قصة بحرانية (منقوله)

[سيناريو]

الله يعطيش العافيه دلوعة المدينه بااااااارت حلو روعه
جااااااااااري الأنتظاااااار

[دلوعة المدينة]

يسلمووووو سيناريو على المتابعة

[دلوعة المدينة]

علاوي : ابويي ..
حسين : عيونه ..
علاوي : قررت .. ان عقب ما اخلص التوجيهي .. اروح برة ادرس حسين : انزين ياولدي انت باقي ليك سنتين .. اذا خلصت هذي السنتين .. بنفكر بعدين ويش بنسوي .. ما نفكر الحين احسن .. لان ما تدري ويش يصير ..
علاوي : لااا انا ما ابغي ادرس هني .. يعجزووون ولا يتخرجون في جامعة البحرين ..
حسين : انزين عندنا جامعات غير عن جامعة البحرين .. عندك الجامعات الخاااصة ..
علاوي: بس ما ابغي ادرس هني حلمي ان انا ادرس برة ..
حسين : ان شاء الله يصير اللي في بالك .. بس توها الناس انك تفكر في هذا الموضوع .. اول شي تخرج .. وبعدين يصير خير ..
علاوي : ادري ان توها الناس .. بس ابغي اقول ليك من الحين احسن من بعدين ..
حسين : ان شاء الله له ..
سارة : عن ويه تتكلمون بعد ..
علاوي : نتكلم عن مستقبلي .. ان اسافر برة ادرس اذا خلصت التوجيهي ..
سارة : وييييييييييييييش ما سمعت .. عدل .. شنو تسافر برة .. تبغاني اموووت اني بدونك هني ..
علاوي : ومن قال انا اقدر اسافر من دونكم ..
سارة : حسبالي بعد .. هههههههه
حسين : ههههههههه .. للحين ما صار شي .. وهي تخطط ويه ولدها .. ما اقدر عليكم انا ..
علاوي : كيفنا كيفنا انا وامي هههههههههه
سارة : ويلييييييييييي صدق طالع عليي ولدي ..
حسين : انزين بسكم .. وقوم جيب ليي جم خاطرة من خواطرك علشان اقراها .. واوديهم الجريدة له ..
علاوي: ان شاء الله .. تامرني امر يا ابو علاوي ..

في بيت فاطمة :ــ
زينب : فطوووم ابغيش اتساعديني ..
فاطمة : في شنووو .. بعد
زينب : ابغيش تتطبخين جم طبخة من ايدش الحليوين ..
فاطمة : اووووووووف مو فاضية اطبخ ..
زينب : لاااااااااا والله مو كيفش .. بيجون اليوم بيت خالتش
فاطمة : بيت خالتي .. أي خالة ..
زينب : ويش فيش فطموووو خرفتين .. عندش جم خالة بعد .. وحدة ام علي بعد أي خالة ..
فاطمة : خالتي ام علي بتجي بيتنا .. اكيييييييييييييد بقوم اطبخ .. تآمريني امر يا احلى ام في الدنيا ..
زينب : ايييييييييي من سمعت بيت خالتها .. قالت تامريني امر .. صدق انش ما تستحين ..
فاطمة : بعد ويش سويت اني بعددد .. اوووووووف كله تسكتني وبس .. وتظن فيني ظن السوووء .. ويش اسوي اني اذا احب خااالتي ..
زينب : انزين خلصيني من هدرتش .. وقومي ورايي المطبخ يالله
فاطمة: دقااايق واني بجي وراااااش ..

نرجع الى علاوي .. والبنت المجهولة الي يكلمها ..
علاوي : ياهلا بالي دخلت المسنجر .. ونورته ..
.... هلا وغلا .. احم احم ..
علاوي : وينش انتين من ضفتيني ذيك اليوم .. مادشيتين بعد ..
... اني اللي ويني لو انت .. الي رحت ولا رجعت .. خليتيني انتظرك هني يمكن ساعتين .. ومليت وقمت ..

اول مرة يحس علاوي ان في احد مهتم فيه هل الكثر .. يمكن فيه بنات واجد ينتظرونه .. بس يحس هذه غييييييير عنهم كل اللي عرفهم .. وبنات واجد ينتظرونه .. بس يحارسونة بالكثير ربع ساعة وخلاص .. مو ساعتين .. وانا ويش فيني قاعد افكر بعد .. انزين عادي .. كلهم معجبين في النهاية .. انا ما ابغي اعلق روحي في بنية .. اوووووف ليش هذه تخليني افكر فيها .. وانا ولا وحدة قدرت ان هي تاخذ فكري .. ليش هذه بالذات ..

......... علووووووووي .. شفيك ساكت وين راح تفكيرك .. او تكلم احد غيري يعني ..
علاوي : لا وياش انا ..
.... انزين ما قلت ليي .. ليش مارجعت ذاك اليوم ؟؟
علاوي : لان حسيت ان انا ابغي اكتب .. رحت وكتبت ..
..... تكتب شنو ؟؟
علاوي : خواطر .. على قدي
... والله صدق .. واني بعد اكتب خواطر .. اعشق كتب الخواطر ..
علاوي : والله صدق .. يعني فيه شي مشترك بينا ..
......... ايييييييي .. انزين ويش رايك اطرش ليك اغنية .. وتسمعها .. وان شاء الله تعجبك ..
علاوي : يالله ..
وطرشت الاغنية .. وكانت اغنية عمرودياب(ومالو)..
علااوي : واااااااااااااااو .. احب اسمع حق عمرووووو ..احب كل اغانيه ,,
..... يعني طلع شي ثاني مشترك بينا ..
علاوي : انزييييييييين عادي .. بالصدفة ,,
.... أي صدفة . لكن ويش دراك يمكن مع الايام يصير شي .. اكبر من جذي ..
علاوي : يعني شنووو .. ويش قصدش ..
.... ما يحتاج اقول .. لان اكيييييييييد فهمت قصدي ..
علاوي : اييييييييييي فهمت قصدش وزيييييييين بعد .. بس خلي في بالش .. مستحيييييييييل يصير اللي في بالش ..
........ لا ما فيه شي مستحيييييييل .. ومع الايام .. بتعرف .. مستحيل او لا .. وخل في بالك .. اني اللي في بالي ع طووول يصير ..
علاوي : بس هل المرة ما بيصير .. ويالله باي .. لان مشغول ..
...... ليش اتهربت يعني ..
علاوي : لا من شنو بهرب .. بس امي قامت تنادي عليي .. بنطلع .. بنروح بيت خالتي نتغدى .. اكلمش في الليل اذا رجعت .. علشان لا تقولين اتهرب .. مو علاوي الي يتهرب ..
...... اوك .. باااي اتحمل بروحك ..
علاوي: باييي

