قصة بحرانية (منقوله)

[آنسة دراقة]

الله

مررة عجبتني



بس كم جزء؟؟؟

[نسمات السحر]

وينك نحنا ننتظر

لكن الى متى ؟

[a7lewa]

يسلمو ع القصة الروعه يالله ننتظر الباقيييييييييي وينهاا صار ليي جم يوم وانا انتظرها؟

[a7lewa]

ياربيييييييي وين القصة
صار لج كم يوم مانزلتينها؟

[ريم الكون]

يلااا خيوو نحن ف يالانتضار لا تتأخرين علينا ....
القصة مررررررررررة رووووعة يسلموووووو

[saro]

لو سمحتي اختي
نبيج تكملين لنا القصه؟؟؟؟

[واحد فاضي]

يلا ننتظر

عندي سؤال انتي الي مالفة الرواية ؟

خيتي نسمات السحر

وكل من يتسائل

الاخت ليست مؤلفة الرواية

لكن سوف اضع باقي الاجزاء ان شاء الله

وسيكتب عليها منقوله

لحفظ الحقوق

خالص تحياتي
فمان الله

[واحد فاضي]

البارت التاسع

سلامات حبيبي .. مو على بعضك سلامات .. سلامات اشوف الحزن في عيونك سلامات ..

علاوي: اوووو احمدو.. كلش مو فاضي حق مزاحك ..
احمد : يه .. الحين اغني ليك .. وهذا جزايي يعني .. مالت على فيسك
علاوي: احمد والله ماليي خلق حتى الى حياتي .. وانت تزيدني الحين ؟؟
احمد قعد صوبه على العتبه: انت صارحتها؟؟
علاوي: أي صارحتها .. سمعت كلامك يا احمد افندي .. قالت ليي تحبني كأخو .. تعرف يعني شنو كأخو .. كأخـــو .. زين .. وباي ..

فاطمة : الاااااااااااااااي احلى عروس .. شفتها في حياتي كلها .. اتهبلييييييين ريموووو .. فستانش روعه .. ومكياجش اروووع .. والتسريحة .. واااااااااااااو ما فيه أي تعليق عليها ..
ريم : ههههههههه بل بل .. واجد تجاملييييييين ..
فاطمة : افاااا اني اجامل .. تعرفيني ما عرف اجامل ..
ريم :ههههههههه انزين اتصلتين حق حمد علشان يجي ..
فاطمة : حمد من زمان برة .. ينتظر ..
ريم : بل بل .. خخخخخخخ

بعدين طلعووو برة .. وشافووو حمد في السيارة .. انزني وبعدين ركبووو السيارة .. وعقب شوي ما شافووو الا سيارات ويش كثر وراهم .. وهرانة وعفسة .. وفي واحد يصور الزفه طبعاً ..
وصلووو الصالة .. ودشووو على اغنية راشد الماجد .. وفي جهالووو يتمشووون قدامهم .. صارت الحفلة ولا اروووووووع .. كشخة كشخة .. وعلى اخر الوقت قالووو الى المعرس يطلع شوي علشان يترقصووون البنات ويستانسووون .. وطلع ورقصوووو رقص .. صااااار عرس ما ينسى ..

( يوم ثاني الظهر .. المعاريس خبركم لزماً يروحون بيت رجلهم يوم ثاني له .. عاد الحين بتروح ريم بيت عمها .. وهي مستحية حدها .. )
ريم: حمد
حمد قاعد يمشط شعره : نعم ..
ريم : مادري استحي اروح بيتكم اليوم .. خلها الى يوم ثاني ..
حمد: يوم ثاني ما يصير .. ويش بيقولون ان مرته مغرورة ..ماجت لينا من اول يوم .. بعد اذا اليوم مارحتين متى بتروحين .. باجر بنسافر شهر العسل لو نسيتين ..


ريم: انزين اني اللي بسافر لزماً هم الي يجون ليي مو اني اروح ليهم .. اكووو يدلووون الشقه .. وحياهم أي وقت ..
حمد: ريم حبيبتي .. يالله قومي برزي روحش .. وعن العيارة .. تقولين مابروح .. واستحي .. تستحييييين من من .. من فطوووم .. لو من امي ..
ريم : انزيييييييييين دقايق بكون بارزة ..
حمد: عرايس اخر زمن يستحووون من بيت عمهم .. كانه هي مو متعودة عليهم .. قبل 24 ساعه في بيتنا ولا تستحي .. بس من صارت عروس تتدلع ..
ريم : كيفيييييييي. خخخخخخخخخ

نرجع الى علوي .. من رجع البيت وهو فاتح ايميله وينتظر .. ينتظر من!! .. ينتظر اللي كان يكلمها .. ضافها مرة ثانية على ايميل ثاني .. من يوم اللي ردت عليه نور .. كان يبي يقول ليها باللي في قلبه كله .. بس شلون وهي من ذاك اليوم الى اليوم ما تدخل ؟؟ .. لا يكون بس فيها شي!! .. اففففف يا ربي تعبت من الحياة .. تغيرت .. انا مو علوووووي .. صدق تغيرت .. سمع صوت المسنجر .. ان في احد داخل .. وكأن استااانس شوي .. واخيراً .. دخل عليها ..
علاوي: هلا
.....: وغلا .. من؟؟
علاوي: يهم؟
....: اكيد انتي من؟؟
علاوي: انا صبي
...: وبغيت من؟؟
علاوي: بغيت اكلمش انتين
...: بس اني ما اكلم صبيان؟؟
علاوي يقول في خاطرة بااااال شلاخه ويوم تكلميني ؟؟
علاوي: من صدقش؟
...: كلمت صبي واحد وبس .. بس تدري الحين ما اكلمة بعد
علاوي يقول بخاطرة شكلها صرييحة ..
علاوي: زين بس انا محتاج ليش .. ابي اكلمش
...: بس اني ما اعرفك .. شلون اكلمك ؟؟ .. ما يصير
علاوي: بس انا محتاج ليش بليز لا ترديني والله ما ادري ويش اسوي
...: زين ويش السالفه؟؟
علاوي قال ليها سالفته مع نور .. من الأول الى الآخر ..
...: زين انت قلت ليها من قبل انك تحبها كأخو .. وانت اكيد فاهم اللي كنت تقوله ... والحين هي بعد صحت الى نفسها وعرفت انها تحبك كأخو .. يعني اللي بينك وبينها ما يتسمى حب .. صح هو حب .. بس صدقني مثل ما قالت ليك هي راجع نفسك وبتعرف انك تحبها .. بس كأخو لا غييير .. انت غلطت غلطة كبيرة يوم رحت كلمت امك بالموضوع .. لأنك عقدته اكثرر .. لأن امك الحين مستحيل بتترك الموضوع .. وبتعتبر البنت اللي قلت ليي عنها شخصية ثانية ..
علاوي حس ان في كل كلمة تقولها انها انسانه كبيرة .. فاهمة الحياة .. حس شوي بإقتناع من كلامها .. وصح ان يوم صارح امه بالموضوع كأنه تسرع شووي ..
...: شفيك ساكت؟؟ .. انت روح كلم امك بالموضوع كله .. دامك بديت مع امك الموضوع المفروض تنهيه وياها .. لأن احسك ما بتقتنع الا بكلام امك .. لأنها هي الوحيدة اللي اقنعتك بأنك تصارحها بحبك .. اكيد هي الوحيدة بتقنعك ان حبها كان حب أخوه اذا قلت ليها كل شي من بدايته لآخرته ..

