواهر..خايفه تحبينه صح
مزون..لا
جواهر..لاتلعبين على نفسك انتي خايفه تحبين صقر مزون هذي حياتك صقر مو محطه وتنتهي صقر زوجك وبكرا ابو عيالك وكل حياتك حبيه عاادي هذا زوجك
مزون..خايفه
جواهر..اذكرك بكلام كنتي تقولينه زماان اي تصرف ترغبه من شخص تصرفه معه وانتي تبين حب صقر حتى لو انكرتي صقر مابيحبك الا اذا حسن بحبك
مزون..ليه مايصير العكس
جواهر..يصير بس قليل بمجتمعنا
مزون..يصير خير السبت بداوم
جواهر ..حلو وانا
مزون..اوكي اخليك الحين واكلمك بكرا يالله بااي
جواهر..الله معك
قررت مزون انها ماتروح معهم وتطلع مع صقر لكن مو من اجل تتقرب من صقر وتحبه ..لا خافت ان صقر يبعد اكثر عنها وهي تحتاج قربه منها لانه يحسسها بالامان بعد اله وهالشئ مزون افقتقدته بعد وفاة امها وابوها ..جلست العصر بالصاله وقت طلعت البنات مع ام صقر
نجود بصوت واطي لمزون..احس شكلي غلط وانا رايحه معهم
هلا بصوت عالي ..سمعتك يمه نجود تقول احس شكلي غلط معهم
ام صقر وبنظره حنونه لنجود..اذا ماتعدني مثل امها لاتروح
التفتت مزون تشوف رد فعل نجود الي ابتسمت..لا خالتي مو قصدي بس استحي
ام صقر..من مين من امل الي قبلها عندنا او نوره يابنتي انتي منا وفينا يالله مشينا انتبهي مزون للبيت
هلا..وين تنتبه وهي بتطلع
سحبت ام صقر هلا ..امشي وخلي الكلام الفاضي
ضحكت هلا وطلعت والتفتت نجود لاختها..انبسطي عيشي لحظات حياتك
ابتسمت مزون لاختها وطلعوا وظلت هي تفكر بكلامهم ..

في بيت ابراهيم استقبلتهم نوره ام عبدالله
نوره..هلا ومرحبا حياا الله من جانا
ام صقر..الله يحييك ياام عبدالله
نوره..تفضلوا مافيه احد يلبنات العيال كلهم برا خذوا راحتكم
هلا..بروح لمرسم سعود تعالي نجود معي
امل..لاتفرحين قفل المرسم لما عرف انك بتجين
هلا..بسم الله وانتي ماتجبين الا الاخبار الشينه
امل..ههههههههه والله اول ماعرف قفلها وطلع قبل ماتوصلين
نجود..ليه طيب
امل..لان هلا ترفع ضغط سعود اول شئ تقلب المرسم فوق تحت وثاني شئ يقول تقرأ اللوحات بشكل غبي
هلا ومعصبه..والله هو يرسم بطريقه صعبه
امل..مايقرأها الا الي عندهم احساس
هلا..واكيد مو عندك
امل..ولا عدك بس يمكن نجود بس خساره مره ثانيه مابنقول له انك بتجين
نجود..ماسألتي عن مزون
امل بااستغراب..صح وينها
هلا وتضحك..حركات صقر قالها انه بيطلع معها اذا تحب وطبعا اختارته
سكتت امل تفكر وبعدين استأذنت وطلعت غرفتها
طلعت امل واتصلت بمزون الي استغربت اتصال امل
مزون..هلا والله
امل ..اهلين بالشيخه ليه ماخيتي
مزون..مو معقوله نجود وهلا ماقالوا
امل..امممم بصراحه قالوا بس قبل مااقول لك ليه انا متصله بسألك سؤال
مزون..الله يستر قولي
امل..انتي تعتبريني شخص ممكن يكون مرآتك او لا من اقارب زوجك ومفروض مااكلم معك واتعدى حدودي
مزون..لاشدعوه امل انتي تعرفين اني احكي لك عن صقر وعني اكثر من مااحكي لأختي
امل ..حلو اجل بختصر الوقت واسألك ليه وافقتي تطلعين مع صقر
مزون..بصراحه حسيتها شينه اني مااوافق وغير كذا خفت يزعل
امل..حلو طيب صقر لما قال لك بنطلع باامانه ماحسيتي انه اتخذ خطوه ايجابيه
مزون..صح بس الى الان مافهمت
امل..مزون انا بصراحه ابيك تحسسين صقر بهالطلعه انه مقصر معك
مزون..شلون
امل..يعني ابيك تلبسين وتعملي وتعملي ميك اب مثل يوم العزيمه
مزون..ههههههههه تخيلي
امل وبقهر..ليه اتخيل مايصلح الوحده تلبس لزوجها
مزون..يصلح بس اخاف يقول مسكينه ماصدقت اقول لها بنطلع
امل..بالعكس خليه يحس انه مقصر معك
مزون..لاصعبه احس بيضحك علي
امل..اسمعي طيب اعملي شئ غير مو نفس اللبس والشكل المعتاد
مزون..اممممم بشوف
امل..تعرفين الون الي يحبه صقر
مزون..لا
امل..يحب العنابي ومليون الف مره قالها ماشفتيه وقت ماكنا نتفرج عالمباراة قال بشجع قطر عشان اللون
مزون..ههههههههههه صح بس مافهمت قصده
امل..الحين فهمتي طبقي بليز بس لاتنسيني من النتائج ههههه
مزون..ولايهمك تسلمين امل
امل...بالخدمه انا دائما يالله بيذبحوني تأخرت عليهم فمان الله
مزون ..الله معك

