البارت الثامن

علاوي وامه قاعدين يشربووون شاي في الصالة .. عقب الغدى ..

سارة : ولدي علوووووووي ..
علاوي : نعم اماااه ..
سارة : ويش مسوي في الدراااسة ؟؟
علاوي : زينة له .. بس امااه في موضوع شاغل بالي والله مو عارف ويش اسوي تعبت وانا افكرررر ..
سارة : وويش هذا الموضوع؟؟ ..
علاوي : اكيييييد تعرفين نور ..
سارة : اكيييييييييد .. اعرفها .. واعرف امها بعد ..
علاوي : انزين .. هذي نور صارحتني بحبها اليي .. انزين .. ومن صارحتني الى اليوم .. وانا افكر فيها .. واقول في نفسي ان انا بعد احبها .. واحس ان انا صدق احبها .. بس للحين مو قادر اصارحها .. ما دري ليييييييش .. احمد ومحمد يحنووون عليي ان انا اصارحها .. بس انا مو قادر .. حاولت بس ما قدرت .. خايف مادري من ويييييييش .. خايف تكون مجرد معجبة فيني .. والاعجاب يروح مع الايام ..والحين انتين الي تقدرين اتحلين ليي هل المشكلة .. قوليي ليي اصارحها اولا .. واذا صارحتها .. يصير ان احنا نظل انكلم بعض لما انا اكون نفسي .. ما بتتملل مني ؟؟
سارة : يعني احساسي كان صح .. ان سبب كل هذا ان انت تحب شوووف حبيبي الحب مو حرام .. ولا يعرف الصغير ولا الكبير .. وليش معذب البنية .. ومعذب نفسك وياها .. صارحها .. يكون احسن ليك واليها .. ادري ان انتون توكم صغار .. بس مثل ما قلت ليك الحب ما يعرف الصغير ولا الكبير .. انزين الحين انت صارحها .. وكلمها .. بس قبل كل شيء المفروض تتأكد من احساسها بصددددق اتجاهك ..
علاوي : ................
سارة : وش فيك ساكت ؟؟ للحين مو مقتنع ان انت اتصارحها ؟؟
علاوي : لا بصارحها .. وهو يبتسم الى امه .. بس مو الحين ..
سارة : لا الحين .. لان الامتحانات قربت .. ولا تشغل تفكير البنية .. ولا تشغل تفكيرك ..
علاوي : ان شاء الله .. بصارحها قبل الامتحانات..
سارة : مو تنسى تقول حقي كل جديد يصير ..
علاوي : اذا ما قلت حق امي القمررر اقول حق منووو ها ها ..
سارة : الله يخليك ليي .. ويوفقك ان شاء الله ..
علاوي: ان شاء الله ..

حمد: ويليييييييييي اليوم بنروح بيتهم .. مادري ويش اسوي من الفرحة ..
علاوي : مبروووك حبيبي .. تستاهل .. الفال الينا .. هههههههههه
حمد: ها .. في بالك وحدة .. يعني .. علشان تقول الفال الينا ..
علاوي : اييييييييي .. كيفي انا .. يوووووووووو
حمد: لا مو كيفك .. قول ليي من هي .. اكيييييييد اعرفها انا له ..
علاوي : لا ماتعرفها انت .. ويش عرفك ابها ..
حمد: يعني مو اللي في بالي .. حسافة انجان صرنا نسايب ..
علاو ي: ههههههههههه واحنا الحين وي يعني مو نسايب ..
حمد: لا بعدين غير نصير نسايب من نوع ثاني ..
علاوي :وجهك .. هههههههه .. فهمت قصدك ..
حمد : انزين من هي ؟؟
علاوي : وحدة ويايي في المدرسة .. بس على فكرة للحين ما صار ولاااا شي ..
حمد: اهااا .. الله يوفقك .. اكيييييييد امها داعية عليها ليل ونهار ..
علاو ي: يوفقك الجميع حبيبي .. هههههههه .. حق وي يعني مدعية عليها ..
حمد: لان بتاخذ احلى واطيب شخص عرفته .. هههههههههه
علاوي: ههههههههه مالت بس مالت عليك .. تغازلني وانت الحين بتروح تخطب .. جيف ناوي تاخذ ثنتين .. هههههههه
حمد: ههههههههههه طووول عمرك ما تجوووز عن سوالفك ..
علاوي : ولا بجوووز .. مو عاجبنك يعني ..
حمد: كفوووووووو مو عاجبني .. الا ميت عليك ياقمر انت ..
علاوي : حمدوووووووو جوز ها .. اني مو ريم ههههههههه
حمد: مالت عليك .. زين مني ادلع فيك ..
علاوي : عليي غصون الجنة يارب هههههههه
حمد: انزين الحين انت قوووم برز روحك له ..
علاوي : وانا ويش يوديني بعد ..
حمد: لا والله بتخلوني بروحي يعني .. قوووم برز روحك وقول الى خالتي بعد ..
علاوي : اصلا قبل لا تقول تعالووو احنا كنا بنجي .. هههههههههه كيفنا احنا ها ..
حمد: الله يخليكم اليي يارب ..

