البارت الحادي عشر
بعد مرور شهرين..

كان قاعد علاوي صوب التيلفزيون .. يفرفر بين القنوات .. فاضي ما عنده شغلة .. اتملل من الطلعات .. والنت .. قال اروح اشوف تيلفزيون احسن ليي .. الا بعد ما شاف شي في التيلفزيون .. سمع صوت الجرس.. رن رن بس الخدامة الخايبة ما راحت علشان اتفتحه .. هو راح.. اول ما فتح الباب .. شاف ابنية يمكن طولة تقريبآ .. ومنزلة راسها في الارض .. مستحية حدها ..

علاوي : نعم اختي .. اقدر اساعدش ؟؟
رفعت لبنية راسها .. وشاف علاوي قالت في خاطرها هذا اكيييد اخويي علوووي .. ياربيي عندي اخوووه هل الاكبر تونا شايفتنه .. والله الدنيا دوارة ..
علاو ي: شفيش ساكتة .. في شنو اقدر اساعش ..
....: ممكن اشوف ام علاوي ..
علاوي : ايييي .. اتفضلي داخل ..
....: شكرآ

دخلت وقعدت في الصالة ....ام علاوي اتستغربت يوم قال اليها ابنية جاهلة تسال عنها .. تقول من هذه الجاهلة الي تسال عني ..
علاوي : مادري من .. بس اول مرة اشوفها ..
ام علاوي : اول مرة تشوفها!! .. يووو خلني اقووم بسرعه اشوف .. واعرف من هذه الي جاي ليي هل الحزه..
علاوي : انزين قومي .. يالله لان واجد خليناها تحارس

بعدين نزلووو تحت وشافت ام علاوي لبنية ..وقالت في خاطرها من هل الحليوة بعد الي تسال عني ..

ام علاوي : السلام ..
لبنية من شافت ام علاوي صوبها قامت وقفت ..
......: عليكم السلام خالة ..
ام علاوي : قعدي حبيبيتي وش فيش واقفة ..

لبنية حست بارتياح اكثر لما عرفت اسلوب ام علاوي وياها .. بس ان شاء الله اذا سمعت الي جاية اني علشانة ما تتغير اسلوبها ويايي

......: ما يصير اقعد قبل لا انتين تقعدين .. قعدي انتين اول بعدين اني بقعد ..
ام علاوي : يالله قعدي .. علاوي روح قول حق جاتي اجيب حق الظيفة شي تشربة ..
علاوي : انزين وش تبغين تشربين ..
....: ما ابغي شي .. ابغي بس ماي اذا ماعليك امر ..
علاوي : ان شاء الله .. دقايق وبيكون عندش..

