تعبت يا ليل من طول السهر تعبت ابكي اصياح وانياح
تعبت أندب حظ عــاثر تسكـنه اجراحي و لــرماح
تعبت أبكي على حب في حياتي انتهى وراح
تعبت من قسوة زماني ومن حبيب(ن) ودعني وكله اجراح
يندبني ويندب عمره الي مع غيري صار كله ندم واصياح
وش بلاك ياوقت صرت قاسي وبفرقى الحبابيب عندك لذة السفاح
أحمل ألامي وأدور على حلم الامل يمكن ألاقي المفتاح
وبلحظة تذكرت اني نسيته مع اللي راح ولوح لي وكله اجراح
تعبت منك يا ليل السهر تعبت منك يا ليل من حياتي ماانت منزاح
اختفت بسمات الأمل وصرت وحدي معك فاقده روح المحبه والأفراح
ضحيه والسبب ناسك ضحيه والسبب مجهول وسط أهلك وانت تملك المفتاح
آآآه ياليل السهر ما أطولك وانت مع قصتي تسامر عاشق بحزنه محتاس وملتاح
وده يضم محبوبه ويخبره عن كل لهفة شوق صارت بقلبه خناجر ورماح
آآآه يامحبوبي عذبتني يوم اظهرت انك بالف خير ومع غيري عايش(ن) مرتاح
ياحبيبي قلبي معك حاول يخفي شعوره لكنه بعد عقدك امتلى اجراح
صابر والصبر في يومه زاده ودموعه على خده يحاول يضمد جرح لأرواح
مسكين محبوبي عايش وحلمه اندثر وأبت اسنينه تستوعب معنى لجراح
انا بعده صرت زهره فاقده الساقي فاقده الحب فاقده كل معاني الأفراح
قتلني عقده على غيري قتلني فقدت الغالي وكل شي من حياتنا راح
وش اندب فيك ياحظي وش اندب فيك يازماني وانا طير امكسر الجنحان
ودعني ولوح لي وقلبي مع قلبه امتلى ادموع وانتهينا قصة عنوانها اجراح
آآآآه ياليل السهر ماأطولك من بعد فقد شوفة الأحباب
تحيتي العطرة
حزن العمر
رد مع اقتباس
المفضلات