صارت الساعة 9 المغرب .. يعني صار وقت ان هم يروحون بيت ريم ..
ريم : اماااه .. مو كانهم اتاخرووو
ام ريم : لا ما اتاخرووو .. هذه انتين متشوقة علشان يجووون ..
ريم : ..........
ام ريم : ويليي على بنتي الخجولة .. لو ندري ان حمووود حبيب القلب انجان جبناه من زمان .. علشان نشوووف هل البسمة على شفايفش ..
ريم : ههههههههههه ..
ام ريم : يوووو اكوووو عفر وصلووو .. قومي اركبي فوق .. بالسرعة ما يصير يشوفونش ..
ريم : حق ويه بعد ما يصير .. ههههههههه
ام ريم : لانش عروس .. قوميي بسرعة اكو بيدخلون ..
ريم : انزين ..

بعدين وصلووو .. الرجال راحووا المجلس وسارة وام حمد وفطووم قعدوو في الصالة ..
ام حمد: شخبارش .. ام ريم ..
ام ريم : الحمد لله اسال عنكم ..
ام حمد: سالت عنش العافية ..
سارة : الا وينهي العروس ..
ام ريم : الحين بقوم اناديها ..
فاطمة : ما يحتاج خالة قعدي اني بروح انزلها ..

وراحت اليها فاطمة فوق .. وشافتها قاعدة وتفكر .. ريم مرة وحدة قامت لما شافت فاطمة ..
ريم : فطوووووووم وراحت اليها تحضنها ..
فاطمة : يالله تعالي بسرعة .. امي وخالتي تحت ينتظرونش..
ريم : ما توقعتش تجين ..
فاطمة : شلووون ما اجي مرت اخويي .. ششلون ما اجي ابارك ليها ها ..
ريم : يعني خلاص سامحتيني؟؟
فاطمة: ليش من قال زعلت منش عشان اسامحش؟؟
ريم: فدييييييييييتش والله .. وحضنتها مرة ثانية ..
فاطمة: يالله يالله لا نتأخر عليهم
ريم: اوك اوك
اول ما نزلت العروس من على الدرج .. كلهم عيونهم راحت عليها ام حمد: ما شا ءالله .. قمررررر ..
سارة : ايييييييييي والله ما نقدر انقول شي غير قمررر ..
ام ريم : يالله ريم قعدي صوب عمتش له ..

وقعدت ريم بخجل .. صوب عمتها ام حمد .. وقامت تتسال فيها . انزين وقالت ليها ويش شروطش من هذي السوالف يعني تعرفونها .. وتدرون بعد بسوالف الخطوبة .. واتفقووو على المهر وعلى الحفلة وين بتصير .. وعلى كل شي بعدين .. قامووو النسوان يجببون ..
سارة : كللللللللللللللللللوووووووش مبروك يابنتي .. منه المال ومنش العيال ..

بعدين اول ما وصل علاوي بيتهم .. اخذ تيلفونها .. على طووول اتصل .. حق نور .. ونور كان الرقم غريب بس ردت !! ..
نور: الووووووو ..
علاوي : ............. مستحي ان هو يتكلم ..
نور : الوووو من ويايي ..
علاوي : هذا انا ..
نور ما عرفت ويش ترد ..: علـي!!
علاوي :أي علي.. ماتوقعتيني ان انا يعني ..
نور : مادري شقووول .. بس صراحه ما توقعت ان انت تتصل ..
علاوي : لييييييش يعني ..
نور: لا ولا شي ..
علاوي : نوووور انا متصل ابي اكلمش في موضوع ..
نور : اللي هو؟
علاوي : نور انا .. وسكت
نور : شنووو
علاوي : نور اناا انا .. احبش!!
نور : انصدمت نور يوم قال ليها هذي الكلمة: كأخت
علاوي : لا لا
نور : .....
علاوي : انا اكتشفت ان احبش مو كأخت .. احبش كحب ثاني
نور : بس علي اني آسفة
علاوي : على ويش؟
نور : علي اني اللي اكتشفت ان احبك كأخو ..
علاوي :نور انتين ويش قاعدة تقولين ؟؟
نور : علي انت راجع نفسك .. وراجع احساسك .. صدقني الحب اللي بينا ما يتعدى حب الأخوة .. صدقني .. بس اللي استغربت منه ان انت اللي صحيتني والحين انت اللي طحت في السالفه!! .. بس اقولها ليك لآخر مرة .. راجع احساسك مرة ثانية .. وتحمل بروحك .. باي
وصكت نور التلفون .. وقعدت تصيح .. بس لأول مرة تحس براحة .. وهذا الشيء اللي كان في قلبها .. وما صارحت غير علوي فيه ..

