السلام عليكم خواتي شلونكم وشخباركم
وشخبار امتحانات العيال
وبنوتاتنا الحلوات شمسوين وي الامتحانات
اني اعيالي خلصو امتحانات وافتكينا وارتاح البال اشوي
بس بعد نحاتي النتايج
انشاء بالتوفيق للجميع
المهم جايبه اليوم ليكم وصفه حلوه
تصلح حق الصيف وحر الصيف
تبرد عالقلب ولذيذه في نفس الوقت
اني شخصيا جربتها وعجبتني وعجبت اعيالي مره
وهاكم الوصفه بالتفاصيل والصور
المقادير

الطبقة الاولى

2 بسكويت قهوة الصباح مطحون وناعم+ زبدة حجم 200 جرام

نخلطهم جيدا ونرتبهم في البايركس

الطبقة الثانية

8 ملاعق كبيرة حليب بودرة+ 4 ملاعق طعام سكر+ 1 روب(((( زبادي))))

نخلطهم بالخلاط الكهربائي ونضيفها على الطبقة الاولى ونضعها في الفرن حتى يتحمر الوجة

الطبقة الثالثة

1 كأس صغير فيمتو المركز+ 1 كأس كبير ماء+ 2 ملعقة طعام نشا

نضعها على النار حتى تغلط وبعدين انخليها تبرد اشوي ونضيفها على الطبقة الثانية وتوضع في الثلاجة حتى تبرد وتتماسك وبعدين نقطعها ونقدمها الى الضيوف مع شراب الفيمتو المنعش
قبل التقطيع


بعد التقطيع



وهدي قطعه على جنب علشان اشوفون الطبقات



ها اشرايكم
انشالله اتجربونها وتنال اعجابكم
ساعتها لاتنسونا من دعاكم
وبالهنا والعافيه
تحياتي لكم
همسات وله