حس علاوي براحة كبيرة من بعد ما كلم البنت .. وكأن مشكلته انحلت .. بس ما يدري ليش هذي الانسانة .. هي الوحيدة اللي تفهمه؟؟ .. وتعطيه الراي اللي يريحه ..
....: اوك اني صار لازم اقوم الحين .. ما اقدر اقعد اكثر .. واتمنى انك تحل موضوعك ..
علاوي: وين توها الناس؟؟
...: اشوفك وقت ثاني بس الحين ما اقدر اوكي .. يالله باي
علاوي: اوك باي ..

قام علاوي من بعد ما قامت البنية .. قعد يفكر بكل كلمة قالتها ليه .. واول خطوة راح الى امه .. وكان مرتبك شوي .. اقول ليها والله ما اقول ؟؟ .. افففف خلاص بقول بقول ..
علاوي: امااه
ام علاوي: عيونها ..
علاوي : ......
ام علاوي : وش فيك ساكت
علاو ي: مافيني شي .. بس مو عارف شلون اشرح ليش الموضوع
ام علاو ي: أي موضوع .. يالله قووول بدون مقدمات..
علاوي : عن موضوع نور ..
ام علاوي : انزين وش صار .. صارحتها يعني ..
علاوي : اييييييي قلت ليها .. بس هي قالت ان هي تحبني كاخو مو اكثر .. قالت ليي راجع نفسك وبتشوف ان انت بعد اتحبني كاخت مو اكثر ..
ام علاوي : ايييييييي يمكن كلامها صح له .. انت يمكن استعجلت واجد في قرارك .. بس الحين اقعد بين نفسك .. وشوووووف .. يمكن انت بعد تحبها كاخت .. بس انت كان تبغي ان انت تحب بنية وتكون ليك .. كل حياتك .. وشفت نووور .. هي القريبة منك .. ومن جذي فكرت فيها كشريكة حياتك..
علاوي : مادري الحين اذا شفتها .. شلون بكلمها .. شلون بخلي عيوني في عيونها ..
ام علاوي : وليييييييش يعني تفكر في كل هذا .. خلاص علوووووي انتهى الموضوع .. عاملها مثل اختك مو اكثر .. مو تفكر فيها كحبيبة .. بتلاقي الي تفهمها وتفهمك .. انت الحين قوووم غرفتك نام .. وقبل لا تنام فكر في كلام نور بعقلك مو قلبك .. بتشوووف ان كلامها صح .. ان انت تحبها كاخت ..
بعدين راح الى امه وحضنها ..
علاوي : مادري من غيرش وش بسوي .. والدمعه نزلت من عيونه لا شعوريآ..

يوم ثاني الظهر قرر علاوي .. يروح بيت خالته ام حمد علشان يبارك اليهم ..
الحين وصل بيت خالته .. والي فتحت اليه الباب فطوووم ..
بس شافها قال اوووووف .. من اول يومي اشوف هل الوجه الفقر .. الله يساعدني بس ..
علاوي : هلا فاطمة ..
فاطمة: هلا بيك .. اتفضل ..
دخل الصالة ما شاف احد هناك ..
علاوي : الا وينهي خالتي .. ويه حمووود ..
فاطمة : امي في المطبخ .. وحمد للحين ما وصل .. عقب شوي بيوصل..
علاوي : وانتين يعني توش قاعدة من نومش .. وتخلين خالتي بروحها تشتغل في اشغال البيت .. لمتى بعد بتصيرين مرة وتعدلين ويه خالتي ..
فاطمة : جب انت جب .. ما ليك خص .. بنام وقت الي ابغي .. وبقعد وقت الي ابغي .. كيفي ..
علاوي : كيفش مو هني .. كيفش في بيت رجلش .. الله يساعده الي بياخذش ..
فاطمة : الله الله .. يا زعم كلش .. بنشوف الي بتاخذها .. لا يكون ملاك واحنا ما ندري ..
علاوي : والله انا ما باخذ وحدة مثلش خايبة .. ما تساعد امها .. حياتها بس نت .. ونوووم واكل .. اقووول انتبهي على روحش بعدين ما بتطوووفين من الباب .. هههههههه
فاطمة : هيهيهيهيه خفيف .. حدك .. من ضعفك الحين عاد .. والي يقول ما يقعد على النت هووو ..
علاوي: عاد انا صبي وجسمي حلييييييو .. ومتناسق .. عاد البنية اذا صارت درام واويلااااااااااه ..
فاطمة : هههههههههه اكيييد الي بتاخذها درام .. لان من عاب استعاب ههههههههههه.. واني بعد مو متينة .. الف من يتمناني ..
علاوي : مجنوووون اللي بياخذش .. مو عاقل .. امه مدعيه عليه ليل ونهار ..
فاطمة : قصدك داعية ليه ليل ونهار لان بياخذ قمررر مثلي .. وين بيحصل قمررر مثلي ..
علاوي : اعصابش لا ينط ليش عرق ..
رن جرس الباب ..
علاوي : هي انتين يالخايبة .. ما تسمعين الجرس ..
فاطمة : اسمعه .. مابفتحه .. هذا اكيد حمدووو .. وعنده المفتاح بعد ليش اروح وتعب روحي وافتحه ..
علاوي : بل بل على الخايبة .. مالت عليش ..
فاطمة : وعلييييييييك وع مرتك ..

دش عليهم ريم .. وحمد ..
فاطمة وهي رايحة تسلم عليهم ..هلاااا باخويي القمر توه منور البيت ..
نط علاوي : لا تجذبييييين منور من زمان .. من يوم انا وصلت نور
حمد: بل بل عليك انت ..
راح علاوي الى حمد .. وسلم عليه وحضنه .. مبروووووووك ياخوووي ..
حمد: الله يبارك فيك ..
ريم : واني ما ليي مبروك يعني ..
علاوي : ههههههههه لا اكييييييييد اليش .. مبروووك ..
ريم : عقب ويه عاد ..
علاوي: بل بل طالعه على رجلها ههههههه
حمد: كيفها مرتي ها .. مو تتجج فيها ..
فاطمة انزييييييييين قعدوووو لمتى بتوقفووون ..
وقعدووو كلهم في الصالة ..
فاطمة : انزين حمووود متى بتسافرووون ..
حمد: الساعه تسع بنروح المطار ..
فاطمة : الساعه جم هي الرحلة ؟؟
حمد: الساعة 11 في الليل ..
فاطمة : وين قررتون تروحون ..
حمد: ماليزيا ..
فاطمة : الاااااااااااااااي .. اني في شهر عسلي بروح رحلة حولة العالم..
علاوي : مو تحلمين واجد .. الناس تحلم بس مو جذي ..
فاطمة : والله كيفي بحلم الحلم ببلاش ..
حمد: عن الهواش .. والتحجج قومي نادي على امي ..
فاطمة : ما عندك رجول يعني علشان تروح وتناديها ..
علاوي : بل خايبة حدها .. الله يساعده والله ..
حمد: هههههههه الله يساعد من بعد ..
علاوي : الله يساعد الي بياخذها بعد ويه .. بيبتلش فيها بلشه ..
حمد: هههههههههه ..ما عليك منها الحين بتقوم وغصباً عليها ..
فاطمة : لا بقوم ومن رضايي بعد مو غصباً عني .. عناد لبعض الناس ..
علاوي : مالت عليش يالدبة ههههههههه..
فاطمة : بسكت عنك لان مابغي اعور راسي ويه مغفلين مثلك ..
علاوي : كأنش قاعدة تغلطين ؟؟
حمد: يالله صلوووو على النبى عن الهواااش وانتين يالله قومي بسرعة نادي امي ..
علاوي: بسكت عنش بس مو علشانش علشان حمووود وخالتي .. وهو يغمز اليها في عيونه ..