[زهور الريف]

انبسطت امل لانها قدرت تغير مزون عااساس تحسس صقر بتقصيره صح مو هذا قصدها بس هذا بمصلحتهم الاثنين
بالصاله ماكان فيه غير ام صقر والبنات وسمعوا صوت واحد يقول ياولد
ام صقر..ادخل ابوي مافيه احد
تغطوا البنات ودخل عبدالله ونزل راسه لما حس فيه احد وقرب عند عمته وحب راسه وجلس قبالها
عبدالله..نور البيت والله ياعمه وينك من زمان عنا
ام صقر مبتسمه..اننا الي من زمان والا انت
عبدالله..مقصر حيييل بس شسوي اشغال
ام صقر..حتى مرني ساعه عالاقل
عبدالله ..من عيوني
امل..عبادي وصلت
عبدالله ووقف..لاخيالي بس وبعدين للمره الالف اقولها مو حلوه منك عبادي
امل...هههههههههههههه مردود عبود
عبدالله ويضحك..ايه عبود تصلح التفتت لعمته..تأمرين على شئ ياعمه
ام صقر..سلامتك ابوي
عبدالله ..الله يسلمك من كل شئ عن اذنكم
طلع عبدالله والتفتت نجود لهلا تسألها عنه
هلا..عبدالله ولد خالي خطير صراحه مرره طيب
نجود..شكله
هلا..بس ملتزم
نجود..واضح بس شكله مو ملتزم مرره
هلا..لو تسمعنا نوره بتقول لنا ليه هالتسميه هذا دينا والمفروض كلنا كذذ
نجود..والله اني احبها
هلا..نوره مافيه احد مايحبه
ام صقر..احشموا الجالسين مو زين تساسرون بالمجلس
هلا..ههههههههههه اسفين يمه خوفتينا
ام صقر..احسن
امل ..تعالوا بنات معي فوق شوي
طلعوا لبنات مع امل لكن نجود وقفت وهي متغطيه بالصاله سمعت صوت من غرفه عالي وواضح انه مسجل يقول ..اقرعوا ابواب السماء ..اقرعوا ابواب السماء ..اقرعوا ابواب السماء ..الدعاء لله انتبه بيد انحطت على كتفها من اجمل وجه مبتسمه..
نوره..شريط مره حلو بعيط اياه قبل ماتروحين
ابتسم نجود ودخلت مع البنات وكل تفكيرها مع كلمة اقرعوا ابواب السماء ــــــــــــــــــــ
بالبيت ظلت مزون محتاره بكلام امل ..ماتعرف ساعه تحس انها محتاجه تتحرر من الحزن والجمود بداخلها ..وساعه تحسه امان لها ولقلبها وحمايه لمشاعرها ..احتارت وظلت تتأمل بعد ساعه ملابسها محتاره شو تلبس وشو بيكون رد فعل صقر لكنها قالت بتتحدا نفسها وبالاخير قررت لا انها تكون عاديه وفعلا لبست عادي لكن شعرها ووجهها كان فيه فيه ابتسامه واضحه ..جهزت مزون وجلست بالغرفه تنتظر صقر وحست بصوته وخافت اكثر وظلت على اعصابها ولما دخل حاولت تعمل نفسها عادي لكنها ماقدرت تمنع حمرة خجل لونة ووجهها من نظرة صقر الي بترت سلامه ..
صقر بعد صمت ثواني..السلام عليكم
مزون..وعليكم السلام
صقر باابتسامه ..افهم انك اخترتي تطلعين معي او كل هالزين لبيت خالي
سكتت مزون لانها فعلا انحرجت وماقدرت ترد
صقر ..اوكي دقايق ونطلع
مزون..تحب اعمل لك شئ قهوه او شاهي
صقر..لا بنتقهوا برا
طلع صقر ومزون وكانت طلعهتم حلوه هاديه كانت اقرب للحوار تعارف بين ولد عم وبنت عمه
صقر..ممكن اعرف مزون عن حياتك ببيت عمي
مزون باابتسامه..كنت اميره
صقر ويبتسم..واضح بس اشرحي لي كيف
مزون..من كنت طفله قدرت اميز بين الصح والخطأ كانت عندي اخطأ لكن طريقة معالجة الاخطاء من ابوي خلتني مااخجل او اخا من اخطـأي بالعكس كنت اكتشف شئ جديد مع الخطأ
صقر..شلون
مزون..لما كنت اعمل شئ خطأ مااعرف لكن بعد اقل اشاره افهم اخاف لكن ابوي يوضح لي الخطأ وعواقبه بااسلوب قريب لعمري لكذا احس بفرح
صقر..ايووه
مزون..كبرت وكبرت احلامي ماكان ابوي يشوفني بنت مكانها البيت ومالازم تطلع او تتفتح بالعكس كان يقول انتي مزون بنت عبدالله وهالاسم كان يعني لي الكثير احس بحجم عبدالله واسعى اني اصونه
صقر..طيب لو احد قال مزون زوجة صقر
مزون وتغيرت تعابير وجهها..اكيد بصونه
صقر..لا اعرف انك بتصونيه لكن بتكوني فخوره فيه مثل عبدالله
مزون بعد لحظة صمت..اكيد انت ولد عمي
صقر..بس انا زوجك الحين
سكتت مزون وقال صقر..مابجبرك مزون بس عندي امل بيوم اشوف بعيونك لمعه حلوه لها معنى احلى
ابتمت مزون وسكتت وظلوا ساكتين صقر عينه على مزون ومزون تحاول تتلاشئ تلاقي عيونهم ..

