البارت الثاني ..
اوووف وش هل الملل .. بروح افتح مسنجري احسن .. يمكن فيه شخص مهم قاعد .. شافت علاوي اون لاين .. ع طول قالت في قلبهاا .. الااااااااي علاوي اون ..
على طووول دشت عليه .. علشان اتكلمة ..
.... هاي
علاوي : هايات
... شخبارك ..
علاوي : الحمد لله .. بخير ..
.... دوووم مو يوم ..
علاوي : من ويايي ..
.... معجبة ..
علاوي : هههههههههه فيه معجبين واجد .. أي وحدة فيهم انتين ..
.... وحدة الله يستر عليي ..
علاوي : انزين قولي ليي اسمش ..
.... مهم يعني اقولة ؟؟
علاوي : لا مو مهم .. ع راحتش أي وقت تبغين اتقولينة قولي ..
.... ههههههههه .. متاكد ان مو مهم تعرف اسمي ؟؟
علاوي : أي متاكد .. مايهمني اعرف اسمش ولا اعرف شي عنش لان انتين من علشان يهمني .. هههههههه
....: اقول ..
علاوي : قولي ..
... تدري ان انت واجد مغرور ..
علاوي : خبر قديم ههههههههههه .. يالله انزين فارقيني اذا ماعندش شي تقولينة ..
....: صدق انك مغرور .. جذي اتكلم الناس يعني .. جذي علموك بيتكم ان انت تكلم الناس ,,
علاوي : اقول .. مو تدخلين بيتنا بينا.. فاهمة او لا .. ويالله سويني بلوك ودليت اذا مو عاجبنش كلامي .. والله
....: لا ما بسويك .. انت سوني
علاوي : ههههههههه وليش اسويش .. بخليش علشان اتسلى وياش
........: شايفني لعبة يعني ..
علاوي : لا احلى من العبة هههههههه
.....: مالت بس مالت ..
علاوي : والله اليوم حصلت احلى برنامج .. هههههههه .. ضفتيني في وقتش .. هههههههه
...: انزين ما قلت ليي انت في أي مدرسة ..
علاوي : ويش .. ما قالووو ليش الي عطوش ايميلي ان انا في أي مدرسة ..
...: لا ما قالووو ليي ..
علاوي : اكيد تعرفين انا في أي مدرسة .. لانش اكيييييييد ويايي في المدرسة نفسها ..
....: ليش يعني قلت جذي ..
علاوي : احساسي هو الي قال ليي ..
.... احساسك غلط هههههههه ..
علاوي : لا احساسي ما يغلط ..
....ك لا غلط هل المرة .. لان اني مو وياك في المدرسة ..
علاوي : والدليل ..
...ك مع الايام بتعرف ..
علاوي : يعني .. تصيرين مثل ذيلين الي يازعم يبون يسووون مقالب ههههههه ..
...: لا اني ماعندي هل السوالف .. مقالب وهرار .. اني كل شي اقولة صدق في صدق .. ما احب اللف والدوران ..
علاوي : وانا ما احب الي يلفوون ويدورون .. احب الي في القلب على اللسان ..
....: اييييي اني الي في قلبي على لساني ..
علاوي : انزين انا اخليش الحين ..
...: ويييييييييين توها الناس ..
علاوي : بقوم اتغدى وبرجع .. لان امي ذبحتني وهي تناديني .. ولا يعرفون ياكلون بدوني .. احم احم..
...: ههههه مالت .. انزين روح اخذ راحتك اني بكون هني اذا رجعت ..
علاوي : ان شاء الله اذا رجعت تغيرين رايش وتعرفيني على اسمش الحلو ..
....: ويش دراك ان اسمي حليو ..
علاوي : اكيد حليو لان انتين صاحبته ههههههههههههههه
....: ولا تجوز عن هل السوالف ..
علاوي : هههههههههه يعني تعرفيني عدددددل .. وتقول مو ويايي في المدرسة .. اعترفي بالسرعة انتين من ..
.......: ما بعترف .. جيف تحقيق هو .. يعني توك تقول ان مو مهم اقول اسمي .. ليش الحين ميت تبغي تعرفه ..
علاوي : لان قلت ليش ما احب الي يلفون ويدورون ..
....: واني مو قاعدة الف .. قاعدة امشي سيدة هههههههههه
علاوي : هيهيهيهيه .. ماتعرفين تنكتين ..
.....: لا يكون اني ارقوز علشان انكت ..
علاوي : ههههههههه بايخة .. يالله برب
...: توت ياعيوني
علاوي : عيونش فيش ههههههههه
وراح علاوي .. علشان يتغدى .. وشاف امه وابوه يحارسونة ..