شافت فطوووم غضب في عيون علاوي ذاك الوقت .. يعني لو صوبة شي من زمان صفعها ابه .. بس الله ستر ..
قالت في خاطرها بس يستاهل .. علشان يعرف شلون يكلمني هو مو احسن مني يكلمني مادري شلون ..

[واحد فاضي]

البارت العاشر

مريم : واني وش اسوي .. يوم امي جابتني عسل ههههه
نور: مالت عليش .. انزين احمدوووو للحين ما وصل حمووود ليش احمد: يقول عنده مشكلة .. صادتهم في الطريق ..
مريم : الله يستر من هل المشكلة .. وهذا كله لما يطلع ويه اخوووه تصديهم مشكلة .. وجه فقر ع اخوه ..
وهم يتكلموون شافووو فاطمة بت خاله علاوي .. تتمشى .. بروحه .. كانها ضايعه ..

نور : مو كانه الي تتمشى هناك .. بت خاله علاوي ؟؟
احمد: اييييييي هذه هي .. عفر دور علينا .. بروح اليها علشان لا اضيع ..
مريم : جيف هي جاهلة يعني علشان اضيع ..
احمد: جبي انتين ما يهمش .. وراح صوب فاطمة ..
علاوي .. شافها بس ما راح اليها .. ( بل بل عليه .. ما يطيقها خير شر ) وشاف احمد رايح اليها .. الا قال في خاطره .. زهذا الحشووور ليش يعني يروح اليها .. اووووف الحين بتصير طلعتنا كلها فاشلة في فاشلة .. لكن كله من احمدوووو الاهبل .. كانه احد قايل اليه يستقبل الناس ..

احمد: لو سمحتين ..
فاطمة : تكلمني ..
احمد: اييييي .. ما تذكريني ..
فاطمة : ايييييييييي ذكرتك انت صديق علاوي .. ع ما اظن يعني ..
احمد: ما شاء الله عليش عليش ذاكرة ما تنسين ..
فاطمة : هههههههه الحمد لله .. صل ع النبى لا تحسدني بس ..
احمد في خاطره .. احسدش ع ويه ياحظي .. صدق شايفه روحها ..
فاطمة : انزين وين باقي الربع ..
احمد: تعايي ويايي بوديش ليهم ..

وصلووو عندهم وسلمت ع نور ومريم .. وقعدووو وي بعض سوالف وضحك .. الا علاوي .. للحين ما راح وقعد وياهم .. قاعد ينتظر محمد لان واجد اتاخر ..
عقب دقايق ما شاف الا محمد صوبة ..

علاوي : ويييييييينك يا اخي ..
محمد: كله من هل المرور اخرونا ما خلونا نجي بسرعه ..
علاوي : مرو ر؟؟ وش دخل المرور في السالفه .. ان شاء الله بس مو حادث ولاشي
محمد: لا مو حادث.. بس الله يسلمك .. مو الحين منزلين قرار ممنوع التحدث في التيلفون اثناء القيادة ع قولتهم ..
علاوي : اييييييييي .. انزني كمل وش صار ..
محمد: الله يسلمك .. اخويي المتفرغ من اول ما طلعنا من البيت وهو حاملنا ويرضع ويه حبيبة القلب .. الا طلع في وجهنا المرور .. بعد تدري ما يحبون لفلوس .. الا وقفنا وعطاه مخالفه ..
علاوي : بااااااال الله يساعده اخوووك .. ان شاء الله عاد يتادب ويحمل وياه المايك يتكلم منه ..
محمد: ما اظن يسمع الكلام .. هذا كله مخالف للقوانين ..
علاوي : هههههههههه انزين يالله خلنا نروح الى باقي الربع ..

بعدين راحووو الى باقي الربع .. وقامووو يشاركونهم في السوالف .. والضحك .. وظلمت الدنيا شوي ..

مريم : اقووووول شباب..
كلهم : لا تقولييين هههههه
مريم : مالت عليكم .. ما جعتون .. اني ميتة جوووع ..
فاطمة : اييييييييي حتى اني .. متى بعد بتشووون لينا بعد ..
احمد: ايييي حتى انا جوعااان .. باقي شوي وامووت ههههه ..
علاوي : انزين قوموو وبرزووو التكة .. والكباب .. ولصياخة .. علشان اقعد انا واشوي ليكم ..
احمد: يالله فتايا قومووو له .. وش تحارسون ..
محمد: وانت يعني ليش ما تقوم ..
احمد كيفي انا .. وهم وش شغلتهم يعني ..
نور : احنا شغلتنا بس ناكل ههههههه ..
محمد: مالت عليكم .. وهذا انا بعد ادافع عنهم يعد ..
فاطمة : محد قال ليك دافع هههههههه ..
احمد: شفت ان هم ما ينعطون وجه .. قوم احنا انبرز كل شي .. بس خلهم يمشووون بوزهم من الاكل ..
مريم : خسييييييييي .. احنا اول ناس بناكل ..
محمد: قومووو يالله بلا خيابة علينا .. عطيناكم وجه واااجد ..
احمد: أي والله عطيناهم وجه واجد .. يالله هجوووم عليهم محمد ..
وقامووو مرة وحدة .. وراحووو صوبهم .. وما شافووو البنات الا قايمين ويتراكضووون خايفين منهم خخخخخ ..

علاوي : الله يغربل ابليسكم .. مو وقته مزحكم الحين .. تعالووو له ساعدوني ..
مريم : ان شاء الله جم علاوي عندنا احنا ..
احمد: مالت عليكم كلكم ..
نور : وعليك .. يابوراس ..

بعدين كلهم قامووو علشان يشووون ليهم .. بعدين اكلووو وشبعووو .. وقامووو يتمشووون شوي حول البحر .. لما صارت الساعة 9 تقريبا .. بغعدين ركبووو السيارة ويه راجوو .. وصل كل واحد بيته طووول طريق الرجعه .. كله سكوووت .. لان تعبووو حدهم من الطلعه .. الا مريمووو الربشة ما سكتت طول ما هم في الطريق ..

احمد: هدويه انتين .. ما تشبعين .. بالعه راديووو ..
مريم : كيفي اني بغني . وش ورايي يوم من السنة الا اطلع .. والحين يوم طلعت تبغاني كله ساكتة ماني ساكتة كيفي اني . .
احمد: صدق انش ام السان ..
علاوي : اقووول سكتووو له .. عورتون راسنا ..

وطووول الطريق فاطمة قاعدة اطالع في علاوي .. وهو مغمض عيونة .. وتقول في خاطرهاا .. ويليي عليه كانه جاهل .. بري وهو نايم .. ياريت كل الوقت جذي برئ .. وش حلاوته .. بس لو يعدل اسلوبة ويايي .. ويبادني الشعور .. انجان انصير احلى ثنائي .. هههه ويليي عليي اني واجد قاعدة احلم ..

[fofe]

يلااا ننتظر باقي الاجزااااااااااااااااااااااااااااااااااااااااااااا ااااااء

[fofe]

اخووي واحد فاضي متى بتكمل القصة !!

اني انتظر من زمان ؟؟؟!!!

ومن كم جزء تتكون القصة ؟؟

تحياتي
فووفي

[طفله مثل القمر]

البارت الحادي عشر
بعد مرور شهرين..

كان قاعد علاوي صوب التيلفزيون .. يفرفر بين القنوات .. فاضي ما عنده شغلة .. اتملل من الطلعات .. والنت .. قال اروح اشوف تيلفزيون احسن ليي .. الا بعد ما شاف شي في التيلفزيون .. سمع صوت الجرس.. رن رن بس الخدامة الخايبة ما راحت علشان اتفتحه .. هو راح.. اول ما فتح الباب .. شاف ابنية يمكن طولة تقريبآ .. ومنزلة راسها في الارض .. مستحية حدها ..