عقب ما سكر علاوي ايميلة .. قامت .. تقول في خاطرها .. اخليك اتحبني ياعلاوي .. يعني اخليك اتحبني .. لاني احبك .. ولا اقدر اعيش من دونك .. ولا يصير ان احب من طرف واحد .. مو ناوية اتعذب سنوات ازيد من السنوات الي انتظرتها ..

(بيت الخالة زنوب)
علاوي : السلااااام عليكم ..
زينب : وعليكم السلام .. حيالله بالقاطع ..
علاوي : مو قاطع ولا شي .. بس ويش اسوي الدراسة يا خالة ما تخلي الواحد يتنفس ..
زينب: الله يوفقك يا ولدي .. ونشوفك دكتور
علاوي : يارب .. انزين خالة وينة حمووووود
زينب : حمد في غرفته نايم ..
علاوي : نايم لهل الحزة .. صدق ما عنده سالفة ..
زينب : امك وابوك وينهم ..
علاوي : في الطريق .. انا جاي ويه السايق ..
زينب : انزين اركب فوق وقعد حمد على ما ابرز الغدى..
علاو ي: ان شاء الله

شاف فاطمة في طريقة الى غرفة حمد .. اوووووف صدفة مو حليوة كلش وععععع .. ما احب اشوفها ..
علاوي : هلا بنت خالتي .. شخبارش ..
فاطمة : الحمد لله .. من وين طالعة الشمس اليوم ..
علاوي : ليش شايفتني شمس يعني .. تساليني من وين طالع .. ههههههه..
فاطمة : لا مو قصدي هيك يعني .. بس من زمان ما نشوفك في بيتنا ..
علاوي : أي شسوي .. مشغوووول حدي ..
فاطمة : اهااا .. مشغول حتى اتزور اهلك ..
علاوي : انزين قلت ليش مو فاضي انا .. اكو يوم فضيت جيت .. يالله نزلي تحت .. ساعدي خالتي .. يالخايبة .. هههههههه
فاطمة : مالت بس مالت ..
علاوي : عليي غصووون الجنة يارب ..
فاطمة : صدق مغرور ..
علاوي : من زمان هههههههه وقالوها من قبلش .. هههههههه
فاطمة : اروح تحت احسن من مقابلت وجهك ..
علاوي : الا ميتة على وجهي .. بس مو راضية تعترفين ..
فاطمة : وعععععععع لو خلصت الصبيان من الديرة ما افكر فيك .. يالمغرور ..
علاوي : مشكلتي اقراء عيون المعجبين فيني .. ههههههه يعني ماتعرفين اتخبين اعجابش فيني .. ويووووووو ..
فاطمة : اوووف .. اروح قبل لا تلوع جبدي ازيد ..
علاوي : فكه خخخخخخخخخخخ
فاطمة : بسكت عنك . وروح قعد حمد احسن ليك .. جان تطفش شوووي ..
علاوي : ادري احسن من مقابلة وجهش ويوووو ..

وراح علاوي علشان يقعد حمد .. وشافه في سابع نومة .. ع طول من دش الغرفة .. راح وشال للحاف من عليه ..
علاوي : حمدووووووو قوووووووم ابو النوم ..
حمد : اووووووووف من انت بعد .. ما تخلون الواحد يستانس في نومتة ..
علاوي : قوووم يازعم يحلم في حبيبة القلب ..
حمد : اوووووووف هذا انت .. ما طلعت ليي الا اليوم يعني .. يوم اجازتي . . وتخرب عليي نومتي .. والله انك فاضي .. قوم خلني اكمل نومتني ..
علاوي : مانه .. قوووم اقعد بروحي يعني ها ها .. صدق مو وجه حشيمة وانا اقول بجي لولد خالتي حبيبي واحشني وبقعد وياااه ..
حمد : انزييييييين انت انزل وانا بنزل وراك ..
علاوي : أي مجنون انا علشان ما اشوف رقعة وجهك .. قوووووم حمووود .. شايف ليك مرة .. قوووووم
حمد: صدددددق .. من ..
علاوي : قوم انت وبقول ليك عنها ..
حمد : انزييييييين

وقام حمد .. ودش الحمام .. وغسل وكل شي .. بعدين نزلووو تحت .. شافوهم كلهم على طاولة الطعام يحارسونهم ..

ام حمد: انجان مانزلتون بعد .. ما صار غدى .. صار عشاء ..
علاوي : وش اسوي بعد خالتي هذا ولدش.. ساعة على ما قام من نومتة .. ذبحني وبعدين قام ..
ام حمد : ايييييييي ادري فيه عيار ..
حمد : يالله عاد الحين كلهم عليي بيصيروون .. اقعد انت علشان نتغدى .. ميت جوع انا ..