بالسياره كان صقر ساكت لكن مزون قالت بلحظه
مزون..صقر ماعليه نمر العثيم
صقر مستغرب لانها اول مره تطلب..اوكي بس لازم العثيم
مزون..احبه احسه عائلي واخذ راحتي فيه
صقر مبتسم..كيف عائلي
مزون..يعني كل الموجودين فيه عوائل او اغلبه وهالشئ مريح لي لو بالنظر
صقر وبعفويه احرجت مزون..يالله عقبال ماندخله بعيالنا
سكتت مزون وابتسم صقر وكمل..تصدقين مزون لاول مره افكر بهالشئ
مزون ومازالت منحلرجه ومنصدمه من كلمة عيالنا..شو
صقر..انه نكون عيله وفيها اطفال
سكتت مزون لانها ماقدرت ترد بس كمل صقر وقلبها ضحك..الله بس اسمعي انا عكس الكل انا ابي بنات ابي سبع بنات
مزون وتضحك..الله سبع بعدين تطفش منهم وماتحس بغلاهم
صقر ويضحك..لاتخافين مابيأخذون غلاتك
مزون..لاهين مابخااف
صقر ويرفع حاجبه..الله عالثقه
مزون وتلتفت عليه ..ليه اخذتها عالجانب الايجابي
صقر وتغيرت تعابير وجهه ..شقصدك انه مالك غلا
سكتت مزون وسكت صقر
مزون..امزح لاتقلبها جد
التفت صقر..الايام راح تثبت لك غلاك عندي
مزون..والله امزح
صقر..بصدقك تعرفين ليه
مزون بحماس ليه
صقر..لاني واثق انك تعرفين انك غاليه عندي
سكتت مزون لانهم وصلوا وهالشئ انقذها من الرد على صقر الي رجع يبتسم ويضحك معها .
انتهت السهره حلوه ورجعوا شبه راضين عن بعض ..

البنات رجعوا للبيت بعد ماسهروا عند امل سهره حلوه وهم طالعين حست نجود بيد نوره بيدها من غير مااحد يحس وهالتصرف خلا نجود تحب نوره اكثر واكثر لانها راعت احساس نجود ولاحبت تقدم لها الشريط قدام الكل ..
رجعوا وظلت نجود تفكر بحالها كيف انه مو قادره حتى تسمع شريط على راحتها انحرمت من الامان والحنان وحتى الخصوصيه وحرمت هلا معها التفتت على هلا وشافتها وقالت يالله ياهلا شكثر انتي طيب وحنونه جيتي على نفسك لخاطري تحملتي مشاركتي لك بكل شئ حتى بغرفتك وخصوصيتك ..

في بيت ابراهيم جلست امل وسعود يسولفون ..وانتبهت امل لنوره وقالت لها من بعيد..
امل ..نوره شو عطيتي نجود شفتك شريط صح
نوره..ولاشئ
ضحكت امل لانها تعرف نوره ماتتكلم بوجود سعود كثير الا اذا اضطرت
سعود..يالله عالقافه
امل..استغربت ليه نجود تعطيها احسها ماتتقبل
سعود..تتقبل ايش
امل..نوره تعي نجود شريط يعني اكيد انها تنصحها مع ان هذا مو اسلوب نوره
سعود ..ليه هي مو مضبوطه
امل بصوت عالي..وجع على هالتفكير اي بنت ينصحونها مو مضبوطه
سعود...ههههههههههه لا مااقصد المعنى الي فهمتي اقصد انها تحتاج احد ينصحها
امل..مافهمت قصدك بس بالعكس نجود انسانه بحالها دائما بعيونها دموع محبوسه
سعود ويرفع حاجبه..الله وليه
امل..احسها كذا يمكن لان اختها متزوجه او لانها تحس انها غريبه خصوصا انها مقيده بوجود صقر
سعود..بصراحه ماالومها البنت بوضع صعب
امل..بس هي مع اختها
سعود..واختها مع زوجها وحياتها
امل..وهم عيال عمها
سعود..بس علاقتهم كانت رسميه جدا قبل
امل..والله انها تكسر خاطري
سعود..اكسري خاطر نفسك اول
امل وعصبت ..تعرف سعود اني بديت اكره الجلسه معك
سعود..هههههههههههه امزح ارجعي
امل..مزحك ثقييييل الله يعين زوجتك
سكت سعود وكملت امل..عرفت ان المزح يجرح
طلعت امل وظل سعود يفكر بكلامها لكنه ماقدر على طول سيطرت على فكره عبيروقطع تفكيره رنة التيلفون وابتسم لما شاف الرقم
سعود..هلا
هلا..نعم
سعود..هههههههههه مشكله اسمك
سعود..اصلا زعلانه عليك وين امل
سعود ومبتسم..افا ليه زعلانه
هلا..انت عارف
سعود ..لا والله سعود
هلا..هههههههههههههه لازم تخليني اضحك بس حرام عليك تفشلني اليوم وتقفل المرسم
سعود..حرام تظلمين احساسي
هلا..طيب معي نجود والله احساسها خطير تنعكس الصوره بعيونها
سكت سعود ماعرف يرد لانه تذكر كلام امل عن دموع نجود وربطه بكلام هلا
هلا وتلتفت على نجود الي مستغربه..اكذب عليه لاتصدقين
سعود..سمعتك متى بتكبرين وتتركين الكذب
هلا..وليه اكبر
سعود..آه عليك خليك يالصغيييره
هلا وتضحك بصوت عالي..امووت على الاسم من زمان ماقلته
سعود..لاني من زمان ماحسيته
هلا..ادري انك تهزئني بشكل غير مباشر بس اهم شئ ان نجود طلعت ماسمعت شئ
سعود..سمعت ليه تكلميني من السبيكر
هلا وتلعب عليه..ايه فيها شئ
سعود وبرد جامد..لا بس ماوضح
هلا ..طيب امل وينها
سعود..بغرفتها
هلا ..خلاص اكلمها بعدين بس ترى اكذب نجود ماسمعت شئ
سعود ووده يذبح هلا..ان لعبتي علي مره ثانيه بذبحك
هلا..بس نجود حبيبه عادي اذا تسمع
سعود..هلاااااا مع السلامه
هلا وتضحك..مع السلامه