سارة : وش فيك اتاخرت .. كل هذا من النت يعني .. يشغل الناس جذي ..
علاوي : ههههههههه لا .. بس كنت شوي مشغول من جذي ما نزت بسرعة ..
حسين : انزين علاوي حبيبي ..
علاوي : نعم ابويي امر ..
حسين : شخبار كتاباتك .. او الحين ما تكتب ..
علاوي: لااااااا اكيد للحين اكتب .. تدري ان انا ما اقدر ما اكتب .. ليش تسال ؟؟
حسين : عطني منهم جم وحدة علشان اخليهم ليك في الجريدة..
علاوي : لا ما يحتاج ابويي ..
حسين : ليش ما يحتاج .. لا يحتاج .. عطني ويوم الاحد بوديهم علاوي : بس اول شي انت ويه امي تعطوني رايكم فيهم .. وبعدين توديهم ..
حسين : ان شاء الله ..
سارة : ما يحتاج اني اقرء لان اعرف مواهب ولدي شلون .. طالع على امه هههههههههه
علاوي ماخذ موهبة الكتابة من امه .. امه من يوم كانت في عمره .. وهي تكتب .. بس الحين تقول ان هي كبرت عن هل الموهبة ..
حسين : ويلييي عليش .. ولا تجوزين عن سوالفش انتين ..
سارة : كيفي اني كيفي .. مو كيف احد ثاني ..
علاوي : هههههههههه .. محد يقدر يغلبش ..
سارة : هههههههههه اكيييييييييييد محد يقدر يغلبني ..
حسين : متاكدة ان محد يقدر يغلبش ..
سارة : اييييييييي متاكدة .. ويش بتسوي يعني ههههههه
علاوي : انزين بسكم .. عن هل الهرار .. الي ما يخلص ..
حسين : كيفنا احنا كيفنا ..
وكلهم قامووو يضحكووون .. بعدين راح علاوي غرفته .. بس مارجع المسنجر .. قال اقعد اكتب احسن من هرار المسنجر .. في الليل بدش شوي ..
يوم الثاني .. (المدرسة )
كانووو قاعدين علاوي .. وربعه .. محمد .. واحمد .. ونور .. ومريم ..
علاوي : محمدوووو ..
محمد: نعم .. اصغر عيالك تقولي محمدوووو
علاوي : انزيييييييييين بقول ليك ..
محمد: ها قووول ..
علاوي : انت الي مسوي فيني الدقة امس ..
محمد: أي دقة بعد ..
علاوي : عجل انتين نوروووووووو .. اكييييييييد انتين .. اللي ضايفتنيييي
نور صارووو خدودها حمران .. ولا عرفت ويش اترد ..
علاوي : وش فيش ساكتة .. خلااااص صدتش هذي انتين ..
نور : والله مو اني .. يعني ليش اني بالذات يمكن مريمووو
مريم : هي هي انتون مو تدخلوني بينكم .. والله .. ع طووول قالت مريمووو .. اعترفي وخلاااص ان انتين هههههههه
نور : لا والله و اني قلت ما بخاااف من احد .. اصلا اني امس ما كان عندنا نت .. مقطوع شلووون اني ها ؟؟
علاوي : لا تحاولين هذي انتين .. خخخخخخخخ .. تبغين تشيلين الشبهات عنش ..
نور : اوهوووووووو مللتوني .. قلت مو اني يعني مو اني .. مو مصدقين اسالووو اخويي .. اذا كان عندنا نت ..
وع طووول راحت عنهم ..
علاوي : هذي اكيد هي .. من جذي هربت .. اعرف سوالفها انا ..
احمد : لا مو هي .. لان صدق ما كان عندهم نت ..
علاوي : وانت ويش دراك ما عندهم قاعد وياهم ..
احمد: لا مو قاعد وياهم .. بس كنت ابغي شي من عند اخوها يوسف .. واتصلت فيه علشان يطرشة ليي على المسنجر .. قال ما عندنا مقطوع ..
علاوي : عجل انت ..
احمد : اوهوووو انت مللتنا من واحد لواحد .. مو احنا يا اخي .. وليش ويش السالفة يعنيي؟؟
علاوي : لا تعترفون بعرف بروحي .. بس ياويله اذا عرفته ..
محمد: وانت ليش هام روحك واااجد .. ويش سالفتك هااا ويش مسوين فيك ويه هالاضافه ها .. اعتررف من اعترف ..
علاوي : مو مهتم .. بس فضووول ابغي اعرف من ..