علاوي : نعم اختي .. اقدر اساعدش ؟؟
رفعت لبنية راسها .. وشاف علاوي قالت في خاطرها هذا اكيييد اخويي علوووي .. ياربيي عندي اخوووه هل الاكبر تونا شايفتنه .. والله الدنيا دوارة ..
علاو ي: شفيش ساكتة .. في شنو اقدر اساعش ..
....: ممكن اشوف ام علاوي ..
علاوي : ايييي .. اتفضلي داخل ..
....: شكرآ

دخلت وقعدت في الصالة ....ام علاوي اتستغربت يوم قال اليها ابنية جاهلة تسال عنها .. تقول من هذه الجاهلة الي تسال عني ..
علاوي : مادري من .. بس اول مرة اشوفها ..
ام علاوي : اول مرة تشوفها!! .. يووو خلني اقووم بسرعه اشوف .. واعرف من هذه الي جاي ليي هل الحزه..
علاوي : انزين قومي .. يالله لان واجد خليناها تحارس

بعدين نزلووو تحت وشافت ام علاوي لبنية ..وقالت في خاطرها من هل الحليوة بعد الي تسال عني ..

ام علاوي : السلام ..
لبنية من شافت ام علاوي صوبها قامت وقفت ..
......: عليكم السلام خالة ..
ام علاوي : قعدي حبيبيتي وش فيش واقفة ..

لبنية حست بارتياح اكثر لما عرفت اسلوب ام علاوي وياها .. بس ان شاء الله اذا سمعت الي جاية اني علشانة ما تتغير اسلوبها ويايي

......: ما يصير اقعد قبل لا انتين تقعدين .. قعدي انتين اول بعدين اني بقعد ..
ام علاوي : يالله قعدي .. علاوي روح قول حق جاتي اجيب حق الظيفة شي تشربة ..
علاوي : انزين وش تبغين تشربين ..
....: ما ابغي شي .. ابغي بس ماي اذا ماعليك امر ..
علاوي : ان شاء الله .. دقايق وبيكون عندش..

راح علاوي بعدين .. علشان يجيب اليها ماي .. وعم السكوت عليها لما راح علاوي ..
ام علاوي : وش فيش ساكتة ..
.....: مافيني شي .. بس مو عارفه ابدا في الكلام ..
ام علاوي : بس قبل لا تتكلمين .. ماعرفتينا ع اسمش الحلو ..
......: اني مروة ..
ام علاوي عاشت الاسامي .. يا احلى مروة ..
مروة : تسلمين خاله ..
ام علاوي : الله يسلمش .. انزين مروة انتين تعرفيني ؟؟
مروة : أي اسمع عنش وااجد .. بس اول مرة اشوفش ,,
قاطعهم علاوي .. عطاها الماي .. وقال ان استاذن علشان اتكملون الكلام الي بينكم ..
مروة : لا علوووي اقعد .. انت بعد لازم تسمع الكلام الي بقولة ..
حس علاوي بالخوووف .. يقول وش عندها هل لبنية .. الله يستر بس .. وقعد علاوي صوب امه ..
ام علاوي : انزين كملي ..
مروة: ما عرف شلون ابدا .. خايفة من النتيجة ..
ام علاوي : لا حبيبتي قولييييي .. خوفتينا ..
مروة : اني اسمي مروة حسين .. عمري 15 سنة توفت امي من شهرين .. وما بقى عندي غير ابويي .. بس حتى ابويي ما اشوفة الا في الشهر مرة .. يجي يعطيني مصروفي ويروح عني .. ما يسال عني .. ولا يسال حتى عن امي .. بس امي قبل لا تموووت قالت ليي كل شي .. قالت ان ابويي عنده مرة ثانية .. وعندجه ولد .. يعني يصير اخويي .. يوم توفت امي ماعرفت وش اسوي .. تردد وااجد اجي هني .. خايفه من النتيجة .. خايفه انكم ترفضوني .. اييييييي لبنية الي قدامكم عاشت اسوء ايام حياتها يوم توفت امها .. عاشت وحيدة مسكينة .. لا عندها اخت .. بس عندها اخوه بس ماتعرف حتى شكلة .. بس اليوم عرفت شكلة .. اييييييي علوووي هو اخوي .. وانتين يا خالة مرت ابويي الاولى .. وامي كانت الثانية .. اسفة خالة .. بس ماكان عندي حل ثاني غير اني اجي واقول الييييش .. ودمعت عيووون مروة .. وقامت تصييييح .. وعلاوي وام علاوي ساكتييييين كانهم الي قاعدين يسمعونه مو صدق ولا حقيقة .. كانهم في حلم ..
ام علاوي منصدمة حدها من الكلام الي قالته مروة .. بس حاولت ان هي اتكلم مروة عادي .. ولا كانه شي صار .. لان قالت ما ليها ذنب هل لبنية .. حرام اني اعاملها بطريقة مو عدلة ..
ام علاوي : تعالي مروة .. وهي فاتحة اليها حظنها ..
مروة وهي تصيح : والله انش انسانة عظيمة ..ما اعرف شلون اشكرش .. ما توقعت ان تكون هذه ردت فعلش ..
ام علاوي : خلاص مروة .. لا تكملين .. روحي الحين غرفة الظيوف فوق ارتاحي .. لما يرجع ابو علاوي .. ونسمع منه بقية السالفة ..
مروة : لا ما اقدر خالة .. بروح بيتنا .. وبزوركم في وقت ثاني .. لان اكييد ابويي ما بيحب يشوفني هني ..
ام علاوي : لا هني بيتش من اليوم يامروة .. واكيد ما بيقول شي ابو علاوي .. بس ان شاء الله ترتاحين ويانا ..
مروة : مادري وش اقول ليش .. كل دقيقة اندهش فيش ازيادة .. واعرف انش خوووش مرة .. الله يخليش..
ام علاوي : ويخليش .. يالله قومي ويايي بوديش غرفتش الجديدة..
مروة .. مشكورة خالة ..
ام علاوي : هذا الواجب ..

علاوي ذاك الوقت مو مصدق الي يشوفه ويسمعه .. يقول انا اكيد في حلم .. تمنيت تكون عندي اخت .. بس مو جذي .. مو بهل الطريقة .. شلون ابويي ما قال لينا .. كان كل الوقت يجذب علينا .. كل هذى الوقت يخدعنا..ياربي وش اسوي الحين انا .. وامي تعاملها كانها بتها !! معقولة مرة تسمع ان رجلها متزوج عليها كل هذى لسنين .. وتسامحه ؟؟ ياربييييييييي .. وراح ع طول غرفته وقفل الباب عليه .. وقعد يفكر لساعات .. بعدين سمع ان ابوه رجع من الشغل .. وع طول نزل تحت الصالة . علشان يعرف وش بيصير .. وش بتكون ردت فعله لما يعرف ..
لما نزل تحت شاف امه وابوه قاعدين ..

علاوي : سلام .. شخبارك ابويي اليوم ..
ابو علاوي : الحمد لله بخير ..
علاوي : دوووم مو يوم يارب ..
ام علاوي : علوووي حبيبي روح ناد ع مروة من فوق ..
وانصدم ابو علاوي يوم سمع هل الاسم .. مو مصدق ..
ابو علاوي : مروة !! أي مروة بعد .. عندنا ضيفه ولا تقولون ليي .ام علاوي : ايييي مروة والحين بتعرفها ازيد .. لما تشوفها ..