[طفلة]

قصة جدا رائعة.
بس وين ومتى نقرا النهاية يا زهور الريف؟
شوقتينـــــــــــــــــــــــــــــــــــــا......

[زهور الريف]

اما امل دخلت غرفة وعيونها ملياانه دموع وقفلت الباب وتسندت عليه ودها تصرخ بوجه سعود ودها ترفض وتعبر عن معاناتها لكنها ماقدرت ..مشت وفتحت الدرج وطلعت برولز صغير يحمل صوره عمرها ست سنوات حضنتها وبكت ..صاحت امل الطفله الي عيونها مليانه فرحه..صاحت سلطان ولد العم الي رفض كل البنات واختارها صاحت ست سنوات لو عاشتها معه كانت بتكون من اجمل واروع سنين عمرها ..صاحت امل هالليله مثل غيرها من الليالي لكن هالليله غير نامت والصوره معها بحضنها تواسي بعض المها ...
صحت امل اصبح على صوت عيال اخوها وازعاجهم طلعت مستغربه وقفت عالباب
امل ..شفيكم
طلع سعود..بسم الله شفيك شكلك نكته
امل..شعندكم عالصبح عندكم حالة استنفار وانت وين رايح وكاشخ
سعود باابتسامه..بروح عندي موعد غاااااااي على قلبي بااي
استغربت امل سعود مبسوط وعنده موعد من زمان ماشفته بهالحاله توها بتدخل غرفتها وترجع تناام لكنها شافت نوره طالعه بعباتها
امل..وين بتروحين بجلابيتك عالصبح
نوره باابتسامه..بيت اهلي
امل مستغربه ..ليه
نوره لاول مره ماتعرف ترد سكتت بعدين قالت ..سلطان راجع بعد ساعتين
نوره بصوت مخنوق ..سلطان
الجزء التاسع ..

دخلت امل غرفتها ولافيه غير اسم واحد تردده ..سلطان ..سلطان
وبعد مااستوعبت ان سلطان راجع جلست بوسط الغرفه وصاحت ..صاحت بدموع قهر وظلم ..بدموع خوف ووحده ..صاحت لانها شافت نظره غير بعيون سعود ..صاحت لانها حست انها انسانه غير مرغوب فيها ..صاحت لانها المفروض اقرب وحده لسلطان لكنها ابعد وحده ..صاحت وهي تتلفت وتقول ..وحيده باافراحي واحزاني وحيده من صغيري لاجراحي يداويه انسان ولافرحي يعيشه معي اقراب ..صاحت وهي تشوف عذاب ست سنين ينعاد قدام عينها بثانيه ..صاحت قسوة الاخ الي المفروض يأخذهها بحضنه لكنه خذلها ..
لكنه بصعوبه قامت ومسكت جوالها واتصلت
خالد ..هلا والله
امل بصوت واضح انه يتعذب وبدموع..خالد مااقدر تعبت
خالد ووقف وطلع ..امل شفيك
امل..وتصيح.......
خالد..ردي خرعتيني
امل بدموع ..سلطان راجع اليوم
خالد..خوفتيني ياامل واذا رجع
امل..ذبحني سعود ياخالد ذبحني تخيل انه ماقالي بالصدفه عرفت من نوره انا الي مفروض اعرف
خالد..لا مو المفروض تعرفين خليك واقعيه
امل وتصيح..لاتصير ضدي معهم وانت تعرف غلاة سلطان
خالد..انا اعرف بس هم مايعرفون سلطان نفسه مايعرف
امل ..حتى المفروض اعرف
خالد..اذكري الله وانا شوي وارجع اكلمك ..