وعلي لأول مرة يحس ان تائه .. وين غرورة؟؟ .. وين كبريائة .. ويوم ان صارح انسانة بحبه قالت ليه احبك كأخو .. وكأن الزمن يخليه بنفس موقف نور يوم يقول ليها احبش كأخت .. آآآه .. وانا الحين ويش اسووي ؟؟ .. خطرت بباله الانسانة المجهولة .. ليش احس ان هي اللي بتحل ليي موضوووووعي اففففف تعبت من التفكير يا ناس تعبت ..

فاطمة : الوووو ريمووو .. ام النوم .. مو كانه عقب شهر خطوبتش ريم : هلا فطوووم ..
فاطمة : قومي ويش تحارسين .. بنروح السعودية .. علشان تشترين ليش فساتين له ..
ريم : انزيييييييين .. اكو الحين بقوم .. ساعة ونص بكون بارزة ..
فاطمة : انزيييييييين يالله عجلي روحش .. علشان ما نتأخر هناك له ريم: اوك .. باااااااااي
فاطمة : باااااااي

عقب ساعتين تقريبا .. وصل حمد من الشغل .. ع طوول راح الى اخته فوق ..

حمد: فطوووم يالله مو بارزة ..
فاطمة : لا بارزة عليي بس البس عبايتي وشيلتي ..
حمد: انزين اتصلتين الى ريم ..وقلتين ليها اتبرز روحها ..
فاطمة : ايييييييي اكيييييييد يعني ..
حمد: انزين يالله انا بحارسش في السيارة .. عجلييييييي
فاطمة : اووووف مللتين انزل علشان اعرف اتبرز له ..
حمد: يالله اكو بنزل فضحتينا ..

وبعدين مرووو على ريم بيتهم .. وراحت وياهم ام ريم .. بس ام حمد تعبانة ما راحت وياهم تقول مافيني شدة مشي .. انزين وصلووو السعودية .. وقعدووو يمكن ساعة ونص وبعدين بالغصب عجبها فستان الى الحنة .. واشترت فستان الخطوبة .. والملجة بعد .. اخذت كه بارز .. لان ما عندها وقت علشان اتفصل اليها ..


( صار يوم الحنة ):_
صارت الحنة في بيت العروس .. وعزمت جم وحدة من ربعها .. وفطوووم عزمت بعد جم وحدة من ربعها .. وكانت عائلية يعني .. وبسيطة .. شغلووو المسجل .. والاغاني لبيت الجيران توصل .. هههه .. انزين .. والي صورت كل شي .. هي فطوووم .. لان موتها تصور .. كانت ريم بجيب ليها فلبينية علشان تصورها .. قالت فطووم لاااااا فلبينية واني موجودة .. ما يحتاج .. اني اصور احسن منهم .. هوايتها الوحيدة التصوير ..

اتصل حمد والعروس قاعدين يحنونها ..
حمد: الووووووو
فاطمة هي اللي ردت عليه .. هلا حمووود ..
حمد: وانتين من وينة طلعتين ليي .. انا متصل حق مرتي ..
فاطمة : العروس قاعدين يحنونها .. نعم امر ويش بغيت ؟؟
حمد: وحشنييييي صوتها ابغي اسمعه ..
فاطمة : ما تقدر تتكلم ..
حمد : انزين ما يصير اجي انا وياكم ههههه
فاطمة : دبتك انت اجي .. كله نسوان .. وانت تحشر روحك وياهم يعني ..
حمد: لا بحشر روحي ويه مرتي .. هههه
فاطمة : عن الهرار الزايد وباااااي ..
وصكت التلفون في وجهه
حمد: هييييين يا فطامو

نرجع الى علاوي .. من سمع الكلام من نور وهو مو عارف ويش يسوي حتى الامتحانات ما كان يدرس مثل الأول .. يحس كل يبي يفكر .. معقولة ان انا ما احبها!! .. بس كانت علاقته بنوور عادي .. وكأنهم مثل ايام زمان .... عشان محد يلاحظ أي شي بينهم ..

(في الصف .. عليهم امتحان )
نور : علوووي ..
علاوي : هلا ..
نور .. مادرست اني عدل ..
علاوي : المطلوب؟؟
نور : ابيك تغششني ..
علاوي : بس انا مو دارس عدل لا تعتمدين عليي .. عندش حمود ..
احمد: اوك تآمرون امر جم علوي ونوارة عندي ..
نور : تسلم ..
محمد: هااااي
الكل: هايات
نور : انزيييييييين اكو الاستاذ وصل .. رحنا فيهاااا .. حمود بليز مو تنساني من الاجابات ..
أحمد: شفت مصلحجية لكن مثلش لا شفت ولا بشوف ..
نور: مالت .. وطلعت ليه لسانها ..

ان شاء الله عجبكم البارت.. واذا تبغووون تعرفووون شنو الجديد .. تابعوني في البارت الي بعده .. ^_^