بعدين قامووو كلهم وراحووو .. الصالة علشان يشربون الشاي .. وصارت السوالف والضحك .. صارت الساعة 5 العصر ..
علاوي : يالله انا اخليكم ..
ام حمد : ويييييييين يا ولدي اقعد توها الناس ..
علاوي : مرة ثانية ان شاء الله اقعد اكثر .. بس لازم اروح ..
زينب : ويش فيك اقعد له .. وش تسوي تروح هناك .. بروحك ..
علاوي : بروح عليي دراسة له
زينب : اوك .. احنا عقب دقايق هناك وياك ..
علاوي : اوك .. يالله مع السلامة ..
كلهم : الله يسلمك ..

ع طول راح وفتح ايميلة .. كان يبغي يشوف ذيك ويكلمها .. بس ما كانت اون لاين .. وحس علاوي ذاك الوقت بخيبة امل .. بس شاف نوروو اون لاين ..

نور : هلا علوووووووي
علاوي : هلا نورووو
نور : وش فيك .. احسك مضايق .
علاوي : لا مو مضايق ولا شي ليش ..
نور : مادري من كلامك يبين انك متضايق ..
علاوي : بالعكس مو متضايق .. مستانس حدي ..
نور : فرحني وياااك ..
علاوي : بس خلاص بيتحقق حلمي وبسافر ..
نور : تسااافر .. وييييين
علاوي : اذا خلصت التوجيهي .. بسافر الاردن علشان ادرس هناك نور : وش قاعد تقووول .. علاوي .. تدري اذا سافرت وش بيصير فيني ..
علاوي : وش بيصير فيش يعني .. انزين كل الربع بيسافروون .. يعني انتين اكيد ويانا ..
نور : لااااا اني ما بقدر اسافر .. تدري امي مريضة .. ما ليها الا اني .. يعني ما يصير اهدها واسافر ..
علاوي : انزييييين ويش بيصير فيش يعني .. انا مجرد زميل وياش واكو كلهم بيسافرووون .. ليش انتين مهتمة فيني يعني .
نور : لمتىىى يعني بتحس فيني .. لمتى بظل اخبي حبي عليك .. احبك علي .. اييييييييييييي احبك .. ولا اقدر استغنى عنك ..
وحس لما قالت نور جذي ..حس ان الكلام طلع من قلبها .. وقال معقولة نور تحبني لهل الدرجة يعني .. تحبني وانا كنت اظنها بس ان هي مجرد معجبة فيني .. ويعني اللي تحبه طلعت انا!!

علاوي : نور .. انتين صدق تحبيني .. بس تحبيني كأخو .. شوفي 10 سنين واحنا مع بعض .. يعني انتين متعودة عليي وعلى طول ويايي .. يعني انا بعد احبش .. بس احبش كإخت مو اكثر .. وحتى انتين لو راجعتين شعورش بتحسين بمثل الشي ..
نور: .....
علاوي : ؟؟
نور : بس انت مو حاس فيني علوووي .. ولا حاس بحبي ليك ..
علاوي : نور انا آسف ..
نور : اسف ع شنووو ..
علاوي : ما اقدر اكون مثل الي تبغينة .. ان احبش .. انا اعتبرش زميلة .. واخت وبظل اعتبرش جذي الى الابد .. يعني ارجوووش كلميني على ان انا زميل مو اكثر .. ولا تخليني اخسرش ..
نور : اوك .. انسى .. ولا كأن صار شي

وش بيصير في علاوي لما عرف بحب نور اليه .. بيحبها ؟؟ او لا .. وش بيصير بينه وبين .. ذيك المجهولة ؟؟
كل هذا في البارت الي بعده ..

[نور الحوراء]

مشكورة يالغلا
ننتظر التكمله..

[زهرة القلوب]

الله يعطيش العافيه
ننتظر التكمله
تحياتي

[الأمل البعيد]

الله يعطيش العافية
>>> جاري الإنتظار <<<
تحيااااتي

[اللؤلؤ المكنون]

يسلمووووووووووو والله يعطيك ألف عافية ونحن بانتظارك

[سيناريو]

لو أني مكان فطموووو حتى لوكنت أحبه أخلي قلبي مايحبه لانه مغرور وبعدين ويش يضمني بعد الزواج مايكون له معجبين ومايلعب بذيله هالنوعيه من الرجال الحياه وياهم كله مشاكل
مشكور دلوعتنا يسلمو على البارت وليته كان أطول شوي
دمتي بود

[المومياءة]

السلام عليكم
وااو
قصة اكثر من رائعة
قريت كل البارتات ولة تمللت
و عجبتني الاسئلة اخر شيء
بانتظار البقية

[دلوعة المدينة]

