بسم الله الرحمن الرحيم..
السلام عليكم ورحمه الله وبركاته ..

هذه اول مشاركة ليي في منتداكم الرائع .. وحبيت اول مشاركة لي تكون اول قصة من كتاباتي .. ارجو ان تنال على اعجابكم ..

البارت الاول :


علاوي: امااااااااااه
سارة: نعم ..
علاوي: وينة انتين ؟؟
سارة : اني في الصالة ..
وراح اليها الصالة .. وشافها اطالع مسلسل كويتي ..
علاوي: ابغيش في موضوع .. يصير اتبندين المسلسل دقايق .. ع ما اقول الموضوع ..
سارة : لاااااااا حارس لما يكمل .. او قووول وهو مفتوح لان بسمعك ..
علاوي: ابغي كمبيوتر ..
سارة : لييييييييش ..
علاوي : بعد ليش .. كل بيت الحين عندهم كمبيوتر .. بس بيتنا احنا ..
سارة : اكووو احنا عشنا ما عندنا كمبيوتر .. كنا بس نستخدمه في الشغل .. ولا عمري قلت الى ابووك اشتر لينا وااحد ..
علاوي: اماه الحين الزمن تغير .. الحين كل بيت عندهم كمبيوتر .. وعندهم نت بعد ..
سارة : اني حبيبي الحين ما اقدر اقول ليك ايييي او لا .. حارس لما يقعد ابوووك من النووم وقول اليه ..
علاوي: لاااا انتين قولي اليه ..
سارة : انزييييييييين مو اني الي ابغيه .. انت الي تبغيه ..
علاوي: بس البابا بيسمع كلامش .. يمكن انا يمللني ..
سارة : من يوم انت صغير .. والى الحين .. رفض اليك طلب ؟؟
علاوي: لااااااااااا
سارة : عجل ليش خايف تقول ليه ..
علاوي: مو خايف بس انتين احسن ..
سارة: ان شاء الله .. من عيوني يا عيوني ..
علاوي: الله يخليش اليي يا احلى ام في الدنيا ..
سارة: اخ منك انت محد يقدر عليك ..
علاوي : طالع على امي .. عياااار .. وهو مطلع اليها السانه .. وراح الى غرفته علشان يكمل دراسته ..

عقب ما كملت سارة مطالعة المسلسل .. شافت الساعة .. كانت الساعة 6 المغرب .. راحت علشان اتقعد .. حسين

سارة: ابو علاااااااااااوي ..
حسين: نعم .. مايخلوون الواحد ينام ..
سارة: بعد لمتى .. ما صار نوم .. الساعة 6 نسيت ان الليلة عيد ميلاد علاوي ..
حسين : لااااااااااا بس توها الناس ..
سارة : وين توها الناس .. متى بتروح تجيب الكيكة .. والاغراض الباقي ..
حسين : انزين اكو في المجلس .. كل الاغراض .. والكمبيوتر بعدد هناك .. يعني مافيه شي غير الكيكة اجيبة ..
سارة : انزيييييييين قوووم .. على طاري الكمبيوتر .. توه يقول اليي .. ابغي كمبيوتر .. هههههههههه
حسين : ههههه .. عاد ان شاء الله ماخربتين المفاجاه ..
سارة : لاااا والله ويش شايفني . لكن اذا ماقمت الحين بخربها ..
حسين وهو قاعد ع السرير : بل بل منش انتييييييييين ..
سارة : كيفي .. انزيييييييين انت قووم اسبح وبرز روحك .. واني بروح اقفل باب المجلس .. لا يروح بالغلط وتتخرب المفاجاه..
حسين: مو تنسين تتصلين الى ربعه في المدرسة .. وتذكرينهم ..
سارة : ما اظن ان هم نسووو .. لكن حق الاحتياط .. بتصل ولا يهمك ..
حسين: مو تنسين بعد .. بنت اختش ..
سارة : لا فطوووم ما يحتاج اذكرهاا .. هذي الوحيدة الي مابتنسى .. ههههههههه
حسين: أي والله خخخخخخخخ