في بيت ام صقر هلا راحت للجامعه بعد مااستغربت من نجود الي قالت انها مصدعه ولاهي رايحه ولاكان فيه غير مزون وصقر بغرفتهم لكن نجود الي ماكانت مصدعه حست بالتيلفون وطلعت لانها استغربت من الاصرار عالاتصال وطلعت ترد
نجود..الوو
خالد..هلا من معي
نجود مستغربه..عفوا مين
خالد..انا خالد مزون
نجود وانحرجت ..لا انا نجود
خالد..هلا والله بالله هلا وينها ماترد على جوالها
نجود..بالجامعه
خالد..اها يعني مارحتي طيب ممكن خدمه نجود ضروري
نجود..تفضل
خالد..ابي صقر ضروري الحين وجواله مقفل تقدرين تقولين لمزون تخليه يتصل بي
نجود..ان شاء الله الحين اقول لها
خالد..اوكي مشكوره بنت عمي بس امي لاتدري اوكي
هلا..اوكي
خالد..فمان الله
نجود ..الله معك
قفلت نجود واستغربت وطلعت تطق على اختها الي استغربت من وجود نجود لكنها صدقت انها مصدعه
مزون..اوكي الله يستر بقول له الحين
نجود..اوكي
مزون..اذا طلع صقر جيتك
ابتسمت نجود ودخلت مزون لصقر الي استغرب من هالشئ وجلس عالسرير وعنده مزون واتصل بخالد
خالد..هلا والله
صقر..هلا خير فيك شئ
خالد..مافيني شئ بس امل تعبانه
صقر عقد جواجبه ..امل شفيها
خالد..انت عارف اكيد ان سلطان راجع اليوم
صقر..امس بالليل قالي سعود وين المشكله
خالد ومعصب..والله مااعرف سعود متى بيراعي شعور اخته امل عرفت ان سلطان راجع ومنهاره وتصيح فياليت اذا تقدر تخلي مزون تروح لها
صقر..الحين
خالد..ياليت لان ام عبدالله راحت لاهلها وسعود طلع وانا خايف على امل وياليت امي ماتدري عن شئ
صقر..اوكي ولايهمك الحين نروح لها
خالد..وطمني اوكي
صقر..اوكي الله معك

سكر صقر والتفت على مزون الي واقفه مستغربه ولاهي فاهمه اي شئ ..
صقر..مزون ماعليه تروحين عند امل الحين لانها تعبانه
مزون..شو فيها
صقر..سالفه طويله اختصارها ان سلطان راجع الي هو زوجها اليوم
مزون مازالت مستغربه..طيب مو هو مطلقها
صقر مستغرب ..لا من يقول
مزون ..طيب بروح بس فهمني
صقر ..اقول ك بالسياره يالل ما معي وقت
طلعت مزون من غير ماتعرف اختها وهالشئ اعطى نجود احساس غير ..توقعت مزون تجاهلتها ورجعت تنام ولاحتى فكرت فيها وهالشئ زاد المها لكنها بتردد قامت وشغلت الشريط وجلست عالارض وبدت تسمع وتحس بخوف ..تتلفت بالغرفه ..وشوي شوي بدت تزل دموع لحد ماانهارت صاااحت نجود بألم ماصاحت على امها ولا ابوها ولاعلى فقدان اختها ..صاحت لانها ادركت انها اتعبت نفسها والرحه بين ايدينها..صاحت لانها نست ان فيه رب كريم عظيم..صاحت لانها انجرفت مع الاغاني واحساسها الكذاب وقدرت تتصور انها انسانه معذبه..صاحت وهي تشوف الحل بين ايدينها وهي تتعذب من شهور ..صاحت نجود وهي تقول اقرعوا ابواب السماء ..اقرعوا ابواب السماء ..اقرعوا ابواب السماء ..بلحظه قامت نجود وتوضت وصلت ورفعت يدينها لربها ..قالت ودعت فضفضت وتكلمت ..وحست براحه غريبه راحه مايحس فيها الا الانسان الي يرفع يدينه لربه بغفله عن الناس يدعي ويتوسل ويتذلل لخالق سبحانه ..
صلت نجود وحطت رأسها ونامت مرتاحه من بعد فتره كانت ماتنام الا بدموع خوف وضياع نامت بدموع حب واحسس بالسعاده ..

وصل صقر ومزون لبيت خاله ودخل معها بس وصلها لغرفة امها وطلع لانه رفض انه يحرج امل ..دخلت مزون ومن شافتها امل ارتمت بحضنها وصاحت ..
مزون..بس ياامل اذكري الله
امل..لاول مرره احس فيه احد ممكن يكون بقربي بمشكله الكل يشوفني انا الغلطانه فيها
مزون..امسحي دموعك انتي ياامل من عرفتك قويه والي صبرك ست سنين كاتمه المك بداخلك مابيخليك تتحملين ايام
امل بحزن..ايام لا ماتعرفين سلطان مثلي خلاص سلطان كرهني ولاالمساله مسألة ايام بالعكس يمكن تكون سنين
مزون..الي الله كاتبه بيصير اهم شئ انتي مو مبسوطه انه راجع
امل..مبسوطه بس محروق قلبي من تصرفهم معي
مزون..امل انا مااعرف الكثير عن موضوعك لكن بقول لك شئ مهم ..لاتخلين احد يشوف ماوراء القناع الي لبستيه ست سنين الا اذا ضمنتي انك راح تكسبين
امل..مزون مااقدر احس اني مو قادره
مزون...بتقدرين قومي يالله وخلينا ننزل نجلس تحت وماتدرين بكرا الايام تكون احلى
امل وتوقف وتمسح دموعها..مااعتقد فقدت الامل بس الشكوى لله
مزون..امل خلي عندك امل وبكرا بااذن الله احلى بس انتي خليك قويه
قطع عليهم جوال امل الي ردت..
امل..هلا والله
خالد..هاكيف الوضع اوكي
امل..مازلت مقهوره بس مابيدي حيله
خالد ويضحك..بكرا بيندم واذكرك مزون عندك
امل..ايه ليه تزعجهم عالصبح
خالد..ماتهون علي امل
امل باابتسامه..تسلم والله
خالد..يالله وسعي صدرك واخليك الحين
امل..الله معك