راح علاوي بعدين .. علشان يجيب اليها ماي .. وعم السكوت عليها لما راح علاوي ..
ام علاوي : وش فيش ساكتة ..
.....: مافيني شي .. بس مو عارفه ابدا في الكلام ..
ام علاوي : بس قبل لا تتكلمين .. ماعرفتينا ع اسمش الحلو ..
......: اني مروة ..
ام علاوي عاشت الاسامي .. يا احلى مروة ..
مروة : تسلمين خاله ..
ام علاوي : الله يسلمش .. انزين مروة انتين تعرفيني ؟؟
مروة : أي اسمع عنش وااجد .. بس اول مرة اشوفش ,,
قاطعهم علاوي .. عطاها الماي .. وقال ان استاذن علشان اتكملون الكلام الي بينكم ..
مروة : لا علوووي اقعد .. انت بعد لازم تسمع الكلام الي بقولة ..
حس علاوي بالخوووف .. يقول وش عندها هل لبنية .. الله يستر بس .. وقعد علاوي صوب امه ..
ام علاوي : انزين كملي ..
مروة: ما عرف شلون ابدا .. خايفة من النتيجة ..
ام علاوي : لا حبيبتي قولييييي .. خوفتينا ..
مروة : اني اسمي مروة حسين .. عمري 15 سنة توفت امي من شهرين .. وما بقى عندي غير ابويي .. بس حتى ابويي ما اشوفة الا في الشهر مرة .. يجي يعطيني مصروفي ويروح عني .. ما يسال عني .. ولا يسال حتى عن امي .. بس امي قبل لا تموووت قالت ليي كل شي .. قالت ان ابويي عنده مرة ثانية .. وعندجه ولد .. يعني يصير اخويي .. يوم توفت امي ماعرفت وش اسوي .. تردد وااجد اجي هني .. خايفه من النتيجة .. خايفه انكم ترفضوني .. اييييييي لبنية الي قدامكم عاشت اسوء ايام حياتها يوم توفت امها .. عاشت وحيدة مسكينة .. لا عندها اخت .. بس عندها اخوه بس ماتعرف حتى شكلة .. بس اليوم عرفت شكلة .. اييييييي علوووي هو اخوي .. وانتين يا خالة مرت ابويي الاولى .. وامي كانت الثانية .. اسفة خالة .. بس ماكان عندي حل ثاني غير اني اجي واقول الييييش .. ودمعت عيووون مروة .. وقامت تصييييح .. وعلاوي وام علاوي ساكتييييين كانهم الي قاعدين يسمعونه مو صدق ولا حقيقة .. كانهم في حلم ..
ام علاوي منصدمة حدها من الكلام الي قالته مروة .. بس حاولت ان هي اتكلم مروة عادي .. ولا كانه شي صار .. لان قالت ما ليها ذنب هل لبنية .. حرام اني اعاملها بطريقة مو عدلة ..
ام علاوي : تعالي مروة .. وهي فاتحة اليها حظنها ..
مروة وهي تصيح : والله انش انسانة عظيمة ..ما اعرف شلون اشكرش .. ما توقعت ان تكون هذه ردت فعلش ..
ام علاوي : خلاص مروة .. لا تكملين .. روحي الحين غرفة الظيوف فوق ارتاحي .. لما يرجع ابو علاوي .. ونسمع منه بقية السالفة ..
مروة : لا ما اقدر خالة .. بروح بيتنا .. وبزوركم في وقت ثاني .. لان اكييد ابويي ما بيحب يشوفني هني ..
ام علاوي : لا هني بيتش من اليوم يامروة .. واكيد ما بيقول شي ابو علاوي .. بس ان شاء الله ترتاحين ويانا ..
مروة : مادري وش اقول ليش .. كل دقيقة اندهش فيش ازيادة .. واعرف انش خوووش مرة .. الله يخليش..
ام علاوي : ويخليش .. يالله قومي ويايي بوديش غرفتش الجديدة..
مروة .. مشكورة خالة ..
ام علاوي : هذا الواجب ..

علاوي ذاك الوقت مو مصدق الي يشوفه ويسمعه .. يقول انا اكيد في حلم .. تمنيت تكون عندي اخت .. بس مو جذي .. مو بهل الطريقة .. شلون ابويي ما قال لينا .. كان كل الوقت يجذب علينا .. كل هذى الوقت يخدعنا..ياربي وش اسوي الحين انا .. وامي تعاملها كانها بتها !! معقولة مرة تسمع ان رجلها متزوج عليها كل هذى لسنين .. وتسامحه ؟؟ ياربييييييييي .. وراح ع طول غرفته وقفل الباب عليه .. وقعد يفكر لساعات .. بعدين سمع ان ابوه رجع من الشغل .. وع طول نزل تحت الصالة . علشان يعرف وش بيصير .. وش بتكون ردت فعله لما يعرف ..
لما نزل تحت شاف امه وابوه قاعدين ..

علاوي : سلام .. شخبارك ابويي اليوم ..
ابو علاوي : الحمد لله بخير ..
علاوي : دوووم مو يوم يارب ..
ام علاوي : علوووي حبيبي روح ناد ع مروة من فوق ..
وانصدم ابو علاوي يوم سمع هل الاسم .. مو مصدق ..
ابو علاوي : مروة !! أي مروة بعد .. عندنا ضيفه ولا تقولون ليي .ام علاوي : ايييي مروة والحين بتعرفها ازيد .. لما تشوفها ..