هذه فاطمة تصير بنت اخت سارة .. هي في اول ثانوي بعد .. قد يعني علاوي .. بس علاوي اكبر منها في الاشهر .. علاوي شهر 5 وهي شهر سبعة .. تحب علاوي .. بس علاوي مايعطيها وجه ..
في بيت زينب ( اخت سارة):-
زينب : فطووووم ..
فاطمة : نعم اماااه اني في غرفتي ..
زينب : بل للحين قاعدة تتعدلين .. لمتى بعد بتروحين . .
فاطمة : باقي عليي شوي .. قولي الى السايق يبرز روحه .. الحين بنزل .. على ما البس عبايتي وشيلتي ..
زينب : وين تتطلعين .. واااجد حاطة ليش مكياج .. خففي منه شوي
فاطمة : اوووووف .. انزيييييييين عادي .. وش فيها يعني .. بروح بيت خالتي اني ..
زينب: بس بيت خالتش فيه الحين ربع ولد خالتش .. يعني عييييييييب تروحين والمكياج جذي .. ويش بيقولون ..
فاطمة : يقولون الي بيقولونة .. ماليهم خص ..
زينب : قلت ليش شيلي .. احسن ليش لا ما اخليش تروحين الحين ..
فاطمة : اوووف .. ملييييييييت من هل البيت .. متى اطلع منه وافتك
زينب : كف الحين .. لاتطولين السانش .. وروحي يالله شيلي هل الألوان من وجهش .. كانه قوس قزح
فاطمة : انزييييييييين بس اكلتيني .. اوووووووف

نرجع الى بيت سارة :
سارة : علااوي حبيبي ..
علاوي : نعم ..
سارة : وش تسوي ..
علاوي : تشوفيني وش اسوي .. قاعد اكتب .. خواطر
سارة : انزين يصير اتخلي كل شي من ايدك .. وتقوم اتبرز روحك
علاوي : ليييييييش ..
سارة : لان ابوووك عازمنا على العشاء برة ..
علاوي : ماليي نفس ارووح .. وتدرين اذا اكتب ما احب احد يقاطعني ..
سارة : ولا علشاني ؟؟
علاوي : كل شي ولا ام علاوي .. دقايق بكون بارز ..

وعلاوي في غرفته يبرز روحه .. دق جرس الباب .. ع طوول قالت سارة الى الخدامة .. ادخل ربع علاوي .. من الباب الي وراه .. علشان مايشوفهم .. ودخلتهم ..
وصلت فاطمة بيت علاوي ..
سارة : هلا حبيبتي فطومة ..
فاطمة : هلا خالووو ... شخبارش ..
سارة : الحمد لله حبيبتي .. يالله الحين روحي المجلس قبل لا يشوفش علاوي .. ويتخرب كل شي ..
فاطمة : شلون ارووح وكلهم صبيااان هناك .. تعالي ويايي ..
سارة : ههههههه مجنونة اني اخليش تروحين وكله صبيان .. لا فيه جم ابنية ..
فاطمة : اهااا اوك اخليش عجل برووح .. بس مو تتاخرووون لاني ماعرف احد هنااك ..
سارة : اوك ..
تدرون المدارس الخاصة .. فيها صبيان وبنات .. من جذي علاوي عند جم ابنية ربعه في المدرسة .. بس من قالت سارة ان فيه بنات قلب فطوم حس بالغيرة .

علاوي : يالله اماه خلصت ..
سارة : اوك .. اكو ابوك في السيارة .. بس تعال ويايي المجلس باخذ عبايتي من هناك ..