محمد: فضووووووول .. مو علينا .. قول أي وحدة اللي ضايفتنك .. و حبيتها من اول طقة كيبورد .. ههههههههه
علاوي : هههههههههه ... خفيف .. ما تضحك .. تدري اخر شي افكر في هو الحب .. لو بحب حبيت من زمان .. ويوووووووو
محمد: يعني كانت بنية؟؟ .. خلاص عجل يمكن هذي الي دخلت قلبك خلااااص .. ههههههه
علاوي : جب انت عن هرارك .. وقومو علشان نروح الحصة .. لا نتاخر ..
في الصف :
احمد: سبالووو علووووه ..
علاوي : ويه
احمد: شوووف نوروووو مادري ويش فيها .. اكيد عن سالفة اليوم ..
علاوي : وانا ويش اسوي فيها يعني .. تعترف احسن ليها ..
احمد: صدق سبالووو انت .. قلت ليك مو هي متاكد ان مو هي .. وروح سامحها احسن .. تدري ان نور حساسة .. وبسرعة تزعل ..
علاوي : قوووووم مو انا الي اتسامح من بنية .. خلها تولي .. باجر بتصير اوكي..
احمد: لا تدري ان هي ما بترضى .. روح كلمها على الاقل ..
علاوي : اووووف مللتني اكو الاستاذة قامت تطالعنا مو تسوي لينا سوالف وياها بعد .. مو ناقص انا ..
(ع المسنجر) :ـــ
علاوي : ولكمووو باحلى نورة في الدنيا ..
ما عطته نور وجه ..
علاوي : يازعم زعلانة ..
نور : لاااا ليش ازعل ..
علاوي : أي هذي نور الي اعرفها انا .. ما تزعل من علاوي ..
نور : تدري ان انت غير عن الربع كلهم ..
علاوي : ادري انا ليي معزة خاصة .. احم احم ..
نور : وااااااااااي انت .. واجد شايف نفسك ..
علاوي : مو من حقي اذا شفت نفسي ..
نور : صراحة ..
علاوي : ايييييييي قولي يالله .. مو من حقي ؟؟
نور : لااااا ويوووووووووو
علاوي : مو من قلبش ويوووووووو ..
نور : انزين مو تنسى الجالكسي باجر ..
علاوي : بل بل علييييييييييش اقول انا مو مكلمتني مني والطريق .. اكيد وراها شي .. تعرف اتغير السالفة بعد .. هههه
نور : ههههههههه كيفي .. نسيت ان انت الي قايل ليي بجيب ليش ..
علاوي : لا ما نسيت .. جم نورعندنا احنا ..
نور : يا حبك الى المجاملات ..
علاوي : افااا علاوي يجامل ..
نور في خاطرها والله ما ينعرف مجاملتك من صدقك .. يا علاوي .. اااااااه لو تحس فيني الى يوم واحد بس ..
علاوي : ويش فيش ساكتة .. تكلمين منووو غيري هااا ..
نور : ما اكلم احد .. ما عندي غيرك اون لاين ..
علاوي : ادري ادري بس انا الي عندش في الايميل كله ..
نور : هههههههههه مالت .. لا عندي واااجد
علاوي : حتىى لو مليوون بس انا اهم واحد فيهم ..
نور : خخخخخخخخخ .. خليتني اضحك واني ما ابغي اضحك ..
علاوي : ماااااااااااااااالت .. برررررررررب انزين ..
مر جم يوووم .. ما دشت الي ضافت علاوي .. وعلاوي .. كل مرة يفتح المسنجر .. ويقول ليش ما دشت .. يمكن مشغووولة .. او ماتبغي اتكلمني خلااااص .. ويش عليي انا منها .. دشت ولا ما دشت . وانا وش فيني مهتم لسالفتها .. خلهااا تولي .. انا مهتم لان ابغي اعرف من وخلااااص .. بس لا يكون صار الي قال عنه محمدووو .. لا أي حب وهرار .. اصلا انا مستحييييييييييل احب .. يحبوني بس ما احب .. لو شنووو يصير ..
انزين تبون تعرفون وش يصيييييييير لما ادش الفتاه المجهولة ع علاوي .. وش تقول ليه ؟؟
كل هذا في البارت الي بعده .. وش بيكون موقف علاوي .. من كلامها اليه .. وش بيصير في نور يوم تسمع الخبر الي بيقوله اليها علاوي ..
ان شاء الله يعجبكم ..
قصة بحرانية (منقوله)
رد مع اقتباس
هلا هلا هلا قصه بحرااانيه.. وياعيني لهجتها مثلنا قريبه للقطيفي.. 
المفضلات