قصة بحرانية (منقوله)

[طفله مثل القمر]

..
لما رجعووو من السفر .. صار ليهم يومين .. كان علاوي قاعد بروحه في غرفته مو عارف وش يسوي .. قال ماليي الا افتح ايميلي الثاني الي ضفتها فيه

علاوي : السلام ..
.....: عليكم السلام ..
علاوي : شخبارش .. وش مسوية .. ليش وحشة ..
......: الحمد لله بخير .. شلون ليي وحشة وانت ثاني مرة تكلمني ..
علاو ي: لا مو اول مرة .. انا علوووي .. اذا تذكريني ..
واستغربت من يوم قال علوووي ..
....: علوووووووي !!!
علاوي : أي علوووي .. وش فيش مستغربة ..
......: مستغربة لان اخر يوم كلمتك فيه .. في ذاك الايميل .. ما توقعتك ان انت تكلمني مرة ثانية ..
علاوي : وانا بعد ما توقعت نفسي ان اكلمش .. بس مادري ذاك اليوم ما حصلت احد غيرش اشكي ليه همي ..
.....: وليش اني بالذات يعني .. ليش مو احد غيري ..
علاوي : ما دري احس بشعور غير اتجاهش ..
....: شعور شنو .
علاوي : ماعرف شلون اشرح ليش .. او شلون اقول ليش ..
....: ما يحتاج تشرح ولا شي .. قول بالمختصر ..
علاوي : مرة ثانية بقول ليش الحين ما اقدر ..
......: ليش ما تقدر يعني ..
علاوي : بس مشغووول اختي تبغي تقعد ع النت ..
....: اوك ع راحتك .. سي يووو علوي ..
علاوي : سي يو توو ..

قالت في خاطرها .. معقولة يعني .. معقولة ان علوووي يحبني !!
لا لا لا ما اعتقد ان هو يحبني .. علوي من النوع الي ما يحبون ولا يحسون .. لو بيحبني او بيحس فيني انجان حباني من زمان مو من الحين .. يالله بنشووف مرة ثانية وش يقول ..

في المسنجر :
احمد: مريمووو وش فيش حاقرتني ..
مريم : احمد مو حاقرتنك بس مشغولة شوي .. وش اسوي يعني .
احمد: مشغولة في وي .. تكلمين احد يعني ..
مريم : لا ما اكلم احد .. قاعدة اقرأ ..
احمد: تقرين وي ؟؟
مريم : ما اقدر ع الفضوول .. اقراء قصة .. في منتدى
احمد: انزين وش اسمها القصة بروح اقراها انا بعد ؟؟
مريم : اوووووووف صدق مللتني احمد .. وعطته الوصلة مالت القصة ..
احمد: اييييييي هذا انتون يا البنات موتكم تقرووون قصص الحب والخيانة والهرار ..
مريم : ههههههه وش ورانا احنا يعني ..
احمد: وراش عقب اسبوعين مدرسة .. قومي برزي اغراضش احسن من مقابلة هل القصة ..
مريم :والله كيفي اني.. مريول وفصلت ليي .. باقي عليي شيلات وهرار يعني ..
احمد: انزين وهل الهرار متى ناوية تشترينهم ..
مريم : واني وش دراني ماعندي احد يوديني .. بروح ويه نورووو
احمد: افااا انا موجود وتقولين ما عندش احد يوديش..
مريم :جيف عندك ليسن واني ما ادري ..
احمد: او انتين ها .. لزماً تفشليني .. يعني عندي اخوووي يوديني اذا ابغي .. او سايق علاوي هع هع ..
مريم : مالت عليك .. الحين اني اروح ويه اخوووك ؟؟
احمد: اييييييي انا وياش مو بروحش وياه ..
مريم : لا استحي وتدري فيني ..
احمد: لا ما ادري فيش اول مرة اسمع مريمووو خجووولة ههههه خبري وجها بليته هع هع ..
مريم : الحين كف ع خشمك ..
احمد: ما تقدرين .. ويووووووو
مريم : لا اقدر .. بس اشوفك براويك .. والله .. صدق ما تستحي ع وجهك ..
احمد: جيف شايفتني وي الا تقولين ليي هل الحجي .. باااااي ..
مريم : يه يازعم زعلت ..

وطلع احمد من المسنجر .. وقالت مريمووو في خاطرها .. من صدقه يعني زعل اووووووووف .. خلى يولي بقرأ القصة احسن الحين عقب شوي بدش ..وكملت قصتها .. وشاركت في المنتدى .. واحمد للحين ما دش ع المسنجر ..

مريم : وش اسوي اني الحيييين .. ماليي الا نورووو حلالة المشاكل بروح اتصل فيها ..