اول ما دشووو المجلس .. فتحووو اليتات .. وكلهم قامووو يصرخووون .. ويغنون .. حق علاوي .. وعلاوي ذاك الوقت .. مستانس حدة .. وامه صوبة .. قال اليها ..
علاوي: اماااه فلصيني علشان اعرف انا في حلم او حقيقة ..
سارة : ههههههه لا مايحتاج افلصك انت مو في حلم ..
علاوي : يعني مانسيتون ان الليلة عيد ميلادي ..
سارة : شلون ننسى وانت ولدنا الوحيد ..

عقب ربعه قامووو يتراكضوون اليه .. كل واحد عنده هدية خاصة .. قامووو يسلمووون عليه ويعطونة الهدايا .. وصل دور فاطمة ..
يقول علاوي في خاطرة .. وش جيبها هذه بعد هني .. اووووف كل مكان لزماً ويايي .. وكل مناسبة ويايي .. مليت من هل الوجه ..
فاطمة : كل عام وانت بخير ..
علاوي بدون نفس وابتسامة مصطنعة : وانتين بخير ..
فاطمة : ان شاء الله تعجبك ..
علاوي بجذب: اكيييييد بتعجبني ..

وراحت فاطمة قعدت ويه خالتها ام علاوي ..
سارة : وش فيش جيتين هل الصوب .. روحي استانسي وياهم له ..
فاطمة : ماعرف اقعد ويه ناس ما اعرفهم ..
سارة : انزين اتعرفي عليهم ..
فاطمة : لا ما احب .. بقعد وياش احسن ..

دخل ابو علاوي .. وراح علشان يسلم على ولده ..
حسين وهو يحضن علاوي : كل سنة وانت بخير .. وعقبال 10000000 سنة يارب ..
علاوي: وانت بخير ..
حسين : انزين روح اخر المجلس .. بشوف شنطة سودة .. فيها هديتك ..
وراح علاوي .. وشاف الهدية وفتحها .. وكانت لاب توب ..
علاوي: احلى هدية .. الله يخليك لينا ..
حسين : ويخليك .. يالله اخليكم انا علشان تستانسون ويه بعض ..
علاوي : لا ابويي وين رايح الحفلة مو حليوة بدونك ..
حسين : تسلم يا ولدي .. بس احنا كبرنا على هل السوالف ..
علاوي: ابويييييييي علشاني اقعد ..
حسين : علشانك بس .. عجل بروح اقعد ويه امك وانت استانس ويه ربعك ..

بعدين فتحووو المسجل .. والاغاني حدها .. وقامووو يغنوون ويه الاغاني .. وطووول السهرة كانت عيون فطوم على علاوي .. وعلى البنية الي كانت ع طووول وياه .. ضحك وسوالف .. وضحكهم لوين يوصل .. قاعدة وتفكر .. وتقول من هذي بعد الي وياه .. شكلها ميتة عليه .. بس اكو هو بعد يضحك وياها ويسولف وياها .. واني مو عاطني وجه .. ياربي شكلهم يحبون بعض .. راح علاوي وجاب ورقة وقلم .. علشان كل ربعه يكتبون ايميلاتهم .. علشان الليلة يضيفهم ويتكلم وياهم في المسنجر .. فطوووم في خاطرها ( الااااااااااااي بيصير عندي ايميلة .. يعني بقدر اكلمه أي وقت .. ) كتبوووو كلهم اساميهم وايميلاتهم ..
صارت الساعة 11 كلهم راحووو الى بيوتهم .. فطوم قبل لا تروح .. راحت اتصلت الى السايق ..بس كان السايق مشغول ويه اخوها .. من جذي ما كان يقدر يروح اليها ..

سارة : وش فيش حبيبتي .. احسش مضايقة ؟؟
فاطمة : لا مافيني شي خالووو .. بس هل السايق .. ما يقدر يجي ليي ..
سارة : مو مشكلة الحين نوصلش احنا ..
فاطمة : لا ما ابغي اتعبكم ويايي ..
سارة : مافيه تعب ولا خرابيط .. الحين اقول الى ابو علي .. يجي يوصلش ..