ابو علاوي حس بضيقة في صدره .. يوم سمع اسم مروة .. يقول معقولة مروة بتي هني .. لالالالا ما اعتقد لو هي انجان ام علاو ي ما تكلمني بهل الطريقه ..
بعد دقايق .. نزلت مروة وياها علوووي .. يوم شافها ابو علاوي انصدم ازيد زازيد .. قال في خاطرة ياربيي الله يساعدني .. بس انا ليش خايف ما سويت شي غلط .. انا تزوجت .. والشرع حلل اربع..

مروة : السلام عليكم ..
ابو علاوي : عليكم السلام .. شخبارش زينة ؟؟
مروة : الحمد لله .. اسال عنكم ..
ام علاوي : انزين قعدووو علشان نعرف نتكلم ..
ابو علاوي : وانتين من متى هني ؟؟
مروة : .......
ام علاوي : الحين احنا قاعدين كلنا ونحارسك لما تتكلم وتقول لينا السالفة من البداية الى النهاية .. لان مو معقولة تتزوج عليي كل لسنين واني ما اعرف .. ليش سويت جذي ؟؟ شلون قلبك طاوعك ان انت اتخوني ..
ابو علاوي : انا ما خنتش .. انا اتزوجت .. وما اعتقد ان حرام ..
ام علاوي : لا مو حرام .. حرام ان انت ما تقول ليي ولا تقول الى ولدك .. ليش يعني ما قلت لينا ؟؟ خفت ان اني امانع ؟؟ لاااا اني عمري ما كنت بمانع زواجك من ثانية .. لاني اني كنت اقول ليك روح اتزوج .. لان تدري ان اني ما اقدر اجيب اولاد .. الطبيب امنع عليي .. ويوم قلت ليي ابغي ابنية تصير اخت لعلاوي .. قلت ليك روح ازوج ؟؟ صح ولا لا ..
ابو علاوي : كل مرة سهل ان هي تقول الى زوجها روح تزوج .. عندكم الكلام سهل .. لكن اذا واجهتش وقلت ليش بنتزوج انجان منعتيني .. وانا عصبن عني اتزوج .. كانت وصية ابوها قبل لا يموت ان انا اتزوج بته .. لان بتصير يتيمة .. ما عندها اهل .. من جذي انا سويت بالوصية مو اكثر..
ام علاوي .. ما عرفت وش اترد .. او وش تقووول .. منصدمة من كل شي يصير حواليها .. وعلاوي مثلها مستغرب ومحتااار .. ومو عارف وش يسوي .. وام علاوي ردت الرد الي ترتاح منه مروة .. لان في النهاية مروة ماليها ذنب بالي صار ..
ام علاوي : خلااااص الي صار صار .. ومروة هذا بيتها من اليوم ورايح .. واتمنى تعيش سعيدة ويانا ولا تتضايق منه ..
استغرب ابو علاوي من كلامها .. قال في خاطره اييييي هذه هي سارة الي عرفتها من زماااان .. متفهمة وحبوووبة ..ولا تحب تجرح الاخريين .. بس كل مني انا الي ما صارحتها من البداية ..
يوم سمع جذي علاوي راح غرفته يركض ..

ابو علاوي : وش فيه علوووي ؟؟
ام علاوي : لا بس منصدم من السالفه مو عارف وش يسوي .. مع الايام بيتعود على الوضع الجديد ..
مروة : خالة اني ما ابغي اسوي مشاكل بينكم .. ولا ابغي افرق بينكم من جذي بروح بيتنا .. واوعدش ازورش كل يوم ..
ام علاوي : لا تخليني اضايق منش له .. الي قلته هو الي بيصير ..