يسلمووووووو حبايبي على المتابعة


فاطمة: هلا ريميييي..عاش من سمع هل الصوت..
ريم : عاشت ايامش ..
فاطمة : شخبارش .. ويش مسوية .. وينش من زمان ما تتصلين ولا تمرين ..
ريم: وش اسوي .. تدرين بالحال .. من البيت الى المدرسة .. ومن المدرسة الى البيت .. لا اطلع ولا شي .. لا اروح مني ولا مناك .. ساعات اذا بنت خالتي عندها وقت فراغ تمر عليي بسسسسس..
فاطمة : هذا حالنا يا حبيبتي .. وش انسوي بعد ..
ريم : انزين احوالش ويه حبيب قلبش .. للحين ما فيه شي جديد فاطمة : احوالي مثل كل مرة .. حب من طرف واحد .. ياربي ريموووو اليوم شفته ما شفتينة شلون يعاملني .. تقولين مو بنت خالته .. عدوته .. ما يحس ريم .. عديم احساس ..
ريم: بجي يوم وبيعرف ان انتين تحبينة ..
فاطمة : يعرررررررف ريم وهذه المشكلة .. يعرف ان اني احبه .. من جذي صاير مغرور .. بس خلاص تعبت واني احبه وهو ما يبادلني الشعووور تعبت ..
ريم : بيجي يوووم حق هل لغرور .. وينكسر خشمة .. بيصير فيه شي .. وبيندم على غرورة مع االناس .. انزين من جم يوم قلتين ليي بتروحين بيتهم عيد ميلاده .. ويش صار ..
فاطمة : اووف على البنات الي يعرفهم .. ربعه في المدرسة .. كل وحدة تتلصق فيه .. وضحكهم وياه لوين .. واني بس قاعدة واطالع .. مو عارفة ويش اسوي .. اتمنيييت لو ما رحت ذاك اليوم ..
ريم : الله يصبر قلبش ياحبيبتي .. يالله تكبرين وتنسين .. بتحصلين واحد يحبش ويحترمش احسن منه ..
فاطمة : تدرين ريموووووو حاولت وحاولت انساه بس ما اقدر تعبت ..
فاطمة : انزين ريم خاطري اشوفش تعالي مري عليي عااد .. علشان نسولف ع راحتنا ..
ريم : ماعندي احد يجيبني ..
فاطمة : بطرش ليش السايق اذا تبغين ..
ريم : اوك .. بس اقول الى امي وبرد عليش .. باااي
فاطمة: باااي .. ردي عليي بسرعه علشان اقول الى السايق يمر عليش ..
ريم: اوكي .. ثواني بس على ما اسال امي له ..

علاوي .. قاعد ويفكر .. ولا يدري وش صار فيه يوم عرف ان نور اتحبه .. من قلبها .. اووووووووف ياربي وش فيني انا .. ساعات افكر في ذيك الي ما اعرف اسمها .. والحين في نور .. وش عندي انا .. خلهم يولون . . ثنتينهم حالهم .. وحال المعجبين .. اروح واكتب جم خاطرة احسن ليي.. من التفكير الي ما يخلص .. يصير ان انا قاعد احبهم ثنتينهم ؟؟؟ معقولة انا الي مو ناوي احب .. واحب ثنين مرة وحدة .. لالالالالا مستحييييييييل .. انا ما احب ولا بحب .. وهم خلهم يحبووني بطقاق الي يطقهم .. والله .. هذلين بنات هل الزمن .. بس يبغون واحد يتعلقون فيه ويحبونه .. وتعال اتعلق فينا وحبنا .. جيف الحب بالغصب .. قطع تفكيرة رنة التيلفون ..

علاوي : هلا حمووودي ..
حمد : هلا بيك .. وش فيك طلعت من بيتنا بالسرعة ..
علاوي : ويش اسوي خوووك .. كان راسي يالمني شوي .. جيت البيت وانسدحت ..
حمد: يعني احنا في بيتنا ما عندنا سرير تنسدح عليه ..
علاوي : بلى .. بس ما ارتاح الا ع سريري ..
حمد: انزين ما قلت ليي من الي شايفنها ليي ..
علاوي : بل بل عليك .. مافيه احد لحد الان .. بس قلت جذي علشان تقوم من نومتك ههههه
حمد: ولا تجوز انت عن سوالفك .. مادري طالع على من ..
علاوي : انزين وش عندك الحين ..
حمد: ماعندي شي ليش ..
علاوي : باجر السبت يعني مافيه دوام له ..
حمد: اييييييييي
علاوي : عجل قوم برز روحك .. علشان نروح مجمع .. او أي مكان نغير جو شوي ..
حمد : احلىىشي سويتة دقايق بكون بارز .. بس انزين .. ما يحتاج نروح ويه السايق .. سيارتي موجودة .. وفي سيارتي ناخذ راحتنا اكثر ..
علاوي : ادري بس مافيني شدة ادفع حق البترول .. ههههههههه
حمد: مالت بس مالت عليك .. ويه راسك .. ومن قال ليك ابغيك تدفع حق البترول .. المعاش توه نازل .. يعني انت معزوم اليوم ..
علاوي : اوه اوه .. اتفقنا عجل .. عقب ساعة مر عليي .. باي
حمد: باي ..

فاطمة : هلا ريمووو شخبارش .. اخيرا جيتين بيتنا ..
ريم : بعد ويش اسوي .. هذه الدنيا يا اختش ..
فاطمة : الله يساعدنا بس .. انزين تعالي نروح فوق غرفتي ..
ريم : انزين وينه خالتي ام حمد .. بسلم عليها له قبل لا اركب فوق
فاطمة : امي مو هني .. رايحة ميغامارت..تشتري اغراض ..
ريم : اها ..
راحووو فوق ع طول فتحووو الاب توب .. فتحووو مسنجر ريم ..
فاطمة : من هذا بعد ..
ريم: هذا حبيبي قلبي . عندش مانع .. وهي مطلعه اليها السانها فاطمة : حبيبي قلب من ورايي .. صدق خاينة .. ولا تقول ليي شي واني كل شي اقول اليها ..
ريم: والله اني كيفي ..
فاطمة: كيفش مو ويايي ..
ريم : مالت عليش ..
فاطمة : وعليش ..
ريم : والله صدقت ان هو حبيبي قلبي .. الا هذا حمووود .. مثل اخويي..
فاطمة : اشوووف ايميلة .. ايميلة مو غريب عليي ..
ريم : ليش يعني عندش وياه ..
فاطمة : ايييييييييي كانه عندي وياه .. صبري بفتح ايميلي علشان اتاكد..
فتحت ايميلها وشافت مثل الايميل عندها ..
ريم : يووووو طلعتين اتكلمينة انتين بعد
فاطمة : هذا اخويي حمد ..
ريم : حمد!!
فاطمة : ايييييييييي ليش مستغربة .. وانتين اكيد تعرفين ان هو ..
ريم : دبتش .. والله ما دري ان اخوووش ..
فاطمة: شلون تعرفتين عليه ..
ريم : من حدود بعد من وين ..
فاطمة : اها .. اوك بس حصل خير
ريم : تبغيني ما اكلمه من الحين بسوي بلوك ودليت ..
فاطمة : لاااااااااا ليش تسوينة .. كلميه عادي .. مافيها شي..