ابو علاوي حس بضيقة في صدره .. يوم سمع اسم مروة .. يقول معقولة مروة بتي هني .. لالالالا ما اعتقد لو هي انجان ام علاو ي ما تكلمني بهل الطريقه ..
بعد دقايق .. نزلت مروة وياها علوووي .. يوم شافها ابو علاوي انصدم ازيد زازيد .. قال في خاطرة ياربيي الله يساعدني .. بس انا ليش خايف ما سويت شي غلط .. انا تزوجت .. والشرع حلل اربع..

مروة : السلام عليكم ..
ابو علاوي : عليكم السلام .. شخبارش زينة ؟؟
مروة : الحمد لله .. اسال عنكم ..
ام علاوي : انزين قعدووو علشان نعرف نتكلم ..
ابو علاوي : وانتين من متى هني ؟؟
مروة : .......
ام علاوي : الحين احنا قاعدين كلنا ونحارسك لما تتكلم وتقول لينا السالفة من البداية الى النهاية .. لان مو معقولة تتزوج عليي كل لسنين واني ما اعرف .. ليش سويت جذي ؟؟ شلون قلبك طاوعك ان انت اتخوني ..
ابو علاوي : انا ما خنتش .. انا اتزوجت .. وما اعتقد ان حرام ..
ام علاوي : لا مو حرام .. حرام ان انت ما تقول ليي ولا تقول الى ولدك .. ليش يعني ما قلت لينا ؟؟ خفت ان اني امانع ؟؟ لاااا اني عمري ما كنت بمانع زواجك من ثانية .. لاني اني كنت اقول ليك روح اتزوج .. لان تدري ان اني ما اقدر اجيب اولاد .. الطبيب امنع عليي .. ويوم قلت ليي ابغي ابنية تصير اخت لعلاوي .. قلت ليك روح ازوج ؟؟ صح ولا لا ..
ابو علاوي : كل مرة سهل ان هي تقول الى زوجها روح تزوج .. عندكم الكلام سهل .. لكن اذا واجهتش وقلت ليش بنتزوج انجان منعتيني .. وانا عصبن عني اتزوج .. كانت وصية ابوها قبل لا يموت ان انا اتزوج بته .. لان بتصير يتيمة .. ما عندها اهل .. من جذي انا سويت بالوصية مو اكثر..
ام علاوي .. ما عرفت وش اترد .. او وش تقووول .. منصدمة من كل شي يصير حواليها .. وعلاوي مثلها مستغرب ومحتااار .. ومو عارف وش يسوي .. وام علاوي ردت الرد الي ترتاح منه مروة .. لان في النهاية مروة ماليها ذنب بالي صار ..
ام علاوي : خلااااص الي صار صار .. ومروة هذا بيتها من اليوم ورايح .. واتمنى تعيش سعيدة ويانا ولا تتضايق منه ..
استغرب ابو علاوي من كلامها .. قال في خاطره اييييي هذه هي سارة الي عرفتها من زماااان .. متفهمة وحبوووبة ..ولا تحب تجرح الاخريين .. بس كل مني انا الي ما صارحتها من البداية ..
يوم سمع جذي علاوي راح غرفته يركض ..

ابو علاوي : وش فيه علوووي ؟؟
ام علاوي : لا بس منصدم من السالفه مو عارف وش يسوي .. مع الايام بيتعود على الوضع الجديد ..
مروة : خالة اني ما ابغي اسوي مشاكل بينكم .. ولا ابغي افرق بينكم من جذي بروح بيتنا .. واوعدش ازورش كل يوم ..
ام علاوي : لا تخليني اضايق منش له .. الي قلته هو الي بيصير ..

نرجع الى بيت فطوووم :
فاطمة : اماااه .. ملللللللل نبغي نسافر .. ما يصير جذي ..
ام حمد: اوووووف منش انتين .. مللتيني .. بروحش انتين تجيبين الملل ..
فاطمة : ماليي خص اني كل ربعي سافرووو الا احنا مايصير..
ام حمد: انزين بفكر نروح سوريا .. وش رايش ..
فاطمة : الااااااااااااااااااي ويلييييييييي .. من متى واني خاطري اروووح ..
ام حمد: انزين بكلم خالتش ام علاوي وبقول ليها اذا يسافرون ويانا فاطمة قامت اتناطط من الفرحة .. تقول اخيرا بنسافر ويانا بيت خالتي الااااااااي بنستانس حدنا ..بتكون سفرة حليوة حدهااا ..

فاطمة : انزين اماااه اروح اجيب ليش التلفون علشان تتصلين وتقولين ليهم ..
ام حمد: دويه انيتن ما ينقال ليش شي.. الا تفضحينا فضاح..
فاطمة : كيفي .. من زمان ما نسافر .. لحظة بقوم اجيب التيلفون ..
ام حمد: الله يساعدني عليش ..
وراحت فاطمة وجابت تيلفونها علشان تتصل الى خالتها ام علاوي ويقولون اليها عن السفرة ..

ام حمد: السلام عليكم ..
ام علاوي .. عليكم السلام .. هلاااا خيووو شخبارش .. وش فيش ما تسالين ولا شي ..
ام حمد: اني الي ما اسال لو انتون ..
ام علاوي : تدرين بالمشاغل يا اختي .. محد يقدر يتصل الى احد ..
ام حمد: انزين بقول ليش .. بنسافر سوريا .. اسبوع الجاي .. اذا تبغون تسافروون ويانا ..
ام علاوي : والله خوووش فكرة .. اوك .. احجزووو لينا وياكم ..
ام حمد: ان شاء الله .. بس اليوم طرشي ليي جوازش وجواز علاوي وابو علاوي ..
ام علاوي : ان شاء الله بس بعد ويانا وحدة ..
ام حمد: وحدة !! منهي بعد ..
ام علاوي : بتي ..
ام حمد: بتش !! من متى عندش يت بعد ..
ام علاوي : من اليوم ورايح عندي بت اسمها مروة ..
ام حمد: يووووووو .. قاعدة تتطنزين ويايي يعني ..
ام علاوي : لا ما اطنز .. ومرة ثانية بقول ليش السالفة ..
ام حمد: عجل اليوم مريني العصر .. قولي ليي السالفة وجيبي الجوازات ..
ام علاوي : ان شاء الله ..
ام حمد: يالله مع السلامة ..
ام علاوي : الله يسلمش ..

الساعة 5 العصر .. راحت ام علاوي .. ومروة .. بيت اختها زينب (ام حمد) وعرفتهم ع مروة .. ودخلت قلبهم بسرعه .. وحبوها .. وقالت ليهم السالفة .. اول شي انصدمووو .. بعدين عادي .. اتعودووو ع السالفه .. واستانست فاطمة ان فيه وحدة بتصير وياها في السفر .. يعني ما بتملل ..

مر يومين ع علاوي .. وهو كله في غرفته .. لا يتصل الى احد .. ولا شي .. واذا يتصلون فيه ربعه .. ما يرد عليهم .. وحتى ايميل ما يفتح .. ذاك اليوم اتصل فيه .. احمد .. فوق العشرين مرة .. وخاف عليه .. لان ما رد عليه .. قال اروح اشوفه في بيتهم .. يمكن فيه شي ..

رن الجرس بيت علاوي .. وكانت ام علاوي ويه مروة .. قاعدين في الصالة .. يتابعووون مسلسل عديل الروح .. وعلاوي كالعادة في غرفته ..

مروة : خالة اروح افتح الباب ..
ام علاوي : قومي له بدون ما تستاذنين .. البيت بيتش صار ..
مروة: لا قلت يمكن جاتي اجي وتفتحه .. بس اشوفها للحين ما جت ام علاوي: تدرين فيها خايبة تحقر ساعات .. تعطيش الاذون الصمخة ..
مروة : ههههههه مو بس هي كل الخدم جذي ..
ام علاوي : انزين يالله قومي قبل لا يهرب الي جاي ..

