هل تعرف ما هو الطالب الجامعي ادخل وشوف بس

[abu noura]

[align=center]سلام عليكم
كثير من الناس مايعرفون وش معنى الطالب الجامعي الحقيقي

الطالب الجامعي هو كتله من الهموم المتحركه .
طالب يعني كرف وشغل وهم وغم ومر ومعاناة ومأساة .
الطالب يعني من اول مايدخل المرحه التوجيهيه (ثالث ثانوي) تبدا المعاناته ,يعني وش لون تنطق في البيت وتذاكر وتصم وتفهم عشان تنجح وتجيب معدل يدخلك وحده من الجامعات الي كثر الحصا.
الطالب هو الي كل يوم بثالث يحلم بالتخصص الي يبيه عشان يرفع راس ابوه في المجالس.
(هنا تبدا حياة الطالب الجامعي عندما يبتعد عن الاهل )
الطالب الجامعي الي يدور بملف اخضر من جامعه الى جامعه ومن مدينه لمدينه وهو يقول : الله يخليكم اقبلوني عندك؟
الطالب الجامعي هو الي يحصل جامعه بعيييييده عن اهله وربعه ويتغرب بعييييييييد عشان يأمن مستقبله.(وولد الشيخ فلان يجيب له واسطه وبيبان الجامعات كلها مفتحه له) .
الطالب الجامعي هو الي يشيل شنطته من بيته أهله ,وأهله كلهم واقفين ويبكون على فراقه ,وهو ماسك دمعته ويمشي برجليه الى عالم مافيه من يحن عليه .
الطالب الجامعي هو الي تجي امه قبل لايسافر و تضمه بصدرها الي تربى عليه , ويحب راس ابوه الي تتوقف تربيته لولده في هذي اللحظه.
الطالب الجامعي هو الي يحس بالوحده في مدينه مايعرف فيها الا كتابه وثلاث او اربع زملاء من حاله .
الطالب الجامعي هو الي لاطفر راح وغسل ملابسه في مغسله الحمام وينشرها على كرسي طاولته.
الطالب الجامعي هو الي تطق تسبده من اكل المطاعم ويحلم بريحه اكل امه.
الطالب الجامعي هو الي يكلم امه وحرارة الشوق حارقه قلبه , وامه تقول له : ياوليدي ترى مانسيناك .
الطالب الجامعي هو الي اذا مشى بالشارع يشوف كلن مع اهله الا هو بلحاله .
الطالب الجامعي هو الي يفقد صوت اخوانه وهم يركضون لغرفته يقولون له تعال ترى حطينا العشا .
الطالب الجامعي هو الي لا تأخرت المكافأة يروح يتكس بسيارته في ديره مايدل فيها ولا شارع .
الطالب الجامعي هو الي يبات ليله في توقيف الشرطه بسبب انت يتكس بسياره خصوصي.
الطالب الجامعي هو الي لا صدمه واحد صارت الصدمه مثل الوشم او الحرق في جسمه, عاجز مايقدر يزينها .
الطالب الجامعي هو الي نص مكأفأته تروح لتسديد الديون الي عليه .
الطالب الجامعي هو الي ينقطع جواله بسبب انه عجز مايسدد فاتوره مكالمات الي يتطمن بها على اهله .
الطالب الجامعي هو الي اذا طلع يرفه عن نفسه وقفوه وقالوا: لو سمحت المكان مخصص للعوايل فقط؟
الطالب الجامعي هو الي لا تخرج يدور من شركه لاشركه ويقول : والله اني طالب جامعي وهذي شهادتي !!
الطالب الجامعي هو الي لاتقدم بيخطب بنت يقولون له ترى المهر ثلاثين الف وهو لسه مابعد يتوظف.
الطالب الجامعي هو الي ترفضه بنت لان ولد الشيخ فلان اغنى منه وبيعيشها في قصر بدال شقه
الطالب الجامعي هو الي عليه يجمع ويجمع ويجمع عشان يجيب مهر وسكن وسياره واثاث وفواتير ومصاريف .
الطالب الجامعي هو الي يبني مستقبله من لبنات كلها كفاح وصراع وتحدي.
الطالب الجامعي هو الي يشرب المر من كاسه كل يووم ليين مايفرجها الله له .. [/align]

[بحبك انا]

يسلموو على المشاركه

والله يعين الجميع ..

[abu noura]

[align=center]بحبك انا

يا هلا وغلا والله عزيزي

مبارك عليك الشهر والله لا يحرمنا منك ولا من زارتك المبروكه


احترامي

ابو نوره[/align]

[زارع السوسن]

الاخ ابونوره
السلام عليكم ورحمة الله وبركاته
والله انك صدقت فيما قلت نسال الله ان يوفق الجميع والله ان طالب الجامعه يحمل هموما لا يعلم بها الا الله سبحانه وتعالى
شكرا لك على الكلمات الطيبه

[abu noura]

[align=center]زارع السوسن

يا هلا وغلا والله مرحب فيك إساع رمضان مبارك عليك


تحياتي


ابو نوره[/align]

[روح الايمان]

صدقت والله هذا هو الطالب الجامعي ماساءة متنقله
اختك روح الايمان

[دلوعة الكون]

صح السانك اخوي هم الجامعه..

[abu noura]

[align=center]روح الايمان



سلمت يداك على المشاركه الجميله وجيزتي خيرا وفيرا

احترامي[/align]

[abu noura]

[align=center]الدمعة الحزينه



اشكر تواجدك في مواضيعي والف شكر لكي مني وتمنياتي لك بالتوفيق والنجاح والسرور في حياتك

احترامي[/align]

[الحزينه]

مشكور اخي على المشركه|6|

[abu noura]

[align=center]الحزينه

تشكر على التصفح والزياره المتواضعة وبارك الله لك وفيك ولا حرمنا منك ولا من مشاركاتك الجميله
تحياتي[/align]

[بحر الشوق]

ههههههههههههههههههه تسلم يابو نور على الموضوع
وكلام صحيح ما احد يحس به الا الي مجرب وشكلك مجرب انت.

تحياتي
بحر الشوق

[abu noura]

[align=center]بحر الشوق

ياهلا وغلا والله ومية مرحبا على الزياره المباركه

تحياتي
ابو نوره [/align]

[سر الوجود]

ماادري اصيح ولا أضحك

حسيت الحاله مرثيه

هذا الواحد يقرأ هالموضوع بيعيد حساباته

لو سأله أحد: ذاكر عدل عشان تتدخل الجامعه

يمكن يرد : انتوا اقروا هالموضوع وبعدين اتكلموا

شكلك انت اخوي ماكتبت هالشي الا عن تجربه مريره

الله يعين الكل

تحياتي

[abu noura]

[align=center]سر الوجود

يا هلا وغلا والله مثل ما قالوا --- إسأل مجرب ولا تسأل طبيب والحمد لله على الصحة والعافيه

تحياتي
ابو نوره[/align]