جلست مزون مع امل تسولف معها بعد ماهدت ..لكنها مازالت تسرح وتحس بدموع بعيونها وتحاول تشغلها وتغير الموضوع عليها ..وقطع عليهم صوت جوال مزون الا استغربت لما شافت رقم امنيات..
مزون..هلا وغلا
جواهر..مليون هلا شلونك
مزون..تمام بالله كيف عرفتي اني صاحيه مو عاده تتصلين هالوقت
جواهر وتضحك..خالد قالي
مزون انصدمت وماعرفت شو تقول..ن..نعم
جواهر..خالد اخو زوجك
مزون ارتبكت وناظرت امل الي استغربت ارتباك مزون..كيف
جواهر..عادي اتصل علي
مزون..جواهر بلامسخره
هلا..تكذب عليك
مزون..بسم الله منين طلعتي
هلا..ههههههههههه صادفتها وجلست معها لان ماعندي شئ واتصل خالد وقالي السالفه وقررت انا وياها نعمل فيك المقلب بس ماتهونين علي
مزون..والله خفت الله يأخذ عدوانكم
هلا..اسفين زوجة اخوي امل شلونها
مزون..تماام عندي الحين
هلا..حطي سبيكر..هلا اموول شلونك
امل تبتسم..الحمد لله
هلا..خلاص فكيها مايصير معصبه
امل..ان شاء الله عمتي
هلا..امل بصراحه ماانتي مبسوطه
التفتت مزون على امل الي ابتسمت..اكيد دامني اسمع صوتك
هلا..ههههههههههه طيب يالله خسرا البنت
جواهر وتأخذ جوالها..هلا امل ماعليك نها
امل..هلا جواهر شلونك
جواهر..تماام
امل..جواهر بطلبك طلب ولاترديني
جواهر..اذا اقدر من عيوني
امل..ان شاء الله تعالي عندي بكراا مع البنات
سكتت جواهر وكملت امل..حاولي والله نغير جوو
جواهر..مااوعدك بس بشوف
امل..حاولي البيت مافيه الا انا والبنات بس
جواهر..خير ان شاء الله
امل..ومزون بتكلم الوالده تقولها صح مزون
مزون..صح وخالتي ماترد لي طلب
جواهر..طالما اتفقتوا مع السلامه
مزون..الله معك
التفت مزون لامل..غريبه شعندك عالعزيمه المفاجئه
امل..ودي اتعرف عليها اكثر وودي انسى
مزون..طيب ماودك اتصل بصقر
امل وتضحك..اتصلي بس لايعرف اني عندك وشوفي هو وصل وكيفه
مزون وتتصل بصقر
صقر..هلا
مزون..اهلين صقر شلونك
صقر..تماام كيف الوضع
مزون..الحمد لله اوكي وانتم وصل سلطان
صقر..ايه
مزون..وان شاء الله بخير
صقر..الحمد لله
مزون..وينكم فيه
صقر..تماام
مزون..ههههههههه عندك الحين
صقر..اخيراا
مزون..اوكي اسفه يالله مع السلامه
صقر..الله معك
التفتت على امل الي ابتسمت ابتسامه حزينه وقامت..

[زهور الريف]

بالجامعه كانت هلا جالسه مع جواهر الي التقت معها بالصدفه

هلا..ياحياتي مزون صدقتك
جواهر..خبله كانها صدقت والا انا شجابني لاخوك
هلا..حتى ولو استغربت
جواهر..والله اشتقت لها
هلا..تعالي بكرا والله خاطري امل تنبسط ونجتمع عندها على ان عندي لها مفاجئه جناان
جواهر بحماس..شو مفاجئته
هلا..خالد اخوي بيرجع بكرا ولمدة شهر
جواهر..طيب واذا رجع
هلا..لا علاقة امل بخالد غير عنا كلنا
جواهر..احس صعبه تكون البنت قريبه من احد اقاربها او اخوانها
هلا..بالعكس انا بالنسبه لي خالد مو اخوو بعكس صقر الي امزح واضحك معه بس مستحيل اخذ راحتي معه بالكلام
جواهر..يعني ممكن تكلمين اخوك عن اي يضايقك
هلا..بصراحه مع خالد تعودت عالصراحه لانه هو كذا قريب من القلب ويحسسك انه مهتم بكل كلمه تقوليها
جواهر مبتسمه ..الله يخليكم لبعض
هلا..تسلمين يالله انا بروح موعد محاضري خلينا نشوفك بكرا اوكي
جواهر..بحااول
هلا..ان شاء الله بااي
جواهر..باي

عالظهر نزلت نجود ولاحصلت احد ولاحتى ام صقر واستغربت وطلعت ثانيه للغرفه ..
اما مزون مرها صقر وهم بالسياره
صقر..كيف الوضع
مزون..احسن بس مازالت شوي متضايقه
صقر ويتنهد..الله يعين
مزون..ولد عمك كيفه
صقر..ماعليه مبسوط ومروق انه راجع خلاص
مزون بحماس..ماسأل عن امل
صقر..ماسأل وهو بعيد يسأل وهو قريب
سكتت مزون مع انه ودها تعرف التفاصيل اكثر لكنها احترمت صمت صقر وامل ..