نور: هلا والله بالغايبين ..
مريم : هلا حبيبتي .. نوروووو ابغي منش خدمة ..
نور : أي ادري اني ما تتصلين مني والطريق قولي الي تبغينه ..
مريم : ابغيش تتصلين حق احمدووو ..
نور : ليش اني يعني اتصلي انتين ..
مريم : اني زعلان مني .. مادري ع ويه ..
نور : ههههههههه مالت عليش حسبالي فيه شي مهم الحين ..
مريم : ويعني هذا مو شي مهم ..
نور : مهم عندش يمكن ..
مريم : قولي ما تبغين تساعديني ..
نور : اساعدش في ويييييييه ..
مريم : تتصلين فيه .. وتشوفين اذا هو زعلان مني او لا ..
نور : مريم .. صدق انش فاضة .. اني مو فاضية حق هراركم ..
مريم : لا مو هرار ..
نور : هرار .. وتدرين ان مو اول مرة يصير جذي ..
مريم : بس هل المرة طول في الزعل ..
نور : يزعل لوقت الي يبغي .. بس في النهاية بيجي يكلمش وتدرين مريم : اوك مشكورة ما ابغي منش شي ..
نور : طنقرتين يا زعم .. ههههههههه
مريم : لا .. بااااااااي ..
نور : باي

(في بيت حمد )
ريم : حموووود ..
حمد: عيونه انتين .. امري تتدللي ..
ريم : ما جبت الحلويات حق الليلة نسيت له ..
حمد: لا ما نسيت .. بجيبهم عقب صلاه المغرب ..
ريم : انزييييييييين .. قوم ساعدني في العشاء ..
حمد: تامرين امر .. جم ريمي عندي انا ..
ريم : احم .. احم..

وبرزووو العشاء .. لان الليلة عازمين .. ام ريم .. وام علاوي .. وابو علاوي .. وعلاوي .. ومروة .. وام حمد .. وفاطمة .. يعني عزيمة الاهل .. وحمد قال الى صديق العمر .. اسمه وليد .. ما يقدر ما يقول اليه .. يعتبره واحد من الاهل ..

عاد فطمووو كانه منزهقة على هل العزيمة .. فاضحة امها من الصبح تبغي تروح بيت اخوها .. لان الله يسلمكم .. من هواياتها الطبخ و الاكل .. والعزيمة فيها اكل واااجد من جذي ما تبغي يفوتها .. هع هع..

فاطمة : ياربييييي متى تصير المغرب ..
ام حمد: بسش طحنة على راسي .. انفجر راسي منش ..
فاطمة : اتمللت واني احارس .. واحشيني ابغي اشوفهم بسرعه ..
ام حمد: واحشينش .. لو واحشنش الاكل ..
فاطمة : جيف شايفتيني .. منزهقة مو شايفه اكل من قبل .. او ما عمري اكلت ..
ام حمد: بتي واعرفش ام الاكل ..
فاطمة : بعد وش ورايي اني غير الاكل والنوم والنت .. ههههههههه
ام حمد: اييي ما وراش شي .. خب شغل البيت كله عليي اني لو اموووت قدامش ما قمتين شلتين خلقة ..
فاطمة : أي أي عندش انتين كله ما اسوي .. كل الشغل الي اسوي اليش ما اشتغل ..
ام حمد: مادري وش مسوية ليي .. حتى غرفتش اني ساعات اروح وارتبها ..
فاطمة : ما صار يومين عدلتينها ليي ..
ام حمد: يومين ها .. بس صبري يا ناكرة النعمة براويش ..
فاطمة : هع هع غلبناها ويوووووووو .. وع طووول ركضت غرفتها ..
ام حمد: عمرها ما بتكبر هل لبنية .. الله يخلف عليها بعقل ..

وصار وقت العزيمة .. اذن اذان المغرب .. وصلووو .. وراحووو كلهم بيت حمد ..

ريم : توه منور بيتنا ..
فاطمة : أي ادري منور بوجودي ..
مروة : يالله عاد .. بوجودي اني ..
حمد: ههههههههه مالت عليكم .. منور بوجود الكل ..
فاطمة : انزين ولمتى بعد بتعشونا ..
حمد: بل بل عليش هذ الي هامنش .. حارسي شوي بعد ..
فاطمة : وحق وي بعد نحارس .. اكو الجماعة موجودة كلها..
حمد: لا ناقص وليد ..
فاطمة : من هو هذا وليد بعد ..
حمد: اذا وصل بتعرفينه ..
وتوهم مخلصين الحجي الا سمعووو الجرس يرن ..
ريم : والله ان هو ولد حلال..اكو وصل ..
وراح حمد علشان يفتح اليه الباب ..