في القهوة (فتح الاب توب علاوي .. وشاف ذيك اون لاين )
.... هلا والله بالغايبين ..
علاوي : هلا بيش ..
... وينك ؟؟؟
علاوي : وانتين وش ليش خص انا وين .. تحقيق هو يعني ..
..... بل بل اكلتني ..
علاوي : ماليش سالفة تساليني وينك .. انتين مرتي يعني علشان تساليني ؟؟
..... ان شاء الله في المستقبل اصير مرتك .. وش دراك يالقدر ..
علاوي : ويييييييييييع .. انا اخذ وحدة مثلش ..
.... وييييييييع على شكلك .. مالت عليك .. وعلى الي اتكلمك مرة ثانية .. صدق ما تعرف تحترم الي اتكلمهم .. مالت بس مالت.. صدق مو وجه طنززززززز لو قايلة عن حقيقة ويش سويت فيي ها ..
علاوي : جب ويالله فارقي .. سويني بلوك ودليت بعد ..
.... اكييييييييد يعني بسويك .. ما ابغي حثالة في ايميلي ..
علاوي : ما ابغي اغلط عليش يا حثالة الفريق...
ما عطلت سيدة عطته بلوك ودليت ..

حمد: بل بل بل .. طلعت مو هين يا علاوي ..
علاوي : بعد اخليها .. تتفلفس عليي .. والله بنات اخر زمن .. تعال اعجب فيني .. وحبني مثل ما اني احبك .. لا ما اعرف حتى اسمها حمد: ياريت انا جذي .. يلاحقون ورايي البنات ..
علاوي : وريم ها .. حسبالك ما ادري ها ..
حمد: ويش دراك .. وهو مفتح عيونه ..
علاوي : وشدراني ورقمها في تلفونك .. عاد يا اخي غير اسمها .. علشان محد يعرف ..
حمد: ههههههههه ... خلهم يعرفون ... ما اسوي شي غلط انا .. الحب حرام يعني ..
علاوي : لا مو حرام .. يمكن ماتحبك .. متاكد يعني ان هي اتحبك
حمد: ايييييييييي متاكد..
علاوي : انزين وين اتعرفت عليها ؟؟
حمد: في حدود ..
علاوي : بل .. في حدود .. ومتاكد ان هي اتحبك .. اشك ان هي اتحبك..
حمد: يه .. جيف كل وحدة دشت حدود مو زينة ..
علاوي : تقدر اتقول ربع الي يدشون بس زينين .. يعني بالغلط اذا اتحصل وحدة اتحب ..
حمد: والله انا الحين 9 شهور وانا اكلمها .. ولا شفت منها شي غلط علاوي : بس 9 شهور مو كفاية ان انت تعرفها عدل ..
حمد: لا كفاية ..

ريم تقول في خاطرها . . عرفت ان اني اكلم اخوها .. ياربييييييي وش بيصير .. اذا عرفت ان احنا انكلم بعض في التيلفون .. وهي ما تدري .. اوووووف ياربي .. والله ما كنت ادري ان هو اخوها .. توني من جم شهر عرفت .. والحين هي عرفت .. ويش بيصير .. الحين بس اروح البيت واقول الى حمد .. علشان نشوف ويش بيصير ..

فاطمة : هي هي ريمووووو .. وش فيش .. وين راح فكرش..
ريم : هلا .. وين راح يعني وياش .. اشوفش ويش تسوين ..
فاطمة : ايييييييي كلش ..
ريم : انزين فطووم اني اتاخرت ابغي اروح البيت ..
فاطمة : بس السايق مو هني .. انتظري لما حمد يرجع ونوصلش ..
ريم : لااااااااااااااا فطوووم ..
فاطمة : ليش ..
ريم : بس ما ابغي .. هو ما يدري ان أني صديقتش .. ولاابغي يعرف ..
فاطمة : انزين ما بيعرف .. ما بقول ليه اني ..

فاطمة قالت ان حمد بيوصلونها علشان تشوف .. ردت فعل حمد لما يشوفها .. لان فاطمة ما صدقت ان مابينهم شي .. قالت اكييييييييد فيه شي بس ريم مو راضية تقول ويش هذا الشي ..بس اني بكتشف هذا الشي..

حمد: علاوي .. الحق ..
علاوي : ويييييييييش .. وش فيك جذي كانك منزهق ..
حمد: اختي فطووم توها متصلة تقول ان ريم في بيتنا ..
علاوي : بل ويش وداها بيتكم بعددددددددد..
حمد: مو هي صديقة اختييييييييي
علاوي : وحق وي تجذب عليي تقول عرفتها في حدود ..
حمد: ما جذبت انا توني من جم شهر عرفت ان هي صديقتها .. والله طلعت بالصدفة ..
علاوي : انزين .. وفي بيتكم يعني بتاكلك هي يعني .. لو انت بتاكلها .
حمد: اوووووووووف منك انت .. تبغاني اوصلها بيتهم ...
علاوي : انزيييييييين .. مو تبين ان هي تعرفك ولا انت تعرفها ..
حمد: اخاااف ان يبين علينا ..
علاوي : لا تعرف ان انت تسوي روحك ما تعرفها .. ويش رايك اجي وياك علشان طول الطريق .. نسولف علشان ما تحس فاطمة اختك بشي ..
حمد : ايييييييييي تعال ..
علاوي : انزين ليش ما تبغي اختك تعرف ..
حمد : ما ابغيها تعرف الحين . مو وقته ..