نرجع الى بيت فطوووم :
فاطمة : اماااه .. ملللللللل نبغي نسافر .. ما يصير جذي ..
ام حمد: اوووووف منش انتين .. مللتيني .. بروحش انتين تجيبين الملل ..
فاطمة : ماليي خص اني كل ربعي سافرووو الا احنا مايصير..
ام حمد: انزين بفكر نروح سوريا .. وش رايش ..
فاطمة : الااااااااااااااااااي ويلييييييييي .. من متى واني خاطري اروووح ..
ام حمد: انزين بكلم خالتش ام علاوي وبقول ليها اذا يسافرون ويانا فاطمة قامت اتناطط من الفرحة .. تقول اخيرا بنسافر ويانا بيت خالتي الااااااااي بنستانس حدنا ..بتكون سفرة حليوة حدهااا ..

فاطمة : انزين اماااه اروح اجيب ليش التلفون علشان تتصلين وتقولين ليهم ..
ام حمد: دويه انيتن ما ينقال ليش شي.. الا تفضحينا فضاح..
فاطمة : كيفي .. من زمان ما نسافر .. لحظة بقوم اجيب التيلفون ..
ام حمد: الله يساعدني عليش ..
وراحت فاطمة وجابت تيلفونها علشان تتصل الى خالتها ام علاوي ويقولون اليها عن السفرة ..

ام حمد: السلام عليكم ..
ام علاوي .. عليكم السلام .. هلاااا خيووو شخبارش .. وش فيش ما تسالين ولا شي ..
ام حمد: اني الي ما اسال لو انتون ..
ام علاوي : تدرين بالمشاغل يا اختي .. محد يقدر يتصل الى احد ..
ام حمد: انزين بقول ليش .. بنسافر سوريا .. اسبوع الجاي .. اذا تبغون تسافروون ويانا ..
ام علاوي : والله خوووش فكرة .. اوك .. احجزووو لينا وياكم ..
ام حمد: ان شاء الله .. بس اليوم طرشي ليي جوازش وجواز علاوي وابو علاوي ..
ام علاوي : ان شاء الله بس بعد ويانا وحدة ..
ام حمد: وحدة !! منهي بعد ..
ام علاوي : بتي ..
ام حمد: بتش !! من متى عندش يت بعد ..
ام علاوي : من اليوم ورايح عندي بت اسمها مروة ..
ام حمد: يووووووو .. قاعدة تتطنزين ويايي يعني ..
ام علاوي : لا ما اطنز .. ومرة ثانية بقول ليش السالفة ..
ام حمد: عجل اليوم مريني العصر .. قولي ليي السالفة وجيبي الجوازات ..
ام علاوي : ان شاء الله ..
ام حمد: يالله مع السلامة ..
ام علاوي : الله يسلمش ..

الساعة 5 العصر .. راحت ام علاوي .. ومروة .. بيت اختها زينب (ام حمد) وعرفتهم ع مروة .. ودخلت قلبهم بسرعه .. وحبوها .. وقالت ليهم السالفة .. اول شي انصدمووو .. بعدين عادي .. اتعودووو ع السالفه .. واستانست فاطمة ان فيه وحدة بتصير وياها في السفر .. يعني ما بتملل ..

مر يومين ع علاوي .. وهو كله في غرفته .. لا يتصل الى احد .. ولا شي .. واذا يتصلون فيه ربعه .. ما يرد عليهم .. وحتى ايميل ما يفتح .. ذاك اليوم اتصل فيه .. احمد .. فوق العشرين مرة .. وخاف عليه .. لان ما رد عليه .. قال اروح اشوفه في بيتهم .. يمكن فيه شي ..

رن الجرس بيت علاوي .. وكانت ام علاوي ويه مروة .. قاعدين في الصالة .. يتابعووون مسلسل عديل الروح .. وعلاوي كالعادة في غرفته ..