ودخلوووو بعدين على الجماعة الي قاعدين .. وسلم وليد عليهم .. وبعدين راحووو كلهم غرفة الطعام وقعدووو ع طاولة الطعام .. وقامووو ياكلووون .. وهم ياكلووون .. اكيد سوالف .. ولما وليد يتكلم .. فطوووم تقعد وطالع فيه .. كل كلمه كان يقولها .. تعجبنها .. وهو بعد عجبها ..وقالت في خاطرها ..
خوووش صبي .. تفكيره حليو .. وشكله حليو .. وطيب .. واخلاق الف وحدة تتمناه .. مالت عليي اني .. وش فيني قاعدة افكر فيه ..
قطعت تفكيرها مروة ..
مروة : فطوووم ..
فاطمة : هااا ..
مروة : وش فيش ساعه صار فيني اناديش ..
فاطمة : وش تبغين ..
مروة : طاوليني صحن التبولة ..
فاطمة : هاااش متفرغه .. مافي الا اني اطاولش وياه ..
مروة : انزين اكلتيني .. اسفه ..
ومروة ذاك الوقت ما عجبتها طريقة كلام فاطمة وياها .. ولما خلصووو من الغذاء .. راحووو الصالة علشان يشربوون شاي .. ولاحظ علاوي ان اخته فيها شي ..

علاوي : مروة .. وش فيش مو طبيعيه ..
مروة : مافيني شي .. بس اكلم فاطمة وماعجبتني طريقه كلامها ويايي .. كاني قاعدة اطر منها شي ..
علاوي : وش عليش منها .. تعفسين مزاجش ع شي ما يسوى ..
مروة : لا ما احب احد يكلمني جذي ..
علاوي : انزين يمكن مو قصدها.. خلاااص عشاني انا انسي الي صار ..
مروة : اوك علشانك انت بس ..

صارت الساعه .. 12 تقريبآ كل واحد راح بيتهم .. وعلاوي ع طول على النت .. واستانس يوم شافها اون لاين ..

علاوي: هلا ..
....: وغلا .. شخبارك
علاوي : الحمد لله بشوفتش ..
.....: دوم مو يوم ..
علاوي : يدوم عزش ونبض قلبش ..
......: انزين علوووي .. قررت تقول ليي وش الي كنت بتقولة ..
علاوي : ايييي ..
....: يالله انتظر اني ..
علاي: انا صراحه بدون مقدمات .. وبدون لف ودوران .. احبش ..
لما شافت الكلمة .. انصدمت ..
.....: تحبني ؟؟ !!
علاوي : ايييييييي احبش ..
.....: تدري اني من ؟؟
علاوي : لا ما ادري .. بس الي اعرفه ان انا احبش ..
......: متاكدة لو عرفت اني من ما بتحبني ..
علاوي : لا لو من تكونين بظل احبش ..
.....: اني فاطمة .. بت خالتك ..
بيه وذاك الوقت علاوي .. حصل صدمة كبيييييييرة .. كلش ما توقعها ان تكون هي .. وظل ساااكت مدة..
فاطمة : وش فيك علوي سكت ..
علاوي : مافيني شي .. بس منصدم من السالفه حدددددددي..
فاطمة : وها للحين عند كلامك ان انت اتحبني ؟؟
علاوي : ايييييييي عند كلامي ولا بغيره ..
فاطمة : بس فات الاوان علاوي ..
علاوي : فاات الاوان لييييش ؟؟
فاطمة : لاني اني ما ابادلك مثل الشعور ..
علاوي : لا مو معقووووووولة .. تحبيني انتين وانا متاكد..
فاطمة : كنت احبك .. بس الحين حبك صار ماضي بنسبة حقي ..
علاوي : لاااااااااا انتين وش قاعدة تقولييين ..
فاطمة : قاعدة اقول الصدق .. والواقع .. انت حبيت شخصيتي المجهولة .. ما حبيتني لاني فاطمة ..
علاوي .....
فاطمة : شفيك سكتتت .. كلامي ما عجبك .. اسفه علوووي اني ما اقدر ابادلك مثل الشعور ..
علاوي : انتين مو فاطمة الي اعرفها ..
فاطمة : فاطمة الي تعرفها اتغيرت .. وانت الي غيرتها يا علاوي .. انت الي خليتني احبك .. واعيش سنين .. واني احبك .. وانت ما كنت تحس بإحساسي .. بس الحين بتحس .. بااااااااااي

وسكرت ايميلها.. وصار علاوي مجرد ماااضي .. وانتهى .. والحين تقدر تشوووف حياتها .. من غير علاوي .. .. وقامت تصيييييييح .. مو لان كسر خاطرها علاوي .. لا لان ولد خالتها .. وهي ما تبغي تخسر محبة خالتها اليها من ذا السبب ..

اتمنى عجبكم البارت .. انتظروووني في البارت الاخير