(في السيارة )
فاطمة : حمد ..
حمد: نعم ..
فاطمة : ليش للحين ما سالت وين يصير بيتهم .. جيف تعرف وينة
حمد: لااا .. ما اعرف .. بس تونا طالعين من بيتنا .. خلينا انطوف هل الاشارات وبعدين شرحي ليي ..
فاطمة في خاطرها .. انطوف الاشارات .. اصلا اكيييييييد ما يحتاج اوصف ليك .. اكيد تعرف بيتهم وعدل بعد .. مو عليي هل الحركات ..
بعدين قامت فاطمة تشرح الى حمد طريق بيت ريم .. ويمكن بعد 10 دقايق .. وصلووو صوب بيتهم ..
فاطمة :ريمييييييي .. قومي وصلنا .. وش فيش مفهية ..
ريم : لا مو مفهية .. ادري وصلنا ..
فاطمة : انزين ويش تحارسين .. ههههههههه
ريم : ما احارس شي .. اوووووف منش انتين
فاطمة : وش فيش عصبتين ..
ريم .. بااااااااااي
حمد: وش فيش انتين .. ويه لبنية .. احرجتينها .. قومي نزلي .. ويش تحارسين ..
فاطمة : اوووووه ماترضى عليها يعني ..
علاوي : لااااااا والله الحركة الي سويتينها غلط ..
فاطمة : وانت ويش دخلك .. اني ويه اخويي .. لا تحشرهاا
علاوي : ما احب اشوف اغلط واسكت ..
فاطمة : اوووووووف يالله بسرعة ابغي اروح البيت .. قال غلط قال من اللي يعرف الغلط ..

وصلووو فاطمة بيتهم .. وبعدين وصل حمد علاوي .. قبل لا ينام فتح مسنجرة .. يقول مادري وش فيني ابغي اكلم نورووو..

فتح علاوي المسنجر .. بس ما كان احد اون لاين .. وحس بضييييق .. يقول وش فيني انا .. مهتم في نوروو .. ومهتم ان انا اشوفها .. ياربي عفر احب ثنيتن في وقت واااااااااحد .. نورو يعجبني فيها صراحتها .. وطيبها .. وخجلها .. وذيك الي ما اعرف حتى اسمها .. عجبني فيها عصبيتها .. وتمردها .. ياربيييييييي وش اسوي انا الحين .. اقطع روحي نصفين ..

تبون تعرفون .. وش يصير بين حمد .. وريم .. وش بيكون ردت فعل .. فاطمة من ريم .. وتبون تعرفون وش يصير في علاوي ؟؟ كل هذا في البارت الي بعده ..

وان شاء الله عجبكم ..

[دلوعة المدينة]

البارت الخامس..

ريم: حمووود ..
حمد : عيونه ..
ريم : اختك عرفت ان اني اكلمك ..
حمد: حلفييييييييي
ريم : والله .. شافت ايميلك في مسنجري ..
حمد: وانتين ليش فاتحة ايميلش في بيتنا ..
ريم : واني وش دراني ان هي بتلاحظ ..
حمد: انزين وش قالت .. واني اشوفها شلون كانت اتكلمش .. وتكلمني .. كانها حاسة في شي ..
ريم : ايييييييي واني بعد .. حسيت بهذا الشعور..
حمد: بس انتين مو اتبينين ليها شي ..
ريم : وانت ليش ما تبغيها تعرف ..
حمد : لان مو وقته تعرف الحين ..
ريم : بعد اتحارس الى متى ..
حمد: احارس لما اتكمل شقتي له .. علشان انجي بيتكم .. ويصير كل شي رسمي ..
ريم : ليش احس ان انت ما تحبني .. بس اني مو متعودة اخبي شي عن فطووم
حمد: اتحسين ان انا ما احبش لان ما ابغي اختي تعرف الحين ؟؟؟
ريم: ايييييييي
حمد: انزين روحي قولي ليها اوكي ..
ريم: لا انت الي قول ليها ..
حمد: ليش اتخافين من ردت فعلها ..
ريم : لا ما اخاف من شي .. بس انت احسن تقول ليها ..
حمد: انا قلت ليش ما بقول ليهم الحين .. تبغينها تعرف انتين روحي قولي ليها .. مو تعورين راسي ..
ريم : وانت ليش الحين اتكلمني جذي .. اوووووووف قول ماتحبني وخلاص ..
حمد: اعصابي وصلت حدها هاااااااا .. روحي عني .. سويني بلوك ودليت مرة وحدة .. وانسي رقمي مو تتصلين فيني اوكييييي .. سوي الي تبغينه..
وع طول بند حمد ايميلة .. اوووووووف وش هل اليوم النحس .. وش فيها عليي .. انا غلطت عليها ؟؟ ياربيييييييييي ويش اسوي .. ماعليه علشان تعرف شلون تسمع كلامي .. قلت ليها مو الحين تقول يعني مو الحين .. لا تعاندني .. رن تيلفونه وكانت ريم .. بس عاطنها السين ..
ريم : اوووووف يعني زعلاااان حده .. واني ما قلت شي غلط .. يحبني يقول اليهم له .. ليش خايف .. اكيييييييد ما يحبني .. بس ما بتصل .. ولا بكلمه اذا يحبني الايام بتثبت .. بجي بيخطبني من عند اهلي ..