قامت مروة .. وفتحت الباب .. من شافت احمد ع الباب استحت ..ونزلت راسها ..

مروة وهي منزلة راسها : نعم ..
احمد: علوي موجود..
مروة : اييييي اتفضل ..
ودخل احمد .. وهو مستغرب من الي فتحت ليه الباب .. يقول من هذى بعد .. ما اظن ان هي خدامة لان حليوة ههههه .. وراح يسلم على ام علاوي ..
احمد: السلام عليكم .. شخبارش خالة ..
ام علاوي : هلااااا احمد .. وينك .. وش فيك ولا تبين ولا شي ..
احمد: وش اسوي يا خالة .. اتصل حق علوي الحين يمكن يومين.. ولا يرد عليي .. عسى ما شر ؟؟ وش فيه ..
ام علاوي : الشر ما يجيك يا ولدي .. مافيه شي ولا شي .. فيه بس دلاعه ..
احمد: يعنيي .. مالت عليه .. وانا خايف عليه .. اقول يمكن مريض او شي ..يالله عجل استاذن انا بركب اليه فوق ..
ام علاوي : اوك .. البيت بيتك .. اخذ راحتك ..

دق الباب ع علوووي .. وشافه بعد مايرد .. وعقب شوي فتح علوي الباب ..

احمد: انجان بعد ما فتحته ..
علاوي : ادخل انزييين فكنا ..
احمد: وش فيك يا اخي اتكلمني بهل الاسلوب ..
علاوي : وش اسوي بعدد .. حظي هل الايام كله نحس في نحس .. مادري وش اسوي في حالي اقتل روحي يعني احسن .. وقعد يصيح احمد: هذا مو علاوي الي يصيح .. انا خبري علوووي .. صبور ويستحمل كل الي يصيده ..
علاوي : وش اسوي يا خوووك .. مافيه عندنا حل ثاني غير الصياح .. اول شي نوور .. والحين هذه الي اسمها مروة ..
احمد: من بعد مروة ..
علاوي : اختي ..
احمد مستغرب حده : اختك !!
علاوي : اييييييي اختي من لحمي ودمي ..
احمد: هيهيهيه تتطنز ويايي يعني ..
علاوي : لاااااا ..
احمد: انزييييييين واختك .. مو انت قبل كنت تقول ياريت عندي اخت ..
علاوي : أي اخت عاد مو جذي .. مو من امي من ام ثانية .. وشرح الى احمد كل القصة ..
احمد: انزيييييييييين .. مو اول واحد انت ولا اخر واحد الي تصيده جذي .. خلااااص علووي الي صار صار .. ولا بتقدر اتغير في شي.. واقبل في الامر الواقع ..
علاوي : مو قادر حتى اطالع في وجها .. او اقعد وياها ..
احمد: لاااا علوي انت غلطان .. لان هي ماليها ذنب بالي صار .. وهي بعد تعذبت .. والحين صارت يتيمة .. يعن ماعندها غيركم .. وانت الحين لازم تروح تكلمها .. وتنسى الي صار ..
علاوي :........
احمد: مو تسكت وابغيك تسوي الي قلت ليك عنه .. والحين انا استاذن .. لان جاي بس اطمن عليك ..
علاوي : لا خلك ويايي الليلة .. عشاني ..
احمد حس ان علاوي محتاج اليه .. من جذي وافق ع طلبه .. ونام عنده ..
ان شاء الله عجبكم البارت .. انتظرووووني في البارت القادم .. احم احم ..ولا تحرموني من الردود الحلوة ..

[بحور العشق]

يلااا حبيبتي
كملي لنا
الصراحة القصة روعة
قعدت انطرها بس تأخروا فيها
وانشالل بعد انتي ما تتأخرين علينه بعد

[طفله مثل القمر]

البارت الاثنا عشر
صدفة ومن بين كل الناس علقني من يوم شفته وعيني جت في عينه حسيت شي بعيونوا حيل يجذبني لما ابتسم وبانت بوجهي تلاوينه ..

هذه الاغنية الى كانت تسمعها فطوووم وهي قاعدة على النت .. وامها خربت عليها ..

ام حمد: فطمووووو ..
فاطمة : نعم ..
ام حمد: عاد بندي هل الاغاني .. عورتين راسنا ..
فاطمة : اووووف حتى في غرفتي ما يخلوني ع راحتي ..
ام حمد: انزين يا طايحه النصبة .. اتصلي حق اخووش .. من رجع من شهر العسل ما شفناه ولا اتصل الينا ..
فاطمة : بعد وش يسوي فيش من زمان حصل المرة .. بعد حقويش يتصل فيش..
ام حمد: مالت تتصلين لو كف الحين ع راسش..
فاطمة : اوووووف عورتون راسي .. حنة حنة حنة ع راسي .. هذا الي فالحين فيه ..
ام حمد: فطمووو .. بعد كلمة بتشوفين شي ما شفتينه ..
فاطمة : هااااش التيلفون اتصلي .. فكيني ..
ام حمد: فطموووو مافيه سفر خلااااص ام اللسان ..
فاطمة : لا كلشي ولا السفر .. خلااااص سوري مامي .. وراحت تبوسها ع راسها ..
بعدين اتصلت ام حمد الى ولدها ..

حمد: هلاااااااا باختي القمر ..
ام حمد: لا مو اختك امك ..
حمد: هلااااااااا بامي الحلوة ..
ام حمد: أي أي تدري يعني ان عندك ام .. وينك انت لا تسال ولا تمرنا ؟؟
حمد: وش اسوي امااه الحين اسبوعين مريضة ريم .. مادري وش فيها ..
ام حمد: لا يكووون حملت الجاهلة .. وتخفقها من الدراسه ..
حمد: هههههههه .. لا مو حامل .. بس مصخنة حدها ..
ام حمد: بااااااااال اسبوعين فيها اصخونة .. بتموووت الجاهلة ..
حمد: وش نسوي بعد .. تروح وترجع عليها ..
ام حمد: مو تسكت قوووم ودها المستشفى ..
حمد: وديتها بس مافيه فايدة ..
ام حمد: يووووووو .. عجل احنا اليوم العصر بنجي نشوفها ..
حمد: تعالووو البيت بيتكم ..
ام حمد: يالله اكو فضحتنا فطمووو .. تقول خلص الكردت .. مع السلامة ..
حمد: الله يسلمش ..
فاطمة : بل بل 10 دقايق وانتين تهدرين ويه ولدش ..
ام حمد: 10 دقايق يعني وااجد .. مالت بس ..
فاطمة : لا شوي .. طار الكردت ..
ام حمد: بلا رزالة عليي .. بشحن ليش بعدين ..
فاطمة : ابغي 20 دينار ..
ام حمد: ماتبغين 20 كف ؟؟
فاطمة : اوووووووف .. وهي مغاورة عن امها .. وكملت مشاركتها في المنتدى ..
ام حمد: صبري لكن بقطع عليش واير النت .. بخليش تصيحين .. يا ام السان .. وطلعت عنها ..