كان حسين ويه علاوي قاعدين يسولفون عن حفلة الليلة ..
سارة : حسين حبيبي قوم علشان نوصل فطوووم بيتهم ..
حسين : اوك .. انتون الحين روحووو السيارة انا جاي وراكم ..
سارة : اوك .. وانت علاوي .. ما بجي ؟؟
علاوي : وانا وش يوديني بعد .. بقعد هني .. وش بيجيني يعني ..
سارة : وانت كل ويش يوديك .. قوم علشان تسلم على خالتك له .. كله تسال عنك ..
علاوي : اماااه .. شوفي الساعة .. الحين وقت نسلم على ناس .. يمكن نايمة او شي .. نروح ونزعجهم .. خليها الى يوم الجمعة بروح اسلم عليهم واقعد ويه حمووود ..
سارة : على راحتك .. يالله عجل مع السلامة

عقب ماراحووو يوصلوون فاطمة بيتهم .. راح علاوي .. على طووول غرفته .. وفتح الاب توب .. وضاااف كل ربعه .. وصل الى ايميل فطوووم .. الا يقول في خاطرة .. وهذي انا وش اسوي فيها اضيفها .. خلها تولي مانه ضايفنه .. او بضيفهاا .. وعلى طول بعطيها بلوك .. وضافها .. بس بدون نفس .. هههه

نور : ولكمووووووووووو .. توه منورالمسنجر ..
علاوي : يسلموووو .. منور باهله ..
نور .. الله يسلمك .. شخبارك عقب الحفلة اليوم ..
علاوي : فووووووووق النخل .. وانتين شخبارش .. ان شاء الله استانستين ..
نور : اكيييييييييييييد استانست .. كنت ويه علاوي .. شلون ما استانس ..
علاوي بامزاح ..: فديتش والله ..
نور : ههههههههههههه .. انزين ماقلت ليي درست حق الاختبار لو لا ؟؟
علاوي : اكيييييييييييد درست يعني .. قبل لا تصير الحفلة انا دارس ... مو تقولين ليي غششني لان مانه مغشش احد .. خخخخخخخخ
نور : مالت بس مالت .. ومن قال ابغيك اتغششني .. والله اني درست ولا ابغي أي تغيش من أي احد .. ويوووووووو
علاوي : بنشوووف باجر .. انزين نوروووو شخبار احوال قلبش بالي تحبينتة ..
نور : والله احواله للحين .. موحاس فيني .. ولا بحس فيني بعد .
علاوي : والله مشكلة الحب من طرف واحد بعد ..
نور : شسوي بعد .. احبه .. ويمكن يحس فيني في يوم من الايام ..
علاوي : ويمكن هو مايبادلش مثل الشعور .. ليش تخلين عندش امال وااجد عليه ..
نور : الله كريم .. بعد قلبي اختار هذا الشخص اني وش اسوي . دخل قلبي خلااااص .. ما اقدر اطلعه منه ..
علاوي : والله مجنونة انتين .. اتحبين واحد ماتدرين ان هو يحبش او لا ..
نور : الحب جذي .. يسوي الواحد مجنوووووووووون
علاوي : انزين انااخليش .. بروح انام ورايي مدرسة باجر .. باااااااي
نور : باااااااااااي ..

هذي نور .. تحب علاوي .. وعلاوي يدري ان هي تحبه .. بس هو مايحب احد .. بنات وااجد .. كله متعلقين فيه .. بس هو مايعطي ولا وحدة فيس .. يقول ان انا ما بحب .. ويش ليي بالحب وخرابيطة وبعد للحين ما دق قلبه عند انسانة .. يمكن يدق في يوم من الايام ..

شنو بيصير بين وعلاوي .. والبنية الي بيكلمها في المسنجروهل بيغير تفكيرة .. اتجاه الحب او لا .. تبووون تعرفون كل هذا .. انتظرونا في البارت الثاني ..




لا تحرمونا من الردود الحلوة ^_^