سارة : علاوي حبيبي .. قوووم .. الساعة 7 اتاخرت عن المدرسة علاوي : الساعة 7 باااااااااااااااال اتاخرت وااجد .. ليش ما قعدتوني سارة : لان متعودين انت الي تقعد بروحك .. مادري ويش فيك هل الايام .. مو علاوي الي اتعودنا عليه ..
علاوي : يعني ويش فيني بعددد ..
سارة : مادري وش فيك .. انت اللي لازم اتقول ليي وش فيك ..
علاوي : مافيني شي ..
سارة : تجذب على امك حبيبتك ؟؟ الي ماليك غيرها في هل الدنيا ..
علاوي : صدقيني ما فيني شي .. بس يمكن خايف لان الامتحانت قربت ..
سارة : لا ولدي علوووي ما يخاف من الامتحانت .. لان شاطر .. فيه شي ثاني بس ماتبغي اتقول ليي ..
علاوي : انزين امااه انا متاخر .. بقوم ..
سارة : بس توعدني اذا رجعت اتقول ويش الي يشغلك هل اليومين ..
علاوي : ان شاء الله ..


( في الصف )
احمد: وش فيه اليوم علووووووووي ..
محمد: مادري هذه يومين كله حاله جذي ..
احمد: يووووووووو يمكن مريض واحنا ماندري ..
محمد: يمكن مريض بمرض اسمه الحب ..
احمد: يلا هرار انت ..
محمد: صدقنيييييييييي .. رفيقنا يحب ..
احمد: لا ما اعتقد علوووووووووي ما يحب .. لو بيحب انجان حب من زمان ..
محمد: بتشووووووووووف الايام بتثبت صحة كلامي ..
احمد: ويش فيك واثق من كلامك وااجد ..
محمد: لان اعرف انا هل المرض .. عشته من قبله ..
احمد: مالت عليك ..
محمد: ما تلاحظ شي ثاني بعد ..
احمد: شنو بعد
محمد: ما تلاحظ ان نورووو مثل حال علاوي ..
احمد: ايييييييي ما يكلمون بعض ولا يقعدووون ويه بعض مثل قبل محمد: عفيه علييييييييييك .. يعني ويه .. يحبووووون بعض .. انا افهمها وهي طايرة .. بس علاوي .. مايبغي يقول حق نور ان هو يحبها .. لان غرورة ما يسمح ليه ,,
احمد: هي انت حدك .. مو تقول عنه مغرور ..
محمد: لا تدري ان هو شلون مغرور ويه البنات ..
علاوي : وش فيكم سكتون يوم انا جيت ..
احمد : يقولون ان انت مريض بمرض الحب ..
علاوي : هذا اكيد كلام محمد..
محمد: ايييييييي كلامي .. واكيييييد كلامي صح ..
علاوي : مو انا الي تطيحني بنية .. وانتون تدرون ..
محمد: ههههههههههه لاطيحتك .. وخلتك تذوووب في حبها بعد علاوي : هيهيهيهيه خفيف حدك
محمد: على فكرة اعرفها بعد .. نورووو هههههههه
علاوي : لو سمحت سكر هل الموضوع البايخ ..

فاطمة : ريم ..
ريم كانت منتبهة الى المعلمة ..
فاطمة : ريموووو مو تسوين روحش شاطرة ..
ريم : ويييييش ذبحتيني ..
فاطمة : بتقولين ليي وش بينش وبين حمد ..
ريم : مافي بينا شي ..
فاطمة : لا فيه .. يعني ويش بيصير اذا قلتين .. والله ما بنحصل عروس الى اخويي احسن منش ..
من قالت فاطمة جذي حست ريم يارتياح ..
ريم : اقول ليش بس ما تزعلين مني ..
فاطمة : اوك ..
ريم : اوعديني اول ان ما اخسرش .. ولا تزعلين مني ..
فاطمة : اذا ما قلتين بزعل ..
ريم : الحين من 9 شهور اكلم اخوووش .. بس عرفته اني في حدود .. ومن كم شهر بالصدفه عرفت ان اخوووش .. واليوم قلت اليه قول الى اهلك عني .. قال مو وقته .. وعصب عليي وراح .. ولا يرد على تيلفوناتي ..
فاطمة : ههههههههه جيف اني جاهلة تقصين عليي .. تقولين ان ما كنتين تعرفين ان اخويي .. وتعرفتين عليه من حدود ..
ريم : على راحتش .. مو تصدقين .. بس اني ما احب اجذب .. وقلت ليش كل شي صدق .. وانتين عليش تصدقيني اولا
فاطمة : لا صدقتش تصدقييييين هههههههههه
ريم : ليش تتكلمين جذي ..
فاطمة : لان عمري ما بسامحش .. على الي سويتينة .. تكلمين اخويي من ورايي .. واني الي ما اخبي عنش شي .. كل شي اقول ليش ..
ريم : فاطمة مو تخلين اندم لاني حبيت اخوووش في يوم من الايام فاطمة : لو سمحيتن ما ابغي اكلمش مرة ثانية ..
ريم : بس انتين وعدتيني ان انتين تكلميني ولا تزعلين لو شنو يصير ..
فاطمة : بس مو شي سهل اعز اصدقائش يخبووون عليش شي جذي ما توقعت منش كل هذا ياريم .. الله يسامحش
ريم : اني ما سويت شي غلط .. غلط ان اني حبيت اخووش .. الحب مو حرام.. والله كيفش كلمتيني او لا ..

ريم لما رجعت من المدرسة راحت غرفتها علشان ترتاح ليها شوي قعدت تفكر باللي صار اليوم .. ياربي خسرت حبيبي وخسرت اعز ااصدقائي .. لا مو ريم الي تستسلم بهذه السهولة .. لزماَ اخلي حمد .. يجي يخطبني .. علشان كل شي يرجع مثل قبل واحسن .. لزماَ اكلمة لو شنو يصير .. بس ما يرد على تيلفوناتي .. ايوااااااااا رقم بيتنا ما يعرفه .. بقوم اتصل منه ..