(نرجع الى بيت علاوي (
علاوي وهو نازل من على الدرج : امااااه ..
ونزل الصالة ما شافها هناك .. شاف بس مروة .. وهي قاعدة صوب التيلفزيون ..
مروة : هلا علوووي ..
ما عطاها وجه.
مروة : وش فيك ؟؟ خالتي مو هني .. نايمة في غرفتها ..
علاوي : اهااا .. مشكورة .. وتوه بيركب فوق مرة ثانية ..
مروة : علوووووووي ..
علاوي : نعم ..
مروة : ليش يعني ما تبغي تقعد ويايي .. مو عاجبتنك قعدتي وياكم ؟؟ اذا مو عاجبتنك من الحين بروح بيتنا ..
علاوي كسرت خاطره : لاااااااا .. هذا بيتش مثل ما هو بيتنا ..
مروة : عجل ليش احسك متضايق مني .. اني وش سويت ؟؟
علاوي : ما سويتين شي .. بس انا متضايق شوي من شي خاص فيني..
مروة : انزين يصير تقول ليي وش الي مضايقنك .. يمكن اقدر اساعدك ..
علاوي : لا ما يحتاج لان انحلت المشكلة ..
مروة : انزين وش رايك اليوم نطلع ويه بعض نروح نتعشى ؟؟
علاوي : اوك .. وهو يبتسم ليها ركب فوق ..

مروة حست بارتياح لما قال ليها اوك .. قالت الحين شوي شوي بتقرب من اخويي .. لان ماليي غيره بهل الدنيا .. ولا هو الي اخت غيري .. ان شاء الله يعتبرني صديقة واخت .. الي يشكي اليها همه .. وتشكي اليه همها ..

الساعه 5 العصر ..راحت ام حمد ويه فطووم .. بيت حمد علشان يشوفون ريم .. وشافوها وسألووو عن احوالها .. وقعدووو وياهم يمكن ساعه جذي تقريبا .. بعدين رجعوووا بيتهم ..

عقب صلاه المغرب دقت مروة الباب .. ع اخوها علوووي ..
علاوي : من ..
مروة : هذه اني .. مروة ..
علاوي : دشي الباب مفتوح ..
مروة دشت الغرفه .. اني جاية اذكرك علشان نطلع ..
علاوي : انا ما نسيت .. بس الحين ادش اسبح واتبرز .. ونطلع ع طووول ..
مروة : واني بعد عجل بروح اتبرز ..
علاوي : اوك خلال ساعة تقريبا.. بنطلع اتفقنا ..
مروة : اتقفنا وهي تعمز اليه في عيونها ..

وعقب ساعه .. طلع علاوي ويه اخته مروة .. وراحووو مجمع البحرين .. وقعدووو هناك يتمشووون ويه بعض .. ويدخلووون المحلات الي هناك .. واشترت مروة ثياب .. ونعل وشنط من هناك .. وعلاوي بس اشتره اليه .. عطر من الحواج .. بعدين راحووو جيان علشان يشترووون ليهم اغراض السفر .. وعقب ما خلصووو من التسويق راحووو وقعدووو في المطاعم وطلبووو ليهم باستا من يم يم تري .. وبعدين راحووو البيت .. وشافووو ام علاوي في الصالة تحارسهم ..

مروة : هلا خاله ..
ام علاوي : هلا بتي .. ها استانستووون ..
مروة : اييييييييي .. اول مروة احس استانس جذي ..
ام علاوي : دوووم ان شاء الله هل الطلعات مو يوم ..
علاوي : هههههههه لا ان شاء الله على امرش كل يوووووم ..
مروة : احم .. من قدي بعد .. اطلع ويه واحد قمرر الكل يحسدني لاني امشي وياه ..
علاوي : ههههههههه عاد مو لهل الدرجة ..
ام علاوي : ههههههه .. انزين يالله روحووو نامووو لان باجر علينا سفرة من الصبح ..
مروة : ان شاء الله .. وراحت وباستها على راسها .. وقالت ليها تصبحين ع خير ..

بعدين راحووو كل واحد ع غرفته .. علشان يناموون .. باجر عليهم سفرة .. ..
(الصبح في بيت ام حمد)
قعدت ام حمد .. وشافت فاطمة للحين نايمة .. وراحت اليها الغرفه .
ام حمد: فطمووووو .. ام النوم ..
ولا قعدت فاطمة .. في سابع نومة ..
ام حمد: قوووومي اكو الباص وصل .. لا نهرب عنش ..
من سمعت ان الباص بيهرب عنها نطت ..
فاطمة : يووووووو ولا يقعدوني بعد.. الحين شلون ابرز روحي .. ما يصييييير ..
ام حمد: قوووومي .. باقي ساعتين ويوصل ..
فاطمة : عجل وش فيش تزهقيني تقولين ليي وصل..
ام حمد: لو ما قلنا ليش جذي ما قمتين من نومش .. ام النوووم ..
فاطمة : يالله انزين بقوووم اسبح وببرز روحي ..

وعقب ساعتين .. راحوا بيت ام علاوي وام حمد .. شارع البديع .. مكان الي يوقف الباص .. وركبووو شنطهم .. وبعدين حارسوووا لما يكتملون الناس الي وياهم .. ومشوووا .. على الصلوات ع محمد..


وصلووو عند الجسر .. وقفوهم الامن .. وقال الى السايق .. ما يصير ان انتون اطوفووون من الجسر .. لان مافيه الا سايق واحد .. انزين وبعدين .. اتصلووو حق واحد علشان يجيب .. ليسن واحد كان وياهم في الباص .. يازعم السايق الثاني .. بعدين يوم انحلت هذى المشكلة ..طلعووو ليهم حجة ثانية .. ان ماعندهم مطارق مال حريق ؟؟ يقولون علشان اذا صار حريق يكسرووون النوافذ ويطلعووون منها ( فلم هندي هو ) هههههههه .. انزين وبعدين انحلت المشكلة .. واصلوو طريقهم الى سوريا .. الحين صار وقت صلاه المغرب .. وقفوهم عند المحطة علشان يصلون ويتعشووون .
عقب ما خلصووو من الصلاه .. تعشووو .. بعدين واصلووو الطريق .. الا عقب ساعه من مشى الباص .. من المحطة .. الا مرة وحدة ما سمعووو الا مروة تقول ..

مروة : يووووو .. ما تشتمووون ريحة وايرات ..
وهم كانووو اخر ناس قاعدين ..
ام علاوي : اييييييييي .. عفر حريقة ..
ماسمعووو الا وحدة من النسوان تصارخ وتقول .. وقفوووو الباص حريــــــــــــــــــــــــقة ..
سمع السايق .. وقف الباص مرة وحدة وسط الشارع .. ويقول : نزلووووووو بسرعه (صار فلم هندي عدل )
وبعدين كل واحد نزل بسرعه بسرعه .. الا وحدة نزلت بدون نعال .. والثانية بدون حجاب .. وحدة عليها للحاف بس .. صارت حالتهم حالة .. وحدة نزلت بدون ما تنزل بتها الصغيرة النايمة .. ههههههههه صارت حالتهم مأساوية .. فلم هندي حقيقي .. خخخخخخخ.. وبعدين ركبووو الصبيان فوق الباص وشافووو ان البانكة محترقة .. وفصلوو وايراتها .
علاوي : يالله خلااااص ركبووو مافيه شي ..
فاطمة : لاااااااااا ماني راكبة .. لان حلمتي الي حلمتها ما صارت كامل .. صارت نصها .. .. يرجعونا البحرين احسن .. بعدين ينفجر علينا الباص .. وتتحقق الحلمة .. ماني .. أني كنت حاسة ان بيصيدنا شي ..وصار..
مروة: يرجعونا او يغيرون لينا الباص .. اني وحدة مابركب بعد ..
علاوي : وش فيكم انتون .. قلنا ليكم مافيه شي ركبووو خلصونا .. خلونا نروح بالسلامة ..وبلا هرار واجد .. حاسة وهرار .. صلووو على النبى ولا بيصدنا شي..
فاطمة : الموتة وحدة .. وركبت الباص بالغصب ..