مروة : خالة اروح افتح الباب ..
ام علاوي : قومي له بدون ما تستاذنين .. البيت بيتش صار ..
مروة: لا قلت يمكن جاتي اجي وتفتحه .. بس اشوفها للحين ما جت ام علاوي: تدرين فيها خايبة تحقر ساعات .. تعطيش الاذون الصمخة ..
مروة : ههههههه مو بس هي كل الخدم جذي ..
ام علاوي : انزين يالله قومي قبل لا يهرب الي جاي ..

قامت مروة .. وفتحت الباب .. من شافت احمد ع الباب استحت ..ونزلت راسها ..

مروة وهي منزلة راسها : نعم ..
احمد: علوي موجود..
مروة : اييييي اتفضل ..
ودخل احمد .. وهو مستغرب من الي فتحت ليه الباب .. يقول من هذى بعد .. ما اظن ان هي خدامة لان حليوة ههههه .. وراح يسلم على ام علاوي ..
احمد: السلام عليكم .. شخبارش خالة ..
ام علاوي : هلااااا احمد .. وينك .. وش فيك ولا تبين ولا شي ..
احمد: وش اسوي يا خالة .. اتصل حق علوي الحين يمكن يومين.. ولا يرد عليي .. عسى ما شر ؟؟ وش فيه ..
ام علاوي : الشر ما يجيك يا ولدي .. مافيه شي ولا شي .. فيه بس دلاعه ..
احمد: يعنيي .. مالت عليه .. وانا خايف عليه .. اقول يمكن مريض او شي ..يالله عجل استاذن انا بركب اليه فوق ..
ام علاوي : اوك .. البيت بيتك .. اخذ راحتك ..

دق الباب ع علوووي .. وشافه بعد مايرد .. وعقب شوي فتح علوي الباب ..

احمد: انجان بعد ما فتحته ..
علاوي : ادخل انزييين فكنا ..
احمد: وش فيك يا اخي اتكلمني بهل الاسلوب ..
علاوي : وش اسوي بعدد .. حظي هل الايام كله نحس في نحس .. مادري وش اسوي في حالي اقتل روحي يعني احسن .. وقعد يصيح احمد: هذا مو علاوي الي يصيح .. انا خبري علوووي .. صبور ويستحمل كل الي يصيده ..
علاوي : وش اسوي يا خوووك .. مافيه عندنا حل ثاني غير الصياح .. اول شي نوور .. والحين هذه الي اسمها مروة ..
احمد: من بعد مروة ..
علاوي : اختي ..
احمد مستغرب حده : اختك !!
علاوي : اييييييي اختي من لحمي ودمي ..
احمد: هيهيهيه تتطنز ويايي يعني ..
علاوي : لاااااا ..
احمد: انزييييييين واختك .. مو انت قبل كنت تقول ياريت عندي اخت ..
علاوي : أي اخت عاد مو جذي .. مو من امي من ام ثانية .. وشرح الى احمد كل القصة ..
احمد: انزيييييييييين .. مو اول واحد انت ولا اخر واحد الي تصيده جذي .. خلااااص علووي الي صار صار .. ولا بتقدر اتغير في شي.. واقبل في الامر الواقع ..
علاوي : مو قادر حتى اطالع في وجها .. او اقعد وياها ..
احمد: لاااا علوي انت غلطان .. لان هي ماليها ذنب بالي صار .. وهي بعد تعذبت .. والحين صارت يتيمة .. يعن ماعندها غيركم .. وانت الحين لازم تروح تكلمها .. وتنسى الي صار ..
علاوي :........
احمد: مو تسكت وابغيك تسوي الي قلت ليك عنه .. والحين انا استاذن .. لان جاي بس اطمن عليك ..
علاوي : لا خلك ويايي الليلة .. عشاني ..
احمد حس ان علاوي محتاج اليه .. من جذي وافق ع طلبه .. ونام عنده ..
ان شاء الله عجبكم البارت .. انتظرووووني في البارت القادم .. احم احم ..ولا تحرموني من الردود الحلوة ..