علاوي : يالله استاذن انا .. بروح ادرس ليي شوي ..
سارة : وييييين ويييييييين .. نسيت الي وعدتني فيه اليوم الصبح ..
علاوي : لا ما نسيت .. بس صدقيني اماااه لو فيه شي قلت اليش .. بس مافيه شي مهم .. بس افكر في الامتحانات ..
سارة : اوك .. ع راحتك ياولدي اذا حبيت تقول تعال قول ..
علاوي : اوك .. يالله بروح ادرس ليي جم درس ..
حسين : الله يوفقك ..
علاوي : يوفقك الجميع ياررررررررب
سارة : حبيبي ما تلاحظ الا اني الاحظ اليه ..
حسين : بلى ولدنا مادري ويش فيه هل الايام .. كل باله مو وياه ..
سارة : اييييييي مادري ويش فيه .. كبر ولدنا .. ويمكن يحب ..
حسين : هههههه لا توه صغير على الحب ..
سارة : لا مو صغير . تذكر انت متى حبيتيني واني حبيتك ..
حسين : وشلون انسى احلى ايام حياتي ..
سارة : ويلييييي عليها من ايام .. ياريت ترجع ..
حسين : تذكرين كنتين ويش تسوين اذا اعصب عليش ..
سارة : ايييييييييي كنت اهدد كله اروح اكلم ولد جيرانه ..
حسين : بس انا ما كنت اصدق .. بس لاني اخاااف واغااار عليش اصدقش ..
سارة ههههههههه

ريم : هلا ..
حمد: هلا .. من ؟؟
ريم : افااا لحقت ان انت تنسى حتى صوتي ..
حمد: ريم من وين تتكلمين ..
ريم : من بيتنا ..
حمد: ما تخافين احد يشوفش..
ريم : ما صار يهمني شي غير ان اكملك ..
حمد...
ريم : وش فيك ساكت ..
حمد: مسامحة ..
ريم : لا ما صار الا كل خير .. ما يحتاج تقول مسامحة .. واني قلت الى فاطمة .. صارت ما تكلمني ..
حمد : قلت ليش لا تقولين .. مو وقته الحين .. بس انتين عنيدة ..
ريم : انزين حمد باي باي امي ..

وسكرت التيلفون .. وهني خاف حمد على ريم ان يصيدها شي .. ياربييييي شلون الحين اتطمن عليها .. اتصل على تيلفونها .. لا ما يصيييير اخااف هم يردون عليي

ام ريم : من كنتين اتكلمين ..
ريم : كنت اكلم فطوووم ..
ام ريم : ليش من البيت يعني .. تيلفونش في ايدش .. وتقدرين اتكلمينها منه ..
ريم : لا ما فيه كردت .. من جذي جيت اكلمها من هني ..
ام ريم : انزين وش فيش مرتبكة ..
ريم : مافيني شي ..
ام ريم : انزين الحين روحي برزي روحش لان ضيوف بيزورونا اليوم ..
ريم : من هل لضيوف ..
ام ريم : ام ناصر .. وياها ناصر بعد ..
ريم : شنووووو
ام ريم : أي وياها ناصر .. بيجون علشان يشوفونش .. وتتعرفين عليهم .. ويتعرفون عليش ..
ريم : ما ابغي اشوووف احد ..
ام ريم : مو كيفش ما تبغين تشوفين احد .. كل مرة اذا احد بيجي علشان يشوفش تطلعين الف حجة وحجة .. بس هل المرة .. ام ناصر .. صديقتي .. من زمان ما ابغي اردها ..
ريم : اماااه الزواج مو لعبة ..
ام ريم : ادري ان مو لعبة .. واني ما غصبتش عليه .. اني قلت ليش قعدي وياهم وتعرفي عليهم .. يمكن يعجبش .. ناصر صبي زين .. وحليو .. ويشتغل شغلة زينة ..
ريم : الي تشوفينة امااه ..

ياربي وش اسوي .. ما ابغي اشوووف احد .. ولا اقعد ويه احد .. ما ابغي احد غير حمووود .. متى يا حمد تجي علشان تخطبني متىىى .. تعبت واني اصبر .. ياربييييييي يصبرني ..

علاوي قاعد وفي ايدة الكتاب .. بس مو عارف يركز على ولا شي في الكتاب .. يقول ويش فيني انا .. البنية تسوي فيني جذي .. الي ما اعرف اسمها خلااااص .. ما اظن ان هي تكلمني مرة ثانية .. بس نور الي اتحبني .. ياربيييي ما ابغي اكسر بقلب نور .. لانها غير البنات .. اعرفها من زمااان .. طيبة ما تستاهل .. يصير ان انا احب نور .. واكلمها .. فيه غيرها وغيرها بعد يحبوني .. ومعجبين فيني .. يعني الحين اذا قمت افكر في كل المعجبين ما بخلص .. بس نوووور غييييييير احس باحساس غريب اذا اكلمها واذا اشوفها ياربييييييي

يصير ان علاوي يعترف بالحساس الي يحسه اتجاه نور.. وشنو الجديد الي بيصير في حياه فاطمة .. وشنو بيصير في حمد اذا يعرف بخبر ريم .. بيروح يخطبها من عند اهلها او لا .. اذا تبغون تعرفون كل هذا تابعوني في البارت الي بعده .. ^_^

[اللؤلؤ المكنون]

يسلمووووووو عزيزتي ولا تطولين علينا نحن بإنتظارك

[الأمل البعيد]

وااااااااااااااااااااااااو
روعة
مرة حلو
تسلميييييي
تحياااااااااتي

[زهرة القلوب]

مشكوره خيوه
الله يعطيش العافيه
ولا اطولين علينا
ننتظر التكمله
تحياتي

[دلوعة المدينة]

مشكورة حبايبي على المتابعة