وصلت البيت وطلعت لاختها وحصلت تكتب وقفلت الدفتر بمجرد مادخلت مزون

نجود..بدري توك تصحين
مزون..لاحرام كنت طالعه
نجود مستغربه..طالعه وين
مزون..رحت لامل
نجود وانقهرت..وانا على بالي بتجين عندي
مزون وتضحك..افهمي اول بعدين ازعلي
قالت لها السالفه واستغربت نجود وزاد فضولها لمعرفة حكاية امل لكنها قالت كل شئ بوقته حلوو


في بيت ابو سلطان الكل كان جالس فرحانين برجعت ولدهم
ام سلطان..واخيرا يمه رجعت لي
سلطان يبتسم ويحضن امه..ايه والله اشتقت لك يالغاليه
نوره..واحنا بعد يااخوي مو كل لامك
سلطان..هههههههه ام عبدالله كبرتي ولدك رجااال
نوره..لا ماكبرت بس انا اصلا متزوجه بدري
سلطان ويقاطعها..لاتحااولين
عبدالله..ياخاال
سلطان ويأشر له..لاتقول ياخال قل سلطان رجاء
عبدالله..تخااف نكبرك
سلطان..لا بس لاتقول
ام سلطان..وين سعود اجل ليه مانزل يتغدا معك
عبدالله..لارجع للبيت مافيه غير امل
الكل التفت على سلطان الي حاول مايبين ردت فعله لكنه فشل وبان على وجهه ارتباكه
نوره..مابتطلع ترتاح سلطان
سلطان وجات اللحظه الي كان خايف منها لكنه ابتسم..الا ساعه ونازل لكم

طلع سلطان لغرفته وثواني وقف عند الباب بعدين دخل شغل الانوار وغمض عيونه لان الصوره كان مقابله له ..صورته مع امل بيوم زواجهم قرب لصوره ووقف عندها دقايق طويله بعدين قال بهمس..اشتقت لك
التفت عاليمن وهنا كانت النهايه هنا قالت كلمتها ..التفت عاليسار هنا قال كلمته لكنه مشى وفتح الدرج وحصل اغراضها بالضبط مثل ماكانت ..الكل احترم رغبة سلطان بأن غرفة تظل مقفله لحد مايرجع وقفا وراح عالسرير وحصل شااال اسود مسكه بيده ..يالله ياامل مازلتي عايشه معي حتى عطرك اتذكره ..شفتي ياامل كيف ملابسك بنفس مكانها جروحك بنفس المها ..وينك ياامل كان المفروض انتي هنا معي فرحانه برجعتي لكنك اختري وبااختيرك دمرتي حياتنا ..آه ياامل ..ياترى مازلتي حريصه على الاشرطه والافلام مثل زماان..ياترى مازلتي صريحه قويه مثل ماعرفتك..مشى سلطان وقرب وجلس عالكنب وفتح الببووم الصور وسافر مع ذاكرته لقبل ست سنوات واياام مستحيل تنمحي من ذاكرته ..

انتبه سلطان على احد دخل الغرفه ورفع راسه ..
نوره..غبت عني ست سنوات وكنت متأكده انها مازالت عايشه بداخلك
نزل سلطان راه وسكر الالبوم..
نوره..سلطان عقاب مدته ست سنين كفاايه
سلطان..ومن قال لك انه عقاب
نوره وتبتسم..مو وقته الحين انت اطلع وانا بنظف الغرفه مو زين تجلس فيها كلها غباار
سلطان ويتلفت..ست سنين ومازالت الغرفه تحمل الاحساس الي تركتها عليه
نوره وتمسك يده..تعال يالله والي الله كاتبه بيصير ..
ابتسم سلطان ونزل وقلبه معلق فوق بالغرفه الي شهدت على ولادة حلمه وموته ..

عبدالله..يالله جعناا
سلطان..وحشتني غرفتي
عبدالله..بتشبع منها اجلس يالله
سلطان..عبادي كيف الشغل
عبدالله..تماام على فكره خالد بيوصل اليوم وعنده اجازه
سلطان..حلوو متى
عبدالله..الفجر
سلطان..كويس والله وحشني
عبدالله..بكرا كل العيال عندنا وانت اولهم
سلطان..يصير خير

في غرفة صقر مزون كانت سرحانه وتفكر
صقر..وين وصلتي
مزون وتلتفت عليه..ابدا
صقر..واضح انك تفكرين
مزون..بروح مع نجود بعد بكرا لبيت خالي
صقر..غريبه
مزون..ليه
صقر..اول مره تكلمين او تجبين طاريهم
مزون...محتاجه لهم
صقر وعقد حواجبه..كيف يني
مزون وتنزل راسها..ابي اشوف اهلي
صقر مستغرب..واحنا
مزون..انتم اهلي بس هم غير
وقف صقر ..براحتك
طلع صقر وواضح انه زعل..
مزون..مو حاله هذه كل يوم والثاني زعلان انا بعد طفشت من كثر مااجامله
قامت مزون وغيرت ملابسها ونامت ..