ركبووو الباص .. ويوم ثاني الصبح .. وصلووو السيدة زينب .. وسكنووو في شقة فيها ثلاث غرف .. غرفه الى علاوي بروحه . وغرفه فيها فاطمة ومروة .. وغرفه الثالثة فيها ام علاوي وام حمد..
ومن السفرة .. صارت مروة صديقه فاطمة .. كانهم يعرفون بعض من زمان .. وعلاوي عرف شخصية فاطمة الي ما كان يعرفها .. الطيبة والحنان .. والحلاوة ..

كانو على الغدة كلهم يتغدون ..

علاوي : وش رايكم نروح يوم واحد لبنان ..
مروة : اييييي .. اني ربعي كانووو يتكلمون عنها وصار خاطري اروح ..
فاطمة : أي أي عاش ولد خالتي .. يالله متى بنروح عاد..
علاوي : ههههههه .. اول شي ناخذ موافقه ام علاوي .. وام حمد بعد له ..
ام علاوي : والله عليي اني عادي ..
ام حمد: اختي ام علاوي بتروح يعني اكيد اني بعد ..
علاوي : عجل اتفقنا .. الحين بس اروح احجز لينا تذاكر .. بنشوووف أي يوم نروح .. يمكن باجر او عقب باجر وش رايكم ..
فاطمة : خوفتي نروح البحرين واحنا مارحنا ..
علاوي : هههههههه مالت على فيسش انزين .. علاوي اذا يقول شي يسوي .. يعني يسوي .. قلت نسافر لبنان يعني نسافر ..
مروة : انزين عن الهرار الي ما يخلص انت الحين روح احجز لينا تذاكر .. واحنا بنروح الحرم الحين علشان نزور وبعدين بنروح نتسوق ..
علاوي : لا مافيه طلعه بروحكم .. حارسوني بروح وياكم ..
فاطمة : لا مو بروحنا بنروح ويه خالتي وامي ..
علاوي : امي ما تروح اسواق ولا خالتي .. يعني انا بروح وياكم .. مو مجنون انا اخليكم بروحكم
مروة : يعني تخاف علينا ..
علاوي : يعني اذا ما خفت على اختي وبت خالتي بخاااف على من ويالله انا اخليكم ونتلاقى في الحرم ..

وبعدين راح علاوي وحجز ليهم التذاكر وكان موعد السفر للبنان باجر . واستانسوو حدهم يوم قال ليهم ..

مروة : الاااااااااي ويلي على روحي اخيرا بروح لبنان ..
فاطمة : ويلييي عليي اني بعد .. صراحه خوووش سفرة .. اول مرة اسافر واستانس جذي ..
علاوي : تدرون انكم هبلان ههههههه ..
مروة : كيفنا احنا كيفنا ويوووو ..
فاطمة : متى يجي باجر ..
علاوي : خلكم من باجر الحين وخلونا نروح السوق .. لو ما تبون تروحون ..

بعدين راحوو السوق .. وتسوقووو .. علاوي ما اشتره ليه ولا شي .. يقول ما عجباه شي .. اما مروة وفاطمة .. اشترووو السوق كلها .. تدرون البنات اذا يروحون الاسواق ..
وخلصووو من التسوق .. وراحووو الشقة .. تعابة حدهم كل واحد راح ع غرفته ونام في سابع نومة .. وقعدووو يوم ثاني الصبح .. وركبووو في الباص الي بيوديهم لبنان ..
وقفهم الباص علشان يتريقون ..

ام علاوي : هدويه المكان الي جايبنة فيه ..
علاوي : وش فيه اكو وش حلاوته له ..
ام علاوي : مو على الحلاوة .. برررررد حده .. مو قادرة ..
علاوي : هههههههههه بعد حسبالش البحرين ..
ام علاوي : أي والله اكو عقب جم يوم بنروح الى الحر ..

بعدين اتريقووو .. وعقب ما تريقووو .. واصلووو رحلتهم الى لبنان اول ما وصلووو هناك .. ركبووو في قارب .. ودار فيهم وهم يدورون .. وذاك مشغل الاغاني حدها .. ويشوفون المناظر الطبيعية .. الي تسحر ..
فاطمة : ويلي ع هل المناظر .. تشرح الخاطر ..
مروة : أي والله .. كأنه محسرين ماعندنا هل المناظر في البحرين ماعندنا الا جبل الدخان .. لا ولا يسمى جبل بعد .. شوفي هل الجبال بس..
ام علاوي : بسكم عاد عقرة ع البحرين ..
ام حمد: ههههههههه وش دراني عنهم ولا كأنها بلدهم ..
علاوي : سكتووو عاد لو ويش قلتون .. لو وين رحتون مصيركم للبحرين .. ام المليون نخلة ..
فاطمة : لا ام مليون اشارة مرور ههههههه

عقب رحلتهم البحرية .. راحووو علشان يركبون في التلفريك .. اول ماشافته مروة قالت ..
مروة : بل ماني راكبة اخااااااااف ..
فاطمة : مالت عليش الا وش حلاوته تشوفين لبنان بكبرها منه ..
مروة : اييييي ادري بس يخوووف شوفيه انتين ..
علاوي انزين ماتبغين تركبين قعدي انا وفاطمة بنركب ..
مروة : لا بركب .. مو كل يوم اني بجي ..

عقب الكلام الطويل الي ما يخلص بينهم .. راحووو هم الثلاثة وركبووو في التلفريك .. واستانسووو حدهم .. اولهم مروة الي كانت خايفة بالبداية.. بس بعدين قالت ياريت كل يوم نجي ..
وعقب ما خلصووو من التلفريك .. راحوو مغارة جعيتا .. اول ما دخلوها ..
فاطمة : وااااااااااااو كشوووووووخي حدها ..
مروة : ماعندي شي اقوله غير روووووعه ..
علاوي : انزين خلونا نكمل طريقنا داخل له ..
مشووو شوي داخل المغارة .. شافووو نقعه ماي هناك .. والناس واقفين وبها ويفلتون فيها أي عملة عندهم ..

مروة : حق وي يعني يسووون جذي ..
علاوي : هذا الله يسلمش .. اذا عندش امنية تفلتين أي .. عملة عندش .. وتقولين الامنية الي عندش وتتحقق ..
فاطمة : هررراررر يعني .. وش عليش منهم امشي بس..
مروة : انزين هرار واحنا وش علينا اكو عندي ربية من البحرين .. بفلتها وبجي ..
فاطمة : مو بس انتين بجي وياش ..
علاوي : بل بل عليش توش تقولين هرار والحين بتروحين ..
فاطمة : كيفي ..
وراحووو وفلتووو الربابي الي عندهم وقالووو امنيتهم .. وكملووو الطريق ولما خلصووو .. في جزء ثاني في المغارة .. يروحون في قارب .. ماااااي .. وذاك الماي بااااااارد حده .. والمغارة بعد باردة .

علاوي :الحين بنركب بس حطوا بالكم
فاطمة ومروة: ان شاااااء الله
وعقب ما خلصووو من رحلة المغارة .. طلعووو برة وشافووو ام علاوي وام حمد ينتظرونهم .. وبعدين ركبووو الباص .. وداهم متحف المشاهير .. هناك شافووو المشاهير منهم .. اطول رجل في العالم .. ومشاهير واجد ما اذكرهم ..
بعدين رجعوووا سوريا مرة ثانية .. وقعدووو فيها يمكن اسبوع بعد .. بعدين رجعووو البحرين ..

ان شاء الله عجبكم البارت .. انتظروني في البارت الجاي .. بتعرفون وش بيصير بين علاوي وذيك المجهولة .. هل بتضل مجهولة او بيعرفها .. واذا تبغوون تعرفون من هي .. شوفوووني في البارت الي بعده

[بحور العشق]

الالالاي البارت عجيب
يلاا في انتظارج حبيبتي
لا تتأخرين علينه

ومشكورة