في بيت ابراهيم كانت امل بالصاله سرحانه وتفكر
سعود..السلام عليكم
امل..وعليكم السلام
سعود..كيف الحاال
امل ناظرته من طرف عينها..تمام
سعود..شفيك..؟؟
امل وتوقف..مااعتقد انه يعنيك او يهمك حتى موتي
طلعت امل وعرف سعود انها زعلانه منه وطلع وراها وفتح الغرفه
سعود..ليه زعلانه
امل..من قال
سعود..واضح
امل..خلاص مو زعلانه ارتحت
سعود..امل الي فيني يكفيني عدلي اسلوبك
امل..اوكي خلاص مافيني شئ
سعود..طيب امل لكن تذكري انك انتي الي اخترتي هالاسلوب
امل..لايااخوي بتذكر انك انت اخترت غيري وبديته علي
سعود طلع وسكر الباب لما عرف ان مزاجه مايسمح له يتحاور معها
طلع سعود ورمى بنفسه عالكنب بالصاله ودار هالشريط قدامه..
سلطان..مازالت محتله تفكيرك
سعود..ماقدرت
سلطان..ولابتقدر طول ماانت رافض حتى تتكلم عنها
سعود..تعرف لما تفقد املك شو تكون حياتك تكون سوداء مالها اي معنى
سلطان..انت اخترت السواد
سعود..سلطان لاتعذبني وانت اكثر واحد يعرف مكانتها عندي
سلطان..خلاص من كم سنه وانت تتعذب الي راح مايرجع
سعود..والاحساس ماينعاد لاتطالبني اتزوج وانساها مااقدر انا برمجت قلبي وعقلي عليها
سلطان..انت قلتها برمجت يعني تقدر تتأقلم مع شخص ثاني
سعود..سلطان غير عبير مستحيل يكون لقلبي نبض
سلطان..سعود بس عبير خلاص
سعود يقاطعه..لاتكمل خلاص اذا رسمتها بتتأكد اني اقتنعت بالحقيقه
سلطان..الا صح شو اخر رسماتك
سعود..مازلت ارسم احساسي
سلطان..يعني مارسمت اي شئ
سعود..الا بس خربشات
سلطان..عمر احساسك ماكان خربشات
سعود..بتجي وتشوفها
سلطان مستغرب ..منهي ..؟؟
سعود..ههههههههههههه لاتخاف اللوحات
ابتسم سلطان..الله العالم
سعود..لابتجي واذا على امل لاتخاف مابتشوفها اكيد بتطلع
سلطان..وليه اكيد
سعود..لانكم ماتبون تشوفون بعض
سلطان..اوكي مابتنزل معي
سعود..لا اجلس مع الاهل وبكرا اشوفك اوكي
سلطان..على خير فمااان الله
سعود الله معك
طلعت امل وانصدمت من شكل سعود شكله تعبان قربت منه وهزته بخفيف مع كتفه
امل..سعود قوم لغرفتك ارتااح
فتح سعود عيونه لانه ماكان نايم وابتسم..للحين زعلانه
سكتت امل ووقف سعود وحب راسها..امل ترفين غلاتك بس ماقلت لك من قبل لاني ماابيك تزعلين قبلها باايام والصبح لاني عارف انه مافيه احد بالبيت ماتوقعت نوره بتقول لك
امل..وبتفرق يعني اذا فيه احد ماانا طول عمري لحالي
سعود..افا بس حقك علي
امل..انسى يااخوي وروح ارتاح
سعود..يعني راضيه
امل..راضيه
ابتسم سعود وراح لغرفته ورجعت امل لغرفتها تنام


صباح الاربعاء كان عاادي جدا هادي جدا النات طلعوا للجامعه ..صقر راح لدوامه ..مزون مازالت بغرفتها مستغربه من تصرف صقر الي كان واضح انه زعلان..امل مازالت نايمه بعد ليله كلها احلام ودموع ..

رجعوا البنات من الجامعه كالعاده وتغدوا وناموا مزون كانت مع ام صقر ينتظرون صقر لكن تفاجأت مزون لما دق تيلفون البيت

ام صقر..الوو
صقر..السلام عليكم
ام صقر..وعليكم السلام هلا يمه
صقر..هلا بك اسف يمه بس مابرجع عالغداء بتغدا مع سعود وسلطان لانتظروني
ام صقر ..بسلامتك الله معك
صقر..مع السلامه
سكرا ام صقر..صقر يقول مابيجي بيتغدا مع سعود وسلطان
مزون رغم النار الي اشتعلت داخلها ابتسمت..بسلامته اجل بروح اجيب لنا الغداء
طلعت مزون وابتسمت ام صقر وهي تعرف انه واضح متخانقين ..

طبعا صقر تغدا ولارجع واتصلت عليه مزون وطلع من المجلس ورد عليها
صقر..هلا
مزون..هلا صقر شلونك
صقر..تمام
مزون..صقر امل عازمتنا عندها اليوم
صقر وانقهر منها لانها حتى ماسألته ليه مارجع..اوكي روحي مع البنات انا مابرجع بتأخر
مزون..اوكي يالله مع السلامه
سكر صقر وهو موصل حده من هالانسانه لكنه غصب نفسه ورجع عند العياال

سعود..صقر بكرا الفجر العائله الكريمه بيرحون مزرعة ابراهيم على شرف الشيخ سلطان
صقر مستغرب..متى صار هالشئ
سلطان..تو ابراهيم مكلمني
صقر باابتسامه..بتروح
سلطان..شرايك انت يعني بقول لابراهيم لا اكيد بنروح
صقر..الله يعينا وليه من الفجر عااد
سلطان..مااعتقد بيجلسون الى الليل
صقر..يصير خير
سعود..تدري ان خالد بيوصل اليوم
صقر..كلمني يقول بيوصل بعد المغرب
سعود..قلت له يبجينا هنا
صقر..ماوافق يقول عامل مفاجئه لناس بيروح لهم بعدين يجي
سلطان ويتلفت عليهم..هي انت وياه تكلموا مثل الناس
سعود..هههههههههه بيروح لامل اول
سلطان..وليه
صقر..لان اقرب وحده له امل
سلطان..تغيرات جديده هذي
سعود..لا مو جديده بس زادت بعد ماسافرت والا امل وخالد من عمرهم قريبين من بعض ولايرضون على بعض اي شئ
صقر..المهم خلونا نطلع
سعود..يالله